上海婆婆 (新都城中心) (已結業)

黎將軍澳接男友下班，上網看的這商場有我愛吃的上海菜，就決定在“上海婆婆”吃我們的晚餐。店面裝潢蠻有特色，不會焗束，椅子坐起來也舒服。我們點了肴肉，炸醬面還有粗炒。肴肉吃起來還可以，肉有點太少，幾乎都是膠質。再來就是我的最愛卻最失望的炸醬麵。 醬和麵都完全不夠熱，味道也偏淡不夠濃, 吃到最後...醬都變水旺旺的～面也不夠有嚼勁...好失望。比較好吃的是我忘了拍照的粗炒，夠熱夠鑊氣，味道也算夠(上海菜很重要要味濃)，麵質夠嚼勁，就是裡面的椰菜不夠軟身。愛吃上海菜的我大概不會選擇再來，實在滿足不了我的味蕾。

是日黎將軍澳探朋友的BB，然後到附近搵食，見到有上海婆婆，又食，haha…叫左水煮牛肉拉麵，唔記得係咪呢個名，拉麵滑身，個湯非常香辣，有點麻添，配上麵條，好味。牛肉非常入味，夠咸也滑，但基本已無牛肉味了。又點了一碟婆婆粒粒炒飯，簡簡單單，配上少許蝦仁，臘腸，炒得粒粒分明，非常入味，也很有鑊氣，夠咸香！

每次係將軍澳, 一諗唔到食咩就會食上海菜, 今次都一樣, 決定食上海婆婆~可能位置比較入, 所以食飯時間都唔算太多人, 我地3個人唔洗等就有位因為實在太肚餓,一口氣叫左樣野 雞絲水晶粉皮份量夠，味道香而不漏婆婆小籠包皮好薄, 裡面好多湯汁~一定要趁熱食雪菜肉絲炒年糕咸咸地又唔會好油, 又係好大份,唔錯上海婆婆炒飯鼓油蝦炒飯, 簡單但好味醬燒茄子用離送飯食一流~擔擔麵辣度岩岩好, 麵彈牙,花生香味重價錢中等啦, 服務都係一般, 但最緊要係食物既味道嘛

星期日晚上，商場周圍都係人，邊度等到位就去邊度食，結果上海婆婆召喚左我。未叫野食前，隔離枱既男人已經話d餸好咸，我見到佢指住*上海粗炒*。心感不妙......但又好肚餓，結果叫左4 樣野食。雪菜肉絲湯拉麵，落單後，好快上枱。有少量雪菜，淡而無味。精彩之最，黃金炒飯，唔知係咪鹽粒未炒混，好咸 小籠包，皮薄，但有一舊舊肉粒，有鞋口既感覺，湯汁一般。四季豆甜甜的， 肉粒還是好咸 4樣野食有2樣都咸，不知覺地飲左好多杯茶，以為自己食左幾匙鹽。因肚餓而走進的死胡同，建議大家可免則免。

個人很喜歡吃上海菜,但好吃的真難搵,小時候家人常帶我到三六九,今晚逛新都城,看到這間就入去試試,先上醉雞,味道相當不錯,夠入味,雞肉嫩滑;酸辣湯担担麵夠惹味,太座嗜辣佢覺得有水準;小籠包僅合格,比起樂天皇朝或者顯徑京滬庭就更差兩班了;火腿津白肇菜稍嫌切得太大條,味道合格;最後點了一個上海粗炒,真係失敗中之失敗,粗炒都應該有其固定特色吧,如果粗炒和小籠包做得不好,還算是上海菜館嗎?

這天，我和女友來到上海婆婆，星日的午飯時間果然坐無虛席。等了大概10分鐘吧，我們終於被帶上座。點了銀芽鱔糊飯和酸辣湯的我們10分鐘內便嗅到一陣使人十分開胃的香氣，侍應端來橙橙的酸辣湯。一嚐之下，頓感其食材丰富，豆腐，辣椒，木耳絲，荀絲，滿口皆是。把滾燙 的酸辣湯喝下去，非常開胃。接着的銀芽膳糊飯，其漿汁配上膳糊，簡直是美味極了，咸得恰如其份，再加上膳糊已被起骨，吃得更爽快，芽菜本來較淡，但吸收了醬汁後也變得帶點小咸，佐飯一流，亦使膳糊沒有那麼寡。而餐廳內掛滿中國風的畫，上頭畫着一個個嬰兒的畫像，十分切合婆婆這名字，氣氛一流。

今晚去左上海婆婆食晚飯，紅油抄手夠滑但唔夠辣無汁太乾了，砂鍋雲吞雞煲好咸雲吞味道都係一般，黃金四季豆超多咸蛋黃但係超級咸，婆婆擔擔麵唔夠熱唔辣無麻醬香味唔好味，婆婆小籠包夠熱但皮太厚唔夠滑，勳魚唔脆又淋又唔好味唔好食呀！

偶爾也會與老公來此晚餐多是點魚絲豆腐羹,,牛肉麵今次則點了擔擔麵﹑嫩雞煨麵&牛肉包兩碗麵的賣相都不討好=.="擔擔麵的辣度剛好麵質也不會太稔可惜花生芝麻香不夠!!老公則說嫩雞煨麵的味道不錯雞很滑,,湯底味道香濃牛肉包新鮮熱辣出爐肉鮮而多汁老公說這裡的牛肉包比生煎包好吃~~

兩個人叫咗一籠五隻小龍包 同埋醉雞一碟！ 小籠包皮簿多汁，超Juicy!! 醉雞又夠滑，堅有啲醉醉地， 非常好食！！ 唯一雞皮有點過厚，好易有油膩感， 但店內有無限熱茶供應，可以消滯！

