上海美食 (已結業)

四月二十四日 (星期日)吃拉麵總是不飽肚的,特別是我,吃完嚷著要吃小食不過肥姐還未開門,於是到了這家上海包店買個奶黃包這裡的奶黃包不是流行的流沙包,一點都不流心不過奶黃充滿著奶香味,呈糕狀的包身亦很鬆軟,直得一試

經過呢間野好多次, 但一次都無食過, 因為旺角太多野食, 而佢又唔突出原來佢主要賣蒸包點同上海美食好似生煎包同窩貼甘我要左個奶皇包, $4 大大個, 好平呀!包身頗鬆軟~ 奶皇ok多, 但唔係金黃色澤, 係比較淡色既黃, 食落去都尚算幼滑, 如果再甜返少少會更好! 但真係太太個, 食到一半已經好覺得好飽滯!男朋友食臘腸卷, 佢話麻麻, 臘腸有d鹹!我見好多人都買蘿白糕同生煎包食, 如果有機會既話我都會再黎買既

上星期三下午見有d肚餓, 行經花園街去左上海美食買左D包食.佢個到有廿幾30款包, 饅頭至壽桃都有..多款到你每日食一款都得.見到佢D包包成車羅去蒸, 之後一批批分類放晒係保溫櫃~我就叫左個香芋包包, 3.5$一個, 抵到, 整開一半, 見到入面好多芋蓉, 真材實料, 清甜好食..3.5, 普通麵包舖都冇咁平啦~之後再叫左個菜肉包~入面餡都唔少架~, 食完2個包包晒~好過去麵包舖呀真係~

己經食過此店的包點很多次, 尤其喜歡菜肉包, 餡料菜肉平均, 有肉汁, 又夠大個, 1個當早餐已足夠. 另麥皮饅頭是素食健康之選. 不過早前試過馬拉盞, 過實及乾, 還是馬拉糕較好. 之前家人農曆生日, 也在此買過壽包, 味道雖不及酒樓, 但用以加強生日氣氛也不錯.

正值在旺角尋找美食之際,在一眾小食店和餐廳中,看到了"上海美食",和現行流行的點心店一樣,門外有一個大大的玻璃蒸爐放滿了不同的中式點心,看了一會,終於我的點心癮發作了叫了一個不常吃的香芋包~<香芋包>包雖是暖暖的,可惜它一點包味也沒有,打開包後,就連香芋的氣味也嗅不到~除了香味外,它也只有丁點的香芋味道,如果不是我親自購買,我真的猜不出我吃什麼!!!!唯一稱讚的是,從相片中可看出,包身雪白的,而且香芋餡與包的比例正常~不會偏多或偏少~後來看了不同食家的圖片,發覺某些包賣相很別緻,可惜當天無緣看到~~

成為左Open Rice既會員(話自己係食家太誇XD)之後激起左我每日都要試一款新美食既新年大計!!!哈哈哈哈哈~~~~~今日又訓到成一點鐘,起身食左淨返最後一片尋日買既Panash鄉軟法包係我千叮萬囑叫爸爸留返一片俾我架!哈哈哈再沖左姑媽買既廣吉食品既納豆松茸飲品加麥片~佢話冇加味精,但真係好咸,咸到死!!!食完要不停飲水!!!馬玉山既客家擂茶好味好多!!!又濃多料!!!呢隻納豆松茸又咸又冇料又稀,仲要真係好似杯麵湯既味,零個似健康食品(所列既卡路里係幾低下),睇過又唔平,$44.5/十包!!!食完野就出去恆生銀行幫個朋友入埋張支票,同打算今日行下油麻地步行街,太子呢排行得太多喇~經過新之城果邊,於是上去對面樓上舖ROXY睇下有冇新款袋岩我返學~點知仲做緊全部貸品買滿$500即減$250既優惠,呢個優惠我12月中奪命連考完3日後去行尖咀Sogo時得知~但果次行晒尖咀Sogo同海運LCX既ROXY都睇唔岩真係一見鐘情既袋~雖然買滿$500即減$250真係好抵,但冇奶油明明唔係真咁鐘意而為抵而買架嗎~表面買滿$500即減$250只係半價,但佢係包括全部貸品,即係新貨都有半價喎!!!同埋電

十二月廿六日(星期五)同老公仔到了旺角,本身吃刨冰,不過又想起剛剛才吃旖甜品!正斗BBQ又未開門!終於行過了這條小吃街!今次試試上海美食!包點款式明顯比飽點王子/先生少!不過我們都選擇到喜歡吃的包包!我要了奶皇包,老公要了壽桃包奶皇包的奶皇不是吃開的黃色,而是似連蓉的顏色!但味道不錯,甜度適中!老公說壽桃包的連蓉好吃!

