三餐冰室

營業中

休息中

「下雨天留客天留我不留」「下雨天，留客天，留我？不留。」「下雨天，留客天；留我不？留。」一個黃雨的晚上腦海裏勾起了小學時的有趣標點符號句子，與太座和女兒探小姨後，為免難為了小姨的廚房，這晚還是乾脆出街吃吧！女兒這晚想吃鐵板餐，要找間懷舊冰室才有，如果在港島區，大致上會去「波士頓」，而尖沙咀區，便會去「三餐」。雖然是黃色暴雨警告，這冰室不乏捧場者，我們找到一個角落，剛好安頓我們四人，餐牌款式頗多，焗飯，鐵板餐，咖喱，即食麵餐等，各人點自己想吃的。女兒率先點鐡板肉眼牛扒餐，選了經典的紅湯，港式羅宋湯味道濃郁，還用湯碟上，夠懷舊，完全是兒時味道，惟年紀大，感覺稍鹹。不一會，主菜上場，侍應提示我們拿起餐巾略作遮擋，片刻洋蔥汁傾下，鐵板滋滋作響，烽煙四起，煙霧彌漫，女兒露出喜悅的笑容，因可嘗久違了的鐵板餐。肉眼牛扒非常大件，五成熟，她讓我們各人嚐了一小塊，肉質軟腍，邊位有些脆筋，女兒橫傳了給我，因知我喜歡吃，伴碟有粗薯條和蔬菜，也很可口。跟餐飲品選了檸檬可樂，吃牛扒配可樂是和我們吃飯時的配搭，若是與她的朋友則會配紅酒。還有跟牛油多士，以籐籃盛著，兒時回憶！小姨點了鐵板雜扒餐，餐湯是忌廉蘑菇湯，味

基本上一日至少點都要都食足三餐先至滿足食慾，特別係夜晚晚餐一定要夠豐富，是日去了尖沙咀呢間冰室品嚐食物餐牌已有多款不同美食供應，我哋點了兩三款美食一同享用，先來係招牌肉醬熱狗配埋升級特飲龍鳳檸樂即係鹹柑桔同檸檬熱狗賣相十足有七吋法蘭克福腸、招牌肉醬配埋芥辣醬，入口啖啖濃郁肉醬連辣汁香味，再一口食埋香脆可口嘅肉腸特別惹味接住有另一款小食就係芝心煉奶西多士，炸得金黃鬆脆，切開已見軟滑芝士混合煉奶香甜係多士內，口感更加飽滿終於到主菜出場就係呢款鐵板招牌牛柳餐，配餐湯有忌廉湯或羅宋湯連餐飲，加送牛油厚多士一邊飲住湯又再食啖多士，至於鐵板牛柳餐點了五成熟，熱辣辣的鐵板一邊煎煮半熟牛柳淋上黑椒汁簡直係最佳組合，陣陣香味四溢，而且仲係厚切牛柳入口肉汁香濃之餘，肉質飽滿香嫩，啖啖肉食得夠晒滋味又繼續一邊品嚐餘下美食。

又係一個疫情下的外賣晚餐環節，收工攰攰地🥱，咁啱見到一間茶記就行入去買個外賣食，叫咗個「香蔥豬扒飯」。食茶記，就係為咗要快靚正！果然呢間都冇令到我失望😆雖然外觀睇落去就同平時茶記冇乜分別，點知食落去就有驚喜🥳豬扒醃得夠淋，香蔥夠香，而最出色就係嘅豉油，鹹中帶甜，好耐都冇食過呢一隻豉油味。雖然個飯有啲油，但係礙於佢出色嘅豉油同鬆軟嘅豬扒，我都將呢個飯食晒😋另外仲免費跟咗一杯熱嘢飲🥤整體來講，CP值都算都okay。

身為無飯家庭主婦, 不論疫情不疫情, 繁忙不繁忙, 一日三餐中總有兩餐 (午餐及晚餐) 都要出外解決  所以, 無飯家庭當然有他們的固定飯堂啦, 是日週末又來到三餐冰室來吃下午茶 (late late lunch) 及晚餐 (early dinner) 啦 相公就叫個三餐炒飯 (HKD48) , 等個位有返啲飯氣先, 有餐肉粒、蝦仁等, 不說笑, 粒粒蝦仁都有一蚊般大細, 再加上午餐肉, 三餐炒飯鑊氣十足, 相公好快就食哂啦~ 而三餐炒飯跟餐可以加六蚊 (平時單叫要HKD24), 就可以加叫三餐樽仔奶茶, 如果唔想飲太甜的話可以叫少甜的呢~ 新鮮製造的三餐樽仔奶茶, 而奶茶茶香味濃,  而幼滑度就相對沒有那麼突出, 店員說因為想保持質素絕對唔加防腐劑, 所以唔可以放得太耐, 所以奶的分量就要相對調低, 但整體上都平衡了奶及茶的味道. 而我就梗係食個最邪惡的法蘭西多士伴雪糕 (HKD42) 啦~ 外脆金黃, 內裏鬆軟豐厚熱騰騰, 配上幼滑的冰凍的雪糕, 滋味沒法擋~ 食食下都已經到晚餐時間, (其實只不過我哋食下午茶的時間已經是較晏的時候)  所以相公見了精選晚餐推出了新品 鐵板豬梅頭肉

