65
25
5
| 餐廳: | 三德素食館 (佐敦薈) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
星期日中午茶非常多人，而且樓面人手嚴重不足，需要耐性等待落單、加水等。食物質素一向都屬中上。今次有叫炒飯、叉燒、點心。牛油果炒飯即炒，好食。點心都係熱辣辣上檯，菠菜餃最好食。而叉燒比較失色，其一失敗之處係淋左個汁上面，唔識形容乜味，怪怪地，其實可以唔落汁。而質感就未做到外面乾身有蜜糖甜甜地嘅質感。咬落去係似麵筋質地。在場比較多長輩、上年紀的顧客，似乎呢度係上一輩喜歡飲茶的地方。
繼續閱讀
今日相約了一個一年多沒見的朋友出來聚聚，朋友建議去到交通方便的佐敦三德素食館，飲杯茶、聊聊天。聽過三德很多年，久不久也會經過，去用餐還是第一次呢。週末時間未夠下午一點，餐廳大概七、八 成滿座，也有不少老友記在敘舊啊。千絲蘿蔔絲酥有三大件，夾起有一定的份量所以都幾重，微暖的酥餅有著微脆的外皮，裡面的蘿蔔絲餡塞得非常飽滿，調味得宜，喜歡食蘿蔔的可以一試，也難怪夾起來那麼有份量呢。碧綠素蝦腸粉的外皮不厚，裡面有素蝦以及翠肉瓜，味道偏淡，沾上豉油味道會豐富一點點。鮮竹四寶素雞扎裡面有素火腿、翠肉瓜和素雞、素鵝各一件。有點驚訝沒有一般可以食到的芋頭，反而是多使用製過的食材，感覺這款雞扎味道單一，建議可以調整一下裡面所使用的材料。菠菜水晶餃同樣是有飽滿的三件，裡面有滿滿的菠菜並加入一些芹菜增加味道。就這樣在茶樓跟朋友聊了兩小時，飲杯茶慢慢坐，茶水任飲；食物方面口味偏淡，我們點的東西也不覺太油膩，吃上去是舒服的。每人數十元在一個地方吃頓午餐聊聊天，也是不錯的選擇
繼續閱讀
講起素心點心，除咗最出名果幾間外，真漢子記得有素友提過三德素食館都有喎，今日就去試下先。😎餐廳環境比較舊式，服務嘅姐姐年紀都比較大，顧客都以長者為主，所以有啲懷舊嘅情懷。响而家咩都講裝修同打卡嘅潮流下，感覺唔扮嘢幾舒服。☺️打開茶壺，好難得竟然仲係用茶葉而非茶包，讚。👍🏻真漢子今次點咗：🧁素三鬆三菇燒賣 $26同一般齋鋪嘅燒賣一樣，都係好大粒同咬落爛融融，但唔係貶義，因為佢算係呢幾款點心最好味果款，仲要係最平嘅添，好抵食。👏🏻🥟 鮮露筍素蝦餃皇 $33比較失望，食落冇蝦餃感覺，唔鮮味，甚至比酒樓嘅雜菌素餃還要普通。🥲🌯 鮮竹四寶素雞扎 $28四寶之中有兩款都係豆製品，食落好重複咁。其餘兩寶係素火腿同翠玉瓜。通常雞扎都係好鮮味，但這度嘅雞扎，或者普遍點心都比較清淡，都唔係壞事嚟嘅，起碼冇味精。😉🐥 紫米三菇珍珠雞 $28珍珠雞幾乾身，尤其用咗紫米感覺更健康，整體似食緊粽。都係比較清淡嘅，但佢哋嘅辣椒油本身唔太辣之餘，仲帶少少咸（類似豆瓣醬？），所以點珍珠雞食就啱啱好。😄呢度嘅點心外形唔精緻，但味道 okay，最神奇嘅係雖然係素食，但蝦餃同燒賣好似傳統點心咁食到細細粒嘅肥豬肉，非常神奇。🤨值得一讚係啲阿姐好親切，見到我用相機影相好好奇，問我啲相影出嚟咪好靚囉？我答話都要返去睇下先知，心裡面諗：睇吓好唔好彩啦。😂
繼續閱讀
昨晚同一位愛素食的朋友, 去了佐敦三德素食館吃晚飯, 餐廳座位闊落, 但燈光較暗, 因不是齋期, 客人不太多. 素食款式很多, 有小食點心, 小炒, 套餐. 價錢和普通粵菜差不多. 我們本想吃齋滷味, 只有拼盤份量也只得一種, (沒有分大細碟), 感覺太多只有放棄. 結果點了 炸五柳仙班, 以為是班塊, 原來送上一條芋頭魚, 加一碟五柳酸甜汁,芋頭魚 厚厚的芋頭蓉及外面炸粉, 有點兒太油膩. 幸好配上味道酸酸甜甜的醬汁, 也很醒胃. 羅漢齋炒麵, 配上紅醋. 材料豐富, 有冬菇, 炸腐竹, 紅蘿蔔, 筍片, 雲耳, 鮮菇, 粟米仔, 菜心等. 煮得不會太稔, 食落頗有口感, 芡汁打得又夠薄, 炒麵炒得脆口, 沾些紅醋, 口感不錯.近排過年吃肥膩的粵菜和西餐頗多, 吃些素菜會比較健康, 對身體也好. 埋單時, 餐廳 送上 兩碗紅豆沙糖水, 少甜. 吃素菜比較經濟.
繼續閱讀
同埋兩個朋友響佐敦嗰頭搵地方食飯，兩個朋友都話想食素，結果係佢哋帶我去食飯。淨係話俾我聽個湯好好飲，環境普普通通，去到嘅時候覺得同佢形容都差唔多，環境就係啲傳統嘅食素餐廳。叫咗一個套餐包括一條芋頭魚，一碟素食，同埋加錢轉左一碗燉湯，碗湯真係冇講錯，好好味，估唔到素食嘅湯都可以煲得咁好味，兩碟餸亦都味道唔錯，只不過碗湯嘅印象真係比較深。仲有個鑊仔XO醬翠玉瓜雜菌，味道方面不過不失，都算可以嘅。仲有一個草莓沙律汁半淮山角，呢個亦都算整得幾好味，仲要係酸酸甜甜加脆口，所以都食到唔停得口。最後仲有個紅豆沙做甜品，個人覺得幾啱口味，唔會太稀唔會太杰，亦都唔會太甜。
繼續閱讀