上海小籠皇 (已結業)

🧡 一開始睇個名以為主要係食上海菜同小籠包😆 點知睇真啲餐牌原來仲有川菜選擇！仲有好吸引嘅二人餐😍 二人餐好多款式揀，於是就諗住試吓😁🧡 二人餐價錢 $318 已經包咗 冷盤, 小菜, 招牌菜, 自選干鍋, 兩碗白飯, 同埋兩杯飲品👍🏼🧡 冷盤揀咗比較少食嘅鹽水鴨。推薦推薦！肉質結實，非常入味！😍🧡 小菜都有八款揀，又有選擇困難症啦！最後揀咗京蔥爆牛肉。牛肉每一塊都均勻沾滿了醬汁，青蔥夾牛肉都好好食😋🧡 招牌菜就揀左酸菜魚~ 另外仲見到有水煮牛蛙😳, 麻辣雞煲, 香辣小龍蝦🦞等選擇酸菜魚都好大煲，湯底酸辣平衡得宜，魚肉鮮嫩🤩另外仲有芽菜，萵筍, 寬粉等配菜好夠食😁🧡 食咗咁多仲可以有個自選干鍋！自選鍋底包括香辣/麻辣/孜然/蔥爆。我同🐼都唔係好食啦所以就揀咗蔥爆~ 如果揀辣嘅話仲有唔同辣度可以揀，包括BB/小/中/大/好X辣！酸菜魚我就揀咗BB辣，對我嚟講已經足夠🤣餸菜方面有三十幾款比你揀！可以揀三款~我哋最後揀咗豬頸肉, 四季豆, 蟹柳。炒得好有鑊氣，調味適中，配白飯食一流！🧡 飲品就要咗兩杯檸水 🍋 🧡 二人餐食得好滿足！飽飽😚

上海小籠皇 (旺角)旺角花園街3-5號鴻威大廈地下9號舖。番鄉下之前諗住同媽咪食餐飯，方便大家就揀左旺角啦，媽咪早左出街去左行Aeon，好景條街大把野食，所以就求其係嗰條街揀左間餐廳。花雕醉雞（$73）前菜食左花雕醉雞，雞件滑滑又重酒味，唔錯呀。晚市一人干鍋套餐（$98）$98可以揀4款餸，食材選擇有好多，有肉類、海鮮、蔬菜，呢d乾鍋辣辣地炒埋一碟衰極有限，用黎送個白飯就正正子。銀芽炒鱔糊（$110）呢個要讚，媽咪成日話買黃鱔唔平，呢度大大碟俾得多鱔，d鱔切得夠厚，兩個人食得好滿足。#gpigmk

最近我去了一間主打上海菜的餐廳，我見佢地原來將軍澳都有分店～餐廳環境乾淨，光明闊落，坐得唔舒服，晚餐時段唔洗排隊，餐廳服務員態度熱情，staff會介紹晚餐有咩好食，幾好人。青瓜海哲：清爽開胃前菜～餐廳搭配了特製的海哲醬汁。好酸爽，青瓜口感爽脆，而醬汁則帶有少少的酸甜味，我幾鐘意食青瓜，又低卡😆健康酸菜魚：酸菜魚係上海菜的經典菜之一，正常水平，整體唔錯，魚肉多汁，因為我怕太辣，叫左少少辣，配搭左酸菜的酸味和微辣的口感，好有層次感。酸菜酸度岩岩好，唔會話過於刺激，正常水平～3. 糖醋排骨：餐廳的糖醋排骨都幾唔錯，排骨炸得少少脆，外層包裹著甜酸的糖醋醬汁，連埋汁一齊食都幾惹味，排骨唔會好乾，肉質鮮嫩，唔錯～

經過見到呢間舖滿座，價錢又幾抵，仲有二人套場，即刻入去試下🤣🤣1️⃣ 冰鎮話梅骨 $98這道冰鎮話梅骨上菜個陣話梅骨仲係熱辣辣，用咗冰係底做冰鎮處理，肉質鮮嫩，食落非常開胃😌2️⃣ 砂鍋雲吞雞（例）$118砂鍋雲吞雞這以砂鍋烹調，裡面包含著鮮嫩的雲吞和雞肉，份量十足，仲有超大隻雞髀🍗3️⃣ 黃金糍粑（4件） $20這份黃金糍粑有4件，超抵食，食落口感煙靭，配上紅糖調味比平時嘅苦少少，食落無咁甜🙌🏻

