三小姐海鮮小菜

營業中

休息中

今日去大埔的慈山寺參觀後，便去位於大埔墟街市及熟食中心的三小姐海鮮小菜吃晚飯。我們大約5:15到達，侍應很客氣叫我們先坐一會，原來他們5:30才開始營業。侍應替我們點菜時很好笑容，這在一般街市的食肆是比較少見的，而且整體的服務和招待真的很好。椒鹽九肚魚 九肚魚很肥美，脆醬不厚而且炸得很香脆，加上炸得金黃色和香口的蒜蓉，真得做得不錯。籠仔糯米蒸膏蟹蟹雖然不太大但很新鮮，用籠仔蒸的糯米飯吸收了蒜蓉味，吃時再若加上九肚魚的金蒜更加好味。中式牛柳味道不錯，洋蔥很好食，可惜牛柳只是普普通通。椰皇燉奶燉奶很滑很好味，份量很足，兩個人也夠吃，甜度適中，還附上長柄不銹鋼匙羹可以把椰皇肉也吃光，真的很貼心。

當年食過好幾次覺得啲野食都吾錯，今日再黎，未食服務態度已經差到吾可以接受，話晒我係比錢嗰個，點解比錢要受氣，食物質素更加吾洗講，以後都吾會再黎👿附近仲有妹多選擇

星期六放假所以就新界遊，所以即興就去咗大埔墟街市熟食中心試搵野食，好耐之前都聽人講話'三小姐海鮮小菜'好得，所以今次就選咗呢間，我地三個人就叫咗三餸一湯同一個甜品，不過食完之後對呢間野真係超失望⋯我認為唔會有下次

今天專誠去大埔三小姐吃糯米蒸羔蟹，但出品比我預期中差，用的不是羔蟹，用了很多蒜蓉，糯米飯吃不到蟹的鮮味，祗吃到蒜頭味，非常失望！，如沒特別的話我不會再專程去幫襯！！！

今晚黎到熟食中心，好多位，就搵左"三小姐"坐低。睇下個餐牌，其實有啲價錢比一般酒樓更貴，但就唔駛加一同茶錢!叫左兩個餸。籠仔糯米蒸羔蟹$108，荷葉墊底，糯米飯好煙靭，仲有啲蝦米仔，幾夠味。羔蟹好細隻，有兩隻，但好鮮味，加晒分。個餸好特別，唔係度度有得食既~椒鹽鮮魷$88，一籃仔上，但份量都夠，脆皮好薄好脆好入味，魷魚亦好軟熟。因為唔夠冷氣，開好大好大風扇，吹到頭髮亂晒同有啲頭暈，啲餸都好快凍，食得唔舒適

星期六與家人五人一起吃晚飯，時間大約8時左右，食客也蠻多，找到空位子便坐下，父親大人叫菜，沒多久便上菜了^^第一道菜:粉絲什菜煲（除了粉絲比較多之外，沒什麼特別～)第二道菜:酥炸花枝丸(香脆小吃，配甜酸醬，但沒什麼花枝丸味道)第三道菜:籠仔糯米奄仔蟹(奄仔蟹不及上一次新鮮，專心吃糯米飯就是( 糯米飯好吃))第四道菜:金牌雞半隻(都算嫩滑，不錯!) 最後是美味醬烤骨，因為太飽，我沒有吃，不能評分整體味道算是中上，價錢較一般茶餐廳貴～

今晚是我狗狗的生日，所以我們決定去慶祝。不幸的是狗不得進入大埔墟街市及熟食中心，所以我們先帶狗狗回家。我們給狗狗一些青蛙腿便離開。我們選擇去三小姐海鮮小菜，因為我狗狗的名字是"四小姐"。我認為這就是命中主定的。這裡環境不錯，大廣告牌，易於識別。他們為我們提供免費的水，水美味，非常好飲，充滿了熱帶雨林味道。我們點了三個菜，因為它是"三"小姐海鮮小菜。如果是"二"小姐，我們就會點了兩個菜。因此，我建議改名為"百"小姐海鮮小菜。最好的菜是蟹籠仔蒸飯，飯不錯，但螃蟹小，可以接受。我們還叫了椒鹽九肚魚，炸得不錯，但同其他餐廳無分別。最差的是花酒話梅猪手，沒有酒的味道，但很甜，這一點我可以接受，但猪手毛茸茸，食到我咳。同D人講都無動宇充，真無意義。

我之前都冇聽過依一間嘅嘢食，係朋友帶我來我先知。不過之前都聽人講大埔墟街市樓上有好多嘢食，但係我其實自己本身少去街市熟食中心食嘢。 坐低嘅時候見到好多台食緊野，食得7788都有叫椰皇燉奶， 我估呢個菜式都係呢到嘅招牌菜之一。 我嘅朋友都有介紹我食， 呢到其他嘅餸菜就不過不失冇咩特別，但係講到依到個燉奶都算唔錯，很濃郁的椰香味，而且好香滑，份量很大，食落去好真材實料。奶和椰汁比例配合得非常之好。

六月中和家人去食飯，自己買海鮮去加工，兩隻大肉蟹，點知煮出黎冇左一個大蟹鉗，一隻大蟹變左一隻細既，同佢理論話減加工費$10，我一隻蟹都成百蚊，又唔係煮得特別好食⋯另外一碟豉椒聖子變左只有豉油味，唉，又貴又換走我d材料，總知冇下次！

