三郎麵燒屋 (已結業)

滴答滴答，今天的雨下不停，今晚亦持續下雨，媽媽又去旅行兩星期，我這個無「飯」孤兒只好找朋友吃晚餐。朋友約我去她家樓下的三郎麵燒屋，她說這裡便宜的程度我絕對不能所想，不論麵食還是燒物都挺美味的，而且店雖小卻坐得舒適，不會有擠逼的感覺。吃主食前，先吃點燒物小食過一過口癮吧，也可增加食慾。(其實只是我貪吃的藉口) 海鮮控的我怎麼會錯過燒扇貝? 燒扇貝本身挺甜香的，富大海的鮮味，加上蒜蓉伴燒扇貝，更添香氣。香草燒鴨胸看起來很厚度適中，一口可吃，燒鴨胸並不油膩，可能在燒的時候已逼出油脂。以香草燒過的鴨胸滋味截然不同，非常涮嘴。鴨胸的香草味道整個入到肉裡去，肉汁豐富欲滴，鹹度更是剛剛好。脆豬頸肉外表炸得微微焦酥，內部的豬肉卻一點都不乾澀，多汁還帶著豬頸肉特有的爽脆口感，超級可口。金菇肥牛卷將金菇與牛肉卷燒到相當多汁的狀態，完全可以感受到金菇的甜與牛肉的香，再加上相當出色的醬汁，這金菇肥牛卷美味得無話可說。蝦膠釀茄子先在茄子上抹上蝦膠，然後把它油炸，茄子軟嫩很燙口，配上蝦膠脆脆的口感，層次性豐富，也不會重鹹，味道拿捏得剛好。朋友力推的撈丁果真惠及街坊的價錢，只賣25元一麵兩餸，難怪朋友經常來吃。醬油

最近同朋友去咗長沙灣食車仔麵，因為朋友住長沙灣唯有遷就下佢，但係又唔想食咁貴，車仔麵就最划算。估唔到兩個餸再加一個面只係＄23 ,就算你唔想食面，想減肥嘅話都可以轉做菜底。Drinks魚蛋魚皮餃生菜$23生菜有少少又油表面，非常爽口而且唔老，咖喱魚蛋就夠晒彈口，魚皮餃都唔錯，加埋腩汁一齊食就非常好味。金菇雞翼幼面$23面質同平時嗰啲好唔同，比較似天使面果類，比較索汁，金菇比較細條睇落同啲面差唔多，雞翼就整得夠晒入味。燒原條蒜蓉茄子＄24朋友唔食茄子，所以最後得我一個食，蒜蓉味非常香，茄子仲有啲水份，不過個外皮就可以唔使食，因為有少少焦。香草羊肉串＄20羊肉好香，但係唔會太So，調味料都好香濃，仲有少少肉汁。黑椒牛柳粒＄22牛柳鬆化之餘又唔係鬆肉粉嘅感覺，熱辣辣好好味。雞腎＄12食呢樣野最緊要夠爽口，佢就做到，而且都調味非常入味，值得一試。

在附近去完社區中心工作， 肚子餓餓的，便與同事找點東西吃。這間店舖的門面十分日式， 而環境亦很乾淨企理，令人舒適， 所以我們便進來吃 lunch。 我點了 鹵水撈丁 $25 而餸菜上，我選擇了兩餸，鹵水雞中翼和蘿蔔。蘿蔔清甜新鮮， 配上了滷水汁，惹味可口。而雞翼超大隻，味道又很入味，皮薄肉多， 肉質亦很嫩滑。超讚! 而撈丁的味道不會太鹹， 鹹道適中，帶點甜，很開胃。而同事則點了 油麵 $23。佢要脆豬頸肉和柱侯牛腩。 豬頸肉不會太乾身， 脂肪與肉的比例剛剛好，不會全部是肥肉，所以不會讓人覺得太油膩。我覺得最值得讚的是，它的柱侯牛腩。這個餸除了有大大片的牛腩外，當中還有很多牛筋。而牛筋大大條，很入味，同時口感煙煙靭靭， 不會煮得過熟或者太生，咬感一流! 這個餸真的令我們十分喜出望外，覺得很抵吃、又好味!另外看見它的燒物也很出名， 所以我們決定點了一份 四寶丸 $16。當中有牛丸、墨魚丸、貢丸和花之丸。 丸的表層烤得十分脆， 配上了台灣的孜然味粉， 惹味可口。 不過丸較身，如果再加點蜜糖，必定更好食。凍檸茶 $8茶味很重，不會有澀味。溫度亦十分夠凍，但同時亦不會太多冰。讚!凍奶茶 $8茶與

