上勝日本料理 (昌隆工業大廈) (已搬遷) 新店位置

今日同同事落咗荔枝角食一間丼飯。本身睇相都幾正，咁我就叫咗個自選。甜蝦、松葉蟹肉、火炙油甘魚細飯。同事就叫咗1份E餐、1份F餐、再有另一個自選。嚟到個丼飯賣相真心ok, 影相放ig 打卡簡直係一流。但係味道就完全係一個相反。佢係我暫時有生之年食過都幾唔好食嘅丼飯。我同事話爭鮮都好食過佢。想去打卡冇問題，但想食好西嘅話，我唔會推介。如果有朋友想試，我一定會勸住佢。但重點係，呢間嘢好多人排隊食.......

平時都去荔枝角都係可能去D2 Place行下，之前係地鐵站行出去都留意到呢間日本餐廳好似唔錯咁，所以今次就黎試下！本身以為係可以叫自選丼飯，點知入到去先發現好似得啲指定配搭左嘅丼飯，應該係得午餐先有得自己揀🤪**********<上勝特盛丼> $188依個丼係餐牌上面最豐富個個，有牡丹蝦、海膽、拖羅蓉、三文魚、油甘魚、帶子、三文魚籽同埋玉子！未食齋睇個賣相都幾吸引，每款刺身都足料嘅，味道就正正常常，另外佢地係用左赤醋飯嫁，如果係貪心咩都想試下嘅朋友就可以試下依個丼🤩

荔枝角一出D1出口就見到呢間裝修幾有日本居酒屋感覺嘅上勝，有幾吸引嘅刺身丼！親子四彩刺身丼（$78)有油甘魚、三文魚、帶子、魚籽。呢度用嘅係赤醋壽司飯，正名係「江戶前赤酢」，即係用黑醋而唔係平時見嘅白醋撈飯，亦唔係醬油撈飯。燒日本皇帝蟹棒（$28）丼飯份量唔算大，所以都點左兩款小食。呢個蟹棒係店長推介食物。鹽燒雞翼（$30）雞翼脆身，入面依然好嫩滑。呢度有正常枱，又有吧枱，吧枱每個位有個電腦開住YouTube，比大家一個人食飯時可以解悶。晚市自取做緊九折添。

有日好想食日本嘢,諗起屋企附近有間食丼嘅餐廳，而印象中呢間嘅質素都唔差，所以就去左呢間度食。 入到去開始聞到陣油煙味，抽氣系統有待改善。我嗌左個迷你海膽丼同幾件壽司。等嘅時間都ok,幾快，唔駛十分鐘就有嘢食。迷你海膽丼嘅海膽都有少少鮮甜，起碼好過板X壽司嘅海膽（得個苦字）🤭🤭，但係個飯底就好難食，好酸，懷疑係豉油撈飯。🤢🤢壽司嘅魚生好普通，點知舊飯都係豉油撈飯。😩😩服務都唔錯，雖然有人排隊，但都唔會chur你。😁😁總結：除左個飯之外，其他野一切正常。

一個人放左工，唔想回家食，突然好想食丼飯，就係荔枝角d2附近比我見到門口有大大碗海膽丼飯的廣告板吸引了，我另外仲見到依家有優惠只要晚市打卡讚好分享社交平台就會送花之戀，但大前提係兩人一起，我今晚一人所以冇份。我選擇左特上海膽丼 （牡丹蝦，海膽，帶子，蟹籽，玉子）牡丹蝦大大隻，海膽好甜，帶子新鮮，蟹籽份量好多，玉子普通。炸芝麻雞翼兩隻， 即叫即炸，皮脆肉滑夠味。花之戀兩件， 眼見其他人免費食，我又想食，唯有比錢叫啦，冇計自己今晚得一個人食，下次一定要兩個來食先得。

活化後既荔枝角工廠區多左好多靚同特色既餐廳,但同時亦都隱藏住好多小店同樽有驚喜.今日就試左間隱世刺身丼店！呢間外觀唔算突出係街口一角,要係地面再要行落幾級樓梯.內裏既佈置好有日本風,地方雖然唔算大但唔會有焗促感.lunch set c$148有前菜,麵豉湯,迷你烏冬同有齊咁多款高級刺身你話抵唔抵？迷你烏冬用既仲係稻庭烏冬！質感幼細,滑溜又彈牙.烏冬既豬骨湯底都幾香濃,帶少少油香.烏冬仲有好多海帶,粟米做配料！份量一d都唔算迷你.牡丹蝦好大隻,蝦肉十分甘甜而且蝦頭帶點蝦膏好香濃.時令海膽大大份,唔會融晒又啞晒色,入口creamy甘甜唔會腥.油甘魚同三文魚切得厚身,富有光澤.入口質感軟腍之間帶點彈性,唔會有筋.帶子壽司同加州卷用左赤醋飯.比起平時既白醋飯,赤醋飯酸味更強,帶點發酵既醇香可以令帶子刺身既鮮甜味更突出,米粒飽滿而有嚼勁.

