不倒翁中日火鍋料理 (已結業)

上個禮拜剛剛跟朋友打過邊爐，近來天氣很好，約上三倆知己去不倒翁吃料理。去到發现之前去的火鍋店簡直無法同這間相比較。東升斑肉質鮮美，賣相極其漂亮，熟了之後就很爽口，環境佈置真的好有特色。還有三文魚腩，未點之前我是很擔心魚腩會太過肥，事實上不會覺得肥過頭，肥瘦適中，不油膩。這裡的事物還是很對得起祂的價錢的，雖然價錢對於我來說還是可以接受。冬天打火鍋食蝦真的很滿足，蝦看得出來是新鮮的，肉質也是很有彈性，蝦很鮮新鮮，俾外面其他的餐廳的蝦更加靚。牛肉也是絕對不能缺的，牛肉肥瘦剛剛好，煮一下就熟了，入口香味濃郁，点食都不會厭。青菜例如菠菜這些看得出十分新鮮，豆腐切完也是一大碟，特別的嫩，簡直口不能停。服務也不用多說了，去過都會滿意，很細心，吃的時候也擔心我們燙到，幫我們想得很周到。

之前係其他分店飲過茶 都OK好味有機會可能再試多次 出多篇食評講番正題 但就冇試過不倒翁食邊爐個晚訂左位 由於訂既時間早 所以唔洗等好耐就有位湯底方面揀左魚頭湯底小試左一兩啖 味道好正 下次泥可以再叫野食方面揀左都幾多有刺身 羊肉 黑豚肉 肥牛 金針菇 皇帝菜呢D先講菜類全部都新鮮既 但份量就少左D味道鮮甜同埋顏色鮮色 唔會黃黃甘甘咁刺身就厚切大件 但價格較貴味道唔算太特別 普普通通 同出面食個D相差無幾肉方面整體泥講夠厚 夠大件 好味既而且份量都算多羊肉唔算太’蘇’驚陣’蘇’味既朋友都可以試下黑豚肉比較油所以叫左兩碟就冇再叫因為太滯肥牛就無咩特別 都係同出面差唔多總結泥講係價錢貴少少但唔洗迫同埋食物有質素

中午在不倒翁飲茶就試過很多次，但晚飯火鍋還是第一次。早已經聽過朋友講不倒翁的火鍋價錢不菲，今次終於體驗了。我們一行六人，點了兩個鴛鴦鍋，一些基本火鍋配料，例如肥牛、羊肉片、鱔片、脆肉鯇、水餃、四寶丸之類，和一些侍應推介的海鮮。主要是花竹蝦和筒蠔。鴛鴦鍋的湯底很普通，完全沒什麼特別，跟一般廉價火鍋的湯底看不出和食不出有多大分別。那些基本火鍋配料就幾新鮮，特別是肥牛和鱔片，兩者都非常鮮甜，值得一讚。其實花竹蝦和筒蠔都很不錯，但可惜價錢真的頗貴。花竹蝦兩百多元兩隻，size 又不是超大的那種。正當考慮時，侍應說這已經是特價，平常是兩百多元一隻的。本來想點生蠔，但索價六十多元一隻，便轉移點了筒蠔。海鮮是很新鮮的，但想到新鮮其實是吃火鍋的基本要求，而且一碟六隻的花竹蝦就要接近八百大元，便覺得有點不值。埋單平均每人六百，這個價錢已經可以在鯉魚門吃到一頓頗不錯的海鮮餐。值不值就真的見人見智。

話說我朋友好鐘意打邊爐，約親食飯都話打邊爐乜乜乜。咁啱今次想食得好少少，結果搵到不倒翁。埋位時醬料架已備好，八樣嘢叫應有盡有。叫了醉雞湯底，手切肥牛 (脊位)、美國肥牛、桶蠔、帶子、珊瑚蚌、響鈴卷、日式菜籃等等等等。海鮮好味唔在講，手切肥牛簡直係亮點，完全高一般任食邊爐幾級。最後直頭要叫多碟食多次，值得推介。

踏入2015，首先要食得夠豪！呢次又同屋企人來不倒翁吃火鍋，是第二次吃了！佢有個六人set, 又有紅酒送，二話不說就決定叫這個。必選養顏花膠，打孖兩份，嫩滑肥牛唔少得，今次食埋神戶牛肉刺身！正！四大兩細成為4500元～

