上海姥姥 (已結業)

假日去荃灣，食飯時間剛過去，又未到下午茶時間，所以唔算多人，唔使等位就已經有位坐😎環境算舒服，餐牌入面有好多野食揀，但由於唔係好肚餓，所以叫咗一個上海粗炒＋小籠包😇小籠包當然要熱辣辣咁食啦，不過要小心啲湯汁湧出黎😅 呢間餐廳嘅小籠包皮唔算太厚，湯汁偏甜😉 而上海粗炒太過油膩，淨睇賣相已經看得出🙄 既然黎到就當然要食啦。。。 咬落去，一口都係油，而且麵質好硬，唔夠彈牙😭 分量唔多，而且配菜比例亦好少。飲返杯茶算了。

下午茶時段，來到新之城的上海姥姥，點了兩客下午茶餐。一客為四川擔擔麵加小籠包，個人不嗜辣，吃到中段已咳個不停，但味道尚佳。再為一客清湯牛肉湯麵加雞絲粉皮，味道不過不失。

放工帶著疲憊的身軀，有一熱呼的暖飯、甜絲絲的酒釀丸子，軟軟的丸子煙煙韌韌，讓人感覺，工作無論多辛苦，也值得。廚房採用開放式設計，看著廚房裏的工作人員用心制作食品，讓人食得安心、食得放心 – 良心食肆。

係荃灣南豐行完!上一樓見到上海佬佬有1人套餐$89!有餸,價錢ok就入去試吓!我叫咗回窩肉,有湯,飯及—款甜品,湯有二款,我要咗酸辣湯,甜品係桂花酒讓丸子！除咗回窩肉鹹咗啲,其他都ok。

12月31號星期一，一家人去食晚飯，本來打算叫套餐，但店員話無套餐食。但我去天水圍那間跟外母食飯都有套戲叫。okay 啦照單叫。太太見到牆壁貼有匯豐信用卡付款有discount. 問店員有多少discount, 店員話堂食無discount. 外賣才有个 折扣優惠。真係令人難以相信。服務態度差，付款後一句多謝都冇。

又到晏晝搵食嘅時候，今日一個人食，想搵返間舒服啲嘅餐廳可以坐耐d，行過見到呢間上海姥姥有梳化位又唔洗同人搭枱就決定食呢間。呢度嘅set lunch有幾款客飯，見張相個楊州炒飯幾吸引，就決定叫呢一個套餐啦($62）🍵首先嚟咗碗杞子雞湯，有兩舊雞同幾粒杞子，飲落都幾清甜，好似幾養生咁。🥢碟楊州炒飯都幾大碟，有雞牛同蝦，加埋啲蔥同蛋去炒食落都幾好味。要讚既係炒得幾乾爽，一啲都唔油同埋啲飯炒到一粒粒，唔會黐埋一舊舊。🥛個餐仲包一杯餐飲，叫咗一杯熱豆漿。總括黎講，食物唔錯，環境都幾舒服，下次可以再黎試其他嘢

上海野永遠都食唔厭，行過荃灣買嘢，見到有上海姥姥，平時食開晚餐多，今日就決定喺度食我嘅午餐啦。午市餐牌午市套餐$68再加一，有一個前菜，拉麵同飲品，價錢最多叫合理，絕對唔可以稱得上叫做平。香煎素鵝分量有成五件，一啲都唔細份。腐皮煎得夠乾夠香脆，但唔會食到成口油，餡料亦都係滿滿的，咬一口，點一下喼汁，算係一份豐富又滋味嘅前菜菜肉雲吞拉麵食過驚喜嘅素鵝之後，呢碗拉麵相對變得平實不少。雲吞裏面菜同肉嘅比例適中，雲吞餡來講算係好豐富。熱豆漿有豆味，夠滑口唔會飲到成口豆渣個餐加$16仲可以配多兩隻小籠包，今日太飽，唔加了總括來講，每間上海姥姥都會保持到一定食物水準，係價錢貴左少少

明明 d 餸要蒸，要煮㗎，唔明點解落單唔駛2分鐘就已經上菜，第一味係小籠包，第二味係水煮牛肉，第三味係麵，最後先到冷盤！🤔 .個葱油伴麵係好食嘅! 唔會油淋淋，麵軟硬度剛好，不過好明顯係無整鬆個麵餅就上菜！ d 麵係痴到一舊舊嘅！小籠包 ~ 有2隻爛嘅，痴住底張紙！味道尚可，其餘嗰2隻有肉汁，另外2隻都流走左好多肉汁！烤麩 ~ 幾好味，入味，不過無冬菇，木耳只係得一小片！.燻蹄伴粉皮 ~ 2樣無味嘅擺埋一齊。。。完！水煮牛肉 ~ 難食！唔麻唔辣，唔熱，牛肉超級硬，老到一個點！

九點十五分入座，已經趕住清場，5分鐘後已經話last order,上網睇明明係10點半。坐底服務員已經黑晒面食物可以，不過叫白飯就硬的，有飯焦，生煎包ok,黑醋骨肉太硬。

