不toast不快 (已結業)

今日(26-10-2020 Mon)重陽節補假,特登同老公嚟試呢間嘅多士,我要$48.00嘅香草扒啡菇芝蛋吐司,老公要$58.00嘅軟殼蟹牛油果芝蛋吐司,我見有套餐,就叫老公揀個,揀咗$22.00嘅三角墨魚餅,呢個係加$16.00.須10-15分鐘製作.整好喇,好彩張枱仔冇人,我哋就企嚟喥食.1. 香草扒啡菇芝蛋吐司上面舖咗好多木魚,夠鹹,啡菇有兩件,好juicy不過味道有啲甘,吐司好似有啲蒜蓉,幾好味.底下至食到嫩滑炒蛋.味道:4.7分2. 軟殼蟹牛油果芝蛋吐司軟殼蟹炸得算脆,其他都一樣OK.味道:5分3. 三角墨魚餅唔大件,有墨魚肉,不過有啲炸過火同外面唔係脆,而係硬.味道:2分抵食係2.5分

不Toast不快 我係食完不快未去到難食既 不過一定唔想食第二次Toast入面既料不錯既 但個包不及茶餐廳既加$1烘底包 去茶餐廳食個奶醬多仲好味過呢到既Toast芝士飯波波幾特別但味道怪怪的 奶醬多個包唔新鮮好似隔咗幾日夜既包 個一口班戟唔識形容 我自己煎班戟仲好食 19蚊5粒野加啲糖粉小食真係完全唔掂 如果平時經過想食Toast都可能會勉強買黎醫下肚 但絕對唔會專登去買呢間Toast間鋪改名改得幾好不Toast不快 可以改成Toast完不快

平時掃街吾食食土司，因為驚太飽~但今日見到呢間餐廳係牆身貼住嘅相，就比佢吸引左～🍞香草扒啡菇芝蛋吐司外表平平凡凡，咬下去就知點解依家咁HIT!吐司散發牛油味，啡菇係超級juicy，估吾到仲有厚蛋係底部。配菜也不吝嗇，好足料嘅生菜，Toppings仲有鰹魚碎！！！最後梗係吾少得有芝士！如果可以加錢加芝士就好啦。芝士控嘅我想食到熔岩般的芝士流出來，希望小店可以新增呢個suggestion🤪🤪🤪不過吾想咁heavy，其實已經好夠鹹香味，十分滋味😋因為佢都有啲香草調味🧡製作時間都要大概10分鐘，所以好新鮮，入口嘅時候，吐司仲係鬆軟🤩店舖都好多打卡位，以橙色做主題，非常sharp，有塊布廉寫住”不toast不快”像極了愛情💑，仲有玫瑰熊仔🐻店舖旁邊仲有枱仔歡迎大家即時企係度食，夠曬貼心😌🧡

今日去咗葵講買口罩同埋掃街，無意發現咗呢間新開嘅toast店，之前喺韓國成日食啲吐司覺得勁好食，睇下香港人整既toast整唔整到我係韓國食既味道先～我同朋友每人叫咗一個toast，一齊share嚟食。我叫咗個香蒜焗大啡菇配蒜蓉吐司，朋友就叫咗個韓式玉子泡菜牛肉吐司。我幾欣賞個大啡菇吐司，因為佢個大啡菇真係巨大塊而且好爽口好有菇味，個包都幾重蒜蓉味，再配埋芝士同蛋真係好邪惡啊！朋友個泡菜玉子吐司個泡菜都幾多真係幾韓式，同埋影相打卡真係一流，因為佢有隻生蛋同芝士係個toast嘅中間，影完相可以自己整爛隻蛋，啲蛋汁就流落個toast到，令個toast充滿蛋味。我哋每人再叫咗一個小食，個意大利芝士飯波波都幾特別，佢啲飯炸咗喺個波波入邊，口感唔錯。個脆炸雞胸啲肉都幾新鮮，炸粉少而且炸得幾脆。

