三津湯包

營業中

休息中

好耐都無食, 見佢有早餐套餐, 所以先去買個外賣 (之前試過覺得唔好食, 又唔抵).. 原來都係唔抵.  要個早餐 B. 熱豆漿.  點解豆漿唔滿 ?   如果以哩個價錢, 唔值.   唯一好食係隻蛋.

想寫食評好耐了……雖然唔係成日幫襯，但是由去年一開舖到現在嘅感想可以做少少總結。說實話，這個舖位已經轉過好幾手了，得知即將有新食店再開張，當初係幾有期待。記得開張嘅第一日，大鑼大鼓，甚至有舞獅，場面實在誇張，還有免費試食湯包一個。可惜雷聲大雨點小，試食嘅第一刻已決定以後不會幫襯買湯包。原因很簡單，就是湯包裏根本冇湯汁！有冇試過其他舖頭嘅湯包？就係有試過，人哋賣成10幾蚊一隻，但係真係明碼實價地有湯汁有質素，食完仲想再食。三津湯包啲包竟然冇湯汁，我完全無法理解點解可以這樣命名？還是有欺騙成份？不過，佢還有賣點心、蒸飯等，這些都不過不失，價錢算係實惠。我見最多人買嘅就係茶葉蛋，小籠包、粟米等都抵食。其他就不予置評。最後，曾經有一段好短嘅時間發現突然之間有賣兩餸飯，但這個時期真係短到唔知有冇一個月就突然間又冇得賣。簡直不倫不類，唔知佢嘅定位係乜嘢，好似好隨意地變更。至於服務方面，有時覺得佢哋都幾亂，效率麻麻哋，不過我覺得最緊要都係啲食物質素，呢樣如果都唔達標，其他唔使講。講真，賣包嘅舖頭唔少，例如包點先生、唐記包點等，質素都優勝，希望三津湯包努力少少，起碼符合自己嘅招牌，賣啲有湯汁嘅湯包。唔

買過2次，每次都夜晚11點幾買，食物還可以，女員工態度差比面色人睇，睇佢個款，好似係店舖管理人員，加上排隊唔知佢想點，明明排緊隊，另外有客冇排隊，比人插隊！真係冇下次，附近冇嘢食都唔會買！

買咗外賣鷄飯食, 唔夠熱, 鷄有 D 實.  同之前食唔同,  還有一次早上買早餐, 要乜無乜,.  其實, 打開門賣嘢時, 真係要準備好 D 食物比客人嚟買嘢, 好肯定唔會有下次.

其實佢一開業已經幫襯過好多次，食物不過不失，燒賣同小籠包唔錯，但係日頭同夜晚水準參差，由其是蒸飯。收銀，執外賣狀況混亂，等到人想走，1個人收完錢又要執外賣，好奇怪嘅安排。上次等得太耐，真係唔等走去買其他野食。今晚晚上又係咁，前面個客叫多幾個點心，後面就有排等，入面好多人，但係得1個收銀兼執單，好奇怪，我嗌左4，5次要咩點心，無人理，後面果幾條友唔知做乜，我係點不耐煩，然後另外有人插隊，唔知點解你地員工無視我，幫後來上前者，我話：我嚟先 ！真係火都嚟。蒸餃＋粉粿各$21，合共$42質素不理，員工不理，客人不理$42蚊要受氣，以後去返麥當勞算。

最近因為要係做運動前食少少嘢，所以叫左三津湯包店的饅頭，不過其實真係令我頗有失望。首先三津的饅頭係蒸櫃入面時係ok，但買完拎上手做樣唔係太吸引，一來偏細，二來睇落好似好柴咁，明明蒸好出嚟㗎嘛，雖然只係賣4蚊，我唔應該要求太高，但佢其實偏細個，同區其他蒸包店5-6蚊係兩倍size。但重點係我咬下第一口，覺得個饅頭質地乾爭爭，散修修幫我咁，難以嚼碎，好似因為喺冰櫃冰左好耐再蒸個種feel，整體口感並不好，其實饅頭本身好難難食。仲有另一個令我唔太滿意嘅地方係等叫餐時間，個時客人並不算太多，但就好慢先處理，仲要同時應付兩邊，無先後可言。

