上海小籠皇

營業中

休息中

今日中午黎到新都城二期見到有上海小籠皇就入咗去食野，餐牌有我中意食嘅排骨擔擔麵即刻就落單。擔擔麵具少辣，少麻，少酸，混上花生醬和碎花生的麵湯，味道有層次和口感豐富好食，厚切排骨大大塊，炸得外脆內軟好正。份量十足都係＄61跟餐揀咗豆漿，仲可以追加小食，學生仲可減十蚊添！下次想食上海粗炒同咸肉炒年糕😋

住新都城嘅朋友成日話上海小籠皇嘅小籠包好正好好食，今日終於可以試下啦～我鍾意食包點，揀咗小籠包，蒸銀絲卷，黑胡椒大餅，紅燒獅子頭，加$30叫咗碟蒜蓉炒油麥菜，好抵喎！一開蓋見到小籠包超興奮，熱辣辣嘅小籠包頂部有個窿可以啜湯汁，好正宗嘅做法，好少店舖做到，夾起無穿皮又多肉汁，正正正👍🏻朋友果然無介紹錯😋銀絲卷，包裡真係一絲絲結合而成，質地柔軟又唔黏牙。黑胡椒大餅，外表滿滿芝麻而且金黃色，又靚又香，火喉剛剛好！紅燒獅子頭，圓碌碌好大粒，味道濃厚，配飯配銀絲卷一流。蒜蓉炒油麥菜好夠鑊氣，蒜香翠綠爽脆，$30食到碟咁有質素嘅油麥菜，抵到喊！係茶餐廳炒碟菜都要$70啦～朋友果然無介紹錯，價錢親民又好食，性價比高，難怪佢成日唔買餸煮飯，輕輕鬆鬆落黎小籠皇開餐啦！下次要再黎試下酸辣湯，上海粗炒，上海炒年糕，回鍋肉。。。仲有好多野想試😬仲要encore 小籠包😍

間鋪位於角落嘅位置，唔係經過嗰個位嘅話，都好難發現。難得上海菜係會有下午茶，佢平日同埋假期個價錢分別在於有冇加入服務， 牆身掛滿舊上海嘅相片。下午茶款式都算多，而且佢包小食同埋嘢飲價錢相當底菜肉雲吞拉麵 雲吞皮薄，唔係厚厚實實面粉味，拉麵會格。值得一提個湯睇落好清但味道好足夠上海炒粗炒原本擔心佢係無肉，好彩佢都有少少肉片，但係份量嘅話就相對較少，女生食嘅話份糧會夠。三絲春捲 佢應該即叫即整，熱辣辣非常脆口，而且佢醬汁配埋醬汁好好味，大推！小籠包佢肉鮮味濃多汁，但略嫌個皮厚咗少少

今日休半日,做完要做既野,望下隻錶見又到下午茶時間,見哩間都幾抵食,就入左去啦叫左個下午茶餐~小籠包2隻皮薄有湯汁,好食!!~菜肉雲吞湯拉麵菜肉雲吞好食!!拉麵都好彈牙!!

今日突然好想食松子魚,但好多做特價既店都要2位巳上先可以優惠價享用分明歧視一個人食飯係打定輸數食唔到既時候,比我見到個大招牌,有松子魚食,仲要唔係好貴,又唔限人數,所以就入去試下啦~松子魚好食!!!即叫即整,味道適中條魚啖啖肉,只係有一兩條骨仔,啱晒唔識食魚既我~菜肉雲吞擔擔麵見到我最愛之一,點可以唔叫阿一上到枱巳嗅到好香,麵條好食彈牙,但湯底一般雲吞大大粒,好食