我見OpenRice 介紹呢間新店，於是放工後去買一份水果三文治，因為之前係台灣食過水果三文治，真心cream甜麵包正。但呢間店個包用既係嘉頓蜜糖味包，之後d水果金奇異果好酸，個柑都酸，cream就甜得濟，好難食，食左一半已經唔想食！至少個包都轉返白方包啦，好唔夾！Isaac Toast同洪瑞珍好食好多呀！

雖然舖頭主打吐司 但一心想黎試水果三文治🥪 系400次咖啡☕️好流行既時候日本🇯🇵就出現左呢個靚靚三文治✨ 不過因為懶自己一路都冇試整 點知就俾我系葵廣見到 於是走去試試本身有3個款 但店主話因為士多啤梨吾當造所以得呢個揀 個桔好甜！（我開頭以為會酸🙈） 忌廉亦吾會好甜 加埋一齊估吾到都幾夾$28/件 計番應該抵過自己整🤗 每日限量發售 不過食起上黎就有少少尼hea😂 啲cream爆哂出黎 拎番枝叉食會方便少少🍴

曾經去韓國一定要食ISAAC, 之後仲有EGG DROP!今年成年都無去過韓國, 一直都好掛住呢款吐司~星期六去左葵芳行街, 見到開左間新野,好似好正咁! 吐司有好多款, 最基本果D就30零蚊, 都幾抵食, 仲可以加小食~我地叫左煙肉流心蛋芝士吐司, 加左墨魚餅~製作需時, 我地係呢個時候出左去買野飲, 買完番黎就有得拎!賣相真係好似韓國既吐司, 一望已經好吸引!煙肉好大塊, 芝士勁勁勁多, 一路食一路拉絲!! 芝士控好滿足!不過蛋既存在感唔高, 因為芝士搶晒FO, 但好正!!另外墨魚餅都好脆好好食, 真係有墨魚XD

去過韓國嘅朋友都知韓國好多食Toast 嘅鋪頭，依家無得飛去韓國，但係唔緊要～ 係香港都食到！今日行經葵芳廣場，就俾呢間鋪嘅香味吸引左，於是我地就一齊買左呢食～佢哋嘅招牌呢都相當多嘢食啊基本嘅鐵板吐司系列呢，都有八款咁多，除咗吐司系列仲有啊打卡最啱用嘅水果花花三文治我同朋友呢分別叫咗兩個吐司，同埋呢兩款小食見到間鋪呢極力推介呢個鮮味之選，香草蒜蓉焗大啡茄配香蒜吐司（ $48 ）於是呢我哋就叫咗一個。我一嚟到啊未食已經聞到佢好香嘅蒜蓉味呀，於是我哋一啖咬落去，大啡菇真係好Juice啊嗰啲汁喺口入邊幾乎係融化咗。另外一個係韓式玉子泡菜牛肉吐司（ $55 ）一上到嚟就見到佢嗰隻蛋好吸引～老闆介紹我哋呢要用支竹籤仔將佢解開，等啲蛋汁流入麵包入邊。呢款吐司就啱晒鍾意食韓國泡菜嘅朋友，因為佢泡菜牛肉嘅味道真係好正宗～除咗呢兩個吐司之外呢，我哋都叫咗兩個小食，分別係意大利芝士飯波波（ $22 ）同埋脆炸雞胸柳（ $22 ）

