上海三六九菜館

營業中

休息中

行完書展好大雨 ，從天橋落去 轉過彎就到，所以都 濕咗 少少身。大約中午兩點 15分都非常多人， 好彩啱啱搵到座位 ，大家如果想去三點後會少 D 人 ，不過就未必有 午市 了。叫咗個三鮮炒年糕， 味道幾好真係有啲老上海懷舊 feel, 嗰啲火腿好似 真係喺上海嗰一種， 所以 真係發思古之幽情； 心中不其然講一個『正』字。不過可惜 比較稍鹹 ，而且鹽的質素 其實大有改善空間，(我喺屋企用唔同品質嘅鹽煮出嚟嘅餸真係好有分別㗎)。有一個 午飯叫做炒鱔糊， 有例湯同白飯， 都係嗰一句如果炒鱔糊啲鹽用靚啲嘅效果一定好唔同。小籠包難得佢真係灌湯 ，不過湯就唔算有濃味， 所以佢哋真係可以考慮一下佢哋嘅高湯加 多一錢肉緊。鍋貼覺得 ok 㗎， 中規中佢啦。少少失望佢哋好似唔多次係上海人( 純粹我估㗎咋)，因為我用上海話多謝佢哋，佢哋好似冇乜反應唔識聽。

以前去會展經過條橋，望落下面經常都見到有個好大嘅招牌寫住三六九飯店，不過就未有機會試，今次附近做完嘢，咁啱經過呢間餐廳，就同朋友入去試下呢度嘅上海菜。其實就咁喺門面睇佢個招牌，已經覺得好 有傳統嘅上海菜館感覺，入到鋪入面無論 裝修、枱櫈、以至侍應嘅制服，都有一種好懷舊嘅感覺，同埋呢度只收現金。💵💵點左一 碗嫩雞煨麵，個湯都好夠味，而且啲麵亦都唔會太淋好似漿糊咁，食落仲有少少彈牙，另外有啲小白菜雞粒同埋菇。👍🏻另外就係呢個小籠包，佢個皮食得出係新鮮包嘅，同埋唔會一夾就散，而且佢唔係特別大粒，可以一啖一個，唔怕驚啲湯汁會彈到自己。👍🏻👍🏻

應該有5-6 年冇食過呢間喺灣仔有60年歷史老店原來有日本人會來捧場架喎或者老店始終有返自己風味嘅~ 回鍋肉夠鑊氣好惹味紅燒獅子頭幾嫩滑又係惹味之選小籠包皮就厚身左D肉餡乾身少少鮮肉鍋貼係最好食夠哂香口點下黑醋同夾埋薑絲一齊食好味🥟店舖環境以大枱為主難避免要搭下枱落單同埋單依然全人手處理仲要衹收現金呢下夠哂傳統同懷舊嘞~其實論食小籠包還是喜歡台北的鼎泰豐🥰🥰

今晚到上海三六九食飯，先是被安排到後巷門口的一張枱坐，望著那些收拾碗筷的桶和廚房內的髒亂狀況，可想像食客會是何等的坐立不安，若不是奶奶在場，要食飯，真係想立即走。點了肴肉、粗炒、擔擔麵、炒鱔糊、小籠包。那碟肴肉的皮係綠色的，面還有豬毛。叫了侍應來問為何綠色，他們大大聲，大言不大慚地答：「那是豬的印，係咁嫁啦」我立即上火，明知是豬印，還可以給客人食？！可想而知食物質素唔方會好。於是理論完，換了另一碟來，無豬印，但很仍多豬毛，刺到一口都係毛。那個擔擔麵，以為無可能難食，誰知那個麵，不是拉麵，像是幼身公仔麵，煮到太霖……一句難食，貼錢買難受，無可能會再去。

恨咗食三六九既擔擔麵好耐，終於今日做完野，順路去食到啦😋 份量真係唔多，不過湯靚、麵更靚, 好好食呀😍! 呢道咁多日本遊客嚟食, 學吓日本人食拉麵傳統, 食完仲差唔多飲晒D湯😋。我牙隙闊，一碗麵唔夠攝，一次過叫埋小籠包，早知叫10個啦。今晚人多, 等位都預咗。 好彩單拖, 被安排攝入「主家席」個吉位，用紅枱布, 四個party搭枱。見隔離個婆婆叫酸辣湯，個細酸辣湯其實一個人都KO到，不過廢事麻煩人加單啦，夜D再食宵夜啦。

