三河屋•尾張屋

營業中

休息中

前幾日一個人在紅磡想試試一些比較有特色的日式小店，來到這家之前聽朋友提過的餐廳，好像是由日本人親自打理的。餐廳雖然不大但是食物的選擇非常之多，我就選擇了這個比較便宜的日式炭燒雞扒飯。這個飯亦會附送一碗麵豉湯，但係湯非常鹹，昆布和豆腐也不多，有待改善。這個飯很簡單，只有雞扒、燒汁和飯。雞扒的味道挺好，真的有炭燒的感覺，亦有預先切好一片片，方便食用。整體來說雞扒、醬汁和飯這個配搭十分可口，份量也很合理，希望未來有機會試試這家的其他菜式。

其實食過幾次，不過我居然第一次試咖哩，咖哩有點點辣，送飯幾正，夏天食幾開胃，豬扒炸得唔錯，脆而唔會太乾，好味！其實佢其他野都唔錯，而且價錢唔貴，個人覺得，呢間日本料理係幾好既選擇！

之前都食過好多次尾張屋，嚟嚟去去都只係食下拉麵咁，一係就叫多個關東煮嘅蘿蔔。今次就嚟食下新嘢，茶漬飯！賣相都幾吸引，色彩繽紛，好似俾小朋友食嘅飯一樣，見到都覺得開心。之後個frd話佢似魚糧，諗諗下都幾似，不過都冇阻我食佢嘅心情。XD個湯好好飲，唔太咸，加埋明太子送飯啱啱好。第一次食明太子，都幾好味，有少少辣味。飯嘅份量對於男仔嚟講應該就啱啱好，但對於我呢啲港女就有啲太多😂 下次再去食嘅話應該會同個frd share 再叫個小食～

一間已經回頭吃過好多次的日本餐廳，好味抵食，又坐得舒服，值得一試。這間跟對面的三河屋是同一個老闆，講服務態度好會是尾張屋，三河屋的姐姐只顧玩手機，有客黎都唔係好理，而且又多人排隊，我通常都會去尾張屋食。尾張屋多數比三河屋至少人，而且座位都比較寬闊。

一直都有幫襯對面三河屋，知道兩間係同一老闆有時見對面無位，就會話過黎呢邊食，雖然兩間同老闆，但兩間店食品唔完全相同，今次試叫左個燒牛肉飯加章魚小丸子，燒牛肉飯好味，最鍾意係佢個汁，好快成碗飯就比我KO左😁章魚小丸子同平時一樣咁好食。題外話雖然兩間同老闆但呢邊服務好好多，唔知係咪因為日藉老闆係呢邊既關係🙄

平時真係好少去hunghom, 去親都係去飲或者睇演唱會, 特別多回憶難得有地方仲有咁多小店, 這是其中一間睇餐牌, 價錢十分合理, 而且老少咸宜的日本菜!衣度唔知點解會令我諗起london唐人街...以前最中意既一間日式咖喱店好有親切感...同老朋友一人點一個拉面, 再叫個三文魚刺身開心share諗住68蚊, 都係4-6塊咁上下啦(以連鎖sushi bar價錢), 點知, 係有貢多:好好味呀個魚腩位!!好少食到啲肥美既三文魚~~~~!!幸福拉面不過不失, 無預計佢係精品拉面, 係最普通個種, 份量同味道都剛剛好!

約了友人拎手信，好耐冇見了，友人介紹了紅磡有一家以鰻魚飯出名的店子，本身喜歡鰻魚，必試下了，到了明安街，見到有兩間店面及LOGO十分相似的店，三河屋及尾張屋，上網查看三河屋的老店，尾張屋是分店，我們揀了尾張屋。 是小小的店子，雖然裝修簡陋，但坐得幾舒服。 餐牌。 清清地的麵豉湯。 鰻魚飯，$88，好大件呢，肥厚的鰻魚，外皮少許脆，口感豐腴，味道香口，好味呀，飯因為加上了醬汁更好味。 可食到好味的鰻魚，仲要咁大件，好滿足的一餐呀。 紅磡明安街7號地下

是日八號風球, 尖子帶路, 帶了筆者前往尾張屋開餐. 週日晚上七時半到達, 沒有訂枱, 但剛好有一張吉枱, 可立即入座, yeah! 店內是家庭式的格局, 沒有什麼裝修可言. 看看menu, 選擇也頗多, 但筆者一早已鎖定目標, 就是吉列薯餅咖哩飯(HK$48), 尖子則要日本黑豚鍋定食(HK$78). 等了一會, 吉列薯餅咖哩飯終於送上. Wow, 賣相不錯. 試一口咖哩飯, 甜中帶點香辣, 但又不會過辣, 跟飯一起吃很不錯. 再試一口吉列薯餅, 外層也算炸得鬆化香脆, 內裏的薯仔蓉軟熟, 又有一點牛肉碎香, 沾上咖哩汁, 很是美味. 尖子的日本黑豚鍋定食, 聽說只是很一般, 湯底也鹹了一點. 笑臉是給吉列薯餅咖哩飯.

