上海名居

營業中

休息中

【🥁荃灣愉景新城｜🫖上海名居】愉景新城成日被人有親子商場感覺，其實都有成熟之選，今次和半素食朋友嚟到「上海名居」品嘗清新摩登上海菜，餐廳有唔少點心及素菜款式，素食者一齊嚟都可以有唔少野揀！.🥕小茶壺泡茶有五款茶葉供客人自己選擇，包括：胎菊、普洱、鐵觀音、人蔘烏龍及茉莉龍井。最近我成日飛成日食，我揀咗胎菊，有清熱氣嘅作用。小小茶壺加入茶葉和滾水，體驗感覺一流。.🥕麻醬腐皮卷清新無肉冷盤，腐皮包上紅蘿蔔、粉絲等，淋上麻醬，都幾飽肚。.🥕花膠螺頭干貝雲吞雞燉湯小盅仔二人份量，材料好足，一啲都唔少野。花膠好滑，滋陰養顏，雲吞好好食。.🥕上海炒年糕鑊氣十足，炒得好香口惹味，加埋豆瓣醬真係一流，而份量都好大，細食人士注意‼️.🥕上海春卷炸到脆脆，點醋食非常滿足，係我最鍾意食嘅點心呢。.🥕欖菜四季豆拌素雞素食之選，以冷盤嚟講比想像中大碟，絕非前菜感覺，簡直是小菜size。四季豆斜切，爽口新鮮，加上素雞絲，口味口感都好啱我！.

心血來潮，在網上熱搜榜＃荃灣＃上海菜，原來在愉景新城，就有一間上海菜館。鍾意它的裝修，以及瓷器餐具上的水墨花紋，很有江南風，有一種中式的優雅。幸好提早一點入座，不到7點已經客滿。🔸水晶肴肉淮揚菜代表作之一，江蘇鎮江的名菜，傳統功夫菜。外觀晶瑩通透，瘦肉酥軟、豬皮Q彈，半透明的啫喱鹵凍，蘸著薑絲和鎮江香醋， 更見風味。🔸上海小籠包皮薄餡鮮， 薄薄的一層皮，做得出色 充滿彈性，用筷子夾起能承重，沒有軟爛。而麻油的香氣和湯汁都鎖在裡頭，湯汁濃稠鮮美。🔸黑醋排骨又名黑醋小排，上海其中一道最出名的本幫菜。 排骨香酥內嫰，裹着濃稠的黑醋醬汁，味道酸甜可口，油而不膩，十分開胃。也善用各種配料，有菠蘿和紫洋蔥的亮眼的顏色及酸甜味，豐富和提升味道層次 。🔸金腿百頁浸白菜煨，是這道上海菜的烹調方法。以金華火腿、雞湯，加入百頁，小白菜來煨煮。以鹹肉提鮮，增加了白菜的鮮甜味。甜中帶咸，咸中有鮮，配菜和湯汁互相融合，清甜好味。🔸高力豆沙我自己偏好甜食。在香港的京川滬餐館用饍時，經常見到這款中式甜點，（由於製作方法較為複雜，我都必定會點）。外皮彈彈，豆沙甜甜，咬入口軟綿綿的感覺，叫人無法抗拒。 以這道甜品，作為一

環境優雅光亮為主. 卡位比較大同舒服. 圓桌會反而有機會放不到太多食物.酸菜炒牛肉 (88hkd)牛肉十分嫩口多汁. 份量也多, 配一碗細白飯食一流.酸菜微酸作為開胃菜也不錯. 可以選辣和不辣. 最重要的是88hkd一碟實在不貴.花雕醉雞(88hkd)要注意這是冷盤, 如果比較喜歡熱食的人就不太合適.雞肉比較新鮮, 肉身雪白色. 湯汁很入味, 陣陣酒香. 味道上有一點點微甜味.小籠包(42hkd)小籠包對比其他店皮比較厚一點, 但也不影響它的風味. 湯汁很鮮甜. 剛出來時會很熱要小心湯汁過熱. 但也不能放太冷.肉餡肥而不膩, 性價比高.生煎鍋貼(42hkd)鍋貼底部金黃酥脆,邊緣略帶焦香.鹹鮮適中, 配醋和辣椒油食用,可以解膩提鮮.紅燒牛肉拉麵(72hkd)湯不會過於油膩,喝完後也不會有口乾舌燥的感覺, 清甜為主.肉質軟嫩, 半肥半瘦, 有一點入口即化的感覺.麵條偏彈牙, 不算太軟.整體價錢合理, 有收加一, 茶位10hkd一位.服務好. 環境舒服.值得一試.