中午閒逛到尖沙嘴。被三餐冰室門口吸引：落地大玻璃的茶餐廳，看起來坐得幾舒服，就入去試試。入內看看，發現好多舊香港味道：西瓜波、跳飛機、公屋照.....隨手點了炸雞翼喇沙一丁，再胃食加多件餐肉，配上CMT，全部致肥食物😝🐷雞翼、餐肉，用細碗另上，細心，保美味。雞翼好脆的外皮，好滑有肉汁的內部，脹卜卜，正👍🏻。餐肉，另加$10，好好味，非一般水準。喇沙湯微辣，不太肥，香氣足。CMT，用靚奶，茶、奶、甜比例，係正宗香港味道，個人非常喜歡食致肥食物，不能日日咁，所以要用限額用得有價值。今天食呢餐，quota 用得好扺

人活著當然不是為了三餐一宿那麼簡單，人之所以有異於禽獸，正是除了吃喝睡拉等基本需求外，還有對崇高的理想價值，如自由、平等、公義的追求。要是在滿足了低層次的需求後，不但不去追求自身的人生意義與人類的福祉，還要為了一己私欲，貪權好利，重財求名，那便更加等而下之，比禽獸更有不如了。只滿足一日三餐，當然不能談不上甚麼崇高的意義，但人生的意義仍不能沒有提供我們每天能量的三餐，而這一天，我就在這間「三餐冰室」吃了一頓午餐。我吃的是這兒「滑蛋系列」的「滑蛋蝦仁拼牛肉飯」（$58）。這飯與其他以滑蛋飯打出名堂的餐廳與冰室相比，我覺得一點不會被比下去，主要原因在於用上的秘製豉油汁甚為好味，以之撈勻白飯，配以都幾滑溜的炒滑蛋，加上蝦仁與牛肉，已是一碟開胃又好味的港式碟頭飯。想喝「羅宋湯」，便以跟餐價+$5加配了一碗「羅宋湯」。這湯用上了不少茄膏，湯味酸而不太辣，味道是好的，材料也多，不過我就喜歡再辣一點。用上了鮮牛油的「法蘭西多士」（$38）質素不差，可惜這天沒有雪糕，不然的話應該更好。冰室新近推出，還未有招紙貼在上面的「樽仔奶茶」（$24/原價，+$6/跟餐價）是我這天選擇的飲品。我喝的是少甜版，茶味濃

週末Step和娘子相約朋友在尖沙咀東用膳，朋友的Office就在科學館附近，不過朋友很忙，最後要安排到17:15左右才可以一起用膳，Step在Whatsapp問朋友：『想在哪裡用膳啊，這個時間又不想吃得太貴 (晚上還要吃晚餐吧)，茶餐廳的話有沒有選擇？！』朋友沒有猶豫回答了：『就去漆咸道南那邊的三餐冰室吧，平靚正…』哈哈，朋友的答案正正符合了Step的心意，在尖沙咀東，當然可以到金巴利道或金馬倫道食好西，不過如果以茶餐廳來說，位於漆咸道南在科學館對面的三餐冰室絕對是Step心水之選。------------------------------地理位置三餐冰室位於尖沙咀漆咸道南115號地下，位置正正就在香港歷史博物館對面，顧客可以由：尖東港鐵站P2/P3出口沿著漆咸道南往理工大學方向行大約8-12分鐘，或是； 佐敦港鐵站D出口，沿著柯士甸道往理工大學方向，行至漆咸道南轉右，步行大約15分鐘； 也可以由紅磡港鐵站D1出口沿著天橋步行落尖東後，再在科學館附近的行天橋橫過漆咸道南，時間大約需要15分鐘。------------------------------裝潢擺設

想不到冰室鐵板餐也能做到西餐廳感覺！這裡的鐵板牛柳肉嫩味濃而且是好看又最好吃的成熟度medium rare淋上惹味黑椒汁真的很正！😝朋友點的煎雞扒蔥油撈麵也不錯麵份量挺多，蔥油香味十足雞扒煎得皮脆肉嫩，好吃😋。另外西多也是很不錯芝心煉奶西多士，光是看名字已覺得好吃🤤鬆軟多士夾著溶化的芝士再加上滿滿的煉奶完全值得為它破戒～～～😆。這裡裝潢也走香港特色牆身畫滿可愛的香港本地食物圖案天花還裝了西瓜波組成的吊燈✨打卡一流啊～～