二人套餐冷盤x 小菜 x 招牌菜 x 干鍋 x 白飯 x 飲品套餐好抵食，選擇同份量都好多😍冷盤揀左涼拌黑木耳，少許蒜粒同麻油調味，開胃惹味孜然排骨排骨細細粒可以一口一粒，炸香嘅排骨香而不膩，孜然同辣椒嘅香味更加令人食唔停口🐷招牌菜 - 酸菜魚酸菜魚魚片份量多，口感爽滑，而且唔算多骨啖啖肉🐟另外湯頭味道酸辣平衡得宜，既飲到酸菜同辣椒嘅香味，又有魚嘅鮮甜👍🏻更有好多芽菜同薯粉索晒啲湯，非常惹味自選干鍋 - 土豆絲 x 萵筍 x 肥腸 （bb辣）干鍋辣度可以自由選擇，朋友唔太食得辣所以揀左bb辣，呢個辣度好輕鬆，食開譚仔嘅朋友一定食到🤣🌶️肥腸先經油炸逼出過多脂肪，加上辣椒嘅調味令入口完全唔膻，另外萵筍爽甜，土豆絲索晒干鍋嘅醬料，非常惹味好X大杯凍檸檬茶 +$20不得不提係餐廳嘅【好X大杯】系列，咖啡奶茶檸茶檸水都可以叫，真係好X大杯🤣如果食得太辣可以飲咁大杯凍飲就舒服晒🧊📌上海小籠皇 (旺角)地址：旺角花園街3-5號鴻威大廈地下9號舖評語食物多選擇，性價比高店員友善🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkf

今日放工同媽咪去咗好景拎嘢，喺嗰度行咗陣都有啲肚餓，就去咗附近搵嘢食👅見到一間新開嘅川菜加上海嘢，八卦吓望吓Menu，店員好熱情咁出嚟介紹個餐牌，覺得幾吸引跟住就入去食吓👅我朋友比較鍾意食上海嘢，我哋就決定叫上海嘢食🤣🐔 香麻炸雞翼（三隻) $28單骨炸雞翼正！好容易食👅每隻都炸到酥脆金黃，食落去雞肉鮮嫩，性價比好高🤪🍲上海炒年糕 $80年糕炒得啱啱好，有彈牙嘅口感😋配料都好豐富，有菜同埋肉絲，炒得好香，絕對推薦✨✨🐟 糖醋魚塊 $88絕對適合鍾意酸甜口味嘅人😍啱啱上菜食落係脆卜卜！外脆內嫩！加埋啲糖醋醬汁同埋粒粒桃，超級開胃🤟🏿🥬奶油腿茸津白 $78津白煮得啱啱好，唔會太腍又唔會太硬，保持蔬菜嘅爽脆口感，腿茸有少少咸香味🤟🏿加埋奶油嘅濃郁香味，層次豐富✨💕總括嚟講呢一餐廳啲嘢食好好食，個價錢平均嚟講都係幾十蚊一碟，份量唔少，好抵食🤣 店員姐姐都係keep住熱情，會推薦啲菜式✨餐飯都食得好開心👅一定會再嚟幫襯💕

今日同朋友經過廣華醫院對出嘅美食街，見到呢間食上海菜嘅餐廳有好多想食嘅選擇，決定試試。有1人套餐 選擇多👍我哋叫咗2人晚市套餐，都頗多選擇，份量亦好足。孜然中辣干鍋(牛蛙 茄子和四季豆)鮮嫩的牛蛙肉搭配香氣四溢的孜然調味，令人垂涎欲滴。牛蛙肉質鮮嫩，帶有微辣味, 茄子炒得軟嫩入味，搭配著豐富的蒜香和醬汁，惹味可口。四季豆炒得幾入味，唔會太咸。涼拌泡椒魚皮魚皮脆口，搭配著泡椒調味，非常開胃，又唔會過辣，係一道不錯既開胃菜。泡椒炒豬頸肉嫩滑的豬頸肉和大紅袍辣椒炒製，香氣四溢。豬頸肉口感韌度啱啱好，帶有微辣味，非常送飯。酸菜魚果然冇令我哋失望。酸菜魚湯底酸辣醒胃，魚肉鮮嫩，配料都幾豐富，有薯粉、萵荀、芽菜、酸菜。凍檸檬茶非常解渴，係一個炎炎夏日絕佳嘅選擇。