女朋友呢排話好想食邪惡嘅肥豬肉，咁岩見到呢度有間新開嘅上海菜，所以過嚟會一會佢。聽個職員講佢哋開張咗一個禮拜左右，連門口都堆滿左貪新鮮嘅人排隊等食飯。佢呢度嘅茶位係每人一款，而且可以揀唔同嘅茶，啱晒唔同人嘅需要。呢個亦都會濃郁啲，最重要係有我鍾意嘅人蔘烏龍揀，佢個回甘真係冇得輸。食上海菜一定要試佢個小籠包，所以我哋都揀咗，$42四隻都算係一個合理嘅價錢。而佢呢個質素亦都絕對對得住佢個價錢，因為佢真係超多湯汁，而且個皮真係超薄，薄到你可以睇到入邊啲肉。而且佢個饀做到成粒擺落口嘅話會入口即溶，真係好好味。冷盤前菜，我哋叫咗個海鮮拼盤，分別有海蜇八爪魚，蟶子同埋鮮蝦。佢個醬油味道比較淡，如果可以濃返少少就更好。不過佢個性都算大隻，而且口感都好實淨。鮮蝦同埋八爪魚都爽口彈牙，唔錯嘅冷盤。平時酸菜魚就食得多，今晚我哋試吓酸菜炒魚片。佢個酸菜偏甜嘅款式，魚片都好滑，魚皮仲係爽口嘅添，都幾值得一試。另外我哋叫咗個羊肚菌雲吞雞湯，佢個雞湯都好足料，入邊除咗有雞同埋羊肚菌之外，仲有螺肉，所以成個湯真係好鮮甜。而且佢個湯一啲都唔油，而兩粒菜像雲吞亦都好足料，個肉饀亦都好鮮甜，今晚呢個湯係我哋最愛。最後就到

愉景新城成日比人一種親子商場感覺，朋友介紹位於二樓的「上海名居」主打摩登清新上海菜，小朋友都無任歡迎👏🏼，餐廳主推多款點心，素菜款式，連素食者都經考量，重點推介其特色滬菜。有趣係可以自己選擇喜歡的菜葉、有五款自家製菜葉可簡：包括胎菊、普洱、鐵觀音、人蔘烏龍及苿莉龍井茶，客大可自行洗茶再品茶🍵，水滾茶靚！鐵觀音淡淡回甘清香，有清熱作用、小小的茶壺🫖別樹一格，體驗不錯。麻醬腐皮捲：腐皮包裹普紅蘿蔔絲、粉絲、木耳、金菇等增加口感，配上毫不吝嗇的胡麻醬，帶來芝麻醬香，素食得黎都幾清新同飽肚。醬油拌海鮮：好特別的涼拌菜式，有八爪魚🐙、蟶子、大蝦🍤、海蜇、仲有潮式魚皮所有調料已經蘸上清新醬香，仲有莞茜仲其更清新，一啖接一啖。蟹粉拌飯：食得出用上隔夜飯炒的蛋炒飯，粒粒分明有咬口，仲好夠鑊氣！只係簡單用鹽調味就好顯出廚師功架。用上小蠟燭輕輕助熱用瓦煲呈上的蟹粉，濃稠得很下飯，一絲絲蟹肉，完美沾上蟹黃，鮮，甚至食到海水味，而且價錢合宜。京醬肉絲配肉饃烤餅：一道經典名菜, 鹹甜適中、醬香濃郁風味獨特, 夾饃烤餅非常酥脆, 配在一起進食口感很好👍🏽 總結：值得二誠的高質滬菜 整體有驚喜到吹入荃灣上海菜之選

