上品火鍋料理

營業中

休息中

一行三人乜都想食，提議打邊爐，上網搜查，見到就入去試下，估唔到食材新鲜，叫左條老虎班鮮嫰，滾兩滾已經好好味，牛頸脊好滑同有牛味，不是一般冷凍貨，丸類手打彈牙，餃子飽滿肉質都可以，蔬菜新鮮，三個人雖然食得唔多，不過都好滿足，下次可以約埋一大班人來可以叫多些食物

第1次食野比人呃錢，就送我嘅第1次食評比上品。首先起門前有多個套餐，入到去只提供一個，而且底部細字顯示只有星期1至4提供，當晚係星期6，咁做咩張d套餐放起出面釣人，咁之係要散叫啦，咁就散叫吧！而食物方面極之普通，叫左個象拔蚌刺身，腥到用左黎打邊爐，其他食物份量超細份。最有印象係服務質素，由入場到埋單果位操口音嘅呀姐塊面都係黑嘅，就算我地唔該前唔該後，直到走都唔會有一句多謝。而埋單果陣感覺佢有d古怪，所以拎左張單返屋企慢慢睇，一睇之下，原來佢個加一係唔知點計出黎嘅，收多左廿幾蚊，之前聽過有d餐廳會出埋依d古惑野，估唔到真係會中招。保證冇下次，而且會同你大力宣傳，898

天后有很多好餐廳選擇，已不是第一次來這間餐廳。跟好姊妹相聚，當然要選好質素一點的。但撞正情人節正日，要抵吃一點，就特別不選西餐，選打邊爐。前一天訂座已有四人卡座，整潔寬敞，與旁邊桌子有一定距離，可安心談心而不怕被打擾。食物方面，選了這個海鮮拼盤，份量兩個人剛好，賣相非常吸引，非常新鮮，海鮮上枱的時候仍是動的，加多碟肥牛及雜菜已經非常足夠。海鮮拼盤留下的魚架，還可加錢用椒鹽炒，多一個佐酒小食。其實天后有兩三間打邊爐，這間算是中上價錢，但食物質素及環境對得起這個價錢。

因為疫情少了出街晚飯，我差點忘記這個美味火鍋店…. 這裹的樱花刺身牛肉真係超正, 其實此店的火鍋料非常新鮮。除咗刺身牛肉，仲有鮮魚刺身和花膠翅群雞湯底我哋都一定要叫，每次都係飲完2-3碗雞湯先開始食。

野食係ok但份量少 入去攞位態度已經唔好 唔叫海鮮 態度就更加惡劣 跟住就企係度望住哂 眼光唔友善 之後落錯單同佢講 態度就更加唔洗講 我唔係歧視有口音既人 但態度差個兩個都係有口音的 其他都還好 真心講唔建議去 唔應該比錢買難受

食物算係ok ， 新年要睇你夥記面色做人，好似一定要叫高級食材，如果唔係夥記全無反應，究竟係老細教定係火嘅本身有問題定係間公司係用佢啲服務態度咁差嘅員工做嘢 ，服務態度零分， 侍應態度唔想開工可以唔開，唔可以對客人咁冇禮貌， 落單叫嘢全部反應， 老細多得你啲夥記唔少， 入去火鍋店係咪一定要叫海鮮，龍蝦，鮑魚， 象拔蚌高價食材先會服務態度好啲， 一定要叫你朋友唔好再幫襯，如果唔係咁受氣， 食完俾小費仲要反起雙眼， 大佬唔係欠你哋呀

Booked a table for 9:00pm. Arrived at 8:55 and was told I can’t come in because my reservation was a 9:00pm! Waiting for five minutes and was told that I had to wait for another 20 minutes. One of the staff had a terrible attitude and was completely rude. I’ve been going to this restaurant for years but I won’t return.

今日又係我銅鑼灣食神微服出巡的時候今日家姐話俾我聽呢一間上品好抵食咁就試吓啦。睇過我食評都知道，首先講吓揸車嘅環境。清風街仲要睇你彩數，泊遠少少都應該冇問題，近來抄牌都幾嚴可能為咗六月派消費券。講真嘢食幾好食亦都好抵食，5人食$1000。等阿姐嘅禮貌真係要學吓，喺譚仔嗰啲Style…一坐低馬上講折扣只可以食45分鐘。7:00必須離座，還要你應承，攞豉油同調味品嘅時候，話中有話，說好趕時間啊快啲啦隔離嗰台都要，6:15再嚟提示，阿姐食一餐講四五次，喺30分鐘裏面都唔夠，隔離嗰台已經發晒脾氣，你嚟到我呢台，亦都係咁樣你想點樣呢？可知道我哋做大食評家，出來食飯已經好客氣，都怕得罪人，得罪餐廳老闆。但冇辦法啦都係要比負評！喺食平左，但要受氣，大家自己諗。補充一句，食物出品幾好唔錯！還有一點，6:50幾分外邊仍然冇人等位，如果有人等位先咁緊張，對不對？