星期六晚上10:30分，在一條極小人的街道上，巧遇深宵仍然開襠的車仔麵，入面有兩枱客，位置不多，店內主打車仔麵及燒烤，我叫左個牛腩、豬皮、魷魚及生菜粗面咖喱汁，朋友叫咗個大腸、魚蛋、蟹柳及木耳粗面牛腩汁小辣，另加一串雞軟骨及黑椒牛柳粒。車仔麵有水準，吃不到一般車仔麵的鹼水味，所有配料非常入味；兩款串燒夠火喉，燒得啱啱好，雞軟骨脆口乾身，牛肉外脆內軟。舖頭開到凌晨兩點，啱晒我哋啲夜鬼去搵食，亦適合一班朋友去吹水吃燒烤飲啤酒。要介紹下佢哋個瓶辣椒醬，入面充滿蝦乾、隨意自己加配，感覺有啲似XO醬，外賣每瓶＄50。今時今日食兩款餸車仔麵，收＄23，又要好食，去邊度搵。做到呢個價錢，絕對因為地點問題，人流極少，有心的小店已經買少見少。

終於比我搵到間平民車仔麵而家出去食咩都貴但係車仔麵呢D明明就係平民野食但而家4-50蚊真係等閒事呢間平不凸止, 而且有學生優惠最衰我就唔係學生!! 我點左既係河粉, 雞翼, 牛腩, 大腸都只係32蚊 我覺得個腩汁湯係幾好味, 河粉完全吸收哂湯既精華, 正而麵既份量係比正常大份, 所以我覺得唔洗加麵底都OK D餸雞翼好淋滑, 雖然唔算超厚肉但係好入味, 應該係之前用腩汁浸過黎的 牛腩細細粒, 但係食落就冇起渣, 值得一讚 大腸比之前食過既剪得冇咁細條, 食落好有口感, 不錯不錯

一直以來對車仔麵都冇乜要求直到我一次食左中伏車仔麵之後原來車仔麵都有學問今次食既呢間係我覺得堅係好食既呢間仲有串燒可以食真係好特別 我叫左既車仔麵係蘿白牛腩豬紅米線再加雞軟骨串同燒司華力腸 先講車仔麵 蘿白牛腩豬紅米線蘿白超淋滑, 冇食到起絲, 而且當佢吸左D湯既味道之後, 咬落去係有汁流出黎的!! 超好味。牛腩算係不過不失, 因為佢份量比較多, 而且選既部份係比較瘦, 但居然唔會食到ZIP哂牙LA ! 豬紅最加分既地方係個湯好味, 令到豬紅都好入味!! 雞軟骨串好抵食, 因為佢仲連埋軟骨附近D肉, 所以佢既雞軟骨SIZE會比一般既大, 而且厚肉版, 更加好食 燒司華力腸, 店家好細心咁剪好哂, 而且咁樣落味粉, 一直由頭食到尾都食得隻味係好平均!! 唔會食食下變咸OR變淡

食車仔麵係香港人由中學開始已經非常鍾意嘅一種食物，自己好鍾意食車仔麵嘅原因就係因為佢可以配搭唔同嘅餸，全部都係自己喜歡食嘅，真係會好滿足。我叫左河粉，配搭左蘿蔔，雞翼尖，豬頸肉，豬潤，另外仲有牛腩。自己叫車仔麵一定鍾意叫好多唔同種類嘅肉因為佢哋嘅肉汁都可以喺每一啖嘅車仔麵一邊感覺得到五同。蘿蔔炆得好林，另外唔同嘅肉類佢哋都用咗唔同嘅醬汁去葉制，好欣賞佢嘅豬頸肉係燒過嘅表面，咬落去嘅時候表面仲會有脆嘅感覺。而牛腩係我平時無論出去食麵或者食任何車仔麵我都會叫嘅一樣嘢食因為佢會令到成個湯底都好入味。另外我仲叫咗個茄子，呢度嘅茄子外皮炸過，所以無論顏色同埋外型方面都好正。茄子上面會有少許蝦膠，配埋一齊食送面同送飯都係一流。二湯底方面會有得揀咖喱汁，腩汁，或者係清湯仲會有得選擇辣唔辣。呢度食車仔麵真係大滿足，雖然係自己買外賣想返屋企食，但係味道都依然係咁正。