係荃灣呢個匯聚美食嘅地方搵上海菜，就會發現愉景新城嘅上海名居。店鋪採用中式設計，地方闊落，坐位適舒。今次叫左幾款常見嘅上海菜，份量頗多，味道亦唔錯，晚市價錢亦算合理。爆汁生煎包食上海菜當然唔少得生煎包啦，呢個生煎包份量比平時嘅稍為大一點，外層鬆脆，肉汁豐富，建議襯熱食。過橋金湯翡翠苗推薦比鍾意食疏菜的朋友，有超多份量的豆苗同金菇，再配上香濃的雞湯，自由決定浸泡時間，青啲熟啲任君選擇。大排湯拉麵傳統的上海炸排骨拉麵相信無人會陌生，呢度嘅豬扒大大塊，炸得酥脆香口，抵食！十年陳皮豆沙鍋餅大推呢個陳皮豆沙餅，香甜得嚟又有些少陳皮同豆沙嘅香味，份量足夠3-4人用花雕雞花雕味香濃，雞肉嫩滑，份量差唔多有半隻雞，誠意推薦。韮菜魚肉過橋水餃以為同過橋豆苗一樣都有湯，試菜才發現原來過橋水餃係冇湯嘅，唯有當佢係蒸水餃。水餃都幾大粒，比起常見嘅豬肉水餃清爽得多，幾乎無乜油膩感。

上星期朋友專程來接我下班，順道去愉景新城試一家新開張的滬菜🥡🥢店內到處可見各種中式建築元素，食物亦很不錯，性價比頗高！ ─────── ୨ৎ ─────── ➵ 酸菜炒魚片（$88）｜♥︎♥︎♥︎♥︎♥︎➵ 蟹粉拌飯（$128）｜♥︎♥︎♥︎♥︎♥︎➵ 花雕醉雞（$88）｜♥︎♥︎♥︎♥︎♡ 十分推薦酸菜炒魚片，魚片非常爽脆，調味很足；蟹黃醬和飯分開上菜，蟹黃醬用蠟燭保暖，確保每一口都新鮮熱辣🙂‍↕️花雕醉雞是一道涼菜，雞肉吸滿酒香，不過浸太久會變苦，要趁早吃喔🐓 店員服務態度亦非常好，如果蟹粉拌飯放久了變涼，還可以要求安排換一碟新的熱蟹粉，很細心！👍🏻飯後坐久一點和朋友聊天也不會被請離場，而且$300就能點到三道菜，性價比很不錯！整體而言是令人滿意的用餐體驗，推薦！

貽菊茗茶有5款揀，淡淡飄香，無咖啡因之選。花膠螺頭干貝雲吞雞燉湯燉湯十分清甜！湯料仍然保留香味，好明顯雲吞吸收咗湯精華，齒頰留香。清蒸大閘蟹雌雄蟹有分別，一般嚟講雌會鮮嫩啲，不過呢隻雄唔點蟹醋都得，內裏蟹膏好金黃，鮮味十足。蟹粉豆苗蟹粉份量一啲都唔吝嗇！肉眼可見密絲蟹肉，橄欖油撈蟹肉，唔使額外調味都有提鮮作用。薑茶湯圓（2粒）薑味同紅糖味都好突出，湯圓細細粒，但皮好薄，芝麻饀靚。蟹粉小籠包一咬爆汁，very juicy，食之前最好圍一圍紙巾，容易彈到件衫。蟹粉拌飯炒飯底，軟硬乾濕程度拿捏啱啱好，蟹黃顏色吸睛！雖然蛋炒飯份量好多，但蟹粉量足夠清碟，而且有爐keep住温度，唔怕凍晒👍🏼座位好闊落，有唔同種類，呢兩邊可坐12人