用餐時間（2:32pm tea）follow@wojengyea/@wo!正嘢 for more food info🐒 支持我哋發掘更多美食 😋附近每枱都叫上海粗炒🍝，但望落感覺比較油，所以叫咗個四川擔擔拉麵試吓。飲啖湯先，好正嘅擔擔面湯底，食得出有落花生醬🥜，亦都有炸咗花生粒，加咗花椒油🌶️好香，只係略嫌麵條比較軟同淋身。小籠包（兩隻🥟🥟），通常跟餐小籠包小食都好hea，但呢個真心好食，夾起個小籠包見到啲湯汁好多。唔知係咪師傅手勢好，佢其中一隻個尖啄咁啱有一個窿，唔使咬開都可以俾我吸到啲湯汁，湯汁都好鮮味，吸完同湯汁再加醋去食，冇得頂！🥢天氣凍飲杯熱豆漿🥛，佢個豆味好濃又晤太甜，而且夠晒熱，飲完個人暖笠笠。星期六日另收加一服務費，平日嚟仲低食💵

不嬲都鍾意食上海野既我 終於一試屋企附近既上海餐廳小店啦 佢唔係連鎖集團 但平時經過都經常滿座 店外仲有2張檯 可以帶埋小狗黎tim 🥰✨淮揚酸辣湯(例)上海菜其中一樣最愛既就係酸辣湯 比例岩岩好 酸得開胃又辣得過癮 🌶️ ✨紅油抄手雲吞包得好料好足 醬汁麻麻香香又帶點黑醋味 但我覺得略甜左小小 🥟 ✨花雕醉雞雞肉質地好嫩滑 配埋花雕酒一絕 勁入味 前菜必點🐥 ✨招牌小籠包一籠有4隻 夠哂熱 外皮吾算厚但又唔會硬 頂亦都吾硬 湯汁非常多 而且肉味濃郁 果然係招牌菜😋✨上海炒粗麵 麵質超彈牙 炒得好有穫氣 又足料 夠哂濃味但又唔會太咸 推介 👍🏻🍲✨奶油津白好多奶油呀 仲要好creamy好夠味 加埋咸咸地既火蹆茸 好好食🥬✨炸銀絲卷 熱辣辣 外皮香脆 內裹軟熟 好正 🫓

🥢下午茶套餐(上海炒粗麵+小籠包+豆漿) $52上海炒粗麵個麵彈牙好食，炒得好有穫氣，味道唔會太鹹，又唔會炒得太油, 有唔少冬菇絲🥰小籠包熱辣辣新鮮蒸起😍而且皮好薄，豬肉餡冇豬臊味，一淡咬落去即爆湯汁🤤湯汁濃郁🤤記得要小心咬❗❗如果唔係會辣親個咀仔👄凍豆漿有豆味，唔太甜🥢下午茶套餐(上海炒年糕+雞絲粉皮+豆漿) $52年糕煙韌有咬口，但又唔會太硬。味道同上海炒粗麵差唔多，所以唔中意食麵可以叫佢雞絲粉皮嘅粉皮韌度適中，好香既麻醬味加埋雞絲同爽口青瓜好開胃🤤🥢糖醋排骨新鮮炸起，酸甜既味道剛剛好，好岩送飯🤭評分：味道：⭐️⭐️⭐️⭐️環境：⭐️⭐️⭐️整體：⭐️⭐️⭐️————————————————————————

住在附近的街方，一向鐘意食上海嘢，小籠包一般般、回鍋肉水平下，其他都…..。對一間禮貌差，食物質素差的上海店。真係寧願在商場找過其他食肆好過！又其是商場還有其他上海舖。食嘢最緊要開心，對嗎！

想食上海野 除左幾間鏈鎖店外 呢間小店都不失為一個好選擇👍🏻上海小籠皇位於MCP Central 1樓 地鐵站一上電梯個層轉左行到尾😂鋪位真系好督督 過左運動家先到 招牌小籠包 $38🥇一聽間餐廳名都知佢系招牌菜啦😂外皮吾算厚 但頂亦都吾硬👍🏻夾起身都吾易穿 好包到湯汁湯汁非常多 而且肉味濃郁 值得一試😋排骨擔擔麵 $68🍜排骨炸到超蘇脆 而且入面完全吾干 好Juicy👏🏼湯底微辣 花生醬溝成湯汁 同湯底混合 吾會一pat pat 味道更多層次 即使稀釋左花生醬 但花生味依然濃郁👍🏻麵質軟硬適中 胡椒豬肚雞 $164🐔胡椒味非常夠 飲落辣辣地 仲好暖胃😊豬肚乾淨 冇蘇味雞肉用上雞脾部分 好嫩滑餐廳野食水準不俗 有上海菜風味 價錢相宜 值得一試 唯獨冷氣比較大 怕凍既朋友可能要帶定外套😂

