上海佬飯店

營業中

休息中

呢間小店誠意十足，店員親切，菜式用心製作👏🏻🍜小籠包皮薄餡靚又有肉香湯汁，咬落去仲熱辣辣，食晒4個好滿足🙌🏻🍜酸辣湯食材有筍、冬菇、肉絲、蛋花、木耳、豆腐、鴨血等，蔬菜的甜味與豐富的材料配搭酸酸辣辣嘅口感，真係好開胃🍜 太白醉雞雞件皮爽肉嫩，花雕酒香夠入味，好出色嘅涼拌小食🍜椒鹽小黃魚香脆惹味，肉質滑溜，真係食唔停口🙌🏻

石門今時唔同往日了👀餐廳都轉手轉得七七八八🤡亂打亂撞入左呢間上海佬🚬出晒事了🙏🏼叫左個擔擔麵🍜個湯好似溝咗水咁🤯冇花生味🫥只係得一陣油味🫨食完個口感勁奇怪🤒煎鍋貼個皮厚到好似地鐵站連鎖店個菜肉包咁😵‍💫煎鍋貼但係一啲都唔脆口🙂‍↕️有啲失望🫥味道最正常嘅係水餃🫠可能因為就咁擺落去烚熟就上得🙂‍↕️加上大部份菜式同埋餐牌上面都唔對應😂圖片只供參考😮上菜嘅時候都俾到好多驚喜客人們呀😌

今晚同家人去左石門食上海佬餐店，因為好耐無食上海野，所以叫左上海粗炒、小籠包和奶油津白，呢D都是上海舖出名的菜式，應該點整都好食。座位上有很多冷氣滴水，容易弄污食物，可以坐好耐，不趕客。點知道只是比一般更一般，上海粗炒太濕，上海麵太淋，一夾就斷，無咬口，無乜肉絲，無穫氣，適合老人家食。小籠包皮厚，一夾就散，未夾到碗就跌左落枱，因為好淋，無乜肉味。奶油津白不錯，菜夠淋，味道不錯，菜多，是三碟中最好味的一碟。埋單要255元，只是一般價錢，不算貴。

開張以黎都食過幾次，一次比一次過份！今日照舊同同事黎食飯，半個鐘都未上齊野食，叫侍應追極都冇反應，過份d仲要話「唔好追」、「係咁慢」，「枱枱都追緊」，其實你做唔切做咩午市，最後食完走人都仲有野食未上齊！前前後後追左7、8次，職員態度好差好！你唔比我食，豪比你！去到收銀，講到明未齊野食，但我照比錢，收銀問我差d咩，其實我追都追左你d侍應 7、8次，你仲好意思問我？問你office 電話要求投訴，收銀姐姐你真好意思話幫我反映，我應該讚你面皮厚定有處變不驚既氣度？最後我堅持比錢，佢堅持唔收，要勞煩警察幫手啦。餓死都唔會再食！

上海粗炒極咸、生煎飽不熱的，食物質素非常差！小朋友無奈要食好咸的炒烏冬。最慘的是，仲有一個做生意非常不老實的老闆娘，擔擔麵餐沒有跟餸(香酥排骨或雲吞水餃)，問佢點解無跟番d餸，佢回覆話因為我地客人自己無講話要餸，只講了要擔擔麵第一次見到咁樣服務客人的餐廳老闆，十分搞笑，眼都突了本以為餐廳在大街位置，比較大間，應該都會有些保證，結果遇到咁樣既人食飯途中，有個拿外賣的哥哥入來時，都嘈了老闆娘一下，話佢次次都係咁，估計是落錯單問題，咁我就明白了

