影片
更多
2020-07-01
82 瀏覽
由於疫情關係有一排冇去過九龍公園游水，雖然冇去游水但係有時會同班水友出嚟聚下舊。一班人當然都係去返尖沙咀，通常我哋都係選擇飲茶，不過呢排飲茶都真係飲到悶，我哋一班人吹吓水打下牙骹最好就係去茶餐廳。我個人比較喜歡三餐，因為佢除了茶餐以外，佢嘅鐵板餐同中式菜都做得好好。食扒食過幾次，呢度實在係平靚正來形容，今日我點了鐵板豬梅頭肉扒，有湯、多士、飲品，加上豬扒，都係一百有找，呢個梅頭肉同平常嘅豬扒唔通，平常豬扒真係冇乜肉味，但係呢個件件都好軟腍腍，煎到少少燋，最重要係好大塊，食晒真係飽到上心口。朋友點嘅鐵板牛柳都非常之正，不過呢個相對價錢就貴啲啲。但都好超超值，喺呢度點牛柳一定好過西冷牛扒。所以基本上每次來到三餐我無懸念都會吃扒。之後想食少少甜品，吃個法蘭西多士伴雪糕 ，食下傾吓計，再嘆多杯靚奶茶，又係寫意一天。
一班人當然都係去返尖沙咀，通常我哋都係選擇飲茶，不過呢排飲茶都真係飲到悶，我哋一班人吹吓水打下牙骹最好就係去茶餐廳。
我個人比較喜歡三餐，因為佢除了茶餐以外，佢嘅鐵板餐同中式菜都做得好好。
食扒食過幾次，呢度實在係平靚正來形容，
今日我點了鐵板豬梅頭肉扒，有湯、多士、飲品，加上豬扒，都係一百有找，呢個梅頭肉同平常嘅豬扒唔通，平常豬扒真係冇乜肉味，但係呢個件件都好軟腍腍，煎到少少燋，最重要係好大塊，食晒真係飽到上心口。
朋友點嘅鐵板牛柳都非常之正，不過呢個相對價錢就貴啲啲。
但都好超超值，喺呢度點牛柳一定好過西冷牛扒。
所以基本上每次來到三餐我無懸念都會吃扒。
之後想食少少甜品，吃個法蘭西多士伴雪糕 ，食下傾吓計，再嘆多杯靚奶茶，又係寫意一天。
張貼