每次路過紅磡, 總會見到兩間懷舊日本餐廳, 外表舊舊的, 從玻璃門看進去, 店內沒什裝修但總會有幾枱客人.只是每次都有事, 未有為它停下步伐.這天休息, 終於立定決心要去看一下.看著門外殘破的裝修, 這店應該是屹立紅磡一段很長時間了吧.推門進去, 時間彷彿停留在八十年代左右.店內座位不多, 估計繁忙時間也只能接待20人左右. 不過日式小店, 一般也都這樣子的.點了兩個定食, 分別是帆立貝魚生飯和吉列豬扒定食.首先來的是帆立貝魚生飯, 飯的上面鋪滿了帆立貝, 上面蓋上了滿滿的魚子. 紅色的魚子與雪白的帆立貝, 相映成趣, 感覺很新鮮吸引.隨後再來吉列豬扒定食, 即叫即炸, 上桌的時候, 豬扒還冒著熱氣, 炸的相當鬆脆, 配以蛋沙律醬, 實在是伴飯佳品!想要試試舊日情懷日式小店, 可以來這嚐嚐呀!

收工近近地約左朋友去紅磡晚飯，仲記得以前讀書成日都會經過一間懷舊日本餐廳，無咩裝修但成日都好似好多人，唔貴但讀書年代又唔會去食。咁岩大家都想食熱野，就決定去尾張屋試下。可能係平日既關係，去到唔使等，可以即刻入去。座位唔多，只能容納大約25人。朋友介紹話呢到既忌廉汁好好味，我地就叫左個忌廉吉列豬扒飯。忌廉汁味道偏淡，質感唔算稠唔會太膩，豬扒炸得脆，但粉太多豬扒太薄。鰻魚飯係值得推介既，性價比高，鰻魚肉夠厚，魚唔多幼骨，個汁都唔錯又夠入味。總括黎講，鐘意食鰻魚既朋友絕對可以黎試下，比美得上係日本既鰻魚飯味道！其他食物就有待再嘗試✌🏻

又到每年一度的五月天演唱會，有幸買到票，還要是第十五行的票，再一次讓我體會到人脈的重要 知道紅磡火車站及置富都會的餐廳一定很難找到座位，於是我們走遠一點點，到了紅磡灣附近吃晚餐。大概6時30分來到尾張屋，店剛剛為晚市準備好，我們是第一枱客，坐著坐著，便陸續有其他客人進來，看似都是住在附近的街坊。小小的餐廳，大概十多個座位，但菜式的選擇還蠻多，有定食、鍋物、拉麵、烏冬、茶漬飯、燒物、小食等，價錢大都很相宜。友人點了$88的鰻魚飯，鰻魚飯沒有其他配菜，只有一件厚的鰻魚，實而不華。鰻魚的醬汁味道和稠度適中，味道不錯。我點了一份$48的咖喱吉列豬排飯，咖哩汁微辣的味道很好吃，而且醬汁份量剛剛好，拌著咖哩汁，讓我把飯都差光了 豬排沒有很大的一塊，但做得鬆軟嫩滑 另外點了一份銀鱈魚西京燒，魚肉很滑而且燒得頗香，不過$108一份就稍為貴了一點。吃飽後再慢慢走回紅館，準備與五月天一起瘋狂

先有三河屋太忙了開多間尾張屋。還加添了這個美味的燒黑䐁肉食極不厭.夏天一碟冷茄子作前菜，十分正。 很少在其他曰式歺㕔有得吃。 日式㗎喱有層次，味道不是只得甜味咁簡單。吃了十幾年的老店， 連曰本老細五十嵐都孌得做老朋友。

難得假日去欣賞演唱會，去之前可以有充裕的時間去吃一個晚餐。於是選擇離紅館不遠的尾張屋，即是三河屋的分店。本來我和朋友是等候三河屋的，但店員指示我們到對面的分店。第一次來，不能比較兩間的味道有沒有分別，從相片看來，食物是一樣的。我當然要點最有名的鰻魚飯，吃過名古屋的鰻魚飯，實在令我非常回味出色的鰻魚飯。當然香港的始終不能與日本的比較，但尾張屋的性價比還是超出預期的。飯比想像中大碗，是湯碗的份量！不止飯碗的少。而重點的鰻魚！是非常大的份量！非常肥美！肉質比較淋身，鰻魚肉都十分嫰滑，鰻魚汁十分惹味，整個連麵豉湯不用一百元，只要八十八元。

［日本風］睇演唱會前喺紅磡搵食，好想食咖哩飯，立即就想起《三河屋》，6點去到已經冇晒位了。店員叫我地去對面尾張屋啦，話係一樣架！見到招牌logo同style都同三河屋一樣，入到去，係幾個後生仔招呼我地。坐低諗都唔洗諗就叫左三河屋最出名嘅咖哩炸豬排飯同鰻魚飯！咖哩豬排飯仲跟個湯tim! 咖哩豬排飯先到，個吉烈面脆卜卜，啲汁多到好似湯咁係三河屋一貫嘅作風， 咁就可以每一啖飯都有香濃咖哩汁！三河屋嘅咖哩汁唔係一般日式咖哩咁甜，佢係甜咖哩得黎都有咖哩嘅微辛同咖哩香！岩晒好怕辣嘅朋友！過多一陣，鰻魚飯來了！條鰻魚肥美肉厚，唔會好多骨，呢個價錢真係物超所值。值得一提，可能比起飯市我地早左少少到，兩個人都比我地坐四人位，我地食到尾聲開始好多人，但店員都好好無趕我地走，呢樣嘢喺飲食界真係買少見少，你食慢少少都會令佢做少左生意咁架嘛！所以尾張屋係值得一讚嘅！

尾張屋小店的每樣食品都好味:尾張屋小店的每樣食品都好味，我們一家四口今天中午叫了三文魚飯、牛肉窩、燒銀雪魚、小圓子、一口芝士、還有鳥冬等美食，結賬每人一百元，非常經濟實惠！