又係落雨天，行過長沙灣呢間麵店，飄黎陣陣咖哩香味，兩餸車仔麵$23又幾平，就入去試下啦。麵店地方唔大，中間幾張座位都坐滿，得番旁邊平排坐位，枱面有餐具、醬油、點餐紙同筆，都好整齊乾淨，填好點餐紙就可以去前枱交俾店員落單。點餐紙都幾多選擇，麵底、辣度、小食、飲品，除左車仔麵之外，仲有串燒食。豬頸肉、鹵水蛋、唐生菜，油麵，腩汁，加$4紙包飲品。豬頸肉好香口，香脆入味；油麵麵質爽滑彈牙；腩汁湯底鮮甜，味道香濃。朋友食嘅咖哩魚蛋、鹵水雞翼油麵，朋友俾左粒魚蛋我試，咖哩味好香，少少辣，幾彈牙。自家製醬料，唔太辣，有d似XO醬，加落麵度食唔錯。黑椒牛柳粒串燒（$22）黑椒粒灑響牛柳粒上面，非常惹味，牛柳粒肉質鮮嫩，好有牛肉味。四寶丸串燒（$16）四寶丸有牛丸、墨魚丸、貢丸、花枝丸，都幾大粒同彈牙，上面應該灑左d椒鹽上去，食落好香口。$23有碗兩餸車仔麵係平嘅，串燒亦都唔算貴，下次可以試下其他串燒。

下午茶時段，去左間新開既店仔試下。間舖較細，滿座時會坐得好迫。日式裝修，賣既係車仔麵同串燒。是日下午茶時段，冇咩人，我叫左外賣。我叫左份油菜、兩份紅油抄手、兩份蝦膠釀茄子、兩份鹵水雞翼加杯凍檸茶。油菜﹕新鮮，如果份量再多D會好D。紅油抄手﹕皮薄，肉同皮的比例屬正常，辣汁對我黎講屬少辣。蝦膠釀茄子﹕醬汁鹹鹹的，有豆豉，蝦膠彈牙的，茄子燒得表面香口，內裡茄子的肉腍腍的，配合合宜，不錯。由於茄子係即叫即整，須要等一段時間。鹵水雞翼﹕肉好腍，鹵水味重。凍檸茶﹕屬正常，茶贍不太苦。

喔喔~~ 又到糧尾了~~每月糧尾~ 大家都窮到High High之際~~點知俾個同事發現左間平野~ $23蚊食到個車仔麵，我梗係跟佢一齊去試下啦!LUNCH一放，走人要揾地方，間舖位都要幾用心搵下，因為近醫院同住宅，唔近地鐵呀!講番個車仔麵先，最平$23蚊，有1個麵同2個餸。由於我太肚餓，一叫就叫左個烏冬同3個餸，盛惠$31，最後加埋杯凍飲，埋單$39 (外賣)。打開盒蓋，有櫻花蝦係烏冬上面，賣相幾靚。我叫咗碗烏冬，因為麵一定會索水發脹，烏冬係正常。黑木耳好爽，鹵水雞翼腍左D，勁鹵水味。蝦春卷散咗，因為浸左係湯度一段時間。如果分開上就會更好。湯加腩汁，味道夠濃 (利申: 我食開鹹嘢)。杯凍奶茶邊行邊飲，返到公司已飲曬，奶茶屬正常。

長沙彎這區,都有間適合年青人最愛的車仔麵,係地點有啲難搵但食物抵番哂👍🏻鋪面望落好寬敞,有啲似酒吧模式間隔,唔錯👍🏻食物不再話下 簡直掂！掂！掂！車仔麵揀選啲餸又平又好食 又大碗 又可選擇撈 又係另一種味道 除左車仔麵外 另一賣點係啲串燒👍🏻牛舌、燒茄子、燒金茹 看似好普通 但配落車仔麵簡直絕配、絕絕配好食👍🏻再黎呢區 我必會黎多碗✌️

