65
25
6
| 餐廳: | 三德素食館 (佐敦薈) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
在佐敦港鐵站附近商場的素食餐廳，中午時段人流也蠻多的，等了一會才有位置。食物的品類很多，除了中式點心外，還有其他的中式小菜類。食物都很好食，特別是千絲蘿蔔酥，炸得非常香趣，餡料內有一絲絲的蘿蔔，鹹香鹹香的。店員不是很多，可能要等一下才能過來幫忙。每逢農曆初一和十五時會附送糖水，不過數量有限，當我們問店員時已經送完了。
繼續閱讀
今次陪屋企人嚟食素食，第一次嚟三德食，星期六晚無訂位一上到嚟見到full house，等左1-2分鐘有得入。款式好多，上菜速度都幾快，揀左以下幾款：招牌齋鹵味拼盤好大碟，味道唔錯，有素鵝、素雞、素鮑魚、咖喱齋、酸齋、豉油齋，好豐富崧子五柳素黃魚口感豐富有層次，最外層係紫菜腐皮鮮腐竹粟米粥味道比較清淡，如果食晒其他餸最後先食佢會無乜味素漁香茄子豆腐味道正
繼續閱讀
冇去這間三德大概兩年。今次決定試返這間素食酒家。不去國內消費。留港消費支持本地飲食業。今次幫襯這間酒樓，比我兩年前食客少了很多。心想一定是香港人不想消費關係。但是當我食完這餐晏晝之後。我覺得係有原因的。因為我發覺這裏的食物質素真的下降了。特別是一些點心類的素食及甜品。燒賣及鹹水角難食。燒賣似蘿蔔糕的質地。好奇怪接受唔到。味道當然不好。鹹水角炸出嚟的皮非常之厚不鬆化及質地比較實硬。最後就是芒果布甸，真係唔好意思，我唔想這樣說，但是真係好難食。質地像大菜糕。沒有芒果布甸的香味，可說是冇乜味。芒果布甸內的鮮芒果亦沒有芒果味。這點非常奇怪。我喜愛食甜品，通常食芒果布甸點差我都食得晒。但是這次的芒果布甸我只食了一半我就放棄了。因為實在接受唔到。整體而言這間三德服務沒有差到的，多數的食物質素都大概都比以前的水準，降了少少。別是正話我講幾樣的食品就真係好差。我覺得依家做香港的食肆，一定要用心做，無論質素服務環境衛生及價錢都要好認真去處理去做到最好。如果唔係自己都唔爭氣，點樣叫香港人幫留返喺香港幫襯返你哋呢？
繼續閱讀
星期日中午茶非常多人，而且樓面人手嚴重不足，需要耐性等待落單、加水等。食物質素一向都屬中上。今次有叫炒飯、叉燒、點心。牛油果炒飯即炒，好食。點心都係熱辣辣上檯，菠菜餃最好食。而叉燒比較失色，其一失敗之處係淋左個汁上面，唔識形容乜味，怪怪地，其實可以唔落汁。而質感就未做到外面乾身有蜜糖甜甜地嘅質感。咬落去係似麵筋質地。在場比較多長輩、上年紀的顧客，似乎呢度係上一輩喜歡飲茶的地方。
繼續閱讀
今日相約了一個一年多沒見的朋友出來聚聚，朋友建議去到交通方便的佐敦三德素食館，飲杯茶、聊聊天。聽過三德很多年，久不久也會經過，去用餐還是第一次呢。週末時間未夠下午一點，餐廳大概七、八 成滿座，也有不少老友記在敘舊啊。千絲蘿蔔絲酥有三大件，夾起有一定的份量所以都幾重，微暖的酥餅有著微脆的外皮，裡面的蘿蔔絲餡塞得非常飽滿，調味得宜，喜歡食蘿蔔的可以一試，也難怪夾起來那麼有份量呢。碧綠素蝦腸粉的外皮不厚，裡面有素蝦以及翠肉瓜，味道偏淡，沾上豉油味道會豐富一點點。鮮竹四寶素雞扎裡面有素火腿、翠肉瓜和素雞、素鵝各一件。有點驚訝沒有一般可以食到的芋頭，反而是多使用製過的食材，感覺這款雞扎味道單一，建議可以調整一下裡面所使用的材料。菠菜水晶餃同樣是有飽滿的三件，裡面有滿滿的菠菜並加入一些芹菜增加味道。就這樣在茶樓跟朋友聊了兩小時，飲杯茶慢慢坐，茶水任飲；食物方面口味偏淡，我們點的東西也不覺太油膩，吃上去是舒服的。每人數十元在一個地方吃頓午餐聊聊天，也是不錯的選擇
繼續閱讀