上海小籠皇

營業中

休息中

此商場的食巿不時更換，最新是引進了某大集團的招牌中菜品牌，對食客都是好事，因為不會悶。不過，今次我們不是試這間中菜館，而是在同一層但比較細的半新上海小餐館。 餐館不很大，傳統中式裝修，光猛，枱桌有點密但可接受。 我們倆人叫了招牌小籠包，鮮肉鍋貼，小籠皇海鮮煨麵和花彫醉豬手。 本來想叫餐單推介的手撕雞但店員說已賣光，所以改了豬手，但此選擇沒有後悔，豬手味道極佳，很入味，有點驚喜。鍋貼三隻，每隻份量算大，煎得剛好，肉質果然很鮮，不像一些餐館用一些比較差的肉配上不同調味蒙混客人。 招牌小籠包是我們到每一間上海餐館例必叫的菜式，雖不算此道專家，但起碼可以比較比較每一間做的小籠包水準。  這裹的小籠包做得很好，衝量標準是份量，肉質和肉汁都剛好，用筷子拿起不會穿。  煨麵可以分五小腕，配料多，但麵有點過腍。服務水平很好，店長（不知是否老闆）在結帳時詢問我們食物如何，還道謝光臨。  總括來說，第一次的嘗試是滿意，餐單選擇也不少，下次再來這商場，我們已清楚第一選擇的餐館是那間了。

又到左星期六日，又係無飯家庭日，所以落左新都城搵食。今日試咗呢間，因為佢係暗角，平時唔多起眼，但有朋友介紹話荃灣嗰間好食，所以就試吓啦。由於我太早啦，六點都未就到咗餐廳，可以任揀位。呢個春卷實在太油啦 小籠包好好味，皮薄多汁 呢個炸醬麵好好食呀排骨湯拉麵 Ok 但排骨切到好似豬扒咁，同埋... 都係有少少油炒飯幾好食喎，但母親大人話鹹左 d 呢個撈麵，一啲都唔乾...... 好濕...... 麻麻地屋企人普通食餐飯都可以嘅，以價錢來講算係咁啦，因為佢係較平呀

搵咗日中午 嚟咗新都城二期嘅上海小籠皇 試下哩間算係平價上海菜嘅餐廳仔～一坐低有杯熱茶飲午餐餐牌上都有好多選擇，都係$50-70左右另外仲有啲乜煲乜煲嘅小菜送飯～■ 小籠包 午餐加配+$12/2隻小籠包size都係一口 裡面饀唔會偷工減料好細舊 而且一啖咬落去啖啖都係肉汁！男朋友仲被噴到手機MON都濕曬😂 配埋黑醋食 正啊■ 上海排骨菜飯 $56碗飯好細碗🤦🏽‍♀️ 午餐嚟講 都唔係幾夠飽 排骨OK 係油咗啲 食完即刻飲返杯茶解一解油膩■ 菜肉雲吞湯拉麵 $45個湯幾清幾好飲～ 餐飲仲可以試下豆漿！都唔錯啊！

上2次同朋友食完好好味，今次帶埋屋企人黎食😋叫番上次好味既，再試左新野甜品都有試，又有唔同體驗喎必叫既緊係小籠包啦$36 皮既厚薄度岩岩好，點夾都唔怕散流哂d湯出黎鱔糊炒拉麵$80 第一次食超鮮味，1 d都唔腥配合炒拉麵食好清爽唔會粘口菜肉雲吞湯拉麵$52 大大粒雲吞有4隻，饀料好多鹹肉津白湯年糕$52排骨擔擔麵$60北京水餃$36高力豆沙$35好耐無食，第一次食依到既甜品，好配合香港人口味，唔會好油好甜，微甜令人好鐘意有樣野要注意🤫如果唔食台面碟小食，一坐底記得同佢講收走，唔2係要加$10咖！茶錢就位位$5另收加一服務費

新都城食上海菜既餐廳唔多,每次都見到依間都有人排隊咩時段都係,,裡面坐位唔多,,裝飾都好上海風,,掛燈+吊扇都好吸晴上海菜點可以唔叫 招牌小籠包$36,,皮薄肉鮮,,門口都見到師傅係廚房新鮮包製,,明顯數到有標準既18摺,,一咬落去湯汁湧出黎,,非常鮮北京水餃$36/6隻 水餃皮偏厚，但咬落去煙韌彈牙，肉餡都幾多鹹肉津白湯年糕$52 依個真係滿分，鹹香味充滿住成碗湯年糕，年糕係超級煙韌配湯食無咁乾，津白份量都好多，成碗好味到真係可以連湯都飲埋排骨擔擔麵$60 依個麵同樣份量都好多，排骨炸到非常酥脆，粉唔算太厚包住肉汁，正！麵上放滿花生碎，油香花生香令到湯底好濃郁，少少辣十分滋味令我地食唔停不過茶位$5/位 計埋加一都幾十蚊可以叫多樣餸

