三洋餐廳 (已結業)

星期六下午茶餐炸脾薯條炸脾: 賣相好似好掂，但係皮唔脆，重要差到係冧嘅。似燒脾多啲，而且細隻! 不過以三十幾蚊嚟講，算係正常size，所以冇嘢講. 但味道完全唔合板。 薯條:冧嘅，好似油浸咁，起碼唔係好似麥記咁， 瓊吓油先攞畀客。 完全唔掂， 冇人想再食。而且雞皮上面重要有炭焦。黑色嗰啲。炸魚炸魚反而好過炸脾畀好多。正常番啲，夠大塊。沙律沙律醬多到無倫。 擺到明係增肥套餐。唔想再食。奶茶奶茶冇影到，味道正常，冇驚喜。

三洋除咗係湯飯專門外，其實食小菜都係一個幾好的地方，晚上有些蒸魚或海鮮更是鮮美。聖誕節晚上，店內的員工都很溫馨的對客人道上聖誕快樂的祝福。豉汁涼瓜火腩白鱔煲，一看到這個就選了，無論味道和配料都正中我這晚的口味。師傅的工架就更能發揮這道的霸氣。汁料的平衡，肉的鑊氣，鱔的香口，完美。咸蛋肉餅，味道沒挑剔的地方，肉餡裡也有馬蹄加強了口感但挽回不了太碎散的豬肉餅。上湯娃娃菜，越喝越濃的魚香，配清甜的娃娃菜就正了。

今日去左中山公園做運動之後就去醫肚,由於都夜都唔太多選擇食咩見到邊度開門就入邊度食所以就入左三洋餐廳 有個湯飯,可以選擇2款主菜,加一個菜再可以選擇要白飯,米粉定米線我就選左黃鱔,田雞,蟲草花加個飯個湯就話不含味精鮮魚湯底個湯就真係好熱,不過都真係幾好飲既個黃鱔都真係幾好食,而田雞都OK既,蟲草花就正常既\佢仲準備左野俾我點D野黎食真係要慢慢食呀因為都真係幾熱,個湯滾架不過亦因為咁所以先好食,因為湯飯個湯真係要熱先好飲既

我們又再出現在西環了，最近的日子，都是每天每天都到西環。正在想，今天晚上食甚麼好呢？ 行著行著就見到有間「三洋」係前面。「三洋」我們見就見得多，但是就未食過，今次就撞下手神，睇一睇好不好味。當時夜晚8點幾，店內8成滿，都幾多人幫襯。客員好有禮貌，亦感覺到熱誠，難得見到一間工作環境好好的茶餐廳。咸魚馬蹄蒸肉餅 HKD 65.00個肉餅好大個，份量是其他茶餐廳的兩倍！這個肉餅的份量，配一碗飯真的少了點！因為肉餅有點偏鹹，要多吃兩口飯才行。飯的質素，我就不滿意了。因為好濕，肉餅有肉汁，再加上濕的飯，一般。餐湯是粟米紅蘿白豬骨湯，幾好飲！沙嗲牛肉麵 HKD 28.00這個麵不是出前一丁就有一點點的失色了。而且湯底比較清淡，整個麵不夠惹味！不過牛肉幾好味就是了。雖然整體的食物都有進步的空間，但是店員親切的服務態度要記一功。好少可見到茶餐廳的職員，除了手腳快，做事有效率外，臉上掛的都是笑容！又會同食客打成一片，在香港地真係買少見少了。

一早黎食早餐，叫左個好普通的沙爹牛麵，跟餐唔想要腸仔，姐話可以改餐肉，另外再叫阿姐改提子餐包做白方包，阿姐即比說話我聽，話我改晒d野，我心諗，你大可以同人講你個餐唔改得，既然改得就唔該請你做一個盡責的侍應。食物水準正常，無驚喜。沙爹醬不多不少，不過唔夠辣，因為服務差，見到塊方包已經唔想食，好在佢有塊簿切蕃茄同青瓜。環境屬正常菜餐廳，地面乾爽但有少量垃圾，餐桌尚算整潔，卡座較窄，對面兩母女坐得好逼。

今日在中山游泳池游完水🏊🏻‍♀️🏊🏻‍♀️就在那附近找地方補充一下能量。💪🏻💪🏻我地行咗一陣 🚶🏻‍♀️🚶🏻‍♀️見三洋餐廳有不同選擇的早餐 價錢都抵食 所以就入去試試。😋😋這裡不是很大 但都多客人 侍應都好多人5個左右 佢地動作手腳都好快 又會互相講下笑 氣氛都幾好😂😂我地叫咗2個早餐早餐A 及 早餐F 飲熱檸水及杏仁霜早餐A 鮑魚絲火餐通粉加炒蛋配提子餐包都幾大碗 通粉軟硬適中 蛋好滑又唔算少 仲有蕃茄青瓜配菜 幾有心思早餐F 蕃茄薯仔肉碎螺絲粉配奶醬厚多士好入味 螺絲粉好多好食 又有好多蕃茄薯仔肉碎 每口都有湯加配料 好味 多士好脆 又多奶 食完超滿足開心 飲品普通