F先生whatsapp講開觀塘嘅鴻師傅，佢同師傅好熟，問緊佢有冇食過呢間分店。我以為佢會話俾我聽， 鴻師傅有乜好食又有乜嘢特別要推介。之後WhatsApp左段片俾我。點知係一段佢拍嘅影片，呢段片係一碟扒，啱啱淋汁落鐵板個下，好似放煙花一樣咁美麗，然後問我今晚得唔得閒。然後問我有冇試過鐵板梅頭肉，因為佢食過話好正，剛剛三餐冰室限定一星期出品，要試就快手。可惜當晚我要回家食飯，但係我聽晚得閒，於是叫佢幫我留咗兩份，第二晚就即刻去鋸扒。星期日的晚上就來到了三餐冰室，呢間冰室連出入開酒店食開好西嘅N小姐都讚不絕口嘅餐廳。去到當然要叫鐵板，此行目的，為左鐵板豬梅頭肉扒，上枱個樣，都幾精美。個味道好鬆軟，和平時吃開豬肉比較”鞋”嘅感覺唔同，加上黑椒醬汁落鐵板嘅聲響，好吸引。配上羅宋湯及牛油多士，呢兩個可以話係三餐嘅孖寶，一定要揀，非常大愛佢濃郁嘅羅宋湯。飲杯懷舊嘅黑牛，特別想起細個嘅時光，依家真係唔係好多餐廳同茶餐廳有。同屋企人食晚飯，佢哋都係健康至上，無叫扒，最後都係選擇返中式客飯。惹味椒鹽魚柳，呢個好彩唔會太鹹太油 ，完全好似屋企煮飯咁嘅feel。惹味嘅乾蔥豆豉爆雞，又係另一個好送飯之選我就咁

最近，我租住尖東一間4星級酒店一星期，兩位好姊妹趁週末一起走來尖沙咀陪我！好讓我有一個愉快週末！ 其中一位她不捨得走， 陪我一晚，並翌日陪我 check out！晚餐方面，醒起附近有一間曾經來過的茶記 <三餐冰室>！我們就走來食晚飯醫肚！疫情下，店方也加了色彩繽紛又可愛圖案的易拉架作分隔！保持距離！營業時間：7:30am~10:30pm (Last order 10:00pm)天天晚餐 (供應時間 6:00~10:00pm，配即磨咖啡及餐飲，凍飲加 $3，其他特飲 +$6~$12 不等)加配上湯浸時菜 +$14加羅宋湯或是日餐湯 +$5以上白飯改意粉 +$3滑蛋系列：滑蛋蝦仁拼牛肉飯 $60滑蛋好滑溜，配口味帶甜的秘製豉油汁，提升味道！ 蝦仁幾爽口，份量也不少；加牛肉比滑蛋蝦仁飯多 $2！賣相更吸引！ 而且更加豐富飽肚！水準之作！上湯浸時菜 +$14自己出街食飯，總是缺乏蔬菜，除了食沙律混合了新鮮的沙律菜之外，還可以在這裡點上湯浸時菜，只需加 $14，價錢超值！翠綠熟腍的菜芯吸收魚湯的鮮美，令味道本身帶甜的菜芯更甜！菜葉充滿水份，不消一會兒，整碟給我 KO！熱杏仁霜 (

無心插柳下，參觀了友人I入住的酒店，不捨離去。厚顏地，請求留宿一晚。大床仍然歸她，小妹，只要窗台的位置即可﹗ 毫無準備下，去了漆咸道南買替換褲子。晚餐，去了附近的三餐冰室。I 說，整個星期，沒有吃菜了﹗ 疫症期間，餐廳設計得意可愛的易拉架作間隔之用。 上次光顧，好像沒有樽仔奶茶。想一試，奈何早已售罄了﹗ 翻閱餐牌，套餐配即磨咖啡及餐飲，凍飲加$3，其他特飲加$6-$12不等。客人也可以加配上湯浸時菜( +$14)、羅宋湯或是日餐湯( +$5)，白飯改意粉 則須另加$3。當I認真地研究吃甚麼時，小妹，早已揀定了三餐常餐中的厚切午餐肉通粉，配火腿煎蛋加牛油多士 $48，餐飲加$3轉熱柚子蜜。 夏日飲熱柚子蜜，熱上加熱。看著鄰桌用吸管吸吮著冰凍甜美的凍檸茶，小妹好不羨慕﹗奈何，身子受不了凍飲﹗ 厚切午餐肉通粉，兩件厚身且煎至表層焦脆的午餐肉，固然是佳品﹗然而，看似平平淡淡的通粉，以及湯底，更是亮點所在﹗通粉的軟硬度淥得恰到好處，咀嚼下，仍帶咬口，再配合滿載奶香且鹹度適中的的忌廉湯，好吃。 火腿煎蛋加牛油多士，如果煎蛋煎至邊沿焦脆，火腿也稍稍煎香，那就完美了﹗ I ，近一周沒有