同一班同事一齊食lunch, 成班都有八個人，每人叫咗一份嘢，嘢食很一般，員工態度又差而且仲係用手寫落單，都唔緊要，但埋單時又亂又多人，睇住張手寫單篤計數機，成張單計多我哋幾十蚊，出咗門口先知，費事返去。成間野舊式管理，出錯又多，以後都唔想再去。

上海三六九飯店 🏢今日約左朋友去灣仔食晚飯,🍽️ 上OpenRice 搵下有咩好食,見到上海三六九飯店,以前成日返工路過都見到呢間餐廳係灣仔橋底,但就從來都未試過,所以就決定揀呢間試下。 🤔去到門口見到有幾個人喺度等緊位,🕰️ 點知我地二位可以直入,入到去見到全場都坐滿人,我地就被安排搭枱坐一張8人的圓枱,但坐落都唔算迫。 🙆‍♂️睇完餐牌發現原來呢間餐廳除左上海野食仲有港式小炒的。但招牌係上海菜當然主攻上海菜試下啦,叫左10粒小籠包,一碗酸辣湯面同埋一碟上海炒年糕。 🥟🍜🍝小籠包味道幾好,湯汁飽滿好味,但10粒有8粒一夾起都因為痴住個底漏哂湯汁。 😋 酸辣湯面就不過不失,味道算淡口,不酸不辣咁。上海炒年糕上枱色水幾靚,但年糕入口係無味,但質感唔錯。 🤔整體嚟講都合格,價錢都唔算貴,久唔久都可以再嚟encore一次。 👍👌💯

Lunch 去左呢間餐廳食，見佢老字號先黎試下。點知有個丫姐侍應好鬼惡，服務態度非常差！只係呢一點我已經唔會再幫襯（p.s 佢仲要收加一服務費😵‍💫）我叫左酸辣面，未食過咁難食既湯麵，個湯完全冇味，零調味，啲餸都冇味，個麵底仲要lump 埋舊，又難夾又冇味。 另外叫左回鍋肉，呢個味道正常，啲椰菜好甜幾好食，但略嫌佢冇辣味同好油，食到咁上下見到啲醬痴埋一舊舊咁既，應該炒得唔夠均勻。公道說話，唔怕油既，佢啲炒野算可以，同佢杯茶係幾好飲既。整體黎講食物質素係2分

每次光顧必然會叫一份回鍋肉，而今次係我最後一次幫襯。上海菜重口味係常識，但係咁鬼濕淰淰，完全係加水翻炒過嘅樣。上海粗炒冇咸味，小籠包又冇湯汁。真係最好食，同時又係最難食嘅一間老店。員工態度極差黑口黑面招呼人，排隊等畀錢時地方狹窄，讓路畀其他人時畀人用粗口問候又冇寫明茶芥服務費。又拎走人碟餸畀換枱嘅客人，又因為要讓畀更多人一枱嘅客人，不斷叫大枱客人換枱。加上衛生欠奉，有殘渣係清潔過嘅飯碗。香港人成日怨老字號嘅店越執越多，我想話正正係後輩繼承之後，自己拆招牌，廖孖記只係其中一間。

個碗入面有上手既飯粒，叫人幫手換左佢，男伙記拎起後唔知扔左去後廚邊度 反正好響咁聽到扔野聲 後來拎嚟既碗見佢係水龍頭下面自己洗 見到佢係碗邊拎走左幾粒野 可能係未洗過拎去沖沖就比我地啦 回鍋肉超油超濕好咸 無辣味唔香上海粗炒得色無咸味小籠包5粒3粒有汁 其中有一粒咬落去汁都無 仲要係啱啱出爐姐咁當你太忙質素跟唔到啦 最嬲後去比錢 個走廊都夠曬窄 左邊有一個捧着一盆碗筷既男伙記話借過 咁同行既就借過比佢 但擋到另一個皮膚比較黑既男伙記（同上次扔碗果位同一位）佢放低單係櫃枱時就講左聲「生殖器」想問服務費係唔係就係收係被人用粗口問候 咁既服務都收加一茶水 憑咩？我無諗到入嚟食個飯都被人問候 老字號？服務態度差過澳牛