見這間連鎖店這麼有名，於是我試點了招牌湯包、春卷、燒賣和牛肉球。招牌湯包：$5 小小的一個，至少要點兩三個才夠飽，慘在肉非常少，自然也沒感受到多少肉汁，近乎全素的錯覺。吃後只有失望，求其一間廣式飽點都比它好吃，難怪開店的人潮現在盡散，門可羅雀。但能夠以包子風魔全國，估計是其他地區流行這種少肉少汁的一口小包子，只是不合廣東人的口味吧？春卷：不是咸口的豬肉春卷，而是甜口的罐頭水果沙津春卷，味道酸酸甜甜其實還不錯，不過有些人不吃甜春卷，所以特意說明一下。外皮炸得挺鬆脆，我用紙巾抹過上面的油，意外地沒有多少，紙巾抹完沒有變透明，只有零星幾滴，估計有事先墊過吸油紙處理。牛肉球：尺吋挺大，肉汁多，缺點是韭菜拌太多。可能不熟悉制作點心，三球之中有一球是苦的，並非變質的苦味，而是新手常犯錯誤，鹽沒拌勻或不小心切到牛膽邊料來拌，實在太難吃，唯有直接丟棄了。燒賣：正常的尺吋和味道。相比起又小又不特別好吃的小包子，我對這家的點心比較有興趣，可能以後也只會過來買點心，下次想試試翠苗蝦餃。幾位阿姨的服務非常禮貌熱情，值得一讚。

今天天氣又開始寒冷，諗住想食個暖暖嘅早餐，所以就去三津買早餐。點知來到，要乜包就冇乜包，得紅豆包，都算，咁要豆奶，又冇，之後叫左份蝦餃就算，嬲嬲地行番公司，坐低食早餐。。。。。頂，份蝦餃都係凍架囉！真係嬲到爆！以為都唔會去買囉！飲食推介，把鬼，餐牌上乜都冇嘅就唔好學人開舖啦！垃圾。

一試新蒲崗新開的中式包點店，少見的糯米燒賣$5很有份量，中間佈滿油香味重的糯米，糯米淋黏，餡料除了糯米還是糯米飯，沒有其他料，是特別，但味道及口感也一般。招牌三津湯包$5大小只有手掌心般大小。咬開後，爆出肉汁，包是軟熟，肉汁不太鹹，肉餡有肉味。另有現場即煎的生煎包等了10多分鐘的生煎包，撒上芝麻粒後，即將出爐，$10／ 兩件但沒有很大的驚喜，雖有金黃的包底，但不脆，是較硬。包整體像是未熟透，有點黏口，一pat pat 的口感。餡料和三津湯包一樣，多肉汁。另外一提，也有買到其叉燒包，$8大小比$5 的包大一點，包也是鬆軟，只是不太夠熱，因為她是放在保温櫃內，叉燒餡較少，叉燒肉不太吃到，叉燒醬偏甜，所以不值一試。

今日行過三津湯包，見到好多人。不妨試一試價錢合理，都好多人排隊。當排隊嘅時候已經見到之前有一個女人說買三次錯三次。之後到我，我都擔心，所以都問佢攞返張單據，但係他們比唔到，算啦！之餘返到屋企真係錯漏百出，我買咗兩個三津湯包，兩個菜肉包，一碟小籠包（四個裝），一個饅頭，請大家看一看我嘅相片，冇咗兩個三津湯包……？只係四樣嘢姐都可以執漏俾你！失望😞