荃灣有間中式餐廳想試很久，今日終於有空試一試。一入到去超古色古香的中國庭園設計環境，座位寬闊舒適。 餐廳內的杯、碗及碟都印有水墨畫圖案、更融合餐廳內的中式設計。採用一人一壺的紫砂茶壺，可帶出茶香。 蟹粉拌麵超多蟹肉及濃濃的蟹黃味、麵條夠彈性爽口。撈完拌麵吸收晒蟹粉的鮮味，食過不停。花膠螺頭干貝雲吞雞燉湯非常多料的湯，有花膠、螺頭、干貝、雲吞雞在湯入面。飲完好保身及暖身，湯呈金黃色證明真材實料，用雞來燉製。雞的精華融落湯底，飲落好重雞味及螺頭味道，湯的味道帶點螺頭嘅清甜味。炒鱔糊鱔糊份量超多，非常肥味，食落好新鮮爽口彈牙，加埋韭黃去抄，非常香。醬汁亦調配得好香濃。整碟菜式陪飯很好味。

裝修乾淨企理又帶有特色得來空間闊落，坐得舒服，最適合朋友家人歡聚。十分讚賞這裏每個員工都笑容滿面顧客至上。【茗茶】店員用木盒裝着獨立包裝的茶葉，有五款口味選擇，每人都可以品嚐自己喜歡的茶，烏龍茶和茉莉香味清新。【上湯小籠包】熱辣辣的小籠包，中間包着濃濃的湯汁，係水準以上的小籠包。【蟹粉拌飯】端出來的時候蟹黃醬汁是煲仔裝着，底下還有明火一路預熱，蛋炒飯的份量足夠四人分享。不論是在自己的碗內攪拌，或是直接倒進煲內吃都可以品嚐都蟹肉的甜味。【紅燒獅子頭】肥瘦適中，肉的香味十足，用來拌飯一流。【醬燒茄子】預先用油爆香過的茄子很軟腍惹味，配着咸香肉碎醬汁，真的好好吃。

我一向都怕試新嘢，通常都唔啱食。好食就bonus，相反就無下次。今日嚟到荃灣，臨急臨忙先嚟摷食肆，最後決定嚟呢樹。。qrcode落單，茶又唔洗開，直接俾茶葉自己沖。埋單就收加一 🤷‍♂️，茶錢。只係問過侍應攞牙簽，同埋見會抹枱。。侍應們都𥄫實啲枱，邊枱離開，係咪驚大家 “走塑” 😂。一般食肆都收加一服務費而沒有什麼服務 😂，香港文化 🤦$108 蟹粉拌麵：出餐跟個茶蠟放底，都唔係好明咩意思。放低又咩都無講，唔知點入手。雖則話裝飾但又唔靚，都幾多餘。。我擺到最尾先吃 🤷‍♂️。味道腥甜，唔係唔好食但又唔可以叫好食，因為都成百蚊所以先食晒，蟹黃麵一百蚊就唔好咁高要求，食咗算，反正無下次 😛$42 小籠包（4件）：皮薄尚可，囊得住高湯。最深刻肉餡微酸，食落無咁漏。但唔係我平時接觸開嘅味道，顏色偏粉紅。$26 南乳豬手：豬手唔夠色，食落唔係好夠南乳，汁呈稀狀不會杰撻撻。花生唔夠透。個人喜歡再淋啲。$8 人參烏龍：初飲似功夫茶。後段一直帶甜。甜住走，都幾啱飲。茶具崩嘅都出客，係咪要刮手先可以銷毀？！😂 要有特色所以用佢，但就俾個崩嘅人 😒整體嚟講，肯定無下次。都係適合做街坊生意，特登去食就無需要。同

