三清洞摩西 (已結業)

平時我都會自己o係屋企整辣年糕，聽人講銅鑼灣開咗呢間專門食炒年糕o既舖頭，今次就試試佢。一入門口就有幾位 oppa 帶你入座，（好似每間韓國菜餐廳都會有韓仔駐場咁，哈哈），好有禮貌。 呢度係跟人數去叫年糕o既，我地兩個人，oppa 叫我地揀兩款年糕，我地要咗海鮮同烤肉，面就揀咗韓式粉絲（我覺得咁應該最入味），配料第一round 要咗豬肉餃子、魚餅同芝士。個鍋好快到， 啲湯紅當當但唔算辣，甜甜地，好易入口，忍唔住一開始就飲咗好多！ 海鮮有青口同魷魚，烤肉就係平時啲韓式烤牛肉。要讚下啲年糕，夠煙韌，唔係啲 cheap cheap 年糕一口粉。 魚餅都似韓國味道，韓式粉絲果然不負我所望吸收晒啲湯o既精華！唯獨烤肉味有少少啖 （唔通我太重口味？！）。啲湯開頭飲同最尾飲會有唔同風味，開頭啲芝士味溶，清甜啲；芝士溶咗之後啲湯變得好濃郁！好邪惡但好正！食道半路忍唔住加咗午餐肉同紫菜卷，都唔錯，午餐肉係用返韓式午餐肉，唔會太肥同太鹹。食到7788, 個芝士炒飯黎啦。原個煎pan上，好香，有飯焦食！！ 食埋呢個飯，夠晒飽！兩個人食咗咁多嘢，又加做兩杯可樂同一支水，埋單都唔使$400，銅鑼灣韓嘢黎講，算o

網上面見到呢間專食韓國年糕鍋既餐廳大受好評, 見銅鑼灣開左新店所以黎試下, 選擇左lunch time黎, 貪呢個時間無咩人, 坐都坐得舒服d, 2個人被安排坐到卡位~睇番menu,呢度真係只有年糕鍋, 而食法幾特別, 午市有2人set lunch, 先選擇2款年糕鍋, 再點一款面類, 加一款配料, 最後再點一份炒飯, 就係正宗韓國年糕鍋既食法~ Vi同朋友點左烤肉+餐肉年糕鍋+拉面+魚餅+芝士炒飯, 另外再加左配料芝士同豬肉餃子~年糕鍋黎la!!!好大鍋, 上面放埋哂所有材料, o係你面前滾下滾下, 睇到都流口水, 本身年糕鍋入面都有腸仔, 雜菜同年糕, 所以有勁多配料, 芝士亦有好多, 做到拉絲效果~年糕鍋加左韓式甜辣醬, 睇落去好似好辣咁, 但好彩只係微辣, 年糕好煙un, 而其他配料都好入味, 特別係牛肉同魚餅, 牛肉好薄身, 食落唔un, 而魚餅有好多, 好彈牙, 所有食材雖然普通, 但成鍋上加埋d甜辣醬好有風味, 而且熱辣辣幾好味食到咁上下侍應就會送上芝士炒飯, 呢個炒飯好有驚喜, 用熱鍋上, 保持住熱度, 而飯入面加入左芝士, 粟米同紫菜, 一拉起見到超多芝士, 好邪惡呀

仲有幾個月先去韓國旅行，但個心一早已經去左搵oppa,心繫又身繫韓國美食的我又忍不住同朋友去左吃韓國菜。今次不是一般的韓燒或韓式料理，而是年糕鍋！！韓國美食炒年糕已經登陸香港渣甸中心，一大鍋材料超豐富又養眼，單睇賣相就已經十分吸引。買左下午戲飛睇戲，當然先去醫肚，這間餐廳 Lunch 的時間超長呢，由中午12點至下午5點，如果不是肚餓都可以睇完戲再去吃，但我實在是太餓了。我們原本打算點個 2人set (2people) $180，只是有好多配料都想加，所以另加錢加配，計起來兩個人除番開都不算好貴。年糕鍋選了兩個配料，海鮮是必點吧。以新鮮做湯底入口清新，配以甜辣調味醬，不會太辣，微辣混少甜的口感好滋味，簡直是味蕾的享受！我不吃牛肉所以選了部隊午餐肉，原來以為會被湯沉到腍曬，但想不到火腿肉挺新鮮，即使在煲裡滾了又滾都沒有解體呢，還有腸仔，吃落仲有陣陣鮮肉的味道。年糕煙煙韌韌，嚼勁十足，口感豐富。Step2 年糕內的麵 $25有四款：拉麵，韓式粉絲，烏冬，細麵，當然是選拉麵，配上芝士吃真係好正。Step3配料有我最愛的魚餅 oden，有粒又有片切，口感豐富。紫菜卷以粉絲代替米飯，吃落不會有太

