三點三冰室

營業中

休息中

好彩係圍方搵到間冰室, 係圍方食飯都偏貴, 想快靚正又唔太貴既話冰室就岩哂。哩間冰室好大又光猛, 仲有好多卡位坐得好闊落, 企理舒服。妙齡乳鴿 ($62)好香口, 肉都幾嫩唔會太乾。瑞士雞翼 ($62)瑞士汁香甜煮到入哂味。夠薑牛肉炒飯($62)真係好夠薑! 入口仲食到粒粒薑既口感, 成個飯炒得好香。西冷牛扒 ($128)連埋日式粟米湯, 個湯好厚身下! 鐵板上牛扒大件夠厚, 表面焦焦地入面岩岩好5成熟, , 肉好腍!蜂蜜紅豆西多($45)邪惡之選. 即叫即炸咬落去又脆又鬆軟, 蜜糖同紅豆既香甜加埋牛油超肥仔~~

我哋三個人👩‍🦰👩🏻‍🎓🥷喺呢個商場，諗住簡單快脆食一餐，見到呢間冰室，方便就腳兼地方企理，於是就決定入去開餐🤣$108「三點三雜扒餐（豬、雞、司華力腸、煙肉）」，另外加咗「厚切午餐肉（+$10）」同埋「煎蛋（+$6）」，要求「碟上、走汁」，有「薯條 或 焗薯」可以揀咁揀咗「焗薯」，「雜扒餐」仲包「日式粟米湯」：豬扒🐷、雞扒🐓、午餐肉、煙肉🥓全部都煎得幾香口🤣，司華力腸非常粗身好大條好多肉🤣，焗薯仔🥔大大個仲加咗啲忌廉喺上邊🤣，整體食物份量相當多🤣$83「海南雞飯」：海南雞🐓啖啖肉雞肉夠滑👍，有黑醬油、薑蓉、甜辣醬 可以沾雞食👍，又有雞油飯👍，仲有青紅蘿蔔豬骨湯飲👍$82「哈哈哈炒飯」：餐牌寫住有「蝦羔、蝦米 及 蝦球」😋，炒飯炒得粒粒分明好香口👍；仲灑咗啲豬肉鬆喺飯面😋$62「妙齡乳鴿」：乳鴿細細隻相當「妙齡」，乳鴿皮做到脆脆哋，幾好味😋「杏仁霜」：要咗「走甜多奶少冰」😋「熱奶茶」：要咗多奶，夠晒滑👍

餐牌設計、野食都唔錯，喺附近返工幫襯佢早餐，由其兩個樓面男同事應該比較高級啲，做野爽手妥當，主要係盡快為客人服務👍🏻如果網上可以更早落單就最好，會繼續幫襯👍🏻

平日中午，兩點後入場，原來下午茶2:30先至開始，照樣叫午市套餐，椒鹽魷魚麵，唔包餐飲，$78，算數，因為響airside 佢應該係最平價既餐食。炒麵就係一般豉油王炒麵，味道尚可，可是椒鹽魷魚，賣相吸引，以為好好味，點知返炸再返炸，又乾又硬，咬唔開。

食物一般，份量多。其他職員都nice,係收銀個女職員態度特別差，無笑容都唔緊要。到我比錢果陣，女職員要求我用8達通比錢，但餐廳當時唔係因為其他收款方法壞左各樣⋯而係因為佢覺得當時好忙，佢話好忙呀，你比8達通啦但我當時無8達通係身，我話得其他支付方式，個女職員即時 嘖左我一聲⋯嘩⋯呢個態度咁對客人都得⋯呢間餐廳不了

夜晚OT 完，就是但搵間茶記食，嗰時9點15分入座，店員當時無表明last order時間，就入去叫咗一碟雞扒飯同熱奶茶，當時仲有三枱客人。一般雞扒飯，冇特別，杯奶茶係暖，根本唔能夠溶糖! 食物已經失望！！最嬲就係只係食到一半，店員就趕收工叫埋單俾錢(9點半左右)，不停收拾收枱收凳，擺明係趕客人快啲食快啲走但係當時我只係食到一半！然後當我想停低一陣唞吓再食，一放低餐具店員即時衝過嚟講:嗰時佢嘅手指掂咗我啲食物，我想食返都唔得啦，咁污糟！唯有俾佢收走咗食物，未食飽就收走食物！！喺餐廳嘅時間只係30分鐘，用$80經歷咗一個好差嘅服務態度！如果店員一開始就講9:30會收舖，我唔會入去！寧願餓多一陣搵M記！諗住喺商場會食得好啲，結果係咁垃圾嘅服務同食物，M記都好過佢睇到有77個好評，真係唔可信，影到啲相幾靚都冇用，咁嘅服務態度，唔會令人再去幫襯囉！黐線，趕住收舖都呃多個人入去做多枱客，收咗錢就趕人走！