餐廳分店愈開愈多，雖然食上海菜預左貴，不過好食既話又冇所謂。今次就試下連鎖店既好唔好食。叫左姥姥手製排骨拉麵($57)，雞絲粉皮(輕盈$39)，招牌小籠包($40)。排骨雖然炸過，但唔係脆身個款，酥炸feel既。肉質嫩而唔"鞋"口，唔油膩。而手工拉麵湯底清，唔錯。麵條硬度適中，手工製但粗幼條條差唔多。雞絲粉皮鋪滿麻醬，幼滑，充滿花生香味，拌勻之後啖啖都食到麻醬。雞絲量正常，不過略嫌青瓜絲少，冇左爽脆既口感。輕盈版真係好少，少過其他餐廳，想食就叫番正常size好d。食上海菜唔少得小籠包，皮算薄，不過多汁，內餡多而鮮甜美味。唔錯。整體，要加一，小籠包係唔錯既。不過，而家有好多餐廳既上海菜做得更好食，如果普通食飯，去其他小店更抵而好食。如果聚會個d，環境尼間坐得舒服。

今日因为食左late breakfast，所以要食tea，搵来搵去，最后入左喱间。本来20几30蚊下午茶，吾乜要求，所以来餐都无影相，但食到一半，真係顶吾顺咁差，要影来大家分享。叫了一个云吞和酸辣汤云吞，加薰鱼豆浆～酸辣汤已经很普通，有豆腐的酸辣汤好似係上海铺未见过，猪红无乜，吾够酸，好稀。～云吞係好。。。。差，大家睇下个皮，硬到可以直不甩，咬开就可以睇到几厚，无食晒都顶住个胃几个钟。涵料是淡淡无味。～薰鱼同平时老上海铺见的吾同，睇到好厚，吾同传统的比较实，以为好底，中间是白色，肯定未薰够,无薰味，亦无鱼味。～豆浆只有甜味，没有豆味，同豆浆铺差天共地。样样都咁差，面皮好厚至可以继续做啊。

前兩天，因工作關係來到南豐中心。見完客已經三時多，見上海姥姥有下午茶餐，便隨意走進去醫肚。進到餐廳，侍應遞上餐牌，才發現這個正在半價優惠的拉麵小籠包套餐。小籠包肉汁豐富，肉味鮮甜，包皮能盛載滿滿肉汁之餘卻一點也不厚，可見廚師功夫到家。水餃拉麵來到了，上海拉麵煮得韌度適中，軟而不「淋」。水餃皮薄得能透視到餡料，咬開一看，皮薄得令人驚訝。白菜豬肉非常新鮮，口感豐富。餐後奉上一杯冰凍的豆漿，解渴消暑而不致肥。

荃灣嘅上海食肆，真係隨口up都有五間，不過大多數都比集團式佔據，好似上海姥姥呀，上海婆婆呀咁，真係每區都總有一間。南豐中心樓上，有一間上海姥姥，味道唔錯，但是人流極少，好適合想食上海菜，但又唔想排咁耐隊，基本上每次去，等五分鐘都已經可以入座。因為唔係好餓關係，我地叫左一個酸辣面，一個酒糟魚柳，一籠小籠包，半客皮蛋同埋半客齋鴨。小籠包係必點菜式，姥姥的小籠包做到表皮薄，如果里面湯汁多d會更出色。無疑姥姥嘅酸辣面唔可以用好食黎形容，味道過酸，配料唔足，同個面唔係好夾。酒糟魚柳有些木耳疊底，淡淡酒味淡淡肉，至岩唔識食有骨魚嘅懶人。姥姥有一樣貼心事係有d前菜可以半份半份咁叫，細細份咁就可以食多幾款啦，不過價錢就略為貴少少啦，同埋有d前菜唔岩做半份架，好似雞絲粉皮咁，食兩啖無晒。

忙左一星期，終於到星期六放假，可以同老公出去玩! 一陣去主題公園，我地搵間快食完、好食、坐得舒服、交通方便嘅餐廳，我第一時間諗起呢間餐廳。十二點幾去到， 餐廳仲有位 ，唔使等。 店員好細心，搵咗一張比較靜嘅枱畀我哋 。我哋好快咁樣揀咗幾樣平時最鍾意食嘅嘢: 小籠包 、上海炒年糕、 燻蛋、 同埋酸辣湯雲吞。小籠包皮好薄，裏面有肉汁，我好鍾意。上海炒年糕味道啱啱好，唔會太鹹/太淡， 有菜有肉絲， 不過嫌肉絲小左啲。溏心燻蛋係我最鍾意嘅， 好香、個心軟淋淋，超鍾意 。酸辣湯味道啱啱好，會唔會太辣， 加埋雲吞好好食。

一個人的晚飯，求其食就算喇， 不過求其食都要搵間好味嘅，今晚喺荃灣新之城行完街，搵到上海姥姥，食個上海菜都好。 上海姥姥之前食過一次，唔知今次水準得唔得呢？上海粗炒，賣相充滿光澤，炒得好靚，上海粗面非常煙韌，口感又唔會太淋，仲落咗好多椰菜、小棠菜一齊炒，增加甜味，自己一個人食曬一碟都唔會覺得咸。食完正餐，都要食個甜品。食得上海嘢，唔少得豆沙餡餅，外層煎得微微脆，裏面有熱辣辣的紅豆蓉，外脆內軟，好鍾意呢種口感，香口中帶微甜，推介！