三木日本料理 (已結業)

三木, 兩年前食過放題, 當時覺得佢D野都唔錯, 有心機做。兩年後, 再返黎食, 可以用四個字來形容, 一敗塗地。首先講佢服務質素, 我本來當晚訂左位7點半, 但去到門口姐姐話無我booking。咁我就好好聲氣咁講話我真係打黎訂左位, 但姐姐態度就唔好囉, 話咩「先生, 其實無訂位我真係幫你唔到囉」。正當我谷鬼氣想走人之際, 就有個經理過黎問左個門口姐姐幾句, 然後就同我講話俾少少時間佢, 佢可以睇睇有無台。咁我見個經理態度都好, 而朋友又廢事再周圍搵野食, 於是就等。唔洗5分鐘後, 經理就請我入去坐。由於係放題, 一坐低我朋友就狂剔野食啦。但班侍應就好鬼忙, 我地揮哂手都無人理咁。最後又係個經理黎幫我落單。之後一黎, D野食望落去都唔錯wor~金玉其外, 今日終於明白呢個詞語。由於我同朋友喜歡食海膽, 於是狂叫有海膽的壽司。咁海膽壽司都可以, 過得去, 起碼唔苦。但D蟹肉蟹膏同埋芥辣八爪魚壽司真係災難。蟹肉淡而無味, 仲有少少暖的感覺, 而蟹膏就苦苦地, 有少少似變壞咁, 食左一舊都無再食。至於芥辣八爪魚壽司, 我覺得係奇怪的味.....好唔開胃。其他壽司, 都係好普通, 黑松露無松

奉獻出我人生的第一個食評。假放題，真搵笨差到要寫食評，渣到冇人有，以後都唔會幫襯。食團購午餐＄108再加＄68服務費。一坐低就點刺身，點知好多野都冇嘅，另外，喳喳弟弟比少啲，例如你點20份，佢俾得10份，又或者你點左五樣嘢佢俾得兩樣嘢你，仲有最重要的事，其實根本唔可以叫做放題，根本就係限量團購，仲有啲所謂M7和牛，都係限量嘅，會話俾你聽，今日啲貨冇晒啦，而且又唔係特別好食。咁嘅價錢，我寧願加多一佰幾十蚊，去酒店食個自助午餐好過。打死都唔會再幫襯

係yahoo用＄116就可以購買放題5:30-7:30pm section, 所以就決定試吓！不過去到仲要每人再加＄78，如果想要海鮮拼盤for燒烤就每人加多$38！計計埋埋其實都唔算特別平。呢度位置都幾闊落，五點半去到其實冇乜人不過啲侍應好似成日喺度發夢咁，我同屋企人去都屋企左係度等佢哋過嚟俾我哋等左差唔多成5分鐘，等到屋企人都有少少燥，但其實佢哋有冇咩做只不過企左喺度。你哋海鮮拼盤每人＄38就可以加，每人at least會有一隻鮑魚, 再加兩款時令海產，今次食咗家有扇貝同埋大沙白。全部成個手掌咁大，鮑魚都唔細隻，我覺得可以加黎試下。呢個係厚切m7和牛，第一次漏單，再叫先到，但燒完之後其實好韌，一d都唔似和牛，仲有睇唔出佢既厚切。。。。刺身值得一讚就係佢有好大隻牡丹蝦，不過魚類都係比較薄同埋細塊，仲要每人每次淨係可以叫2片！所有嘢食都係！無論你寫幾多都係，好唔夠喉！甜品值得一讚係有心太軟，幾高質！一定要試下其他都一般。不過買既時候就話有磯燒龍蝦同美國石蠔，真係有d嬲，有種比人呃既感覺！

相隔2年幾再次黎食兩間而家仲做埋中式飯套餐一間鋪係做得黎既就唔洗搞甘野啦午市3小時放題用團購108蚊 去到比68蚊服務費其實點解要比68呢？就算用正價既加一都唔係呢個價啦要食燒物又要比38蚊一個 仲係自己燒感覺好屈機平日去全場得3台食但上菜勁慢選擇又唔多又成日都黎唔齊已經無得同之前相比囉呢間野無下次啦👎👎👎

