三郎麵燒屋 (已結業)

好多車仔麵店都係求其炒埋一碗俾客人吃，而且房舖超細，食完趕客走嗰款，$30是最低消費吧，但這家店餸菜分明，而且大大碗兩餸只是$23，三餸都不用$30，而且真係大大碗落足料，仲有豬頸肉同埋雞翼選擇，花枝丸仲係完整嘅兩大粒，唔係半粒嗰種，最特別係可以自己加蝦油，咖喱汁又正，賣相靚又好味，食佐咁多檔，真正好味又坐得舒服嘅，只此一家，喜歡吃車仔麵一定要試試🤓

應該係我等最耐嘅車仔麵😪 成間鋪10個人都唔夠 但就等左20鐘先上到一碗... 滷水豬大腸好韌 豬紅又唔入味 魷魚好無生氣 係個湯底加左啲秘制蝦油幾香加返啲分 不過無下次😌

今晚本來730要返學，陳老師話怕我又逃學，要陪我食飯兼送我返學。咁好嘅姊妹陪伴，更係揾啲好嘢食下。揾到呢間嘢，咁搞笑，又車仔麵又串燒 (都係我吃貨小熊嘅飛彿) ，就去試下啦。一向對長沙灣食店情有獨鍾，細個呢頭讀書，有好多有質素嘅小店，所以經常喺呢頭出沒。講返三郎先，因為唔太肚餓，所以只叫左串燒類，先有小熊嘅至愛金菇肥牛卷、有陳老師喜愛嘅雞潤、大家都想食嘅蒜蓉茄子同羊架。第二輪叫左豬頸肉，九菜，牛柳粒，牛舌，雞腎，同再encore 金菇肥牛卷。除左雞腎咬唔開之外，其他食物都唔錯。以上食物加埋兩啤酒一汽水都係$198，邊度揾吖。

好味抵食，但唔係好多人食。但要等佢慢慢煮。好近明愛醫院。方便停車。開到好嘢。食過最少30次，冇一次失望。啲嘢真係好食，但平均都要等10至15分鐘先至有得食。佢哋啲辣椒好勁我好味。最鍾意食佢嘅滷水蛋，有幾次都冇得食。夜晚仲做埋串燒同埋賣啤酒。

我由年頭開始光顧這間食店，由最初一星期來一次到現在完全放棄，起初只因高評分而來試，試過也沒有令我失望，食材新鮮，味道不錯，看得出是用心製作，但到年中後，看見廚房及樓面的人不同了，就開始「出事」了...。首先談出餐所需時間，車仔麵比人感覺就是多選擇及夠快，起初問題其實不大，選擇不少，雖然等的時間頗長，大約25-30分鐘，對於只得1小時午膳時間的我來說，吃得非常急趕，但味道我覺得可以彌補這方面不足。後來轉人後，這個問題就更嚴重，一碗車仔麵足足可以做了45分鐘，最後更要取消飲品（因飲品不知為何一定要出完麵才肯做），吃完直奔回公司...。談味道，最初味道絕對比其他店的車仔麵優勝，湯底不錯、餸菜新鮮、賣相一流（會放一些蝦干和XO醬上面）。轉人後，煮法及味道跟之前比較，完全差天共地，可以用難吃來形容，加上成碗麵極之油膩，吃完後整個嘴都是油，絕對沒有誇張...真的懷念最初那兩位年青人烹調車仔麵的時代，真的很可惜...

中午12:15到店，店員首先話無羅白，fine，等咗20分鐘，叫四碗麵一碗都未上，跟住話連所有鹵水食品都無，即係無豬腸，無雞翼尖，如果想快快哋食碗傳統嘅車仔麵，建議三思。

第2次食呢間餐廳中肯講，食物ok，但份量少。如果肚餓食唔夠。如果叫外賣都要等25~30分鐘以上，仲叫唔叫外賣呢？午飯1點幾時間，場內有2台客人，分別有4人同5人。廚房一人，門面一人。我諗廚師緊係等出哂場內餐先打算整外賣？呢間餐廳人手的安排，上菜的速度太慢了。令我不禁懷疑廚師是否逐個逐個餸煮呢？需檢討一下怎樣分先後次序吧，好失望如果冇人係餐廳食我先會再考慮再光顧，咁多好評是否有打手呢？若喜歡慢食的，不趕急的，倒沒所謂

去蘇屋邨無意中發現呢間三郞燒麵屋。好奇咩叫燒麵？唔通係串燒加車仔麵店？小小的麵檔咩都有，港式車仔麵、日式串燒、台式藥膳湯底，包羅萬有！菜單自己剔，幾算單！有藥膳湯底，當然要試下！我叫左咖哩魚旦、鹵水雞翼尖、牛腩、藥膳雞腳、金菇。藥膳湯底味濃湯靚，我叫左小辣，已經夠曬刺激。藥膳雞腳，煮到入曬味必食！食車仔麵，我首選掛湯既油麵。牛腩好重料！啖啖肉。雞翼尖都好諗好正！魚蛋大大粒！抵食、好食，夜晚又有酒飲又有串燒，不妨試試！

