三木日本料理 (已結業)

我地買了團購去食物普遍可以，服務員勤快不過有點攪笑就是刺身同壽司真的很想同大家分享我們三個人點了一張刺身上檯時刺身勁滿，滿到一落檯就跌了兩隻甜蝦在檯，老實說呢個刺身碗實在太細了，容納吾到更影響美觀相反第二叫了少少刺身，點知就比了個超大碗，冰上面得果六片刺身另外最攪笑叫的壽司，我同朋友各自叫，真的奇怪每件壽司都是放在一個超級大木板之後又再叫壽司，我同朋友估吾到亦都係如此，一個大木板一粒壽司，十二件壽司共十二塊大木板看看附近客人的檯面，原來都係咁問經理只是回應有壽司碟的再問結果都口啞啞了我食過吾少放題通常日本料理十分注重賣相，特別刺身壽司，這理連基本賣相及餐具都吾識吾係老作你睇睇D賣相就知其實食物同服務可以比好評不過吾講啦去片睇啦

同朋友行街, 諗緊晚飯落腳點, 一個想食壽司, 另一個想食串燒, 我就好肚餓, 想食多D, HAHA, 去到呢一刻, 我話唔好爭, 不如食放題啦! 大家一致讚好, 就去左三木, 尖沙咀K11呢個位置, 實在太方便了我地坐低左, 梗係狂寫ORDER紙啦! 我通常先嚟個沙律, 開開個胃先, 呢個番茄沙律正好,見到呢盤刺身就知我地瘋狂啦! 放題最好, 就係我地每樣款式都可以叫一D, 啱食再叫, 呢度的刺身夠鮮甜喎! 甜蝦比市面仲要大隻, 正呀!壽司都幾吸引, 諗住叫幾件頂下肚, 點知真係幾好食, 全部都係一口壽司, 唔會好大件個人最歡喜呢個黑松露油甘魚壽司, 松露香, 油甘魚滑, 一流另外場內設置三個凍櫃, 飲品都算多選擇, 都有十幾款架, 每款一罐都飲到飽了, HAHA到另一個朋友的FAVOURITE, 串燒, 燒蝦好大隻, 夠彈牙, 有淡淡的蝦味料理夠精緻, 金菇牛肉卷同牛粒都幾惹味炸物又點少得呢? 天婦羅一絕, 乾身, 唔油, 有水準, 芝麻雞翼同芋頭丸是必食唔夠飽仲可以有飯同烏冬, 我地叫左牛肉烏冬, 上枱買相十分靚仔, 讚甜品有盤栽木糠布丁同焦糖燉蛋, 布丁奶味濃, 好奶之人實鍾意

今晚老婆扔低我同阿仔兩個人，諗諗下可以帶阿仔去食放題喎！所以就去咗附近呢間試下！估唔到有驚喜，D刺身好新鮮，都算多款式，比較喜歡帶子，鮮甜美味！阿仔見到呢盆刺身拼盤簡直雙眼發光😂我叫阿仔唔好order咁多壽司，費事食到飽晒食唔到其他野，但原來D壽司細細件，可以叫多幾款都唔怕👍🏻👍🏻👍🏻小朋友最鍾意食日式茶碗蒸，滑do do，入面有蝦、冬菇及蟹柳，不錯！天婦羅熱辣辣，點埋醬汁一流😋芝麻雞翼好惹味👍🏻👍🏻不過略嫌過咗火少少，燶左DD！燒物，牛舌香口，蝦普通，雞翼燒得不錯，但覺得不及芝麻雞翼好味，豚肉腸普通金菇肥牛卷及牛柳粒賣相已經爆燈，睇落都知道好食😋😋枝豆，上面有少少鹽粒，好正阿仔仲食咗木糠布甸，佢話好好味！我自己就冇叫到，因為已經食到超飽食唔落😆

今日係尖沙咀行完k11，突然好想食放題，上openrice睇睇，就係對面有呢一間，所以就上嚟試一試門口招牌，可能星期日晚關係，人唔多，唔需要排隊就有位，食物種類豐富，好多選擇。放題一開始，一定係刺身行先，刺身款式中規中矩，有八九種嘅選擇，尚算新鮮一口和牛，食牛算ok，羊架，個樣怪怪地，食落就冇so味，厚切牛舌推介，呢個好食椒鹽雞中亦，普普通通吉列廣島蠔，呢個值得再食，炸得好香口，內軟外脆。天婦羅炸蝦，多春魚，其實仲有好多選擇不過我只係食呢兩樣，炸蝦係好食好多。飲品同雪糕都係任飲任食，大胃王嘅你一定會食到好飽咁走，絕對值得再試一次

