上勝日本料理 (昌隆工業大廈) (已搬遷) 新店位置

喜愛獨食之前第一次食是單獨丼，未有套餐。第二次來發現有套餐，吸引指數上升不少。有魚生，蟹肉卷，面鼓湯，甜蛋，三文魚前菜，咁豐富100有找，真心不錯👍👍面壁位置更有iPad 看YouTube, 絕對是獨食者的好選擇

位於荔枝角的小店，位置不太顯眼。但內裡裝修十分日式，有日本屋台的味道，牆上盡是日式海報，更整晚播著懷舊的日式歌曲，真的以8身在日本。店內食物有多種選擇，不同的丼飯，另外還有不少熱食例如鰻魚飯，燒龍蝦。刺身丼豐儉由人，有100元以下，更有300元以上。點了個中價的海鮮丼。蟹鉗及帶子size比較小，而且肉質不夠結實。磯煮鮑魚，用了濃厚的醬汁炆煮，肉質鮮嫩彈牙，有口感。三文魚籽味道鮮甜，沒有腥味。味噌蟹肉味道濃郁，十分適合配上白飯。4件熨上店名的煎蛋不過不失。可惜醋飯分量比較少，三扒兩撥就見底了。另外店員態度十分良好，主動倒水，又拿籃子給你放包包。

朋友的party room在附近坐完想搵晚餐今日附近很多店鋪都冇開經過呢間就試一下來到店舖細細但係裝飾都幾多令人目不暇給嘅感覺HKD 128一個刺身拼盤兩人份量我同老婆食一個朋友同佢男朋友食一個新鮮好食HKD 48 酥炸生蠔五粒，ok啦每一樣嘢食加15蚊就可多個沙律同埋麵豉湯我覺得加都無妨嘅，都可以的我的滑蛋牛肉飯我個人認為非常好食而且飯嘅份量都足夠朋友的鯖魚飯鯖魚份量多老婆的豬軟骨烏冬豬軟骨嘅份量好少朋友叫嘅大盛鰻魚飯98蚊我就冇食，佢哋話鰻魚汁太鹹以上嗰張單未加小食同埋2個沙律錢埋單六百幾蚊我個人認為如果六百幾蚊 我又唔可以話佢唔抵又唔可以話佢抵以環境嚟講，呢個價錢有啲貴食物質素嚟講可接受佢嘅質素淨係可以講黎開附近我會食但係絕對唔會特登過嚟食因為坊間仲有好多好選擇

呢一日又過咗黎 D2 Place 搵食，不過呢就係附近，係站旁有間小型日本食店，望望餐牌同裡面環境，都覺得ok就走咗入去😝 坐咗面壁位都幾好，仲要每個位都有部tab俾你睇嘢，又幾好喎😁我叫炸餃子豬骨湯烏冬，加$15蚊有沙律同麵豉湯，烏冬同餃子都正常啦，無咩驚喜😛女友叫咗豚肉生姜燒飯⋯⋯大家睇到個樣都應該覺得唔夠日式feel 😄😄  真係有小小港式炒嘢咁，好彩個味道都ok，如果唔係就🤦🏻‍♂️

見佢魚生飯平平地就叫左！ 碗飯份量唔算多， 女仔一個人都食得曬，但魚生都足料，有齊三文魚，吞拿魚，青瓜，玉子等等🤤食落 口啖啖都係料。另外見佢D飯係醬油色，細問之下先知原來係用赤醋，食落咸咸地都幾好！