下午茶同屋企人諗唔到食咩就去左呢間小籠皇食！叫左我最愛既肴肉 擔擔麵 炒年糕 小籠包同生煎包～ 肴肉好失望 因為一夾就散晒😟 年糕襯回鍋肉辣辣的 好惹味 小籠包充滿湯都不錯！其他既都係正常味道 沒有驚艷但都無話難食的！因為感覺普通 建議價錢可以稍降少少～

已經唔係第一次黎食晚飯，由一開始平日晚市唔多人，到今日晚市要等一陣位，食物質素都冇令人失望👍🏻今次我地嗌左小籠包、醉雞、擔擔麵同椒鹽排骨，味道都好好，小籠包皮薄多汁但唔易穿；擔擔麵好好味，花生醬味濃郁仲有粒粒花生，因為平日都鐘意食唔同上海店嘅擔擔麵，可以話呢間嘅擔擔麵係中上之品；餸菜份量都比一般上海餐廳多，而且食材同用料一啲都唔吝嗇，好有誠意！唯一可改進係可以喺管理上更有系統，因為有時會上錯其他枱嘅餸菜，不過食物質素可以抵消呢啲小瑕疵！所以仍然會番來繼續支持👍🏻👍🏻👍🏻

見都多人好評話會再度惠顧,所以就來試下。今次叫左雞絲粉皮, 小籠包,煱貼, 鳝糊炒拉麵。1.雞絲粉皮-好多花生醬, 無咩特別。2.鳝糊炒拉麵份量都算ok多, 料都算唔少,都幾好吃, 濕濕地。3.小籠包有驚喜, 皮都夠薄, 爆多肉汁。4.煱貼都煎得脆口, 都有好多肉汁。整體來講都唔差, 希望保持住份量, 水準。唔好偷工減料(以家出面吃野, 好多都份量少, 價錢高, 都唔合正比)另外, 要收茶錢每位$5 同前菜錢, 同加一。如果可以減茶錢/前菜錢就更理想。呢間可以再次惠顧。

同場的一家連鎖式上海食肆..食物質素退步中既然小籠皇是新晉上海食店..便來試試！星期日的午飯時段..等位大約15~20分鐘左右好快便可入座～點了雞絲粉皮﹑小籠包﹑生煎包﹑嫩雞煨麵&擔擔麵親戚還叫了一杯洛神花茶～雞絲粉皮，配料及醬都不多雞絲不多，但很粗身青瓜絲則很少～可能花生醬不多，整碟粉皮的味道較淡！生煎包，皮很厚，餡料不多也沒什麼肉汁～不夠惹味！但總算夠熱，包底煎得香脆！小籠包，size算大隻熱騰騰的～皮不算太厚，一咬開皮，湯汁多到湧出！正！擔擔麵，有蔥花﹑肉碎和花生等配料辣度足夠，麵質不會太稔但花生醬味不夠香～～辣和香濃不夠平衡！嫩雞煨麵，菜和雞肉的份量算是適中雞湯湯底算香，味道足夠～麵質較擔擔麵的略稔一點！洛神花茶，酸甜度不是很突出但味道不會太淡不過不失！整體而言，食物質素屬中等水平，有改善空間但價格算是合理可以再來光顧啊～～

不得了啦~短期內第二次光顧~~因為呢間野真係有質素~雖然佢環境麻麻~服務一般~價錢亦都唔算平~但味道係新都城呢黎真係算係咁上下~~今日兩個人點左5樣野, 計埋茶錢加一都要$260幾蚊, LUNCH黎講真係唔平~不過阿哥好似好滿意D食物咁~~=]涼拌海哲 $68海哲非常爽口!!可惜淡味左小小~同埋唔夠凍, 材料普通但價錢略高~沒有驚喜~招牌小籠包 $36必點必點!!!真係好熱騰騰!!就算放左一陣個內裡都仲好熱~皮薄肉多湯多~不過個醋好似麻麻~我食第二舊都冇再沾醋了~~~值得推介~~下次黎又係要再點既一個餸~回鍋肉炒年糕 $72開頭唔想叫呢個, 覺得好普通~但阿哥堅持~最後黎到竟然出乎意料之外咁好味~炒得超香~又熱~小小小小辣~個汁好好味~因為本身年糕好難入味~所以個汁真係好重要~~好味好味~銀絲卷(炸) $21呢個銀絲卷就比下去啦~佢似炸饅頭多D 囉~因為銀絲卷入面應該係好似銀針粉咁粗一條一條絲咁~但係佢就全冇呢個效果~有點失望!~> <高力豆沙(3件) $35好中意食高力豆沙架!!!唔記得左叫佢遲啲上, 佢同其他野一齊黎~搞到食個時凍左小小~個皮軟綿綿~好好味好鬆軟~~

