上海小籠皇 (已結業)

今日去旺角潮流特區買嘢，買完嘢梗係順便再去旺角食埋嘢同朋友傾吓偈先返屋企啦行到呢間位於肥姐小食店附近嘅上海小籠皇店，好多食物選擇，啲午市套餐價錢亦都唔貴，餐廳裝修唔錯☺️☺️我同朋友個帶咗一客午市套餐，分別係上海排骨炒粗麵和銀芽炒鱔糊，午市套餐仲包埋嘢飲，一般熱飲品同埋汽水都係免費嘅但係我哋個當日好熱好口渴,就加咗$10要好X大杯凍檸茶，當然除咗凍檸茶之外，仲有凍奶茶同凍咖啡選擇啦😍😍上海排骨炒粗麵- 正！ 係用豬排做排骨！食得更方便！銀芽炒鱔糊- 好多鱔同芽茶！ 正！香脆炸雲吞- 有四大粒！上海雲吞同廣式雲吞唔同！呢款更多肉多菜更健康😻😻好大杯凍檸茶- 真係好大杯㗎，啱晒而家天氣熱，檸檬片份量都好足，夠味！總括而言，呢間上海菜唔錯，性價比都好高，尤其是好鍾意佢果鱔糊，而家好少舖頭有呢啲手工菜㗎😝😝上海小籠皇 (旺角)旺角花園街3-5號鴻威大廈地下9號舖