成日經過都好想食，但一直都無試到，因為唔知點解去到睇餐牌個一瞬間感覺上就唔想食了，今次下定決心 ，唔諗咁多，直入，因為想食小籠包。下午茶餐，叫左個菜肉雲吞湯拉麵，配兩小粒小籠包，但話明想食小籠包，當然要再叫多份小籠包先得啦，飲品就叫豆漿。先講豆漿，應該好健康既，無咩點落糖！個菜肉雲吞有成4粒咁多，加埋個麵，都好飽下，食埋個麵，飲埋個豆漿，想信呢間野都係較為健康同清淡為主，試埋個小籠包，正常嘅，個就欠缺野味，可能呢間野以清淡健康為主。

山長水遠由新界去寶琳探朋友，搭左個半鐘車，黎到已經下午3點🥴中午飯又未食，唯有食d夠飽肚既下午茶餐啦🤪呢間野就勁啦，下午茶餐四十幾蚊仲唔洗收加一，就已經包飯麵，點心，同野飲。重點係，佢粉麵既size係超級大份！1. 菜肉雲吞湯拉麵味道正常，雲吞大粒，仲有幾條菜2.紅油炒手小辣，同雲吞個口感好似差唔多3.上海炒年糕大碟到3個人分都食唔曬😂味道普通4.小籠包多汁，皮薄！5.糖醋排骨My favorite，又係勁多塊，好味不過好似肥肉多左dd

食個上海菜下午茶先，茶餐好多人等位，諗住拎飛等，原來派飛機係假嘅，用唔到的。要係門口等職員安排入座。下午茶set五香牛展拉麵🍜湯底係偏咸嘅清湯，牛展有5片，不過每片都係超薄，師傅刀功好厲害，透光的🤣但牛展滷得好入味，厚啲真係會好食啲囉。。。值得一讚係拉麵，真係好好食！煙靭Q彈，不過師傅好似唔小心，剪斷左，搞到我碗拉麵碎左啲。酸辣湯拉麵🍜呢碗拉麵啲麵夠長，唔碎。不過個酸辣湯較稀，材料不足。湯只有辣味無酸味，但勝在真係好大碗，超大碗！雞絲粉皮一款好難會整得唔好食嘅小食😂😂跟餐嘅小食，都有一人份量咖。粉皮都q彈透明，好食的小籠包跟餐有2粒。即點即蒸，熱辣辣。小籠包都算好大粒，入面好多肉汁，不過個皮太厚了，真係好厚。。桂圓雪梨茶唔夠凍，入面真係有桂圓同雪梨咖，仲有啲南北杏，飲落有杏仁味，清清地唔會好甜。其實好似飲緊甜湯咁。呢度其實下午茶都幾抵食，出食物又快，我地入枱到食完只係20分鐘左右就走人。不過就零服務可言，當食個快飯就可以了。。

屋企附近抵食的上海菜之選樓下分別有上海婆婆和小龍王小龍王分別有下午茶午餐的抵食之選經常午餐或晚餐都會來到這裏食都會叫菜肉包和雲吞雞煲作為首選另外雞絲粉皮都是不錯的頭盤一家大細嚟食都是不錯的選擇套餐內有晒頭盤、主菜、甜品、飲品

一個大早新都城周圍都係人類🤦想靜靜地飲茶🫖傾吓偈就誤打誤撞入左呢間上海小館🏬 小弟都算半個小籠包狂人所以見佢呢個名都吸引左我試 先點個午市套餐一直覺得滬菜嘅餃子同小籠包要有質其他都係假當然有一個優質嘅擔擔麵湯底就可以橫行無忌唔怕冇生意📈 豈料…紅油炒手、雲吞擔擔麵全軍覆沒死淨一個小籠包子🥟包子湯夠皮都包得ok所以下次都會外賣一個小籠包🫓其他都唔使再試 要服務冇服務收個錢都冇乜誠意想再入去堂食嘅興趣只會留番好肚餓周圍都排晒隊時候先