簡簡單單同屋企人食飯!今晚揀左呢間上海餐廳，第一次光臨，可惜要搭枱，好在張圓枱都夠大，我地2個人, 對面又係2個人，都唔會覺得逼!小食👇🏻👇🏻 招牌小蘢包 $36一定要點呀呢個!!!超熱呀!!唔係我個鏡頭濛左呀!!係佢熱到勁多煙!!夾上黎既時候冇失手, 個皮冇穿到!!勁大舊肉係入面, 同埋入面啲湯都好熱!!GOOD!!!雞絲粉皮 $62份量都好多，始終價錢都不平! 不過佢個醬既花生醬特別多特別濃味!!食起來好「杰」!!!係唔錯既!!總算對得起個價錢!!砂鍋雲吞雞 (半隻) $158勁大個鑊呀!!應該有6粒雲吞?!我食唔到有蝦係入面, 我覺得似水餃多啲!!> < 但係隻雞啲肉好滑!!!個湯都好足料，好似落左金華火腿煲，成個湯都好清好鮮甜，不自覺咁飲左3碗。好飽!! 不過佢會收茶介同埋小食費，再計埋加一，一啲都唔平!!但整體味道係唔錯!!

放工一個人， 唔知食乜好…都係食自己最鍾意嘅上海菜！想清淡啲，所以買咗一個嫩雞煨麵， 但係淨係食個麵又好似唔夠飽， 所以叫多咗一籠小籠包。首先個麵嚟先， 個湯好白色， 有啲假， 冇理由雞湯會白成咁… 都幾多菜， 雞肉少咗， 煨面所以有少少軟爛，但係正常嘅！ 但係個湯真係唔係太得 ，我覺得佢加左忌廉雞湯…跟住到到小籠包 ，侍應俾咗一碟薑絲我， 但係冇比醋我， 不過算數， 我可以唔點醋嘅， 小籠包睇落好大隻， 原來佢個皮好厚，厚到我以為係生煎包 ！入面有湯好熱辣辣，但係有啲味精味， 同埋佢四隻太大隻，啲皮黐埋一齊… 所以都係試過就算啦，我都冇食曬…

之前试过午市套餐，味道尚可，12蚊可加2只小笼，皮薄汤多，味道不错。这次晚间突然想吃生煎，就去楼下买了外卖，但是非常失望！用的是发面皮，皮很厚，馅很少，完全没有汤汁，只能当做煎过的包子，并不是上海生煎。36蚊3只，质量比祥兴记差了太多，不会再试

餐廳入邊有多位員工大多數都係女員工、其中一位男員工態度極其惡劣、對每一個客人都係咁，有客人問佢攞杯冰佢話我哋冇冰、客人再問佢攞杯水、佢就話我哋冇水、有客人入到去話兩位、男員工說自己搵位啦坐低啦、鍾意坐邊就坐邊、一陣就好似吹你叫嘢食、你唔叫嘢食住佢就慢慢諗啦好差的語氣、跟住又自言自語講粗口鬧客人每一台客人都幾乎俾佢鬧，就是自言自語地講粗口鬧。跟住有輪椅經過佢就叫你唔好坐喺呢個通道話俾你聽呢個係海底隧道唔係比你地坐架、呢條通道專比呢d人過，九唔搭八、跟住輪椅過咗後、又自言自語鬧輪椅嗰個人、食物唔評論太多就是一般般、唔會好食、但唔難食囉、一個字平、但態度令到你係唔會再幫襯

I was quite disappointed with the Sichuan dandan noodles, it was very spicy yet the rancid taste of the peanuts were so strong that it came through and ruined the broth.The rancid taste was so bad that the noodles absorbed it and tasted horrible.The vegetable buns saved the day as they were light and fluffy but tiny in terms of size because they are the same size as a Shanghai Dumpling.I didn't really expect it to be good because the other branch is in Tsuenwan so the food is probably catered fo