雞肉本身保持了恰到好處的嫩滑口感,入口即化,讓人回味無窮。搭配上清爽的薑蓉和開胃的醬汁,更是完美地平衡了各種口感與風味。而白飯的烹飪也同樣令人驚喜。米粒分明,散發著米香,與雞肉渾然天成。光是單吃白飯,也能感受到它的鮮美。秘製醬汁好惹味，用來餸雞飯一流。強烈推薦依個餐

幾乎個個星期都會黎Airside平時見到都好好生意環境唔錯，又夠寬躺 以卡位為主，坐得好舒適呢日見仲有下午茶，就入去試下下午茶有主食同小食供應西多如同個名所講，超級邪惡麵包外層炸至金黃酥脆，咬落幾軟熟塗滿兩層花生醬汁，再搭配牛油，太邪惡星洲炒米炒得好香，仲幾有鑊氣，好足料個人最鍾意叉燒炒腸粉出面已經好少見，用上XO醬調味，叉燒大塊腸粉夠滑又入味朋友見到乳鴿又想食估唔到又整得幾好乳鴿皮脆肉嫩，依然keep住肉汁唔會覺得太乾

原來帶著好心情想食個下午茶，大約5:30時間絕對不是繁忙時段，自己挑了入面單人卡位，但Reception那位灰色衫馬尾女職員說不能坐因為未執好枱，安排了一個對正面口的位置，但那個我原本挑損的卡位其實只放了一個奶茶杯，餐廳不忙碌，如果她順手叫同事幫手抹一抹其實我可以坐到，隔了3分鐘就由其他客人坐了入卡位⋯⋯食物雙拼三文治很一般，只吃飽就算，然後付款時，那個灰色衫的職員由頭到尾沒有出過聲最後連聲謝謝都懶得說⋯⋯整體對餐廳印象差，浪費了好心情主要是那位職員，其實平時不會專登寫食評，但整體感覺不舒服，不得不說一下，主要是那位職員的態度令人生悶氣

位於啟德Airside嘅「三點三冰室✨」,絕對係香港必食嘅代表性港式茶餐廳!🍽️☕呢間餐廳地方寬敞又舒適,環境優雅大方,而且仲有多款港式美食選擇,質素出眾,性價比極高,真係可以滿足你從早到晚餐所需!👍🏻🇭🇰首先,佢哋嘅南洋叻沙湯麵,湯底濃郁香濃,配搭上QQ帶勁嘅麵條,真係食落味道層次豐富,簡直係一絕!🍜🌶️再來,菠菜吞拿魚焗通粉,焗得香濃柔軟,而且吞拿魚同菠菜嘅味道融合得超級出色,令人食過翻尋味。🍝🐟如果你鐘意食牛肉,一定要試下佢哋嘅頭抽乾炒牛河,牛肉鮮嫩多汁,配搭上色澤均勻嘅河粉,簡直係港式茶餐廳必食佳餚!🍲🥩對於愛吃海鮮嘅你,佢哋嘅避風塘海鮮炒麵絕對唔能錯過!炒得恰到好處,令人食到停唔到筷子!🍝🦞最後,絕對唔能錯過佢哋神級嘅法蘭西多士!外脆內軟,配合甜滋滋嘅糖漿,真係甜品控必吃嘅經典!🍞🍯總括嚟講,「三點三冰室✨」絕對係一間高質素又抵食嘅港式茶餐廳!無論你從早到晚,都可以喺呢度找到合心意嘅美食!👏🇭🇰

琴日入嚟食下午茶用QR code落單，其實大家都慣咗㗎啦，但係嗌嘢食同嗌嘢飲，我係前後分兩次落嘅，買單嘅時候個收銀就西面，因為咁樣就唔係一個set。認真，我個人好少投訴，加上我都係做IT，明白一定會有bug, 但係你就唔好諗住全世界都一定知你個Flow。家陣我係食西多士，唔係食呢啲西服務，呢啲咁嘅服務香港死啦