相約女友往銅鑼灣三清洞摩西試食, 我們點了二人餐的部隊鍋, 有海鮮+雜菜+年糕+拉面+紫菜卷+魚餅+芝士炒飯+可樂+濟洲島水, 個鍋食落去雖然偏辣, 但辣得好好味, , 配料海鮮有青口和魚肉, 兩者食落好爽滑新鮮、紫菜卷炸得脆卜卜熱辣辣, 入面d餡有粉絲、食落好好味, 魚餅細細件, 味道鮮甜, 食完鍋便食芝士炒飯, 飯炒得好香、裡面有芝士和紫菜, 食落好暖胃, 食完部隊鍋再食飯, 美味+飽飽,寒冷天氣食一流

友人最近沉迷韓劇 成日都話要食韓國部隊鍋終於的起心肝上OP搵下 見到三清洞銅記新開左立即帶佢上去食 免得成日煩住晒 😂三清洞嘅部隊鍋係一次過㨂晒所有食物非常好 免得三心兩意😂😂我地㨂左芝士同海鮮年糕鍋 辛辣麵同粉絲配料就㨂左炸餃子 紫菜卷 魚餅等左一陣 店員就一整喎送到枱上好大鍋啊 肥是這樣練成的🐷🐷芝士煮左一陣就同整個部隊鍋混在一起😌炸餃子好好食 外面脆卜卜 點了辣湯味道更濃魚餅完全浸泡在湯鍋中 勁入味 辣辣的韓國粉絲好食 爽口彈牙 加埋辣湯一齊食 更加一流辛辣麵加上芝士 絕配吧 不多作解釋😁清晒整個部隊鍋後重加了一個芝士炒飯 單睇拉絲就知有幾大罪惡感吧😭😭😭喜歡韓國炒飯加上紫菜碎 食起來並不孤單不消一會 整鍋消滅了👍🏼👍🏼👍🏼總結一下 部隊鍋價錢同質素成反比價錢平民化而質素卻很好 店員非常友善 重點係好多oppa😂

年糕鍋有烤肉 芝士 海鮮 部隊 雜菜鍋選擇 揀左烤肉同芝士鍋 配料有紫菜卷 魚餅 豬肉餃子 炸餃子 雞蛋 午餐肉 芝士揀 麵就揀左拉麵底 個年糕鍋都好夠芝士 啲麵一拉起就勁多芝士 可以拉到天花板甘高好香仲好有咬口 紫菜卷外層有炸皮 入面係紫菜包住粉絲 初頭以為入係飯 紫菜卷同炸餃子最好盡快食 因為煮到林左吾脆無咁好食 雞蛋係溏心蛋 ，好正只蛋系鍋入面有種溫泉蛋嘅感覺魚餅同烤肉份量都好多 一塊塊烤肉係曬鍋底要撈下先見到 好味好飽 兩個人絕對食吾曬個鍋 應該系話有3人份量年糕鍋就要配埋炒飯 10分有8.5分芝士炒飯係等你差不多食完年糕鍋就會另上食完個好飽好滿足既年糕鍋 基本上已經食吾落個飯 其實就唔系個飯好香 又會令你重起食慾 個炒飯係勁多芝士 睇圖就知好跨張呢間d芝士真係好正 師父會直接幫你撈埋個飯等你食得輕鬆完全無濟嘅感覺加埋d紫菜一啲都吾濟啦！10分有9分🤗

男友公司附近又有新食店開張~當然要抽時間試一試~~店內裝修簡潔~ 以淺綠色牆身配以文化石牆~餐牌亦簡單，貴為年糕專門店~每位客人都需要點一份年糕~ 再配麵食、配料等今日揀左部隊鍋 & 烤肉鍋~配以拉麵、紫菜卷、炸餃子、魚餅~再加一份店員極力介紹的芝士炒飯~~唔駛5分鐘，食物就上台~配料排到滿滿~~ 好豐富呢~~先試紫菜卷，紫菜卷了粉絲再炸~吸了韓式醬汁~~亦不失香脆~~但炸餃子就比較失色~因為上台係凍的…但係鍋裡放耐左，雖然會熱，但外皮又淋哂~ 魚餅同年糕一向絕配~而且份量好足~吸了辣醬更加美味~反而年糕入口唔夠煙韌~而且唔太入味~~全個鍋最搶眼係拉麵~煙煙韌韌，吸哂湯汁~~湯汁帶甜又帶辣~~好開胃呢~~臨近尾聲，送上芝士炒飯~~Wa~~拉絲效果好驚人~~當然要趁熱食~~每一啖都食到大量紫菜，而且好香麻油味~~邪惡又美味的炒飯~~

今日朋友帶左我黎食呢間野 佢之前已經去過旺角既分店 見銅鑼灣新開 我地就去左食lu一入到去 見到好多韓國既oppa(基本上差不多全部職員都系韓國人) 😍😍而架佢地都好有禮貌 之後就帶位雖然佢地英文吾系幾好 但都算溝通到之後我地見到隔離有卡位 佢都有比我地轉枱主菜黎拉我地叫左但烤肉年加部隊鍋 再加芝士同粉絲首先，佢個湯底系超正既 我同個朋友飲哂d湯 又吾算太辣 因為平時個d韓國野系好辣的之後個粉絲配上呢個汁系一流既！但個烤肉就mama地 可能系太瘦拉 冇咩口感之後入面既配料都非常既正！唯一吾好既系個芝士個芝士擺得太耐 變左個橡皮膠味道好奇怪！所以如果中意食芝士既你們記得要快d拎出黎食呀！