十一月十三日(星期四)放學肚仔餓,行經見到熱騰騰的飽點,wo精神為之一振之前都食過菜肉飽,馬拉盞同饅頭,媽媽最愛吃菜肉包,內裡有豬肉同椰菜做餡,兩者比例尚算均衡但我最喜歡馬拉盞同饅頭,貪其大件夾抵食,而且味道的確不錯今次試左個奶皇卷,被佢個外表吸引不過味道略遜一籌,奶皇不太多,所以整體奶皇味偏淡

見奶皇卷只要$3咁平, 就試試吧卷的意思就是由一圈一圈的白色包組成, 都有約4圈每圈之間有少少奶皇涵, 但涵太少了, 好像在吃淨包般, 比其他包平$1, 就是這個道理

跟明華餅家數步之遙就是這間中式包點店,近期對中式蒸包極有興趣,既然有緣遇上就買幾個嘗試一下。菜肉包用上豬肉及椰菜,比例各一半,調味來得剛好,還吃到椰菜莖那爽脆感,豬肉也沒有太多肥肉粒,好吃!雞肉包味道跟菜肉包有點相同,不過用上的菜葉味道很特別,吃了良久終於知道這是芹菜葉的香味,比平時用上芫茜的香味又別有一番風味。壽包的樣子很像桃子,那淡淡的粉紅色也很漂亮,蓮蓉裡還有1/8 個蛋黃,雖然沒有吃這款包,觀其蓮蓉樣子也知道質感很幼滑油潤。豆沙包的紅豆沙極為幼滑,只有很少很少的豆殼在內,甜度不太高還有很香的紅豆味,這款甜包相當好吃!!幾款包點的餡料都很出色,但最最好吃的是那雪白外皮,不會太厚又鬆軟還有點微微甜香,就算沒配餡料也覺得很好吃,比包點連鎖店出色得多!! 下次再來要買更多包子哩!!

星期三上學前, 來了這裡吃個包. 這店也係近月興起的中式包點店之一, 當然沒有堂食, 只有一路行一路吃的. 不知為何叫做上海美食, 其實吃的包也係港式的為主. 開放式廚房, 叫著師傅們係後面整包, 揀中就係前面買. 當然, 本來想要流沙麻蓉的, 是晚沒有, 唯有改要第二選擇: 蓮蓉.蓮蓉包 $4: 8分, $4一個, 份量不少, 都相當經濟. 包係幾鬆軟的, 蓮蓉的味道係相當傳統那種, 好香, 就像小時候吃蓮蓉包的感覺, 係比較甜, 但對口味. 由於包已一早蒸好, 只係慶住, 係嫌不太夠熱, 不過起碼未到溫溫吞吞的地步. 要注意的係已蒸好的包都係即吃比較好, 回家再翻蒸就不是那回事.其實吃包, 最好還是有杯熱茶, 立吃當然沒有這享受了. 反而想起新加坡的包青天, 吃完包, 再喝碗熱茶, 那種感覺係更加好.這個吃外賣中式包的主意, 好處係更加專門, 也有不少選擇, 不知只係一陣的熱潮, 還是會繼續流行下去?

明華餅家之後再行過隔離上海美食.見d 馬拉糕$4及大大個有壽桃包又幾靚喎~~ 正啊, 蓮蓉裡面有蛋黃架$4.5咋, 超值啊, yummy2~ 件馬拉糕, 鬆軟得嚟又唔太甜, 好過好多酒樓d點心呀. 佢仲有好多饅頭呀, 菜肉包等等.....有d仲係熱架, 個肚裝唔到呀睇怕以後呢個肥姐,明華,上海三步曲都走唔甩囉~~

來了個馬拉糕不過是不熱的,有點不滿,但味道還好啦只后的菜肉包就真的正!好熱的,在蒸爐出來的d肉同菜比例差不多是一半半仲好新鮮啊!包的種類也算多,以后慢慢try下

d饅頭又鬆軟又香滑3蚊值得一試