探完病，已經係晚上八九點，冇乜選擇，食少少嘢，就要返屋企好好瞓一覺，明日又要返工喇。好 ! 畀多次機會你，再嚟三郎麵燒屋幫襯，今次叫咗上次冇食嘅牛油金菇、羊肉串燒再來一個車仔麵。可能今次廚房人數充足，時間掌握得幾好，食物質素都可以。

來到蘇屋一帶，有一家平民車仔麵檔屹立於車房之中。這家車仔麵的價格真的好平民，一碗兩餸車仔麵只要$23，而各式各樣的串燒也是好便宜呢，我們二話不說的點了2碗麵和幾款串燒！肥牛蘿蔔油麵車仔麵的湯底加腩汁，油麵質地柔軟，有少許「油」滑，蘿蔔煮得夠腍，甜甜的味道，而肥牛份量不算多，味道還可以。芝士腸、豬頸肉和豆卜油麵湯底加了咖哩汁，咖喱味頗濃郁，湯底只有微微的辣味，適合想吃咖哩但又不能吃太辣的人。燒豬頸肉的份量不多，可是燒得外皮微焦，內裡嫩滑，味道很好呢黑椒牛柳粒串燒的外皮香脆，內裡充滿肉汁，口感很豐富，非常juicy；燒牛舌雖薄，可是味道一流。原條燒牛油栗米既甜又有香濃的牛油味，份量頗多三郎麵燒屋的食物雖然很便宜，讓附近的街坊能以平民價格吃飯，性價比高，從製作串燒可見，三郎麵燒屋製作食物十分認真和有誠意，而非將貨就價，價廉物美，實在難得，支持良心小店

呢間野都幾有特色, 做車仔麵, 而且有串燒食!不過地方有d偏 ,唔係fd講都唔知!首先車仔麵 麵條都有小小彈牙!湯同汁整得好食!魚蛋既咖哩都好食,睇黎大廚都幾認真研究煮法最重要既係,價錢一d都唔貴 如果學生餐會更平腸仔有落粉調味,唔會燒得太乾,脆得黎好味份量都唔會少~ 宜加出香港個邊食串燒貴到= =羊串唔會有咩so味, 我覺得食羊唔太敏感牛肉串就有會有d黑椒粉係到!就咁望圖我其實唔太分到羊同牛除左車仔麵+串燒特色之外價錢真係平 宜加好少仲可以食到約20蚊既麵~份量又多 味道都中上~ 值得一試~

同朋友行開呢頭，順道食碗麵先走，黎左呢間叫三郎的車仔麵店，店不大，由兩個年輕人主理，見兩位都忙得不可開交，自己找個位子坐好了。在下單紙畫畫畫，寫好了就自己去交上，埋位等食。等了約廿十分鐘，碗麵到了，香噴噴的咖哩汁好正喎，只叫了小辣試試，不夠辣的話可自己加。凍檸茶（+$8）自己叫了凍檸茶，檸香茶濃，只是不夠凍，冰已全瀜掉了。凍奶茶（+$8）朋友叫了凍奶茶，很香滑，佢話食辣野最啱用奶茶解辣喎。水魷，魚皮餃，豬皮，粗麵，咖哩汁小辣（$30）朋友話最愛粗麵，呢間車仔麵有得揀好好，水魷爽口，豬皮軟腍入味，整體不錯。木耳，豬腸，魚蛋，豬紅，油麵，咖哩汁小辣（$34）自己叫呢碗好豐富，要了四款餸，滿滿的一碗。湯底清，加了咖哩汁很惹味，小辣都頗辣的，哈。油麵吸滿了湯汁好正。木耳一片片上，好爽脆。豬大腸超肥，但入味，都幾好味。豬紅結實，不會一夾就散，但又不過硬，好味。咖哩魚蛋很彈牙，咖哩味十足，正。小店食物質素感覺不錯，但衛生有待改善，沒有抹枱痴立立的，而且店內飛蟲很多，看來要裝一下滅蚊燈了。