記得半年前同閨蜜響呢度食過一間酸菜魚…川燒王……好好味～今日經過已經變咗上海舖，一問之下，原來只不過係轉咗名咋！！🤭🤣因為老闆想加多啲唔同嘅菜式～咁仲好啦！即係有川菜嘅底子，再加埋上海菜嘅新口味，咁點會唔試呢？？🤗🤗鎮江餚肉（$73）：個碟好精緻，好有fine dining嘅風味～佢啲餚肉做到皮肉相稱，夾埋啲豬腳凍，爽口彈牙！再點啲鎮江醋，非常之惹味開胃！係唔錯嘅前菜選擇！🤗松子魚（$178）：上枱好有睇頭，大大條～一睇就知師傅功夫到家！！😋👍🏻全條魚起曬骨淨係保留咗我最鍾意嘅脆卜卜魚鰭，加咗雜果，配埋糖醋汁，酸酸甜甜，十分開胃！！最重要係佢炸得好香脆，但係一啲都唔油膩，就算淋咗汁，啲肉都仲係外脆內嫩！！🥰🤗奶油腿用津白（$78）：比平時食嘅大碟，奶油好香濃，腿蓉用料非常足，而且真係有淡淡金華火腿嘅鹹香，十分好味！佢有樽裝豆漿、涼茶、汽水同茶餐廳飲品～因為佢嘅晚餐仲有啲一人香鍋，有好多唔同嘅辣度畀你選擇，食得辣嘢就梗係要飲啲清熱嘢啦…唔飲涼茶，仲可以飲啤酒，不過我啱啱好返，都係飲支雞骨草算啦！！店員非常週到，好好招呼，佢仲認得我之前嚟食過酸菜魚添～下次一定會再嚟！！🤣🤣🤭

周二晚上，我和太太逛旺角花園街，之後在上海小籠皇餐廳晚飯。我們選擇了兩人套餐~$318。兩人套餐包一碟自選前菜~我們選了一份鹽水鴨。鴨肉嫩滑多汁，帶有淡淡的鹽香味。接下來，我們自選了蔥爆三餸小炒，其中包括牛肉片、鯛魚片和油麥菜。這三道小炒都烹飪得很入味，牛肉片鮮嫩多汁，鯛魚片鮮美鮮嫩，油麥菜清爽可口，配上蔥的香氣，味道更加突出。兩人套餐再包一份小炒及煲類食物，我們選了孜然排骨及麻辣雞煲。孜然排骨外脆內嫩，入口香辣可口，讓人回味無窮。麻辣雞煲裡的雞肉鮮嫩，辣味刺激但不至於太辣，呈現出一道色香味俱全的美食。套餐包兩碗絲苗白飯，搭配這些美食，讓我們更加飽足滿意。餐飲品方面，我們點了熱檸茶和熱奶茶。這頓晚飯我們享用得非常愉快。餐廳的環境舒適，服務也十分周到。

今日去旺角潮流特區買嘢，買完嘢梗係順便再去旺角食埋嘢同朋友傾吓偈先返屋企啦行到呢間位於肥姐小食店附近嘅上海小籠皇店，好多食物選擇，啲午市套餐價錢亦都唔貴，餐廳裝修唔錯☺️☺️我同朋友個帶咗一客午市套餐，分別係上海排骨炒粗麵和銀芽炒鱔糊，午市套餐仲包埋嘢飲，一般熱飲品同埋汽水都係免費嘅但係我哋個當日好熱好口渴,就加咗$10要好X大杯凍檸茶，當然除咗凍檸茶之外，仲有凍奶茶同凍咖啡選擇啦😍😍上海排骨炒粗麵- 正！ 係用豬排做排骨！食得更方便！銀芽炒鱔糊- 好多鱔同芽茶！ 正！香脆炸雲吞- 有四大粒！上海雲吞同廣式雲吞唔同！呢款更多肉多菜更健康😻😻好大杯凍檸茶- 真係好大杯㗎，啱晒而家天氣熱，檸檬片份量都好足，夠味！總括而言，呢間上海菜唔錯，性價比都好高，尤其是好鍾意佢果鱔糊，而家好少舖頭有呢啲手工菜㗎😝😝上海小籠皇 (旺角)旺角花園街3-5號鴻威大廈地下9號舖