朋友講左幾次話想食呢間好耐，係韓國食過一次，覺得個年糕又真係炒得幾香口，估唔到三清洞摩西已經登陸左香港，除左旺角外，最近銅鑼灣都開多左間啦。 新店開係銅鑼灣渣甸街的商業大廈一樓，好易走漏眼，留意入口隔離有間化妝品店，咁就包無搵錯，呢啲野難唔到我呢個銅鑼灣通呢。 7點上到去已經有幾枱食客係度，呢度主打係食炒年糕所以每張枱上面都有個gas 爐，保證熱辣辣。我地訂左枱，所以被安排坐係卡位，正呀。 落單紙成張都圖文並茂，有圖有字，包無搞錯。我同朋友兩個都係擦得之人，差唔多成張落單紙都比我地剔滿晒。 無幾耐，我地個鍋就上枱了，規定兩個人要點兩種口味，我地揀左海鮮同烤肉，另外再加個拉麵、午餐肉、雞蛋、紫菜卷、豬肉餃子、炸餃子。好多？仲未完，再加多個芝士炒飯，係咪好痴線？ 店員溫馨提示我地可以先食面頭的紫菜卷同餃子，然後再慢慢食其他野。紫菜卷、豬肉餃子同炸餃子呢三樣都好好味，皮夠薄所以咬落仲好香脆，最好味係紫菜卷，入面包住大量韓式粉絲，粉絲吸收左少少辣湯汁，好惹味，一人一件唔夠㗋，如果唔係仲有咁多野食，我地會再叫多兩客。 海鮮同烤肉年糕都好足料，海鮮夠新鮮，爽口又彈牙； 食得出個烤牛肉係用左靚牛，

晚上和小珊珊在銅鑼湾覓食，突然想起旺角的三清洞摩西，有一間新分店開張，我們食指大動，馬上去渣甸坊!看來大部份食客都是少男少女，感覺真好!我和珊珊要了一個傳統的芝士鍋，味道不但香濃入口，而且吃入口芝士即溶，配以魚餅，紫菜卷，雞蛋，午餐肉加再上東方風味的年糕，整個人也被融化了，口感十足!炒飯在年糕後奉上，胃口大開，讓年糕口感更豐富，炒飯也很香口!没想到感覺真地道，加上可選辣和不辣，下次又可挑戰更辣了!

之前有朋友介紹,話呢間係食正宗炒年糕,於是一試銅鑼灣新鋪因為佢係樓上鋪,所以都搵左一陣先見到,上到去好大好齊整,由於人少少所以都好多位,坐得都好舒服!店員全部都講韓文但就有個講廣東話既招呼我地,介紹左佢地既套餐係點,仲推薦左我地食佢地招牌菜---紫菜卷一食即愛叫左個海鮮同烤肉年糕配韓國拉麵味道係甜甜辣辣,店員都好細心建議我地先食左炸紫菜卷先同餃子唯一麻麻地就係好易“痴”底,可能因為年糕關係吧,同埋愈食愈咸結果要叫可樂飲最後仲點左個芝士炒飯!由於本人係芝士迷,所以啖啖芝士既感覺真係好正下次應該會試埋部隊鍋口味

三清洞摩西 銅鑼灣分店開業不久，門前還擺放著各式各樣的花牌！這次經過銅鑼灣，便來試試看！ 環境挺寬敞的，拍了店鋪的其中一角。 這家店的lunch time大部份也是年糕鍋和炒飯，選擇雖然不多，但相當吸引！ 經店員的介紹，我們點了一客部隊年糕鍋，還附有一客炒飯，所以是絕對飽肚。|| 部隊年糕鍋 budae tteokbokki ||這個部隊年糕鍋，上面鋪著厚厚的芝士，超邪惡，拉絲可以拉超長的，芝士控一定不可以錯過！！！！！ 鍋內還有火腿、午餐肉、腸仔、年糕、筍等等，然後再加配一種自選的麵（有拉麵、韓式粉絲、烏冬、細麵），我們選了韓式拉麵。 喝一口湯，啊，好辣（只是我不能吃辣，太遜了哈哈）配料也有好幾種可以選擇呢！店員介紹炸餃子和紫菜卷也是較受歡迎的配料，裡面都有我喜歡的韓式粉絲！味道不錯啊，但因為是泡著湯的關係，少不免第一口都是吃到韓式辣醬湯的甜辣。不過炸餃子裡的蔥和泡菜的味道亦十分突出！ 這讓我想起某次跟好姊妹出遊，在深夜時分她聽到我肚子打鼓 (是有點吵)，便給我煮了韓國餃子，超好吃的，好有愛好感動令人好懷念嗚！世界上最好的朋友就是