One of my favorite places for a hot pot. Even though it's inside Time square, not so costly and very very clean. Our family ended up with super full tummy.We had the shrimp dim sum (full of small, not tiny yummy shrimps) and the leek dumplings, Japanese style vegis,  fried and the wet bean curd sheets, and the fresh beef which was excellent (not to much into the marble type, love the normal beef) on a 'normal' 清湯 soup.The XO sauces / garlic / green onions / chili / etc of course were clean (but

今晚想吃火鍋，看到佐墩不倒翁分數不錯就想話來銅鑼灣分店試試，食評說麻辣田雞不錯於是叫了，出來完全不行，不辣但又油又鹹，鹹到沒辦法吃菜，於是要中途換鍋。。。以後再也不會來了。生氣中。。。

多年來食材質素中上，如肥牛一向味道很好而且厚身, 湯底今次選了蕃茄肥牛粒鍋, 跟其他湯底一樣很足料, 但肥牛粒略偏肥了些, 還有我私人最喜歡的韮菜餃, 味道多年來可以保持優質! 至於調味料相當豐富(每位收$40) XD.

今晚同老公撐枱腳，諗住食好啲，點知換嚟一肚子氣。我們order了八樣嘢：雪花牛、韮菜餃、炸魚皮、豆腐、魚滑、生麫、菜同竹笙，加埋鴛鴦湯底同兩杯飲品，埋單差不多一千蚊。先講雪花牛，我們看不到雪花，只看到肉和肥膏分開得清清楚楚，質素不太好。餃子的皮厚得厲害，我敢說灣x碼頭更好吃。生麫雖只滾了數秒，但吃時還是不彈牙。食物質素勉強還可以，服務真是受不了。我只想攞一隻碗，但喊數次都沒人聽，到後期要加湯，喊的次數更甚，到最後湯底有焦味，才有伙計前來。最初，我以為餐廳不夠人手，後發現人數是足夠的，只是很多樓面在發夢！給這樣的價錢，吃這樣的質素，倒不如到扒房鋸扒！

今日約了朋友食LUNCH,先要弦謝他給我的護膚用具喔先UPLOAD幾頁MENU比大家看這裡LUNCH TIME同普通酒樓一樣食點心,當然可以打邊邊,但無咩人會咁豪既我相信叫了一堆點心,質素不過不失,餃類厚厚的皮,但內裡是很足料,所以改一改個皮,這裡點心還是不錯.蝦餃的蝦幾爽,味道合格,蝦肉十分多帶子腸帶子很少,建議豪一點,腸是滑滑的清湯牛腩很入味,蘿蔔很甜,比牛更好味食完當然唔夠,重點現在才出擊花竹蝦刺身X2,5色魚生拼盤花竹蝦味道鮮甜,這般味道不是甜蝦類做到.蝦肉帶爽每隻3兩,肉其實不多,2條友剛剛好5色魚生拼盤今次唔夠味道,只屬一般,下次叫夠4隻花竹蝦仲好!食完店員問蝦頭拎不拎去椒鹽,咁就當然要啦哈哈估唔到蝦頭都好好食,一來膏半熟,很甜,二來還有少少肉食埋,生同熟既肉也試盡成餐最滿意就是花竹蝦喔.不倒翁食生野果然有水準,有機會試下龍蝦刺身有樣好奇怪既事就係連續2日我BOOK既餐廳都話我無BOOK到位,好火羅,好彩有位

我真係好鍾意打邊爐，任食或散嗌都好，已試過唔少火鍋店。試過咁多間，不倒翁仍是我首選。不過唔同分店質素有偏差，我覺得尖沙咀店最好食，但實在太多人；銅鑼灣店第二，而且店內空間較大，亦比較容易訂位，所以通常都會幫襯呢度。坐低咗一陣，店員好快就放低調味盤。調味料種類唔算花巧，大部分係基本調味如沙茶醬同椒絲及蔥等。另外亦有好足料嘅XO醬。火鍋料方面，牛肉大約$200-$300。丸同餃約$80-$100。另外亦有刺身及海鮮提供。兩個人食，嗌唔到太多種類，之前試過order 4-5碟嘢，但真係食唔哂。所以今次有啲火鍋料索性嗌半份。至於湯底就揀咗蘿蔔牛腩湯。蘿蔔牛腩湯湯底清而帶少許肉味及胡椒味道。湯料十足，約有8塊牛腩，份量足以作為一份配料。蘿蔔同牛腩已煮得淋同入味，係一個唔錯嘅湯底選擇。先嚟手切肥牛。賣相已相當吸引。脂肪同肉分佈均勻，肉與肉嘅脂肪看上好似星形咁，勁！牛肉雖然切得厚，但一啲都唔韌；咬落有肉汁之餘亦有濃郁牛肉味，好味。之後就到我每次必order嘅燒賣餃，半份有4粒，每個比乒乓波要大。餡料十足，主要以鮮蝦，配以少量豬肉同蟹籽而成，真係口感十足，每啖都好滿足。大大隻嘅水餃皇係呢度嘅鎮店配料之