住在大埔我想很多人也有到過大埔墟熟食中心的三小姐，我當然也有食過。雖然是在熟食中心但味道絕對比一般酒樓好吃得多尤其是椒鹽類、海鮮…三小姐只在晚市營業而且最好先打電話訂位如果星期五、六、日和假期七點walk in九成要等位。椒鹽類和炸類食物在這裡差不多是必點如椒鹽鲜魷、九肚魚、蝦等等都很好吃個人認為海鮮類尤其好吃炸得香脆，炸醬不厚椒鹽味香碟面灑滿炸香的蒜勁好食。海鮮也夠新鮮無論清蒸、油鹽水浸、炆等等也很好吃。較有特色的有籠仔蒸飯無論是膏蟹、蝦籠仔蒸飯也很好吃海鮮的鮮味精華全落到飯一開蓋已很香伴勻味起正冬天一定吃多兩碗。小炒也極夠火候無論是炒菜、肉類太多也超好吃。很多人叫的醬烤骨我個人就真的不太喜歡我每次去吃其他人有叫但我似終覺得不好食。甜品最多人叫的是椰皇蛋白燉奶我個人不太喜歡吃椰子味的任何食物但這裡的燉奶我也極為愛吃又香又滑因怕沽清所以多數點菜落單時會叫他們預留。

未試過2公婆係大埔搵飯食，見open rice呢度有六十幾個讚就決定試一試，叫咗3菜…豉椒炒聖子---唔新鮮又冇豉椒味啫啫通菜煲---炒得冇鑊氣兼水汪汪成煲水薑蔥炒蟹-----死蟹一碟超級失望😖😖😖

一早知道大埔街巿有好野食，亦都聽過三小姐呢間。踩完單車一行九人六點左右就到，咁早就係驚冇位。好彩真係早到，所以唔洗等就有位。開始叫兩個小食送下啤酒。一碟雞腳，一碟小抄皇。雞腳還可以，只係唔夠肥同唔夠大隻。碟小抄皇真係把幾火。Ｄ西芹係白灼，腰果係事後放上面，幾粒魚肉碎，係Ｄ蝦乾有味道。全碟真係不知所謂。叫佢個招牌雞。好似咬擦子膠一樣。椒鹽鮮尤。得一條尤魚蘇，其他都係Ｄ厚實實既肉。籠仔蒸蟹，隻蟹size同掌心差唔多。芝士蝦伊麵底。又係唔掂，Ｄ芝士後期餔上去再焗一焗，焗到Ｄ芝士熔熔地地就拎出黎。但係Ｄ麵仲係凍既。四隻蝦，又梅，個蝦頭黑晒。食到呢度已經冇咩心機。印象中仲叫多一個俾最後機會。結果都係唔得。好彩就係時間仲早，我地決定埋單，去過第二間再食。但係食晚餐食到轉場我都係第一次。下次請我都唔會去。

星期日6點左右早一點開餐晚飯，勝在唔洗等。 整體上廚房功夫唔錯，可能因價就貨既關係，食物質素有點不足。下次試下自攜海鮮，等廚房顯下功夫。 可提ㄧ下，炸花枝丸做得不錯，不過最後，整晚主角落左係兩個椰皇燉奶身上。甜度適中，應該係用椰皇水做既。溫溫暖暖的，用黎為ㄧ餐作結，完美加分。

住咁耐大埔都未試過呢間3小姐，今晚有時間又唔煮飯，就試下啦！見到個餐牌花多眼亂，兩個人都唔知食咩好，結果揀左最簡單既，紅燒豆腐同中式牛柳！個紅燒豆腐好好味，好軟滑，又有豆味！正！另外個中式牛柳，唔知點解，d洋蔥仲好食過D牛柳，唔錯，甜甜地，又唔 un, 推介！服務一流，係地道D，不過伙記反應好快，好好招呼……呢D叫、平、靚、正吖

因為預先訂左位，所以唔駛等就有位啦。本身聽聞三小姐食物份量都比熟食中心其他食肆多，但根據呢一餐，就似乎唔係個回事。個晚都成十個人一位，都叫左唔少野食，兼加左兩次單，都係啱啱好夠飽。特別講下最深刻印象個幾道菜，首先係我最欣賞嘅炸大腸，可能係因為平日好少食，所以零舍覺得新奇，大腸炸得好脆，但又部就得外面紅色脆個part，無左入面夠大腸，炸得比較散，但味道真係唔錯，表皮鬆脆，內裡又幾煙韌，唔會太鹹。另外，仲有肥牛粉絲煲，都係個個問題，量太少，一人一舊就無曬，但味道尚好，粉絲都唔會太淋，而且牛肉唔腥唔韌，好香蠔油個種鹹香味，熱辣辣用鍋上係幾滋味嘅!仲叫左兩碟唔同口呼嘅陳村粉，牛肉個個就會比較濃味，但我個人偏重口味，所以都接受到，另外個碟就係豬頸肉嘅，味道一樣偏濃，陳村粉吸曬D汁，會更加鹹。除此之外，仲點左咕嚕肉、黑椒牛仔骨等普遍小菜，味道不過不失。