之前都試過下佢地既咖喱飯，感覺唔錯👍呢次再黎，梗係試下佢個刺身飯啦～..佢地個飯底係醬油漬，唔算太食到醋味，食落去其實都痴埋一舊舊好黏口🧐感覺麻麻地🙈一般貨色。..飯底得唔到我歡心，刺身質素又點呢？@@.佢地既刺身我個人覺得水準唔錯，海膽食到最少有兩款唔同，味鮮帶甜😎💁🏻‍♀️鮑魚帶少少煙薰口味，唔會話難咬到擦膠一樣👍👍👍👍唯一有啲搞笑係，成碗都係蛋😂😂..簡潔而言，食物質素中規中矩，不失為荔技角食飯list其中一員～～.

餐廳日式擺設好有心機，係荔枝角可以自由配搭既魚生飯餐廳大盛飯配4款刺身 $135(美味指數: 😋😋😋😋)今次揀左大盛飯飯底$15再自由選配4款刺身，分別係火灸左口魚裙邊$40、拖羅蓉$30、三文魚腩$30、帶子$20。大盛魚生飯大大碗真係好抵食，刺身新鮮有色澤，嫩滑鮮甜。三文魚新鮮肥美，拖羅蓉入口即溶，配合店家特製既江戶前赤醋飯更突顯刺身既鮮味，簡直人間美食原味波仔汽水 $8(美味指數: 😋😋😋)波仔汽水既梳打都增更左刺身既鮮甜味，係不算既配搭😋整體食物質素：4.5 / 5💰性價比：4.5 / 5👍推薦指數：4.5 / 5

上勝正正喺我公司附近路過幾次已經被佢舖頭吸引左裝修好日式 以木材裝修為主不過最吸引到我 其實係佢門口個餐牌我本來都唔係海膽迷 但佢幅相真係太吸睛🤩勁飽滿既海膽 真心睇到都流口水🤤呢個海膽富士山 真係不得了佢張相 同實物 又唔係圖片只供參考 真係好足料佢用既係加拿大海膽 比一般韓國海膽 馬糞海膽肥美 加上海膽份量多 每一啖都可以大大啖食 勁有滿足感🥰 而且我自己就覺得海膽味好濃好鮮甜 真係非常新鮮好味：🔴🔴🔴🔴🔴環境：🔴🔴🔴🔴⚪️服務：🔴🔴🔴🔴🔴抵食：🔴🔴🔴⚪️⚪️整體：🔴🔴🔴🔴⚪️🤗p.s. 海膽富士山係每日限定 售完即止

在家工作久了，午餐還是要偶爾出街吃一次的。位於荔枝角地鐵站出口附近，交通便利。因為店內裝橫色彩繽紛，非常吸引眼球。午餐分兩大區，分別是熟食和生食。呢碗係黑蒜油稻庭烏冬。材料是夠豐富的，略歉不夠熱氣騰騰。湯底是比較清淡的，不是很濃烈的那種。配搭的吉列港島蠔，有5粒，剛炸好出爐，熱辣辣的，香脆的外皮。蠔肉質素參差。其中兩粒肉質豐滿。炸一口豆腐＄48筷子叉獨立包裝，感覺衛生但有點不環保。豆腐一粒一口。炸港島蠓烏冬＄78炸一口豆腐＄48又一頓豐富的抗疫午餐。

行完荔枝角d2 place之後, 諗住返屋企食飯, 嘅喺附近見到間日式料理, 原來都仲未關門, 入去睇睇個餐牌, 價錢都幾親民, 就入去食啦叫咗個海膽軍艦, 再加個叉燒拉麵, 海膽軍艦上的海膽擺超滿，一邊感覺到軟軟的口感, 海膽口感濃郁且價格非常親民, 鮮甜飽滿的口感讓我意猶未盡, 想再食多件食海膽軍艦之後, 就嚟到個叉燒拉麵, 分量都幾大, 有一大塊紫菜, 再加半熟蛋最欣賞嘅佢叉燒, 同其他餐廳是不一樣的, 含有豐富嘅醬汁, 咬落去非常的香甜, 值得一讚!麵條都粗身, 咬口q彈, 亦都掛湯, 不錯不錯

