上海廳1930 (已結業)

黃大仙龍翔中心，上海1930，我們不是第一次光顧。但疫情下，平常人頭湧湧的食肆，現在就冷清清了。午市套餐價錢，看似不算太便宜($68)，但看看組合，其實好抵食。Honey點了最喜歡的擔擔麵+小籠包($68)加鮮豆漿(+$5)擔擔麵好大碗，而且料頭充足：肉碎、花生碎……湯頭濃濃的。小籠包是一客四個，童叟無欺。我點了紅油牛肉麵+上海糯米燒賣($68)加鮮豆漿(+$5)牛肉麵也是大大碗，有四五片紅燒牛肉。上海糯米燒賣，不錯喎！有五粒。看樣子，似乎無甚材料，只有上面的幾絲瑤柱絲。但糯米飯夠味，煙靭靭的。整體都不錯……唯獨……服務員就跟場面一樣 → 冷冷漠漠！

中午嚟呢度食晏，佢有個麵點套餐，可以自選一款拉麵再配一款點心$64。我就揀咗招牌擔擔麵+小籠包，小籠包味道OK，皮都算簿，咬落去都會有湯汁爆出黎。招牌擔擔麵湯底嘅花生醬味都幾濃，不過次碗碗都唔一樣。整體來講普普通通，唔會特別想過嚟食，要做附近冇選擇之中嘅選擇。

很喜歡吃上海廳的粉麵類，因為吃過幾次也很好吃。可是這次外賣吃到一半就發現麵裡有昆蟲，小蟲就算了，是小強。真的好噁，太髒了，這麼大一隻小強也沒有注意到…好離譜啊！我體諒所有的餐廳有時候無法避免會混入昆蟲類，但仍希望每一間餐廳可以妥善保存好食材，或是盡可能檢查清楚食品才端出去給客人。經過這次吃到一半才出現小強的經驗，以後我在外吃飯前也會仔細檢查，不然遇到同樣情況，除了驚嚇以外還有機會肚瀉，吃個飯都要得不償失，真慘。

今日熱到一個點，到左黃大仙北館地下，冇諗太多入左去上海廳1980，叫咗一個小籠包，一個嫩雞煨麵，上海炒年糕再加一個叉子燒餅，我哋第一次食上海嘢食到懷疑人生，每一啖都係畀佢海量既鹽，豉油過濃嘅調味，你係會feel到啲過度濃沃嘅鹹味侵蝕我哋條脷同埋我哋每一個味蕾。 食到第二第三啖嘅時候已經覺得好唔對路， 我同我女朋友直接放棄咗 唔敢再放入口仲有佢作為一間上海嘅餐廳，小籠包都真係唔好味，肉質好老，老實一句就係唔好食。

與朋友午間短聚，經過這家上海店就進去試一下。進去前，指定動作就是量體溫，確保大家無發燒。我們都點了麵點套餐，一個麵配一個點心，我點了紅油牛展麵跟生煎包，朋友點了雪菜肉絲湯拉麵跟小籠包。紅油牛展麵叫了走蔥，但來到的時候還是有，唯有自己夾走，味道一般，有小小油的感覺。點心是跟朋友一起分享，生煎包一碟三個，上菜時只是微暖，熱辣辣的話應該比較好，我們都覺得小籠包比較好吃，一籠有4粒，吃下時有濃濃湯汁，皮也不算厚。我們吃完也聊了一會兒，總結就是寧願多叫一籠小籠包好過食生煎包🤣