從小到大，我對上海菜的主要認知，就是一碟餸，兩碗飯的客飯套餐。以前細個，老豆說去食客飯，我就知道會去上海館子食野。今時今日，這些傳統的港式上海飯店，依然有他們的市場，依然有他們的吸引力，依然，有新開既上海館子，會有傳統既客飯套餐供應的。這次，我就來在石門新開的《上海佬飯店》。打開他們的午餐 menu，咪就係傳統既客飯套餐囉。我好開心。第一天來，我選擇了我最愛的港式滬菜，滬江回鍋肉客飯。本來是很想吃獅子頭的，但奈何地，這餐廳的午市客飯套餐沒有提供。而這兒的回鍋肉雖未算最傳統的港式樣子，但那份醬香則是香港人食慣的好味道。有這樣濃濃的味道的小菜來伴白飯，絕對是令人滿意。更滿意的，這兒的回鍋肉出品，不算是多油。第二天的午餐，我又選擇來這《上海佬飯店》了。這次，我要試他們的上海粗炒，所以我的午餐就是一客排骨炒粗麵。首先，不太油已經是令我感到歡喜的小原因。醬油味香濃，麵條煙韌，入口的感覺亦是軟軟的。是一份出色的滬式炒麵。在上海館子用餐，好自然，餐飲都會配豆漿。這店的豆漿的大豆味又香又濃，入口夠香滑，而味道也是足夠的香甜。同濃味的上海菜配合起來，味道份外地夾。單是以午餐的出品來計，這兒算是好啱我地打

星期日中午一點半到達石門mtr，石門站附近好多食肆店舖， 花多眼亂，因為要行去 綠在沙田 沿途經過瑞京廣場地下，地舖有 上海佬飯店 、過幾間舖就係元氣、starbucks、 就入咗去上海佬。門面裝修一般，比較平民大眾化，我哋入到去坐舖頭中間四人枱位置， 我哋兩個大人一個小朋友嗌咗一碗牛肉湯麵.， 紅油抄手，小籠包， 酸辣湯，鹹肉豆腐湯， 見佢有一人餐二人餐價錢唔算話好抵，見佢 小菜 螞蟻上樹$108蚊。 咁多款食物味道都係一般，冇乜驚喜，冇乜亮點， 小籠包未夾上嚟個底已經穿， 冇乜肉汁，牛肉湯麵牛肉都切得好薄，味道不過不失，以呢個價錢算ok啦， 下次去試其他。

一般食上海嘢好多都係連鎖店，餐前小碟，茶，芥都成十蚊位，仲要加一，未食己經要每人先比十幾蚊，所以都唔係好想食上海嘢。由於都好耐冇食，見餐牌都唔係好貴就入咗去。入到去佢先上茶同花生，然後比個餐牌我地。我心谂，又唔知幾錢位茶芥啦!是但啦叫咗兩個午餐，一個係客飯跟豆漿$62，價錢都抵，格離茶餐廳D午市套餐都68啦。再叫咗個水餃担担麵跟豆漿$58，仲問我要咩小食，原來仲包小食，咁就要咗鍋貼兩隻。叫完後出咗張單比我地，心諗睇下佢每位茶芥收幾多先，竟然係$O，只收了$6花生，亦沒有加一，佢唔比花生，收返加一，成餐都要加十幾蚊啦。另外食物也不錯，都好好食，同果D上海連鎖店唔覺有分別。唔同既係，價錢平好多，服務好好多。就前面枱客人叫咗兩個客飯，其中一份上咗，佢話飯太多要少D，個呀姐去減少D，返嚟個客仲话太多，佢又再去减，之後仲不斷問佢夠唔夠食。

這是一個菜飯，還是一個白倒上剩下的菜？諗住試下新野，就去幫襯下。可能因為撞正父親節忙啦。個菜飯就第一個黎，等其他野黎就凍晒。之後黎個中海粗炒，70蚊。又淡又無料，加左豆瓣醬先易啲入口。我寧願去食上海姥姥仲好。個水餃皮就太厚，餡料都可以，但個湯就真係餃子皮湯好難飲搞唔掂。麻婆豆腐啲豆腐都實都好食既，但個醬就好李錦記。仲要無咩肉碎都收你86$最後個奶油準白就得奶油味，好飲金寶湯倒落去咁。整體可以一試但無下次系列，亦唔會推介朋友去食。