雖然新蒲崗有好多美食，不過又唔係果種可以約到一班人食果種。聽人講呢間大陸好出名，見佢竟然係新蒲崗開咗，所以見未夠鐘食晚飯一於嚟個下午茶之前返大陸其實叫過美團做早餐，不過唔知係咪酒店附近無定點，想食嘅生煎包同小米粥都無，所以今次特別要試。呢度只有外賣，所以如果唔係住附近就唯有企係度食，唔係生煎包會「林」晒。我地叫咗一個紅糖饅頭、兩個生煎包同一杯小米粥，全部加埋$30唔使，作為兩個人嘅下午茶相當夠。小米粥：略甜，之前有食過小米粥，都無咗甜，口感方面水同小米份量適中，唔太大杯，不過太大杯會太飽，呢個size岩岩好生煎包：皮係好脆嘅，不過入面餡太少，一咬就散，不過作對得住價錢。味道無令人驚艷，不過不失紅糖饅頭：呢個比較特別，有時黑糖饅頭得隻色，呢個饅頭係紅得黎有少少醬，但到底係咩我唔知😂反正幾好食，想再encore 總括嚟講係唔差嘅，下次有機會想試湯包，同其他飲品，再食紅糖饅頭

新開個排試左大陸人氣包點店，一開店係好多人排隊，但我再經過既時候係平日傍晚時份，相對無人排隊好快就買到。餐牌有好多包點及少少點心選擇，當中既生煎包係最出名，但由於當日我唔方便係街到食生煎包，所以今次買左都係招牌既三津湯包同埋流心奶王包 ，另加一杯黑米粥。三津湯包有啲失望，可能我比個名誤導左，以為係好多汁，等我食個時仲驚咇汁好熱食得好小心，但其實係菜肉包。。。口感偏乾流心奶王包，內餡係真係流心而唔係奶王蓉，不過入面唔係爆餡個種。食落唔會偏甜，食一個岩岩好。杯黑米粥只可以講夠飽肚，唔甜感覺好似*健康D* (不過我知一定唔會係健康 XD) 但係口感唔知係咪落粉多得濟。。飲落好似一PAT漿糊咁。。無下次整體黎講唔係特別出眾，可能大陸分店真係好食D啦，不過我就無試過啦！$5一個包驟眼睇覺得幾平，但份量細，比起唐X同唐XX其實唔係差別好大。如果兩間一齊係隔離我可能買返佢地多過呢間新店。

見到有一家「唐記」以外的包點，心諗終於可以擺脫唐記啲難食嘅包。點鬼知，仲不如唐記。招牌湯包冇湯，我仲以為食緊肉鬆包。不過見在平平哋，就當試伏啦…如果冇改善係唔會再幫襯。

早餐可以一試，但就唔夠飽！覺得新鮮！之前食過生煎包感覺太脆。$21/4。另外嗰邊$10/3 個，抵食兼好食。今次試煎餃，一般，見佢喺個熱盤入邊攞出嚟，返到公司都係凍嘅，$21/5 個。黑米粥係凍$7。夏天可以食，冬天就唔OK！如果食物熱少少會好啲。價錢一般有啲偏貴！雖然係$5/1 個包！但唔會飽要買多幾個，加加埋埋不如去食個早餐！另外D服務員就戇嘟嘟，見到排晒長龍，只得一個人做嘢另外有個男人成日喺度轉個盤，唔知做乜嘢？又唔去幫手！如果趕時間係唔會食呢間！公司要改善員工工作情況。

呢間新開1個多星期的國內人氣包點店（國內有5000多間分店），之前都好多人排隊，所以無機會試。今日中午飯前回公司路經見無人，終於可以一試。我只買了招牌的三津湯包 和 流心奶王包 糯米雞，帶返公司作午餐。先試三津湯包，原本以為是生煎包那種會很多湯汁，實質上是菜肉包那種，不過都不錯跟住試糯米雞，其實是珍珠雞，不是很多餡料最後試流心奶王包，包面有椰絲，內餡亦很流心，係最滿意的一款。整體來說不錯，但份量比較細，其他款包點，另外煎堆和粥都想試，會再去買。