是日收工, 臨去D2睇戲前想搵間餐廳速食, 逕過上勝見有2pair人等位, 好似又幾吸引咁, 就去試埋一份。特上海膽丼油甘魚, 三文魚, 三文魚籽, 灸燒帶子, 牡丹蝦, 拖羅蓉, 灸燒吞拿魚, 海膽, 煎蛋, 醋飯油甘魚 - 肥, 魚油足, 有油甘魚特有的魚油香及甜三文魚 - 普通三文魚貨, 正正常常三文魚籽 - 醬油打得幾好, 醬油鹹味無嗆到三文魚籽的鹹味, 有少少層次牡丹蝦 - 熔雪處理做得唔錯, 蝦頭有糕, 但唔太甜灸燒帶子 - 細粒, 一般, 燒完無咁甜, 可能本身來貨唔靚要燒一燒佢扮下野拖羅蓉 - 分量好少, 但118有拖羅蓉係超值海膽 - 甜度一般, 食落creamy, 有少少甘 灸燒吞拿魚 - 同帶子一樣,  燒完無咁甜, 可能本身來貨唔靚要燒一燒佢扮下野煎蛋 - 太甜醋飯 - 分量好少, 醋落得太多, 似近關西風味, 偏向味濃整體係抵食, 份量唔多, 大食會唔胞, 但質數絶對對得住佢個價錢。PS：佢啲刺身熔雪處理係做得唔錯, 比起坊間好多放題店及壽司店好。

因為好趕時間既關係，又正直lunch time，所以揀左呢間係地鐵站隔離既日本餐廳醫肚店舖裝修幾有日本居酒屋既感覺，一入門口就有一個放有sake既酒櫃作裝飾，收銀機前放有一堆好得意既貓仔擺設，連黑板都畫上一隻肥貓手抱一條魚，相信老闆一定好鍾意貓架啦😽超趕時間，未入座已經點了雜錦魚生丼 & 親子四彩刺身丼親子四彩刺身丼($68): 有三文魚，油金魚，帶子，玉子同蟹籽，呢度既飯唔係平時食開既白色壽司飯，而係啡色既壽司飯，店員話係用左赤酢，食落既味道比平時的白酢較香濃，魚生新鮮，份量亦唔少，好夠飽雜錦魚生丼($60)，魚生係切成粒狀的，不過佢係面淋左d醬油，所以偏咸，有點美中不足呢個價錢真係無野可以挑剔，CP值勁高，好抵食！

在附近逛完D2，剛好看到一間門面懷舊的日式食堂，舖頭細，座位不多。由於店內的裝飾實在太有日式懷舊味道，於是被它吸引了進內。其實我一直是個壽司及刺身的迷，看到menu紙醉金迷的日式刺身丼，的確令人流口水。不過最近真的吃我太多生冷食物，於是點了個日式咖啡牛舌飯。可能是熟食的關係，比起刺身飯需要準備的時間還要長。嚐一口咖哩，有一點微辣，不太刺激味蕾，是個容易接受的速度。牛舌經過香煎後配上咖哩更惹味。這間店的牛舌真的是牛舌，有六大塊。之前去過某些店，聲稱的牛舌飯竟是牛舌粒飯，相當令人氣憤，幸好這台童叟無欺。其實觀看店內大多數人都是點壽司或刺身，什少人跟我樣點熟食，下次有機會一定要試試。

The food is so amazing here. They have a large variety of sashimi which are all extremely fresh. You get to choose what type of sashimi you want in your rice and they make it look so so good. The price may be a little expensive but considering the quality of the sashimi, I say it’s worth it. 100% recommend and would definitely go again!!

收工準備夜晚去上training，同事話勁肚餓，想食埋dinner先返屋企，唔想食太飽無精神上training，就去左試下呢間上勝日本料理。Order完都覺得自己係咪太膽左少少，都未食過呢間其他野，一黎就即試食佢既雜感魚生飯......到個飯上table時超感動，師傅整得好靚，成盤花咁放係你面試，d魚生好新鮮，完全無個種雪到條魚死完要再死多次既雪味。魚生上面有少少麻油好香口，最特別係佢既飯，唔係白飯黎架，係加左醬油既啡色飯🍘

