上海廳1930 (已結業)

平日夜晚同老公去黃大仙食晚飯，見到餐廳無坐滿，裝修又好正常就入去試下。原來係上海婆婆旗下餐廳。無論落單，上菜同埋單嘅店員都無之前食評講到服務咁差，正正常常喎。見有兩三枱都慶祝生日，氣氛幾好。四小拼($98)。肴肉晶瑩剔透，但高湯多過肉。烤夫入曬味，燻魚有啲太鹹。小排骨淨係有鹹同甜味少咗啲酸味。乾扁四季豆($68)。落咗好多肉碎，唔會太鹹，幾好。分量都好多。鱔糊撈麵($62)。個汁唔會太多太鹹，鱔同芽菜都好夠，值得叫。生煎包($37)。個底煎得唔夠脆，個餡又唔夠多汁，好彩個包都算軟滑。總結係，熱食幾好，頭盤同點心差咗少少，不過價錢唔算貴，都幾抵食。