尋日晏左食午飯，近近地走去三洋，叫左個湯飯食(魚腩+玉子豆腐)，菜選左人工蟲草，跟碗白飯。之前已經有朋友話過三洋d湯飯得，食完唔會口乾，又話三洋d湯飯魚湯係朝朝新鮮煲。雖然得一細碗飯跟一大碗魚湯覺得唔係好夠飯(如果你細食既就應該夠)。但味道真係唔錯，起碼食唔到有味精味，似雞加魚肉加冰糖。唔會太咸又有濃湯味。食完飲埋個湯都幾滿足。可能我成3點先食晏，可以一個人坐到卡位。叫到食都係5，6分鐘出到，暫時覺得呢間可以翻食。

吃宵夜時段,去咗三洋餐廳，叫左個賽螃蟹燴伊麵，初頭以為係純蛋白嚟嘅，點不知發現原來有好多海鮮，例如有蜆仔，有魷魚，有蝦仔，仲有菜肉瓜，用白汁尼會燴面個，口感咁既soft，鮮甜， 而海鮮都算不錯，咁都比我三扒兩撥就快食曬，價錢38蚊都幾公道

早上太肚餓，想早餐吃飽點叫左蕃茄薯仔肉碎一丁面餐，有奶油豬和餐飲 蕃茄面一流，蕃茄薯仔湯做湯底，湯好清甜帶少少酸，有肉碎更多層味道，一丁面不腍又入味，成碗連湯完成去 奶油豬外皮好香脆，熱辣辣好新鮮，加左煉奶和牛油，更突出奶油豬軟滑香甜的包心，非常正！

有時候蠻喜歡茶記夥計的率直，口花花，粗粗魯魯，卻給你一種熟悉感，像光顧了多年的熟客一樣。出色的茶記不多，價錢和食物質素成正比的，更是難上難。你可在餐牌上找到中西合璧，看不上眼？墻上貼的菜式更是令人眼花繚亂。價格不高，還包餐湯和餐飲。合掌瓜紅蘿蔔煲唐排例湯味道濃郁，沒有多加味精，喝完也沒有口乾或渴喉的情況。蝦醬豆卜蒸排骨 - $39份量超乎我想象，而且是即叫即蒸的，熱辣辣，大概等了十多分鐘。肉排嫩滑，真的吃到豬肉的味道，不是雪藏味。豆卜吸收了醬汁，更是惹味，值得推介。熱華田大概杯已經用了很久還是洗不乾淨，我點的華田能喝到檸檬的味道，怪怪的。這方面需要改善一下...

工作忙碌，晚上10點幾先有機會食飯，餓到肚都扁曬，最好更係一坐低有就有得食啦。  一坐低即刻睇睇晚餐ABC有咩食，唔洗比太多我選擇，最重要係快靚正，係餐牌度見到有個乜鳩香草炒豬頸肉，一睇就知開胃健脾送飯一流，開口落單，點知侍應話晚餐至到十點鐘，當時我心諗呢餐真係食屎啦！我已經餓到無力氣再睇有乜食😢  呢個moments 侍應即刻話問下廚房仲有冇得整，最後我就更係食到個豬頸肉啦。  呢篇食評並唔係想講間野有幾好食，而係想讚下佢比到我以前街坊茶餐廳嘅感覺，雖然我知三洋都係大集團，不過都要讚一讚佢！  你想知個餸好唔好食啊？我好老實答你，夜晚十點幾先食飯！你食屎都覺得好食啦😂😂  不過個豬頸肉真係幾野味幾香口，攞嚟送飯真係very good ，加埋杯凍奶茶真係不得了！

農曆新年期間, 有些食店關門, 剛剛途經這裡, 又想找個地方唞一唞, 食個多士飲杯野.剛好是下午茶時間, 要了一個茶餐, 一杯熱奶茶加一件奶油多, 好像是$25, 合理價錢奶茶夠熱, 呢個是好重要. 多士亦外脆內軟, 煉奶亦夠多, 哈哈這個是兒時常食的, 值得仿傚是店將多士切了4小件, 方便跟朋友分享

這店主打魚湯飯皇, 心想蒸魚應該不錯, 即管一試.點了 豉汁蒸倉魚 ~~  78元, 包白飯及例湯.先來一碗清紅蘿蔔豬骨中湯, 不好飲, 得個咸字.约等十五分鐘豉汁蒸倉魚上檯, 魚面有芫茜及葱白絲, 有熟油淋面, 怪怪地未見過咁整;豆豉不夠, 一粒粒未開透, 無紅椒絲 ;  魚不算大條, 約十至十一両重.食落果真豉汁味不夠濃, 反而被芫茜葱白味弄至味道不好.倉魚肉質不夠鮮味. 

三洋係個種有海鮮食既茶餐廳，食物質素高，價錢尚算合理，員工勤快，招呼有禮。最喜歡這𥚃的湯飯，料足味好，但有落味精。我的女兒則喜歡這𥚃的肥牛冬菇魚湯通粉，東菇又大又入味。這裡的豬肉丸吃得出是新鮮整的，並非工場機器做的那種。

Order 了淑盬肉排及勝爪雲耳肉片等待很快過、開開心心拿走，回到家打開，賣相不俗，很大份量，可惜，一口咬下肉排，很咸，又苦，非常油，無肉味雲耳勝瓜更大劑！肉片無味，勝瓜有部份苦左，竟然有碎骨！crazy!搞到最後食消化餅算。仲有,湯更係勁溝水，今次大失所望！