做完公司手尾 去左附近餐廳填下肚入左黎呢間叫上勝食日本野叫左個吉列廣島蠔烏冬都有5隻炸蠔 炸粉唔太厚 有味既麵份量都ok的見食評之前話好份量細，睇黎餐廳有改進左整體cp值都抵食既~刺身就無試到 唯有下次先再食過

星期日晚3個人一齊黎食，已經第二次黎喇！個鰻魚飯真係念念不忙！$138原條鰻魚大大份，可以2個人share今晚仲叫左一板海膽，原本唔係好鐘意海膽既我都覺得好食👍🏽👍🏽😋必食既仲有龍蝦手卷同埋芝士年糕，全部都係即燒即炸，趁熱食好正！😍3個人食左600零蚊，質素好又大大份！好抵！

行過屋企附近見到間新開壽司店，舖頭細座位唔多，熱熱地想食日本野，但又要等幾張台，唯有叫外賣跑返屋企試試佢！叫咗個特盛海鮮丼，有鮑魚、帆立貝、蟹肉、蟹鉗、蟹膏，餐牌睇相食物係迫爆碗，價錢$168都尚可接受，點知原來外賣仲有九折，忍唔住叫多2件海膽、黑松露帶子壽司，折埋都係240蚊左右，咁又覺得幾抵🤤等左十分鐘外賣到手就急不及待跑返屋企即食。打開外賣嘅時候，第一刻覺得個碗好似有啲細，但食物真係迫爆碗嘅～由於我太心急掛住食唔記得影下佢個壽司飯，記得去東京食omakase食過一次，啡啡地色唔太酸，幾啱我口味！無諗過li個價錢食到呢種飯。食多兩食碗飯都幾飽，眼前仲有4件壽司，有啲覺得自己眼闊肚窄⋯黑松露帶子壽司，帶子好鮮甜，同黑松露醬都好夾海膽軍艦，聽侍應介紹佢地會因應季節用唔同品種嘅海膽，冇上心聽之下唔知呢隻海膽黎自邊度，但好大片都幾鮮甜！本來諗住會食唔飽，點知最後仲食剩左d飯，或者未必係好大份，但份量與價錢係合理抵食，食物質素都俾到意外驚喜我，總括係滿意！

公司附近開左間日本野，琴日收工終於去左試。首先試左龍蝦飯同極上牛肉飯，極推介佢個龍蝦飯，有3隻蝦，甜蝦、熟蝦同龍蝦，佢龍蝦十分彈牙，百幾蚊碗黎講算好抵食。之於牛肉飯就普普通通，因為膽蝦飯對比之後見到隔離台叫海膽於是我地都叫左，係北海道海膽，真係好鮮甜，員工話今日新鮮空運到，一板海膽價錢平過出面之餘，水準都好好。下次會試下佢地既lunch，雖然成日見到都好似好多人，但琴日去食發現佢地單人位有埋一部機可以比人睇YouTube,但 我無影到，喱個位設計好正

話說上星期食左間貴夾唔飽既日式壽司晚餐見到呢間d食物好吸引，好新鮮，仲要價錢合理，就急急腳book jor~~~我地叫左蟹膏軍艦同三文魚壽司各一客。我食上盛海膽丼，海膽量偏少，但新鮮好味。之後忍唔住叫多客海膽軍艦。甜蝦大大隻又鮮又甜。帶子唔錯！驚喜係有三文魚籽！d飯唔係平日既日本米，係赤酢既飯，酸甜d幾特別，唔落醬油都夠味。見食完哂d魚生，仲有飯剩，叫埋三文魚刺身😋😋夠厚身，正！（太好味冇影到🙈）米大人不吃太多生野，所以叫左黑蒜豬軟骨拉麵。豬軟骨食落口感唔錯。拉麵略嫌唔夠彈牙。湯底唔夠香。都係繼續我地丼好了😂😂沒有失望，食到飽飽大滿足先走！謝謝米大人萬歲！