由於疫情關係有一排冇去過九龍公園游水，雖然冇去游水但係有時會同班水友出嚟聚下舊。一班人當然都係去返尖沙咀，通常我哋都係選擇飲茶，不過呢排飲茶都真係飲到悶，我哋一班人吹吓水打下牙骹最好就係去茶餐廳。我個人比較喜歡三餐，因為佢除了茶餐以外，佢嘅鐵板餐同中式菜都做得好好。食扒食過幾次，呢度實在係平靚正來形容，今日我點了鐵板豬梅頭肉扒，有湯、多士、飲品，加上豬扒，都係一百有找，呢個梅頭肉同平常嘅豬扒唔通，平常豬扒真係冇乜肉味，但係呢個件件都好軟腍腍，煎到少少燋，最重要係好大塊，食晒真係飽到上心口。朋友點嘅鐵板牛柳都非常之正，不過呢個相對價錢就貴啲啲。但都好超超值，喺呢度點牛柳一定好過西冷牛扒。所以基本上每次來到三餐我無懸念都會吃扒。之後想食少少甜品，吃個法蘭西多士伴雪糕 ，食下傾吓計，再嘆多杯靚奶茶，又係寫意一天。

原來而家晩餐同午餐餐牌一樣，都係每星期轉一次餐牌。今晚食左一個係22-28/6嘅晚餐餐牌，係之前從未見過的餐單。放工後同同事決定喺尖沙咀附近食個簡單晚餐，由於三餐有新餐牌，於是就來到三餐。原來新餐就係鐵板豬梅頭肉扒，不嬲都知道呢度食鐵板餐真係好抵食，平時唔係特別鍾意食肉黎到都會選擇食扒。先來西白湯同羅宋湯，我覺得比出面嘅好飲，亦很足料，味道很好。牛油多士跟餐送上，吃了多士，送下湯，都不錯。鐵板豬梅頭肉扒來的時候，非常有氣勢，即叫即整，熱騰騰的氣息，加上黑椒汁，堅得。梅頭肉差不多無骨，每件都好食，肉質感覺不錯，一定好食過西冷牛扒，咁樣都係$80，怪不得星期一晚，還是咁多人。同事叫了惹味椒鹽魚柳，飲羅宋湯，客飯上次已經食過今次只不過唔同款式。另外一位叫了韭王蝦仁炒滑蛋，食過茶餐都知呢度處理炒蛋一流，蝦仁又多，好好送飯，食足兩碗。最後叫了特別飲品，奶茶紅豆冰，好正，以前呢啲飲品就好少見，而家好多茶餐廳都有，不過都係唔及呢度做得好，特別嘅奶茶茶香，最得我office同事歡心。要成為我哋同事嘅飯堂，都唔容易，不過呢度絕對實至名歸。

呢間尖沙咀漆咸道嘅三X冰室 啱啱同職員反映好熱 可唔可以開埋附近一把風扇 佢哋話壞咗都算 之前又走個senior埋嚟話「喺度熱咗成年喇 你哋都係熱一陣啫」咁喎 喂 你係打工我係客 係兩個絕對唔同嘅立場同位置 唔係話做客就大哂 而係唔應該用你嘅立場套落我度要我接受呢件事之後仲開埋成行射燈 但外面係陽光普照嘅 張相呢兩盞仲射到我應一應 在我而言係有心玩嘢囉 真心 做服務性行業 客人有要求或者投訴 係要正視而唔係敷衍了事囉

行過路過不要錯過 。。之前經過見到，八下開飯網啲野食相，睇落唔錯，決定今日食晏去試一試！午餐揀左呢個焗椰汁葡國雞飯配凍奶茶。。焗飯份量剛好，雖然唔太食到椰汁味，但汁嘅味道唔會太咸，配飯入口啱啱好！至於雞嘅口感方面，肉質嫩口易食，但雞嘅份量比較少，60 幾蚊價錢黎講，唔太值！另外凍奶茶值得一讚，奶味突出，茶唔會太濃，入口透心涼，絕對啱晒而家咁熱嘅天氣黎冰一冰佢！😌以快夾妥快餐之選，可以有下次！