最近開多左好多人氣韓式吐司店🥪，之前去韓國旅行幾乎每日都會食🤣好懷念呀😢今日黎葵廣掃街竟然見到有新開韓式鐵板吐司店進駐葵廣😎小店叫不Toast 不快 🤫今日遲咗食晏，晏晝兩點幾都有幾個人等緊，叫咗一件漢堡扒流心芝蛋吐司$38 再可以加$16加一份小食😛即叫即整都好快手，大約等咗5分鐘就有啦👍🏻🥪🥪🥪🥪🥪🥪🥪🥪🥪漢堡扒流心芝蛋吐司，首先食落口塊多士都煎得幾香脆，有搽過牛油係面頭，塊漢堡扒比較薄身，我鐘意佢既芝士蛋😍除咗面頭有一塊芝士之外蛋入面都有芝士，一路食一路拉絲😆🧀醬汁方面，有沙律醬同埋茄汁喺吐司上面，啲汁都幾夠多，個包食落口唔會乾爭爭。😋最近好hit既呢一句😂點解係像極了愛情呢😛大家自己參透下😂小食我要左「三角關係」，姐係三角墨魚餅，有三件。估唔呢個都幾有驚喜，外面炸得好脆就基本野啦，入面既墨魚餅係有好多墨魚，咬落去食到粒粒墨魚，好爽口彈牙，配有沙律醬俾你點😋😋跟埋個吐司一齊叫都幾抵食！總括來講，呢間小店嘅吐司都整得幾好食，又唔貴呢到仲有日本好興既水果三文治🥪，個樣幾得意，好似一朵花咁，下次再黎可以試下😛

放假 當然係周圍行下街買下野食好西 今日黎到傳聞中多野食多野買嘅葵廣 好多平靚正野呢行到餓上葵廣3樓小食街掃下街先呢條小食街真係乜都有中日西韓式 點都有啱口味嘅選擇而我就揀左韓式吐司🍞好掛住當年去韓國 行行下街食I Toast 呢間韓式吐司 都唔會輸店主好有心咁 貼左好多實物照 方便知道個Toast 大概有咩餡料選擇多 而且有小食 甜品 素食而我就叫左香蒜焗大啡菇配蒜蓉吐司店家係即叫即整 好新鮮同夠熱佢嘅鐵板吐司 同樣地將舊包煎得外脆內軟金黃色嘅包包 好吸引呢 咬落又脆又鬆軟面層有好香嘅木魚碎 整塊嘅車打芝士個吐司好飽肚足料 大啡菇又保留到鮮甜多汁貼蒜蓉好夾 唔怕菇味太草腥Juicy到就咁睇都見到有汁另外亦都叫左個脆炸雞胸柳做小食其實餐廳旁有張枱仔 方便大家食埋先行雞柳唔會咬落油淋淋咬落亦都唔會太乾太鞋無骨嘅雞柳 咬落啖啖肉沙律醬好有心 會有青瓜粒粒食落好滿足見到旁邊有鮮果三文治 甜品？咁啱偷聽到隔離有人食緊話生果好足唔會淨係得cream下次要吖埋朋友一齊食 試多啲野

平時去女人勝地－葵廣廣場，我同女友一定會試TOP世界既小食店。今日去咗葵廣廣場，試咗呢間賣吐司既新小食店。除左鐵板吐司之外，餐廳仲有之前熱爆日本既水果三文治。見到餐廳貼出嚟嘅食物相片已經流晒口水🤤尤其係香蒜焗咖啡菇配蒜蓉吐司，所以我哋最後叫咗呢款😝香蒜焗大啡菇配蒜蓉吐司同圖片一模一樣，賣相一流，吐司唔會因入面流質嘅食物已變得軟稔稔，口感仍然脆口，入面有兩大件大啡菇，煎蛋同芝士，大啡菇特別juicy，另外底部有啲椰菜絲，整體唔會太膩，味道💯！大家去葵廣一定要試吓呢間，因為不toast不快！

葵廣新開左間食吐司小店❗️事不宜遲叫一舊食先😋 本身想叫原隻軟殼蟹配牛油果芝蛋黃金吐司， 不過就咁岩個日冇🥺 漢堡扒流心芝蛋吐司($38)面包又脆又甜 漢堡扒配蕃茄醬同沙律醬好夾 配料都好多 食落好飽肚🤤