開業於時代廣場食通天的食肆，食品裝潢普遍有一定水準，不倒翁亦不例外，店內座位舒適。二人試了數款點心，蝦餃餃皮稍稍厚了一點，但蝦肉夠份量，彈牙富鮮味。另一餃類菜苗餃，是餐廳贈品，一人一只，和蝦餃一樣，餃皮實在過厚。相反地叉燒腸粉腸粉皮造得很薄很出色，賣相通透，叉燒餡料食味一般喇！鳳爪幾入味，腍度中規中矩。奶皇包流心奶皇較杰身，不易溢出，甜度味道OK。甜品椰汁馬豆糕硬度合適，不易散開，甜度同樣適中。另一贈送甜品紫米露，料多，食味OK。

同友人聚舊,，呢個地方唔錯!多數HOT POT地方又嘈坐唔得耐，多數講唔到野又要好快走。呢間Ｄ食物好新鮮，種類都算多選擇。雪花肥牛 - 睇都知好新鮮,又唔會好肥!

在友人口中知道不倒翁有6折優惠,即時訂位搵食。餐牌的火鍋選料不多,不像外邊的火鍋店種類多。牛肉船有特級牛肉肥牛和牛柳粒,先說肥牛,脂肪和肉的比例一半一半,雪花一樣,經過5秒的過湯,即時變成粉紅狀的肥牛,放入口非常滑流,非常新鮮,吃起來綿綿的,抵食。然後再把牛柳粒放在網匙上,60秒後,整粒牛柳粒的尺寸沒有太大變化,吃起來很有嚼勁,又煙煙韧韧,超爽口。新鮮魚頭份量十足,一碟有兩個,一分為二,把魚頭放入湯內,使到湯的鮮味更濃,一個小鍋放兩大個魚頭,更加滋味,魚肉彈牙,吃起來很甜,鮮味足夠。魚卜望上很白白的,很新鮮,放入湯一會兒便可以食用。魚卜夠新鮮,膠質又多,吃起來煙韧且爽口,連女友人食完都話皮膚即時靚左。不得不稱讚這豬腰子,新鮮彈牙,又爽口,不會好似坊間一舊舊又林滋滋,吃起來索索聲,好像剛剛從生豬即時切下來,無比的鮮和爽。優惠時段來食,300蚊有找。

天氣一凍，心就想起打邊爐，媽媽最愛不倒翁，貪其裝修明淨，坐得舒適。調味醬料也是這兒的強項，衞生企理，例如葱花切得十分幼細，有生熟蒜泥，麻醬，XO醬，沙茶醬，辣椒粒等應有盡有，補充也頻密。是夜叫了曰式花甲海鮮鍋，用料份量略少，像有一隻膏蟹切件，數只小蜆，一些魷魚，數片蘿蔔及鮮冬菰三數只，湯底卻算清甜。打邊爐必叫的是牛肉，不好雪花肥牛，因雖然較腍滑，但肉味不濃，是夜叫了手切牛頸脊肉，較瘦且肉味濃，焯十數秒也不會韌! 手打丸類也是火鍋必備的，芝士墨魚丸，吃時要較小心，因芝士流心會濺落喉頭。蟹籽蝦丸，蝦丸爽口味鮮，蟹籽口感卜卜脆，十分有趣。牛骨髓份量不少，白白滑滑，口感像較軟的牛筋，啜入口中好像吸收着大量的骨膠原。這兒的什錦菜籃，是招牌之作，有大量清甜爽脆的西洋菜，四周伴有翠綠的娃娃菜，西生菜，金菇，雞脾菇等，可能只挑選較嫩的部份，一片枯葉也找不到，更切成小片小棵，方便食用。再加點米線，四人便捧着肚子。餐後，每位會奉送糕點一件及西瓜兩片，今天是紫米椰汁糕，味道不過不失！總的來說，這店湯底用料較少，如上次叫的龍蝦湯底，接近二三百元，龍蝦肉也沒多少，故不需叫些太昂貴的湯底。但火鍋用料質素較高，故價