慶祝同事升職所以去打個邊爐，搵左間呢間火鍋唔係任食既，諗住散叫食物質素會好啲🤣。去到環境都ok，但座位有啲逼。一行4人大約食左2k，每人除番$500蚊左右。比任食就算貴少少，但慶祝同事升職所以食好啲，久唔久一餐都ok既。同同事食所以都無認真影相，所以都拖左一排先打番呢個食評，望番佢社交平台 menu好似加左價…下面既價錢係舊既，俾大家參考下。🔅黃金炸響鈴 ($78)黃金炸響鈴真係無得輸！好脆好香鹹蛋黃味，正！🔅蟶子皇(四隻) (時價-$168)蟶子都大隻，幾新鮮👍🏻。🔅頂級本地鮮肥牛 ($388)牛味幾濃，牛肉都唔韌，唔錯。🔅手工丸類丸類幾出色，夠彈牙又夠大粒👍🏻。💬要留意用Openrice book係無折仲要有限食2個鐘😱，正常打電話去book應該唔限時🤣。散叫火鍋黎講都ok，唔算特別出色，性價比都唔算好高。

呢間野都ok，最緊要d蝦好新鮮呀，好正👍👍👍。環境都衛生，強烈推介！上次同D閨蜜一齊去食，佢哋都話OK，不過就超貴lo。（好彩唔係我俾錢）同埋我都好推介嗰度嘅滑雞片，真係好滑好好食😋😋😋。我都好推介安格斯肥牛，嗰啲肥牛真係好肥好嫩😍🥰😍🥰😍🥰😍🥰！溫馨提醒：一定一定一定一定要記得帶件laang衫去，因為嗰度D冷氣真係勁凍😱😱😱🥶🥶🥶真係凍到我啲手腳完全僵硬曬。

很久沒有犯罪(飯敘）。老友極力推介，真係冇介紹錯，炸魚皮還是暖，嚮鈴卷非常好味，海鮮性價比高，還要推介佐酒美食咸蛋黃魷魚非常惹味。餃子和手切牛肉都是極力推介。湯底選擇了花膠湯底，非常鮮甜而不膩

今日想食個港式火鍋，於是揀咗沙爹鍋，香濃惹味。鮮蝦雲吞皇：鮮蝦雲吞大大隻，內餡飽滿，皮薄蝦多。唔錯。芝士蝦丸：爆漿果下好正，鹹香鮮甜。台灣鱔片：好鐘意食鱔片，估唔到呢度都有鱔片食。自製子母蝦腐：蝦腐口感無咁實，鮮味更足。黃沙豬潤：不過不失。大大片。台灣鴨血：係台灣打邊爐可以任食，果時唔識珍惜，宜家得一碟仔食嘅時候就覺得好好味。竹笙：竹笙沾上沙爹汁都幾好味。今時今日其實要搵一間食材新鮮嘅打邊爐都唔容易，好多伏位。呢間嚟講伏位唔多，價錢合理，都過得去。

今日放工同一個同事去食上品火鍋，因為疫情嘅關係場面比較冷清嘅，但員工都有戴上口罩而且係最高級別嘅口罩，哈哈～我哋叫咗一個麻辣湯底一碟牛肉一碟魚片萵筍生菜蘿蔔粉皮Total叫咗$450，個麻辣湯底有分唔同辣度，我哋叫咗小辣但係都超級辣早知嗌清湯，但因為朋友想食辣所以就叫咗小辣。食物都想得幾快感覺上都係一早擺定喺雪櫃，食到差唔多一半，我哋叫咗一Jar紫貝天葵飲，飲完好消化，去到最後我哋食少少菜同埋啲粉皮個湯底就變到好辣，因為麻辣嘅湯底係越煲越辣所以下次都係嗌清湯。

天氣忽然間變得好凍，想去打邊爐，即刻搵幾個邊爐腳，問下去邊度會方便大家收咗工去。最尾係去港島區，因為要就番我，收工最遲係我，所以佢地話去天后、大坑或者銅鑼灣，都係搭幾個站地鐵，遲極都唔會太離譜。我哋冇點刺身，主力係食牛肉同海鮮拼盤，加埋其他火鍋配料，都食唔晒。有D餃子同肉丸要包返屋企。海鮮拼盤本身已經有好多唔同海鮮，隻蟹有膏不過我懶慢慢拆開嚟食D肉，所以無食到。蟶子爽甜夠大隻，D蝦都好新鮮，珍珠蠔都幾肥美，係D花甲較為普通。整體質素好好。

My dad’s birthday meal held there and that was the third visit of our family. We tried their food before and dad said it was very nice. So we came back again for more food and more hotpot. We booked ahead as usual to avoid the problem of not getting a table.We ordered the beef platter and it got like 5 different choice of beef and everything was so fresh. The meat was very tender with lot of flavour. Our family really love beef a lot and we quickly finished up all the beef.The restaurant got var