今日行過煙廠街，睇到哩間餐廳提供晚市雙人套餐，平平地300幾已經有數款小菜，咁試試啦。餐廳裝修得古香古色，兩人都能安排4人位，唔錯。熱奶茶同熱鴛鴦，入口茶味好香，飲落有少少回甘唔會覺得苦，落咗少少糖更加好味。鹽水鴨，香港好少見嘅冷盤。鹽水鴨要做得好很花功夫，哩間餐廳做得唔錯。鴨肉緊實，鹽落得啱啱好，食落唔會好鹹。湖南花菜炒臘肉，話係臘肉，其實似回鍋肉多D。哩碟餸好夠鑊氣，大火逼出豬肉油脂，再加入辣椒爆炒，花菜脆口得來又好惹味。酸菜魚，分量都幾大下，唔單止有魚片，仲有大量薯粉，萵筍片，黑木耳等配菜。魚片嫩滑冇骨，入口即化，搭配鹹香酸菜，食到停唔落口。自選幹鍋，揀咗孜然鍋底同牛肉片，墨魚丸同午餐肉三款餸。鍋底醬香味十足，小辣都唔會好辣。其中牛肉片同鍋底最夾，嗦曬鍋底醬香味，食落好惹味。套餐仲會搭配兩碗白飯，兩人套餐分量十足，食完勁飽，最後都唔食白飯啦。

今日放假比自己休息下🤗 晚一点先去吃野, 之前經過見到不過未幫襯過, 下午茶唔好食敢多, 見到佢有下午茶餐, 都多選擇, 有干鍋亦有湯麵, 唔太食飯的我叫左個上海湯粗麵, 小食要左雞絲粉皮同熱奶茶, 由於可能當時已經過吃飯時間, 所以唔算太多人😅 等左一陣雞絲粉皮先來, 係mini版🤭 不過味道唔差👍😋 唔想食太多就啱晒, 之後熱奶茶也來, 叫侍應拿走包糖, 雖然唔係太熱, 不過又幾好飲😋👍 查實原先想睇下有無一杯凍豆漿或一杯熱豆漿🤣 但只有加$要枝裝, 一枝又太多, 唯有唔叫😅🤭 再等多一陣上海湯粗麵送來, 以下午茶來計, 份量都算多😛 飲啖湯先, 有d味, d湯超級熱辣辣😻 我鍾意, 佢另外有d肉絲和菜, d麵唔係平時食開圓身粗個只, 不過可能真係d湯太滾, 令d麵都有少少淋😅 但整體來講坐得舒服, 味道唔差, 52元價錢都算合理, 下次可以試下其他😜

喺花園街行咗一陣見到有間食上海人嘅餐廳，入咗去估唔到都有得食川菜，所以就入咗去試吓湖南花菜炒牛肉配客飯+好x 大檸檬：份量適中，椰菜花炒牛肉，味道都算正常唔會太辣，最吸引就係個杯好大嘅檸檬茶🤣干鍋客飯（蔥爆配魷魚鬚+豬頸肉+牛柏葉 +炸豆腐）+ 好X大杯凍奶茶：依家剛剛除咗辣椒外仲可以叫唔辣，小編就揀咗個蔥爆底嘅乾鍋，用咗乾蔥去爆香佢再撈，魷魚鬚好惹味香脆炸雲吞：炸到好香口嘅雲吞，再配上酸辣醬，好邪惡

呢間餐廳我地行過見到想食就入左去食,呢度有好多卡位坐,環境光鮮明亮既燈光,呢度有好多款上海小菜同上海碟頭飯之外仲有特色既係夜晚係會有川菜食,酸菜魚同辣既食物好多,我地食午餐就選擇左小籠包,即叫即蒸同埋叫左碗雲吞擔擔麵,呢碗麵既花生醬味好香濃,雲吞大大粒,好多涵既,仲有前菜必食既係爽口彈牙既魚皮,魚皮切成絲好有咬口既,青瓜都好清脆爽口,我地仲叫左個酸菜魚片,好多魚片,魚片軟熟易咬,飲品叫左一杯凍奶茶,奶茶都幾香滑既。

最近好想食上海嘢，特別係炒年糕，行過見到呢間決定試一試！大部分食物都夠大碟，價錢同味道都OK👍🏻酸辣湯 $35呢個酸辣湯2人都夠飲，配料充足，唔會太稀味道剛剛好香辣干鍋 $98我地叫左BB辣，可以揀四個餸。我哋就試左雞件、肥腸、翠玉瓜同埋魷魚鬚。因為呢個係一人餐，所以有配埋白飯同埋飲品，可以話係非常抵食！雖然多辣椒但味道方面都唔會好辣，雞肉爽滑，肥腸同魷魚鬚都入味，翠玉瓜份量都多。香麻炸雞翼(3隻) $28雞翼炸得酥脆，每隻都大大隻又多肉，抵食雪菜鹹肉炒年糕 $82比起其他餐廳，呢度嘅年糕份量算多，而雪菜同鹹肉嘅配搭令成個炒年糕更加惹味😋總括而言，食物份量同埋味道都相當唔錯，可以一試！性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️