去完明愛醫院探病之後，同男朋友喺附近食飯。見到佢地有個好靚好七彩嘅霓虹燈牌，畀佢吸引左，就入左呢間食。裏面地方比較細，但就好新好乾淨。呢度主要係食車仔麵同串燒，好特別嘅組合😂😂 然後望真d見到車仔麵$23一碗，真係嚇一跳，中學畢業之後都冇見過賣2字頭一碗嘅麵喇，除左大學canteen🙈男朋友叫左個咖哩豬皮肥牛腩汁幼麵小辣加底($28)。雖則係加左底，但個量都真係大得幾誇張。另外，佢個腩汁味道好濃，好惹味。麵上面仲會有少少蝦乾，令到味道更豐富。我就叫左魚皮餃花枝丸藥膳汁烏冬($23)。我就冇加底，但佢都係比平時一般嘅量大。因為好少食麵見有得揀藥膳汁，所以就揀左黎試下，佢個味都濃，但唔油，所以感覺幾養生。加$8就有凍飲，一般茶記有嘅呢度都有。大食嘅我地當然唔可以叫完兩碗車仔麵就算啦。我地仲叫左份燒原條蒜蓉茄子($24)，都係份量十足，而且肉質鮮甜，正!仲叫左三款串燒。牛油果牛肉卷($18)，第一次遇見呢個組合，覺得好有創意，而且食落都幾好食，牛油果個味好似變左牛肉薯蓉咁，但口感一樣好rich。真心幾中意，有機會再試。黑椒牛柳粒($22)，味道比較甜。燒爽五花腩肉($18)，有甜甜嘅燒汁味，

經過長沙灣，還未吃晚飯，想找一間平價的餐廳吃飯，找到了這間餐廳，兩餸車仔麵只售$23，網上評價也不錯，便點了一碗肥牛+鹵水豬大腸幼麵加底（中辣湯）($28)、一碗脆豬頸肉+鹵水雞中翼烏冬加底（腩汁湯）($34)、雞脾肉串燒($18)，及牛油蒜蓉金菇($13)。肥牛不韌，也不會過肥，豬大腸很入味，不會韌到咬不開，也不會軟爛到沒嚼勁，幼麵軟硬適中，而且吸了湯汁，湯底則鹹中帶辣，辣但不嗆喉。豬頸肉十分出色，肉質鮮嫩有彈性，雖然浸了湯，但外層依然脆口，脂肪分佈平均，入口不會油膩，鹵水雞翼肉質頗滑，骨肉一咬便分離，烏冬不軟爛，但略嫌欠嚼勁，腩汁湯底濃郁，味道天然。串燒雞脾肉外層微脆，肉質嫩滑多汁，帶有微微碳燒香味，調味惹味但不會過鹹。牛油蒜蓉金菇口感爽脆，牛油、蒜蓉味道香濃惹味。整體來說，這間餐廳價錢平，食物質素高，特別是串燒，值得一試。

是日收工跑到長沙灣監督新屋裝修進度，完事後覺得肚空空，因為岩岩搬黎呢邊，唔知有咩好食就上開飯研究研究，見呢邊唔係火鍋就係茶記，唯獨呢間車仔麵店掛串燒賣湯麵，個名仲要走日本型格風就決定試下佢。位置都幾偏，係蘇屋邨對面，平時坐巴士見親蘇屋都想問係邊，今日終於知答案。一入到去打左個特，七點九都黎一個人都無，心諗難度又係一個伏？！但都入左去無理由咁樣衰走反出黎架嘛，好啦，就叫左碗牛腩+羅白+油麵，盛惠$23，係你無睇錯23蚊。中學過後，都已經無再見過有23蚊一碗兩餸麵食！諗住平野實係無好野，但平野真係有驚喜～兩餸一麵：羅白：好甜，真係清甜個種，唔係加料加糖水煮個種假甜，完全無渣，！牛腩：要改善下，一係呢個餸就加價，買啲好少少牛腩，或者改變煮法，肉質好韌，唔入味，同埋啲肉上台已經好散，講真一望到有少少影響左食慾。辣汁：唔錯，叫中辣真係有中辣既程度，我都叫食得辣都食到出哂汗，不錯不錯。腩汁：同尖沙咀銅鑼灣啲名牌車仔麵店比都咬到下手瓜，最正係台面樽蝦油，真係成間鋪靈魂，本身個湯未加前都好夠味，但手癢加一小匙結果成碗麵變到勁香蝦味，香！麵底：我個碗係油麵，麵質正正常常，老婆個碗就幼麵，但佢話太稔，所以