之前來過一次，懷念呢度嘅美味，所以今次帶老婆來試下，因為老婆都好鍾意食日本野，所以今次一於帶佢來試吓。。。。😚今次掛住食嘅關係，第一轉都吾記得影相，呢個已經系追加單，甜蝦是最愛，所以追加都只係叫佢，鮮甜，美味，鍾意食嘅就可以叫多幾次溫泉蛋，普普通通可以一試🙂海膽軍艦同海膽手卷，大大份，必食推介食物種類非常之多選擇，其實我仲有叫到吉列廣島蠔，蒜香和牛粒，壽喜煱，蟹粥，因為掛住食嘅關係，全部都忘記影相，不過呢間再次來臨，絕對可以值得再推介

是次受到邀請一起去吃放題十幾人一起去吃放題其實真的幾開心的~~放題好處是點了想吃的就會自動送過來等的時候可以好好的聊天到了又可以繼續吃和聊天根本是懶人餐wwwwww這家放題，環境簡單但很乾淨空間感也不錯，不會太焗束抽風系統也可以，室內不會味道很重吃放題，少不了刺身新鮮的，吃到口裡是可以放心的味道不過因為我不太能吃生的東西，所以沒吃太多一台都是點好的食物XXD自問自己戰鬥力一般般，不過看到大家吃得這麼多真心很羨慕XP這裡還有磯燒海鮮~選擇也是比較常見的款式，大蝦、鮑魚、帶子.......不過很可能，我又麻麻地海鮮XD所有只吃了其中2款就算了~即開即燒，十分新鮮的~推薦喜歡磯燒海鮮的朋友=]全場最好吃的，我覺得是茶碗蒸XDDD我比較喜歡吃平民的東西但真心很好吃的！

前排同老婆行街行到去尖東 諗起食晚飯 諗起三木中日料理個放題幾好食咁就同佢去食吓 可能因為係行日上到去唔算太多人咁我哋就咁walk-in都有位坐 原來發現佢哋多咗個磯燒 海鮮 不過我老婆唔係鍾意食燒海鮮咁我就冇叫到 我哋就咁食普通日式放題啲嘢 來到我首先叫咗個 茶碗蒸同埋溫泉蛋因為我好鍾意食 然後我哋都仲叫咗啲沙律啲菜都好新鮮味道ok呀刺身方面由於我唔鍾意食 三文魚所以冇叫到咁其他啲貝類呀刺身都好好食 然後我哋又嗌咗左口魚裙邊壽司又叫咗帶子壽司牡丹蝦壽司 都幾鮮甜唔錯 另外佢有個炒蜆係幾好食㗎辣辣哋咁嘅嘢味 呢度仲有海膽嘅軍艦捲任叫正呀 落飲品呢就我影咗幅相畀你哋睇啦有咁多款囉 個天婦羅蝦都夠脆唔係淨係分囉都食到有蝦肉味好味好味 厚燒牛舌同埋個牛柳粒都好正啲牛肉味道好出 就係咁食餐飯雖然係放題不過我哋一個鐘左右就食完啦因為真係好飽

好吃放題。週末一家來到三木吃晚餐。很想分享一下呢間日式放題，事實上食物的出品真是幾好，特別是鹽燒及炙物，火候啱啱好，鹽燒大蝦係我地至愛，返單三次。壽司細細件更窩心，牡丹蝦同火炙三文魚腩都係大大件包住小小飯團。刺身不厚，不過不失。甜品味道清淡，但是盛載器皿很精緻。座位很舒適，另外還有磯燒也很好👍👍，值得推薦俾大家，亦都會約三五好友再來吃的。電梯服務很悠閒，有三部算是幾大嘅Lift,所以唔使排大隊，大概是地點稍微有點偏僻，所以唔迫。

刺身都算新鮮，第一輪刺身（三文魚）好厚，但再叫第二輪就打回原形（薄片），服務一般，唯一飲品選擇多，雖然點菜薄夠厚，但款式唔多，待應見我們落order就同我地講，因為二人前來，件數建議不用寫太多，怕浪費，令願我們食少少，再寫紙（本人覺得唔環保）浪費紙張！上菜唔算快，所以感到唔似食了很多款式便夠鐘了！ 慶幸在open rice 訂位才有第二位半價優惠，如沒有此優惠感到不值得，結單沒有減回第二位半價，經過一輪才退回給我！