女同事CC做埋呢個月，我同男同事PH，女同事HL，SL約埋喺29-4-2024( Mon）同佢食lunch，我哋早少少出嚟搵位，見再只剩返一張六至八人枱同一張大圓枱，店員俾我哋坐嗰張六至八人枱，坐低睇完menu，就要:7.-8. 跟餐凍豆漿我哋叫咗兩個餐，一個餐跟一杯，問店員攞多個杯同HL分嚟飲，點知佢俾熱茶我哋，咁唯有我同佢各飲一杯，其他人冇飲。呢個唔算好凍，唔太甜但好似冇乜豆味。1.5分4. $48.00四隻嘅窩貼落完單好快到嚟，佢大大隻，附豆瓣醬，我食一件，個底脆但唔油，皮厚，內裡嘅汁微甜，肉餡juicy。1.5分1. $26.00嘅炸銀絲卷唔大條，切成四件，我哋應該落單時叫佢哋切成五件，我冇蘸鍊奶食，呢個外脆內軟微甜。1.5分2. $48.00四隻嘅小籠包要咗兩籠，呢個係唯一熱騰騰嘅嘢食，有好多汁，皮亦厚咗啲，但可以喺頂上面啜啲汁出嚟飲，而成個味道都正常。2.8分3. $18.00一個嘅高力豆沙（四個起）我哋自然叫咗五個，都好快上嚟見到顏色偏淺，面上洒咗唔知咩嘢，我食先，面上嘅係椰糖，感覺唔夾，呢個皮厚但煙韌，內裡豆沙餡唔多亦唔太甜。1.5分6. $58.00套餐嘅鹹肉菜粒炒飯

有啲期待，因為唔使再去集團嘅上海餐廳。復活節假期大概兩點鐘到，唔使等位，老板娘(？)仲行咗出舖外兜客。一坐低就有位職員遞上茶同兩碟小食(醃蘿蔔同淮鹽花生)。蘿蔔酸酸甜甜，懷疑係舖頭自己醃，鍾意食嘅可以買返屋企食，每樽$50(無見過真身，唔知份量)。叫咗兩個套餐，套餐送豆漿。雞扒擔擔麵+鍋貼兩隻同埋鮮肉水餃麵+酸辣老醋海蜇皮。估唔到雞扒係炸嘅，不過有啲乾。鍋貼肉餡味道唔錯，係略嫌煎得唔夠脆，同行友人嫌皮太厚(但我係鍾意嘅)。鮮肉水餃得三集，味道不過不失，麵嘅質地有啲淋。老醋海蜇皮正常嘢，無咩特別。要揾次晚市嚟食先知佢啲上海菜式同點心究竟好唔好食，值唔值得再幫襯。

🔹🔷🍜 【 上海佬飯店 】 🍜🔷🔹⋄ —————⧫♟⧫————— ⋄🥟酸辣湯水餃麵（3隻）（$68）份量都唔少，味道正常發揮，不過麵質偏腍，水餃質素亦可以再好啲。🥢上海炒粗麵（$70）朋友點的，唔知質素如何，但佢食晒 。⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：上海佬飯店 (沙田)沙田石門安群街1號京瑞廣場2期地下G06號舖⋄🔥更多同區美食👉🏻 #ccrreami石門⋄⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hkinfluencer #foodiehk #香港 #香港生活 #香港旅遊 #香港探店 #香港美食 #香港打卡 #香港必吃 #石門美食 #上海佬飯店

茶位8蚊，其實係白滾水！每台自動上花生，酸蘿蔔每碟6蚊！鱔糊細碟之餘，韭黃芽菜多過鱔138蚊仲要收+1！二人枱坐得仲衰過茶餐廳仲要只收現金！賺到盡唔會再有下次！好差

諗住試吓新嘢，不過真係無下次，叫咗四次先有人真係落單，不過午市時段繁忙唔怪佢，我哋選擇咗兩份午餐包飲品，飲品只係有凍豆漿，好甜完全無豆味。京蔥爆牛肉調味好鹹，牛肉梳打粉重手。排骨上海粗炒嚴重差，上枱賣相好差，成堆嘢濕立立，調味好鹹，椰菜係苦，啲麵炒到碎晒，豬扒係炸過，炸皮已經甩埋出嚟，咬落口係粉加濕粒粒一pat pat好核突！另外叫佢拎豆瓣醬，比得好少份量客人，根本唔夠用，我見隔籬枱都叫咗兩次豆瓣醬。