今日（8/5/2020）限聚令放寛至八人，是晚到“上海廳1930”食晚飯，提早慶祝母親節。前兩日無咩人堂食，多等外賣，今日好多人等位，“上海廳1930”無訂枱服務，是晚選擇六點來攞位，實是明智，遲來半小時，就要等位，特別是等大枱。醉雞是我至愛，但今晚碟醉雞，麻麻地，唔夠酒香；菠蘿黑醋排骨，好味，酸酸哋，好啱送飯，洋蔥索晒味，正；麵筋素雞燒豆腐，豆腐及麵筋好滑，好入味，小籠包包內夠肉汁，但上菜時，包唔夠熱。除上面講，再叫咗生煎鍋貼、擔擔麵、酸辣湯雲吞、牛肉絲炒拉麵及雪菜肉絲炒年糕，均是無咩驚喜。

成日自稱上海妹既我👩🏻緊係周圍去試上海菜啦,見到黃大仙有間上海菜,雖然疫情關係,但餐廳都有好多人,又到左晚飯時間所以決定試下!.食物方面:⚪️雞絲水晶粉皮雞絲唔夠多撈麻醬,不過不失.⚪️三喜烤夫味道適中,幾開胃.木耳好爽口😜⚪️水晶肴肉份量都幾好,肉質爽滑配醋好好味🥰⚪️上海小籠包新鮮上碟好多湯汁,好鮮甜,好味👍🏻⚪️生煎包好軟熟既包,內軟外脆,包入面仲有肉汁👏🏻⚪️蠔汁小竹筍味道比較甜,但份量好多.不過不失.⚪️干煸四季豆炒得好香好正,送飯一流.⚪️黃金炒飯炒得好乾身,見到每粒飯都包住蛋,好香👅⚪️鱔糊炒銀芽份量都幾多,味道都唔錯,鱔糊好多肉無泥味.整體方面:地方座得好舒服,價錢都好合理食物款式多,無論小朋友/老人家都岩食,小籠包.生煎包都做得幾好食,一家人去食飯都係唔錯既選擇!

這間餐廳以前好好食的，但係一排冇黎，水準下降得好犀利！！  加上依家已經小左人食，但係d野食都係竟然唔熱！！係依家咁既環境下，餐廳既衛生情況都好惡劣！  叫了雞湯麵，2碗都有蟲！真係見到都唔開胃！  另外，樓面侍應的服務態度也很欠佳，但是經理的態度也算是不錯

今日過開黎黃大仙做野，本身想食南館另一間餐廳但滿座，走去北館睇睇有咩選擇，就見到呢間上海菜餐廳。望望menu分咗午餐同下午茶，價錢$40-60左右，都過得去，可能黃大仙屋邨區所以普遍價位低d。入到去裝修感覺高級，座位都舒適。再睇返menu原來晏晝時間叫午餐同下午茶免收茶錢又免收加一，咁可以叫多d野食，叫咗一個炸醬麵，搭3件紅油抄手，再追加$12要細份雞絲粉皮。叫完無耐就上咗杯豆漿，冇留意下午茶會連豆漿雞絲粉皮唔似坊間用胡麻醬，呢度係用花生醬，不過不失；紅油抄手雲吞包薄餡多，夠辣但唔算最惹味；炸醬麵用肉醬意粉既肉醬，味道我覺得都唔差，中式拉麵口感唔錯。總括黎講，都係食得滿意，味道唔會太濃烈，埋單亦約莫$60，算係咁

終於有時間寫，上海廳。平時自己普通食就食翠x, 今日冬至做節就揀隔離間食店-上海廳，位置都係黃大仙北館門口，右手邊，約人食飯一眼就見到唔使搵到傻，等位唔算耐， 20分鐘左右。被安排坐圓桌， 一早準備好BB 椅子，不錯。先點個冷盤四川怪味雞 $76 - 睇落細細碗，但多肉完整，刀法不錯，不知為何叫怪味。因為和食素的叔仔一齊，點了上海炒拉面（素食）$68 - 紅蘿蔔絲，芽菜，蔥花。素什綿炒年糕 $68 - 比較每片分明上海粗炒 $72 - 同炒面調味，配料一樣，多了肉絲。排骨湯拉面 $56 - 分上， 排骨無被湯浸濕，脆口肉質嫩。咕嚕雞球 $76 - 不太酸，炸粉不多，啖啖肉，三色椒切成方形。清炒時菜- 白菜仔 $66 - 多油， 菜色保持鮮綠。小炒黃牛肉（小辣）$75 - 牛肉味香， 肉質嫩滑，調味不錯。茗茶四位 $5@ ， 食唔晒打包走人。加一服務費都只係合共$635，抵食過茶樓好多。又得體又划算。