朋友對我說，他的家姐常常來這裡食飯， 覺得這裏的食物很好又便宜，所以約我來這裡試試。果然，我在一個月內來了“三木“兩次， 綜合了兩次的體驗，我發覺餐廳的待客及服務質素很不穩定。 第一次來到的時候，侍應不會向你主動介紹放題的細節及價錢。 傻更更的我們在枱上發現了一本厚厚的餐單簿後，隨即打開 把十張不同顏色的餐單紙抽出來，然後用鉛筆把想吃的食物逐一圈出來交給侍應。 所叫的食物除了刺身壽司及前菜外，還有熱葷包括燒物炸物 ，天婦羅，鍋類，鐵板燒及甜品等等。 由於叫了一個辣蠔鍋，侍應隨即擺設了一個磯燒爐在我們的枱面上。雖然我們在晚上八時半後才入坐，所點的冷盤及熱葷等食物大部分都有送來。然而，我們又發現枱上有多一張分開放的食物order紙，呢張係磯燒海鮮類。見到紙上有大蜆，虎蝦，青口，多春魚，蟶子，南瓜及菠蘿等等，既然有個磯燒爐在枱面，我們又圈了一些食物。不過很多磯燒食材都短缺，重複寫了多次都未有送來虎蝦及大蜆等。加上周邊很多食客都在磯燒，空氣極不流通，要間中走到餐廳外唞唞氣，或去到雪櫃自由拿取飲品及雪糕。餐廳廚房及侍應也繁忙，找他們幫忙落單跟單或拾枱速度緩慢。尤其是他們送來甜品時沒有提供小匙羹，

放工去咗尖沙咀行街,行到攰又去咗國際商業信貸銀行大廈搵好嘢食.老公想食日本嘢,而我就唔係好食生嘢嘅,咁放題就啱曬喇! 刺身我就冇影相啦,因為我都唔鍾意食嘅. 所以我就特別推介佢嘅熟食真係好多款. 有超多款沙律,呢個柚子沙律D柚子超級甜. 著燒牡丹蝦同左口魚裙邊超級好食超級新鮮. 天婦羅方便就算不過不失啦唔係好夠脆囉. 軍艦壽司D料好新鮮,塊紫菜皮就唔麻麻哋啦. 炸物方便其實款式有好多嘅但係呢我食唔落喇就叫咗兩款,味道都唔錯嘅 燒物方面簡直係一流,啲牛肉全部好有肉味. 最後當然唔少得係甜品啦.極力推介呢個木糠布甸同埋呢個焦糖燉蛋.

好耐之前已經光顧過，印象都唔差，但見到咁多負評，不如自己證實一下，果然，比以前更好，服務態度又好，而家加左磯燒海鮮，比以前更加豐富，更抵食壽司飯之大小，非常適中，不會食飽你刺身新鮮多款式，甜蝦非常鮮甜，帆立貝夠鮮甜厚肉有囗感呢個焗三文魚柳，係order冇嘅，經理送的一絕磯燒海鮮冇得頂尤其要表揚現場經理，自稱根本英俊，服務態度非常好小小漏單，但可接受，樓面員工都跟得好足，值得一讚係尖沙咀二百零蚊有咁嘅水準覺得超值下星期再嚟食

其實我想說~我一般食完都唔會去寫d咩評語~但係今次真係差到有少少唔多順氣~先唔講佢地方黑同有曱甴~真係冇諗過去食放題唔係食飽~係飲野飲飽~頭一轉order~45mins都唔齊~唔計漏單~開個磯燒~45mins吹左4次都仲未有~~任食的磯燒虎蝦~第一ROUND就係虎蝦~其後就係普通基圍蝦~~我叫第二ROUND的刺身~都等左0.5hr~~~佢一d都唔係平~lunch唔連磯燒~星期日都要$186/位~仲要係團購~我响附近果幾間都唔洗呢個價~~所以真係食到唔順氣~

比過去幾年, 食物不能同昔日相比。店鋪依舊, 食物每况愈下。又ㄧ間消失的日式放题店。不如將樓下火煱结束, 集中救忘。可能還有生机。市场選擇多了,不進则退。 磯燒可能是唯ㄧ亮点

一定要試吾食會後悔平日人吾算太多 我book 左七半一行八個人都食到包包地理位置方便系k 11 對面一班人一齊聚會都適合上食物超快又夠熱。磯燒海鮮冇得輸一定會再叫，元貝同鮑魚