一行多人黎到呢間開佐好多年既上海老鋪食lunch，雖然環境已經好殘舊，座位亦唔算坐得舒服，但食落又比想像中好食。🍴我地每個人叫佐客飯+湯+1主菜，好意外飯係有兩碗，本來覺得有d多驚食唔哂，食食下反而好多送係要撈飯食，再另外點佐小籠包10隻同鍋貼10隻。🥢小籠包夠大隻，不過個皮有d厚同唔夠湯汁。🥟鍋貼煎得算香，又係大大隻好香，但冇乜油香咁。🥟回鍋肉 好惹味，配合佐椰菜一齊炒，都炒得有鑊氣。🍲麻婆豆腐 唔算太辣，撈飯食最好，多汁~。🥧蝦仁炒蛋 係咁多碟最清淡既一碟，係略嫌少少咸。🍤獅子頭 都幾惹味，好多肉，撈飯食幾好，有幾條菜係底。🍛總括來講，對於舊式上海鋪黎講，我覺得都算合格， 五十幾蚊有個客飯包食飽算係咁~🥄

一人食，嗌左一份面一份小籠包。買單時突然被收銀伙計問，係咪單叫一份面？我話唔係，仲有小籠包，跟住佢好滿意咁點點頭。跟住張單翻過來，上面寫的好清楚，係一份面，一份小籠包，總數幾多幾多。即係你知道我嗌左咩，你仲要好似做緊道德測試一樣test我？當我賊仔，報假數？總之比人感覺好唔舒服、唔被尊重，個伙計仲好似好習慣咁樣。（找錢時仲要找少10蚊，我話左佢先知）老字號就呢種服務態度？收銀伙計質素太差。差差差差差

下午時間來到這間在灣仔開業多年的上海老飯店吃飯，餐廳雖然不算很大間，但午餐和晚餐時間都特別多人幫襯，需要排隊等候，這次我們選擇了下午3:30左右來。我們叫了中午至下午時段才有提供的午市客飯套餐，每個餐包括了例湯、一個小菜、兩碗飯，相當抵食。餸菜到前先送上例湯，例湯是青紅蘿蔔湯，味道不錯。還要介紹它的茶很香，又夠熱，配上海菜很適合。回鍋肉是由五花肉配椰菜炒香，有少少辣椒，十分惹味。菜心獅子頭的豬肉丸大大粒，配有小白菜，加上濃味的醬汁。兩個餸都很適合餸飯，配白飯啱啱好。

繼續深宵的上海菜, 在港島區要吃夜宵, 越來越不容易, 除了粉麵檔外, 三六九也是經常的選擇, 因為熱食和價錢也算是相宜, 除了幾十年不變的裝修, 還有在收銀處的Label, 上面印着會展不同展覽的時間表, 相信這些參與展覽的人士也是它的主要客源. 今次吃的和上次不同, 但水準好像下降, 特別是味道調味上有點失手.油淋雞的做法是蔥油淋在本身已經煎香的雞仵上, 雞件口感很嫩滑, 但是浸了蔥油一段時間之後, 除了感受到香蔥的味道外, 更多是豉油的死鹹. 賽螃蟹理解到要用油去令蛋白滑溜, 但是油下得太多, 而且油膉味有點重, 吃起來就像吃放了很久的炸物. 鍋貼反而是全場表現最好的, 外表肥厚, 底部煎得香脆, 肉夠香, 麵皮和肉餡不會太乾, 如果肉汁再多一點就完美.

以前都有食開呢間晚餐，直到今日叫左個外賣之後，就係最後一次啦！首先服務態度超差！老闆同員工都唔休早咁款，我推門入去諗住叫外賣，坐喺正門坐到成個大爺嘅老闆叫我拎個menu出門口睇，睇完先入黎叫！間鋪明明好多吉位，而我睇一陣menu絕對唔會影響到佢做生意！咁點解大熱天時仲叫客人出去睇menu呢？叫外賣嘅都唔係客人？第二，落完單之後呀哥仔員工話10分鐘後返黎拎，冇單冇據咁真係講個“信”字拎外賣！第三，10分鐘後我仲未見有外賣放上枱俾人拎，就問佢地有我個外賣未！原來廚房一早整好，要客人問先俾外賣！成個感覺好似比人玩咁白等左段時間！第四，我叫左個酸辣麵$50外賣！打開佢食嘅時候，酸辣湯無酸辣味！聞落仲有陣臭臭地嘅💩味🙊麵質糊成一舊麵餅！豆腐有夏天變壞嘅酸味！整體味道真係差左好多！食左兩啖都唔知自己食緊乜野！最後唔想肚痛放棄掉左佢總結以上，我唔會再幫襯！老字號做到咁真係超趕客！服務唔得👎🏻味道唔得👎🏻真係聽執笠！👎🏻👎🏻👎🏻