係長沙灣發現左一間擁有住日本裝修既車仔麵檔，真係第一次見比佢既裝修吸引左 因為佢唔同一般既車仔麵檔咁 所以就試下佢有咩唔同啦！入到店內環境雖然唔係好大，但感覺店主好善用空間，設有高枱，也有低枱。而且有d位客人黎到可以影相打卡，佢日本風裝修得黎又夾d香港style既裝飾！店內仲有自家制蝦油，十分香口，但又唔係十分辣。唔單之有車仔麵而且仲有唔同種類既串燒！點左一碗係芝士腸，花枝丸，脆皮豬頸肉配上小辣咖哩汁烏冬。湯底十分香，而且飲落又唔會話十分重味精，食材用料新鮮，食落唔會有雪味。咖哩汁既香配上烏冬流入喉嚨，簡值係無得頂，值得讚一讚。另一碗係豬潤魷魚藥膳雞腳配上小辣咖哩汁油麵。湯底汁底同上，豬潤食落唔會太粉，藥膳雞腳好夠味，濃濃既藥膳味，好夠淋。而且配上食車仔麵必點的油麵，又係好夾！！由於只係下午茶時間食唔到太多，所以只叫了牛舌及雞軟骨。燒既時間岩岩好，牛舌唔會太老6成左右岩岩好，一放入口肉汁係口入面爆發，正！雞軟骨就脆卜卜~好香口！！

👁‍🗨 自選兩餸麵（6.5/10） 💲23間唔中都鍾意食下麻甩嘢，呢日去左食車仔麵🤪由於餐廳唔算好大，午餐時間黎到都滿座🤔車仔麵自選兩個餸，可以額外加餸，仲會以總數最低既價錢計算，好似幾划算🤗我就揀左鹵水豬大腸同鹵水雞中翼配腩汁河粉😉鹵水豬大腸既肥膏大部分比人挑走曬，而鹵水雞中翼都有兩大隻，可惜無論係鹵水定係腩汁都無咩味，整體味道比較普通，係勝在價錢親民💰👁‍🗨 燒韮菜（7/10）💲12➰ 另外叫多左個串燒，個人認為比起車仔麵好食🤭因為燒韮菜成日都會多渣黐牙，但係呢個就無，而且調味幾足，但係又唔會過鹹，就算再黎都係會食串燒🔛 整體評分（7/10）

今日上完講座, 往長沙灣三郎麵燒屋食宵夜,我點了花枝丸和脆朱頸肉配腩汁米線,凍奶茶和燒雞脾肉。花枝丸和脆朱頸肉配腩汁米線份量適中,花枝丸食落彈牙有嚼勁, 脆朱頸肉很有特色, 朱頸肉食落香脆有油花、米線配上腩汁食落鮮甜, 侍應說桌上有餐廳自家製的秘製蝦油推介給我試, 蝦油一入口有少少辣, 但食落去油味好香滑, 配上米線食落好惹味, 質量兼備的花枝丸和脆朱頸肉配腩汁米線；凍奶茶奶味香滑, 茶味香濃；最後燒雞脾肉上桌時熱辣辣, 雞脾肉燒得香脆,肉質鮮嫩, 食落香滑惹味, 佐酒一流。餐廳價錢合理, 食物用心有水準, 脆朱頸肉和燒雞脾肉食落惹味有特色, 自家製的秘製蝦油很有水準,我食了一頓質量兼備的宵夜。

今晚和朋友一齊去左明愛醫院探朋友，探完病就一齊去食嘢醫肚，凍冰冰嘅天氣就最好食啲熱嘢，唸起坐van仔上去時見到有間三麵店就去果度試下我點左豬大腸牛腩河，朋友點左墨魚丸牛腩麵豬大腸牛腩河送到聞到陣陣牛腩香氣，配上佢地自家秘製蝦油，未食已流口水🤤，湯底仲有櫻花蝦，真的太吸引啦，食落口有蝦香，兩餸麵都只係$23，抵到冇人有，去邊到搵!墨魚丸牛腩麵，朋友話墨魚丸和麵好彈牙，見佢都食到湯都冇剩，應該係好好味除左麵之外我地仲點左啲小食，其中有蝦膠釀茄子🍆、燒扇貝、燒帶子和燒娃娃菜蝦膠釀茄子🍆，蝦膠可以再多啲就好啦，食落口滿足感會大啲燒扇貝和燒帶子燒得啱啱好，蒜香味十足，十分合適朋友相聚飲酒談心最後燒娃娃菜，娃娃菜很鮮甜，又保留左汁液，值得推介。