平日夜晚同老公去黃大仙食晚飯，見到餐廳無坐滿，裝修又好正常就入去試下。原來係上海婆婆旗下餐廳。無論落單，上菜同埋單嘅店員都無之前食評講到服務咁差，正正常常喎。見有兩三枱都慶祝生日，氣氛幾好。四小拼($98)。肴肉晶瑩剔透，但高湯多過肉。烤夫入曬味，燻魚有啲太鹹。小排骨淨係有鹹同甜味少咗啲酸味。乾扁四季豆($68)。落咗好多肉碎，唔會太鹹，幾好。分量都好多。鱔糊撈麵($62)。個汁唔會太多太鹹，鱔同芽菜都好夠，值得叫。生煎包($37)。個底煎得唔夠脆，個餡又唔夠多汁，好彩個包都算軟滑。總結係，熱食幾好，頭盤同點心差咗少少，不過價錢唔算貴，都幾抵食。

呢個商場以前叫龍翔中心，而家改個名做黃大仙中心北館，另外舊黃大仙中心就叫南館，其實真係有人分得到東南西北嗎？Anyway, 北館呢間上海廳係度已經屹立左一段時間，長期都見到好多人排隊食，今日經過見少d人，就試一試吧。我同朋友叫左個炒年糕，同闊佬炒飯。炒年糕煙煙韌韌，個汁甜甜鹹鹹咁好好食。炒飯有穫氣，炒得粒粒分明之餘又唔油膩，功力就係呢d細節度反映出來。食上海野點可以唔食小籠包，小籠包熱辣辣，咬開入面好多肉汁，真係好好味。

嚟到黃大仙，有時真係唔知食啲乜野好喺港鐵站出口附近旁邊，一入到黃大仙北館，最地下的一層，見到呢間食上海野嘅餐廳一個麵加一個點心，份量最剛剛好，自由配搭我挑選左招牌擔擔麵加上海小籠包招牌擔擔麵：湯底花生味濃，不會太稀，食麵是夾埋啲湯就剛剛好。而麵質彈牙，唔會太粗或太幼。少少辣，基本上大家都一定接近到。上海小籠包：我一直都好喜歡食小籠包，所以試過好多間，甚至直接喺上海食都有試過。香港的小籠包皮一般比較厚，而呢間都唔例外。厚了一點，雖然唔易穿，湯汁不似漏，但入口多了一點厚粉的感覺。餡料及湯汁都還可以。

忽然想飲酸辣湯，商場地下就有間上海菜館，店裡裝修是懷舊風主題，值得推介有三味菜：-青瓜配海蜇爽脆的青瓜及彈口的海蜇配上麻油及芝麻，好惹味-酸辣雲吞湯好開胃，好足料，有木耳、豆腐、雲吞，不是太辣-牛肉拉麵有穫氣，牛肉好入味好軟稔

喜歡食上海菜的我,就決定來這間上海廳,幸而週未早到可以提早拎位,所以不算人多,看到menu都幾多選擇。首先一定是小籠包,很快送上來而且熱乎乎,皮薄餡多,咬下去滿口的湯汁,真的幾好食,而且肉質鮮嫩可口。另外叫了一個菜粒火腿炒飯,略為清淡的一道炒飯,配上松子,飯粒炒得乾身,粒粒分明,火腿份量都適中,整體來說味道比較淡味一點。服務方面都算不錯,待應反應都算快,整體來說這餐廳的菜式水準都不俗,有機會再品嚐其他菜式