Happy Saturday 原本想好好睇個戲食個飯，誰知可憐的我竟然要突然加班....嗚嗚... My happy saturday....還好，兩個case 都輕鬆的做好！立刻飛的去我的happy Saturday!!謝謝OpenSnap @ Openrice，參加了活動，送了我兩張＜婚前撻Q日記＞戲飛，收到時，只剩下將軍澳戲院及對面海的一間戲院上映唯有去將軍澳吧~~換好票後，就先去醫肚啦！沒什麼好選擇，一家之煮想食中餐，所以就選了上海婆婆啦~~十二點未到，所以整間餐廳都空空的~各式小食都很吸引，有選擇困難症的我們，真的很苦惱呢...前菜點了油炆筍，因為一家之煮愛吃又不會煮~作為前菜的它，都頗大碟，筍切得細細的，炆得很入味也點了醬油茄子，同樣是大大的一碟茄子稔稔的，沾上醬油香蔥都不錯吃~不過略嫌味道過於單調，如果可以加添點辣，會更香口~韮菜餅的樣子跟我想像中有點不同，不過這個都不錯吃呀~韮菜餅外層酥香鬆脆，餡子韮菜十足，味道不錯，不過略嫌鹹了一點~雪菜肉絲炒年糕，年糕煙煙韌韌的，雪菜鹹香爽脆，肉絲嫩滑，美味呀！蒸糕因為早前在另一間餐廳食過美味的鬆糕，一家之煮想重溫那滋味，所以就點啦

諗住食上海野，上網搵下見到上海婆婆都幾出名就去一試，裝修格調都唔錯WAITERS服務都幾好一去到就有位，等D店員執完台就入座都係等左5分鐘左右一坐低二話不說即點野食！呢個雞係重點！成個雞湯都好正！鍋貼！上海小籠包！上海粗炒！炒年糕！水煮牛肉夠哂辣！蒜泥白肉！價錢都合理，值得再去！

記得幾個月前位於新都城二期的上海婆婆還是燈光黑沉沉的，每次想走進去也卻步。這次卻被它翻新後的裝潢，可愛的餐牌引了進去晚飯。首先試試它的雞絲水晶粉皮，只當餐前小吃卻讓我們驚喜！因為外面的上海菜餐廳同一款菜式一碟只會有很少份量，少得可憐。這店的份量，味道，賣相都令我們非常滿意$58都不算貴！ 然後試了婆婆小籠包$30/4粒，最喜歡是㕑師把青蘿蔔預先氈在小籠包底部(試過坊間某幾間有名上海菜因沒有將蒸籠紙跟小籠包隔開，結果穿了皮湯汁全部漏走…)。湯汁乃小籠包的精粹吧～ 主菜第一道點了松子雞米叉子，這道菜雖要食客將松子雞粒放滿旁邊的脆皮包享用，雖則脆皮包烘得比較燶，稍稍放涼後混入配料非常好味！用不完的配料可用作拌白飯或湯麵呢！主菜第二道點了排骨湯拉麵，除了排骨炸得有點兒過燶，拉麵夠彈牙，麵湯亦清甜，$42一碗抵食！最後點了$25一碗的酒釀丸子，令人頗失望的，只得總共十餘粒小糯米丸子，有待改善呢！

今天放假，去了上海婆婆食下午茶。下午茶時段: 由星期一至五，下午兩点開始。下午茶是套餐～有麵食加小食另包一杯豆漿。飯就只包一杯豆漿。 另外可以叫小食，全部即叫即整，價格小貴(另收加一)我們点了擔擔麵及上海婆婆炒年糕。擔擔麵好幼，湯濃郁有點微辣。炒年糕煙韌，但太辣了。整體味道不錯，但位與位之間比較窄，空間小，希望可以改善。

今次同屋企人去左食上海婆婆,佢分店都愈開愈多,不過我就一次都未試過,屋企人又鍾意食上海菜,咁就同佢地一齊去試下喇。屋企人鍾意食炒鱔糊,個賣相十分靚,好有光澤,唔知係咪好多油呢,不過食落又唔係,味道好夠,濃味呀,加埋佢個鱔唔腥,好味道。之後就叫一個婆婆粒粒炒飯,確實係好香,賣相都係一流,味道都好夠,唔會太乾,但又唔會太多水份,而且都有好多配料,加埋個飯個口感真係唔同,絕對係出面搵唔到依種炒飯,整黎講味道好惹味,加埋個蝦,兩種口感,不過個蝦略為唔夠味,影響左個飯。仲有小籠包,皮厚左少少,不過個湯個料都係無問題既,可以一試。整體而言上海婆婆環境幾舒服嫁,又夠乾淨,不過食物份量就細左少少,可能因為太濃味關係,所以就細少少。

今日想食小籠包, 去左上海婆婆度試下, 我9點40分去, 唔駛等位, 個侍應同我講10點LAST CALL, 10點3無冷氣, 咁我諗住都唔會食好耐, 所以照入去.9點50分睇完個MENU, 就叫左一碗普通擔擔面, 一碗排骨擔擔面, 同一份小籠包, 跟住個侍應就話個排骨擔擔面要等大紉25分鐘, 我就話咁耐, 10點3無冷氣喇喎, 佢就話因為係即炸, 所以等耐D, 由於我都幾想試下, 所以無辦法, 照等吧, 點知大約等左5分鐘, 兩碗面都一齊到了, 隔左一陣, 小籠包都到埋.擔擔面味度好一段, 唔夠花生醬味, 排骨好硬, 老人家一定咬唔到;小籠包都幾大隻, 但味道都好麻麻, 肉味唔夠香.