偶爾都會來到荃灣嘅愉景新城搵下有咩好野食，呢到最近新開咗間名叫「上海名居」嘅上海菜！餐廳環境典雅得來同時又充滿住中國風，古色古香嘅裝修令人覺得格外迷人，別具韻味～上湯小籠包(4粒)💰HK$42小籠包外皮夠薄，內餡豐富多汁！一咬落去，熱辣辣嘅湯汁就會瞬間流出，湯汁鮮甜，充滿住陣陣豬肉嘅香味，令人垂涎欲滴～蟹粉小籠包(4粒)💰HK$88同樣都係皮薄餡靚！加咗蟹粉嘅小籠包，味道更加鮮美誘人，啖啖都充滿住蟹肉嘅香氣，香氣四溢～名居手撕雞💰HK$98手撕雞與別不同，味道比較醇厚，醬油嘅鹹香同雞肉嘅鮮嫩相得益彰！另外，因為雞肉用咗手撕嘅方法，令到雞肉嘅口感更加有層次～蟹粉拌麵💰HK$108蟹粉係用咗有火熱住嘅砂鍋另外上，令到蟹粉嘅熱度可以一直保持住！甘甜嘅蟹肉同濃郁嘅蟹黃完美融合，味道鮮美！蟹粉用來撈麵，真係惹味又滿足～茗茶💰HK$20有五款茶可以選擇，今次同朋友不約而同咁揀咗胎菊茶！每一啖都散發住自然嘅花香，味道清香宜人，仲帶有一絲淡淡嘅回甘～除咗食物味道正宗之外，連餐具擺盤都非常別緻，為每道菜增都添咗唔少風格同埋品味～

上海名居裝潢豪華，食物質素高，人流多，也吸引一些狗主坐外面跟愛寵共同用餐，非讚不可！.🦀 蟹粉拌飯足料蟹粉有微火烘托，餘溫蟹粉配搭蛋白飯帶有濃郁鹹香柔滑.🥟 蟹粉小籠包當咬開嫩薄外皮蟹粉汁隨即爆開，鮮甜鹹香蟹粉充斥整個味蕾.🥩 鎮江水晶肉膠質與肉粒層層分明，入口即化，點少許陳醋薑絲更別有一番風味.🥬 金湯津白濃郁雞湯醬汁包裹爽嫩大白菜.服務態度非常好，有求必應👍🏻 非常喜歡他們的茶葉跟泡菜用具，全部都是獨立的，每個人都能夠喝下自己喜歡的茶。另外食物質素很高，是可以二刷的餐廳！

呢間上海菜館真係抵食！食物選擇多，價錢仲好合理！首先，上湯小籠包($42, 4粒)個皮薄薄的，湯汁鮮甜，肉餡鮮美，完全係上海小籠包嘅經典之作😋紅油抄手($38, 6隻)個醬汁香辣惹味，抄手皮薄餡靚，口感一流，辣度適中。上海粗炒($82)麵質腍身，唔會太油膩，大大碟，份量好多。花膠螺頭干貝雲吞雞燉湯($88, 兩位用)，湯熱辣辣。湯底清甜，有花膠、螺頭、干貝同雞肉，材料豐富。最後，醬燒豬手($88)個豬手炆得非常腍，醬汁香濃，推介🫰🏻呢間上海菜館價錢合理，環境乾淨企理，服務態度都唔錯。

開設在商場內的上海菜館，由室內裝潢到一桌一椅都充滿古色古香的上海菜館，招牌菜式多不勝數，細味經典上海風味。安排入座後，隨即有專人奉上一盆茶包，數種不同茶款，每人一茗茶一個壺，有專屬的味道。羊肚菌松茸雲吞雞燉湯（二位用）$88這湯品一盅為二人份量，由瘦肉、雞腳、羊肚菌和松茸燉制，加入雲吞提升特質，雲吞皮薄餡多，一次滿足飲得又食得。上海小籠包（4粒）$42小籠包的皮薄，內餡鮮美多汁，咬開時湯汁瞬間流出，湯汁帶點酒香，風味更佳。招牌菜之一。梅菜鮮肉酥餅（3隻）$42酥餅的外皮金黃酥脆，內餡的梅菜和鮮肉搭配得恰到好處，鹹香味十足。每一口都能感受到餅皮的酥脆與內餡的豐富口感，鍾意陳年梅菜的味道會贊不絕口。上海粗炒$82粗麵與蔬菜、菇菌、肉類等搭配一起，調味適中，配合辣椒醬一起食風味更佳。紅糖流心糍粑（6件）$42作為甜品，即叫即炸，外表酥脆，軟軟糯糯，與傳統的糍粑有少少不同，它是由紅糖作為流心內餡。帶來甜蜜的享受。餐廳的環境舒適，空間寬敞，服務態度友好，期間限定正逢有大閘蟹套餐。