用coupon畀咗錢仲要比76蚊服務費唔知有咩服務開頭冇為意要俾服務費，上到去要收兩個人嘅服務費，我都愕然，有感覺被騙。中伏無嘢食……款唔多唯一食物味道都可以火鍋要另外再加錢，已俾76蚊服務費，唔想再加錢，而且都係d普通料，興趣不大好彩唔係正貨……好食物多都劃晒冇得叫唔會再黎

價錢貴，食物低質，又唔收卡，有啲食物寫咗但都冇黎到漏單漏得太多，差啲有冇比到嗰個優惠減價我哋，個名唔知點解變咗三禾，唔推薦大家食， 平過佢嘅價錢有啲仲高質過佢，可以食其他

午市團購12-3點放題，叫左既得2/3有，蝦呀湯呀咩都唔齊。。。地下滑滑的，沒招呼沒介紹。。。店員少好難揾個人黎落單+冇禮貌。。。每樣食物同呢個<沙律>品質一樣

少時候時常來尖沙咀，現在巳很少，男友一齊重遊尖沙咀區，順便三木日本料理覓食。地點在觀塘，環境很美麗，擺設美美舒適。(炸物)七味雞軟骨、米子蝦卷、迷你咖啡角及日式餃子等，雞軟骨香脆，日式餃子醬爆，感覺不錯。(串燒)鹽燒雞中翼、鹽燒牛舌、鹽燒海蝦及有機燒菠蘿燒等，入口細滑，原來都不錯吧，女仔會比較愛，必要encore。(火炙壽司)火炙海鰻及火炙海膽虎蝦壽司，份量尚算ok，要加分，來了即時想食呀，足料好味，入味無比。(天婦羅) 炸得香口，不會油膩，幾好食，十分脆口，忍不住食多了。(甜品)芝麻雪糕、抽子雪糕、綠茶雪糕及紫薯雪糕，飯後甜品，好輕好軟滑。

同男朋友通常去銅鑼灣或者旺角食放題，今後早佢少少收工就諗住方便佢，上網睇下尖沙咀有邊間選擇啦！我地揀咗兩間諗住黎到睇下，點知另一間去到先知裝修，咁得返呢間，就試下佢啦！地點嚟講佢係勁方便，尖東站n2出口行前少少就到，正正k11隔離好易搵，樓下大大塊廣告牌！因為呢張係等緊男朋友諗住影比佢睇，所以亂影就算，我完全明白圖片只供參考，但身為一個女人，係比較容易相信呢d表面野，當我見到有磯燒海鮮，其實已經急不及待衝上去8:45pm上到去，企咗5分鐘先有staff過嚟理我地，我地就book 9:15pm，然後落去行個圈，當時果位staff就叫我地留底電話，夠鐘開始有枱入得就打比我地，留電話留枱係正常，但說好的有枱打比我地，最後9:20pm都未有電話，上到去有8成係吉枱又係咩一回事？仲有去到入座先知我最期待嘅磯燒海鮮*賣哂*，咁無辦法啦！其實成9點幾，都餓了，拿拿聲寫order紙啦，呢個時候我係覺得都好多食物選擇第一round，緊係張張都寫哂啦幾分鐘後，staff就話海膽賣哂，我又再失望一次，不過唔緊要，因為d刺身 壽司都到，其實都算新鮮，款式都算多，我地就快快食啦！隔多一陣，其他食物都開始到！分別

食開十五樓多次，現在搬到八樓今日五點半到，第二檯客人點了很多張單，最快刺身都要等十五分鐘，其他食物等好耐經理解釋打風所以厨房忙話比我地坐耐D，食飽先走打風我地食完嗱嗱林返屋企啦坐乜耐D，見到佢好聲好氣而樓上招呼我們多次態度誠懇而且見到附近的檯同我一樣係咁追我地都無謂難為佢點了花之戀，海膽軍艦同多種壽司等了個多小時，原來得幾件三文壽司其他全部都無五點半叫的天婦羅六點四十五分到七點多先到埋其他食物真係好好好想講粗口打風無貨無人手仲開門你地睇張相咁靜都要等咁耐兩年吾寫食評，條氣吾順要出聲見經理有誠意咁走出走入吾比負面 不過吾會再去

