影片
開飯介紹
主打粵式小炒，菜式豐富，適合與親朋戚友一同用餐。菜式新穎，擺碟精美，當中以冰鎮咕嚕肉、椒鹽豬扒最受食客歡迎。
繼續閱讀
營業時間
今日營業
11:30 - 16:00
17:30 - 23:30
星期一至日
11:30 - 16:00
17:30 - 23:30
公眾假期
11:30 - 16:00
17:30 - 23:30
以上資料只供參考, 請與餐廳確認詳情
有關獎賞計劃
係觀塘返左咁耐工，一直都唔知原來有間中菜館係咁好食我哋見到隔離枱啲小菜好吸引，就跟住嚟叫‼️真係全部都好食喎「竹炭黑磚豆腐」呢個黑磚豆腐外層比較厚實，好有脆感，就算咬開，啲脆脆都唔會跌落嚟，完全可以同嫩滑嘅豆腐融為一體，面頭有啲炸蒜作調味，令到味道唔會咁單調「冰鎮新鮮菠蘿咕嚕肉」每一檯都必叫嘅咕嚕肉，中間有個糖製雕塑，好有視覺藝術感有視覺享受之餘，仲有味覺享受‼️咕嚕肉炸衣非常薄脆，肉質係有彈性「脆皮風沙雞」風沙雞最重要係皮脆肉嫩，完全做足哂塊皮夠乾身香脆，無油膩感，隻雞仲好有雞味，應該係新鮮雞❤️「小河蝦蒜油小炒皇」呢個小炒皇一啲都唔普通，蒜油香令整體味道更上一層樓，當中仲有小河蝦、腰果、花生、魷魚，令到口感嘅層次倍增不過食小河蝦嘅時候要小心啲，蝦殼比較似刺口～
繼續閱讀
響觀塘區要品嘗好味嘅廣東小菜，「三小漁✨」絕對會有驚喜，每一道菜都食得出師傅嘅用心同功夫，絕對係值得推介嘅好地方！😋首先，一定要試吓佢哋嘅「竹嵗黑磚豆腐」🍢。外皮炸得香脆，入面嘅豆腐滑到不得了，仲有啲竹嵗嘅清香，食落去真係好有層次感，完全唔會覺得油膩！再嚟就係「蒜香牛油雞翼」🍗，呢個真係無得輸！雞翼外皮帶點金黃香脆，蒜香味同牛油味完美融合，食落去啖啖肉，真係停唔到口！😍「豬油渣野菜粉絲煲」🥘都係必點之一！豬油渣嘅香氣完全滲入粉絲同野菜入面，粉絲吸晒啲精華，食落去好滑好入味，野菜又夠爽脆，真係好有家嘅味道！「話梅骨」🍖都係好特別嘅一道菜，話梅嘅酸甜味完全滲入排骨入面，食落去酸酸甜甜，好開胃，排骨又煮得夠腍，真係好適合夏天食！仲有「啫啫爽肉白翠花」🥬真係好有鑊氣！白翠花炒得爽脆，肉片又夠嫩滑，啫啫聲咁上枱，熱辣辣咁食真好味。🔥最後甜品「宮廷棗皇糕」🍮，棗香味濃郁，糕身軟糯，食落去唔會太甜，作為飯後甜品真係一流！總括嚟講，「三小漁✨」嘅每一道菜都食得出師傅嘅心思同功夫，價錢又合理，絕對係觀塘區食廣東小菜嘅好選擇！👍😊
繼續閱讀
幾位朋友都推介此店，便來一試。試了幾款菜式（無抄低菜單上名稱）炸竹炭豆腐蠔餅辣泡雞腳金銀蛋時菜醬汁炆鴨鮮淮山蜆浸年糕冰鎮咕嚕肉糯米飯整體上味道都不錯，若份量再多點，更好特別推介竹炭炸豆腐，超滑嫩。醬汁炆鴨醬汁味道濃郁，送飯不錯。糯米飯味道偏淡
繼續閱讀
之前同fd食得多西餐同泰國菜，間唔中去食下粵菜都係唔錯既選擇。最近就去左觀塘既【三小漁】食晚飯。茶非常特別、可以選擇陳皮普洱、桂花烏龍等等。煙燻糖心蛋：蛋黃流心，煙燻味好香，帶少少甜味，口感好滑竹炭黑磚豆腐：外表黑麻麻，睇落好特別，豆腐好滑，竹炭雖然無味、但配埋避風塘蒜頭食，味道好夾。冰鎮新鮮菠蘿咕嚕肉：咕嚕肉外脆內嫩，酸甜適中，冰鎮左外面糖衣好脆。加埋新鮮菠蘿，酸酸甜甜、食落好清爽。豬油渣野菜粉絲煲：豬油渣香脆，野菜同粉絲吸晒啲豬油香，食落好惹味，煲仔熱辣辣，好暖胃。
繼續閱讀
呢日做孝順女，帶爸爸媽媽去觀塘食粵菜，呢間店同事之前食過，話好好食，於是嚟試吓！菜式果然出色，爸爸媽媽都好滿意，一定會再嚟幫襯。適逢新年期間，我哋叫咗新年套餐，抵食又好味。竹炭黑磚豆腐:呢個黑豆腐外皮夠晒脆，咬落去豆腐夠滑，上面嘅脆粒粒調味又夠，令人想一食再食。煙燻糖心蛋:糖心蛋流心啱啱好，去買煙燻嘅香氣，大家都爭住想食多隻。冰鎮新鮮菠蘿咕嚕肉:呢個餸賣相一流😍採用新鮮菠蘿，咕嚕肉經過冰鎮，又脆又有口感，成個餸酸酸甜甜，好開胃。金銀蛋浸豆苗:豆苗夠新鮮，浸埋金銀蛋湯同肉碎食，美味又健康。脆皮風沙雞:隻雞雞皮又香又脆，雞肉夠嫩滑，配埋上面嘅風沙脆粒，正！宮廷棗皇糕：呢個糕點蒸好熱辣辣送上，唔會太甜，煙靭度適中，養生有好味。
繼續閱讀
您可能會有興趣的...