上勝日本料理（荔枝角）今日下午有啲時間，唸住去荔枝角行下D2 Place，行之前當然要醫咗個肚先，一出地鐵站就見到這間日本菜，唸都無唸就入咗去，因為好想食刺身😅舖頭座位唔算多，裝修好有日本居酒屋啲格局，門口仲有木酒櫃放咗好多日本酒，幾有Feel～午餐嘅Menu都好多嘢揀，拉麵🍜、烏冬、各式定食🍱，星期一至五仲有自選刺身丼飯，仲免加一服務費，好抵食👍疫情情況不太好，舖頭好細心，用一套套包裝好的即棄餐具，感覺好衞生☺️我入嚟係想食刺身，最後叫咗個刺身定食：海膽1客牡丹蝦1隻油甘魚刺身2片三文魚刺身2片帶子壽司2件加洲卷2件迷你冬烏冬1碗一個定食有齊咁多樣刺身，合晒我心意👍最欣賞係隻牡丹蝦，好大隻、好新鮮、好juicy，差啲想叫多隻食😅海膽都好新鮮，無苦味，不錯😊油甘魚、三文魚刺身好厚、好肥美😋壽司飯係赤醋飯，第一次食，幾特別😉加埋個烏冬，食到棒住個肚，好滿足😋小插曲：臨尾食完小妹好大意，整跌咗對筷子，侍應好快手幫我執仲，攞多對新的給我，其實剛食完，所以不需再用，不過侍應的細心❤️及快手令我十分滿意👍

Lunch 來個豐富刺身飯獎勵一下自己，揀左間荔枝角小店「上勝日本料理」，店內裝潢別有一番日式風格，店內的牆身有大大的日系彩畫，門口兩旁放滿各款的燒酒裝飾，晚上應該好有居酒屋的氣氛。我揀左自成一角的bar枱位，仲有得睇youtube。小店除了有自選刺身飯，還有6款刺身lunch set選擇，至於想揀熟食的話，也有15款定食、多款小食及拉麵....自選刺身飯就有分小盛飯或大盛飯，配搭最少三款先選刺身，刺身的價錢有$20、$30、$40，自由組合非常好。我的自選刺身飯有5款刺身，追加 $15 味噌湯及是日沙律，好豐富好夠飽。味噌湯唔會好咸，清香順喉，沙律反而單調，幸好醋汁開胃消膩。賣相非常吸引，刺身滿滿色澤鮮艷，帶子有兩片，好嫩滑，鮮甜柔軟。三文魚及油甘魚各有三片，兩者都好新鮮肥美，前者油潤豐腴有嫩滑口感，後者鮮甜肉質有彈性。三文魚籽份量有一大匙，與赤醋飯同食，鮮味大爆發，又有脆卜卜爆開的口感。到我最喜歡的京蔥拖羅蓉，拌飯食都有感入口即溶，油份豐富係口內化開，味道濃郁而且令人回味。原來刺身飯還配搭甜蛋及飛魚籽，鬆軟有蛋香，加上脆卜卜飛魚籽，好夾整個飯，同埋更加豐富。而小店最特別是用赤醋飯，

一個人來到荔枝角拎野，我又點會錯過呢個時間順便去尋找美食呢！今次竟然比我發現係 D2和D1出口中間有間食日本野的小店，我比佢的裝修吸引了，就行左入去。睇完餐牌比佢的特上海膽丼吸引住我了，因一碗滿滿刺身，望落已經流哂口水了，佢材料豐富包括有海膽，牡丹蝦 ，帶子， 玉子燒 和三文魚子。海膽鮮甜，牡丹蝦夠大隻，帶子新鮮 ，玉子燒得剛剛好，三文魚子大大粒， 而最重要係個壽司飯佢地係用上江戶前赤酢，所以就算唔加鼓油都已經好有味道。就係見到佢地係赤醋壽司飯，我仲叫了三文魚壽司和炸 軟殼蟹手卷。整體感覺非常滿意，下次去開荔枝角我一定會再來食的。

上勝日本料理@荔枝角呢間日本料理好多選擇，有拉麵🍜、咖哩飯、刺身盛，最後都係要自選刺身丼😋🔅自選刺生丼先選飯的份量正常同大飯然後根據自己喜歡的刺身再選我選左三文魚x3片（$20）油甘魚x3片（$20）帶子x2片（$20）蟹子x1份（$20）北寄貝x2片（$20）墨魚x2片（$20）醋飯用左赤醋早前分享過赤醋比白醋健康而且成本亦都較高估吾到呢度用赤醋每個丼飯都會玉子同埋少許蟹子所以吾洗特別再要一份蟹子油甘魚同三文魚最好食油份足而且厚薄適中岩岩好包住醋飯墨魚最大片帶子鮮甜北寄貝好爽口食得好滿足😋😋味道：7/10💰消費：$135