最近好hit燒海鮮。呢間就有任食放題，包任鮮海鮮（有啲海鮮無得任食）。另外再送個海鮮四寶。蟹殼，鮑魚，大元貝，虎蝦，聖子……第一次燒咁多種類，花多眼亂，唔知燒邊樣先 。😂又唔知燒幾耐先熟 😅😅燒既過程都有啲危險，因為啲蜆殼會爆。周圍彈。所以要好小心😱😱鮑魚，帶子都幾好味聖子同青口，就唔係好新鮮喇！最好味係燒菠蘿 😂😂刺身都多款既。黎第一批既賣相都幾靚。都新鮮。但之後再叫，就麻麻地了。其他炸物 都唔錯。都多選擇。值得一試既係，佢個黑松露忌廉湯。飲落去好重黑松露味，好好飲！飲左兩碗！ 😂😂

幾個朋友仔book左今晚去食，野飲任飲野食任食，點左魚生，有海膽點係真係估佢唔到既。有個鐵板俾我地煮肉食，點左些羊仔骨同一口和牛。魚生無特別，所以不多講。肉呢就.....得一塊板但有6個人，如果可以入面煮埋就不用浪費我們的時間！燒又要等時間，每次又唔可以燒咁多肉，燒果個真係燒到手都累，呢間野真係有商業頭腦，所有貴肉都要客人自己燒，但又限你兩個鐘，講真我食完好似無食過野咁！總之所有野都好一般，就算之後無人，都係食夠2hrs就要走。甜品細細份，食完真係覺得唔值呢個價！根本就係劣食！重有，我地無時間燒的肉，我見職員回收放返入雪櫃，所以大家真係去食的話記得要燒熟點！

價錢普通唔算平。裝飾尚可接受。刺身壽司質素中下，同Menu張相差9條街，隻大蝦刺身條條都有屎挑唔哂。手卷一放低即食，但塊紫菜已經林哂，好似食紙巾咁。好多放題餐廳都有燒物，呢間仲慳到要俾d生野你自己燒。然後寫紙落單都可以好混亂，冇叫嗰樣黎嗰樣，有叫嗰d又冇黎，黎左之後數量又差得遠。然後傳菜上菜的服務員做野求其，成碟壽司放係生肉附近，刺身又亂放烤爐旁邊，細碟野食直接偷放檯面角落，差d整跌。唯獨服務態度未算太惡劣。但未知係咪因為人手唔夠，出菜超慢，四十五分鐘先出到一樣野食。

之前食過lunch都幾抵，今次同班朋友食任食同加左錢食磯燒，大蝦有女仔手掌咁長。今次任食時食海膽終於冇怪感覺啦，重令我落幾次單～多數去任食既餐廳order海膽,食落去味覺同感覺都怪怪地。成餐食左咁多野都係記得海膽

係網上團購左 book左今日lunch食放題 時間由12點開始3點完結 今日前都有上網睇下相 真係覺得好吸引 所有就有期望喇 餐單上有好多種類 但令我無奈的是 都有幾多野係無貨嘅 例如 羊架 鯖魚 辣酒煮螺 等等.......真係唔多高興囉😑😕刺身類 有好多款式 例如:: 希靈魚 鮮鮑片 甜蝦 三文魚 帶子 吞拿魚 北寄貝 油甘魚等 賣相不錯 但味道真係一般 絕不稱上好好食 全部都係正常味道 希靈魚幾爽口👍🏽👍🏽三文魚 帶子 甜蝦 較令我失望 首先講下三文魚 味覺質感普通 但不是厚切而且不夠肥美 帶子都可以的 但不夠鮮甜 甜蝦真係好細隻但都係新鮮嘅 重點 刺身上枱嘅數目同我order嘅係唔一樣 除左無奈 我都唔知有咩好講了 刺身方面 我通常都會encore 但今次真係無..........天婦羅真係即叫即炸嘅 上枱時仲係好熱辣辣出煙嘅😅😅有蕃薯 南瓜 蝦 冬菇 小妹認為南瓜天婦羅最好味 南瓜好新鮮好甜 encore左兩次 正👍🏽👍🏽壽司方面 除左以上四舊 我仲點了花之戀 牡丹蝦壽司 但哩兩款完全係無上枱 係miss左囉😑😐味道方面真係不過不失 左口魚燒得幾好 不過如果燒耐少少 入口即溶