Airside依間冰室d食物上網見到十分吸引🤩見近近地就去試下⭕️ 芝心蝦多士 ($72)餐廳人氣之選🔥蝦多士炸到勁脆口 蝦膠彈咬到中間仲有芝士🧀流心 太過份啦🤤細細件 易食又易點芥末沙律醬👍🏻best combination❗️⭕️ 鰻魚滑蛋炸熱狗 ($75)人氣之選2❤️‍🔥滑蛋鰻魚飯嘅變奏版🤣好鍾意佢炸左個麵包做底 口感好好 好香口鰻魚汁好濃味 一個人啪哂真係好滿足😌⭕️ 西冷牛扒餐 ($147)跟餐有埋日式粟米🌽湯有焗薯/薯條可選擇 🥔加上忌廉煙肉🥓牛扒🥩五成 選擇咗黑椒汁 味道唔錯⭕️ 紅豆奶茶/ 紅豆杏霜餐廳特飲有多款選擇😋紅豆杏霜都係第一次聽 mix左兩樣心頭好新鮮👏🏻 奶茶茶膽都幾好👍🏻推薦大家試下特飲🍹

位於啟德這個新的商場Airside有一間如此高質素的冰室 簡直係附近商貿區街坊嘅幸福地點妙齡乳鴿稱得上妙齡都並不是等閑之輩 大大隻之餘皮脆肉嫩 咬落去肉質飽滿指甲留香吃過之後，真係一再返尋味 我大膽講句，可以說是同區入面最美妙的一隻乳鴿喜歡吃乳鴿的朋友一定不能夠錯過 同主餐牌上面寫定一樣 點都要食！三點三雜扒餐豬扒雞扒，司華力腸煙肉絕對適合喜歡食肉嘅朋友 全碟鐵板都是大大份非常滿足，加上美味黑椒汁，辣辣的非常刺激，配上美味薯蓉，個感覺好似去咗美國一樣，滑溜溜，非常了得日式粟米湯半焗薯這個粟米湯真係外觀美麗味道亦都非常極致忌廉感覺十足粟米香味濃郁伴隨這個鐵板餐可以話係相得益彰香煎牛仔骨拌飯煎牛仔骨絕對考師傅功夫不能夠太燶，亦不能夠太生，肉質要鮮美嫩滑，人客才能夠容易吃到不會太過黐牙牛仔骨可見師傅的工價非常了得肉汁鮮味唔使講配合香噴噴的白飯 從來未吃過一個白飯也如此好吃黑牛朱古力雪糕加上可樂見到杯飲品都知道有型啦，除了可以影相打卡雪糕過癮，可樂的口感也非常刺激，配合上來，簡直係一絕美味菠蘿冰顏色鮮艷絕對適合夏天的飲品，消暑一流而且吃完鐵板餐更加有下火嘅感覺這間冰室簡直係碩果僅存環境服務質素

啟德商場好多嘢食今日就見到有間好抵食嘅茶餐廳我叫左鐵板牛仔骨具有獨特的香氣和口感。放在燒烤的鐵板上烹煮，肉質的嫩度和口感一流牛仔骨的味道是濃郁而多汁的，醬料的調味略有不同選擇 但通常包含蒜蓉、黑椒，這些調味料能為牛仔骨增添豐富的風味。燒烤過程中，醬汁與牛仔骨的肉質交融，使得牛仔骨表面呈現美味的焦糖化外皮，內部則保持著肉汁鮮嫩。剩係得牛肉點夠呢一定要叫啲飯先飽見到有個好特別嘅菜式 哈哈哈炒飯入面有蝦羔，蝦米及蝦球，免頭有好多肉鬆好少茶餐廳會有呢一個菜式好特別啊而且仲好惹味添 ✅👍🏻

估唔到大型商場有一間港式冰室主打炒粉麵、焗飯等簡單食一餐麵都好滿足～🥩西冷牛扒餐 $128跟餐配有粟米湯及薯條西冷大件又厚身 食落無筋又軟稔七成熟剛剛好🧀芝士蝦多士 $72/6誠意推介😍記住襯熱食咬落去有濃濃嘅流心芝士 仲有大大隻蝦膠🍤✨XO醬豬扒炒烏冬$78 豬扒大大件嫩滑 烏冬微辣 食落幾惹味～✨妙齡乳鴿$62 表面香脆😍嫩滑有肉汁 醃得入味✨鹽酥花枝丸$42大大粒 花枝丸爽口彈牙✨雪糕紅豆冰 $21當然要飲返杯懷舊飲品跟餐只需半價✨美祿恐龍 $19不得不揀餐廳位置闊落採光度足夠 上碟快☺️