不toast不快 (已結業)

麵包對我黎講總係有種難以抵抗既吸引力，所以點可以唔試下呢間不toast不快！好彩都冇令我呢個麵包控失望🤩個日嗌咗香蒜焗大啡菇配蒜蓉吐司（$48）一黎到就當然相機食先，逼爆既料，烤到金黃既麵包外皮🤤🤤一食入口，麵包既質感係外脆內軟綿綿既，仲食到好濃既香蒜味！大啡菇亦都好juicy多汁，加埋調味過甜甜地既雞蛋同椰菜，好有口感，雖然食到有啲小狼狽，但美食當前，豁出去🤤🤤如果份量再大份返少少就更滿足喇😋

今日同朋友去咗呢間bookmark咗好耐既吐司店食野選擇困難症嘅我地諗咗好耐最後揀咗香草扒啡菇芝蛋配香蒜吐司同漢堡扒流心芝蛋吐司😋另外再加配咗要3件三角墨魚餅由於即叫即整所以都等咗一陣先有得拎雖然我地隔咗一陣先食但係都仲係好軟熟一咬落去已經有牛油嘅香味 on top仲有d木魚碎另外大啡菇係超級juicy 仲要有芝士！食到最後仲要有滑蛋係底！超級滑！另外朋友嗰個除咗有漢堡扒之外一樣有芝士同蛋仲有沙律醬同茄汁 食落就唔洗驚好乾😌最後個小食又係好有驚喜估唔到入面係真係幾多墨魚同食落好彈牙點埋佢比嘅沙律醬簡直係絕配😍除咗吐司佢仲有日本好興嘅水果三文治但係個日去到個櫃已經無哂希望下次嚟可以再試埋😚

我們一向喜愛食三文治。這日下午茶時間嚟到葵涌廣場3樓「不Toast 不快」買嘢食我哋叫咗一份吐司，一份小食。☀️煙肉流心芝士蛋吐司煙肉、芝士、蛋一向係三文治嘅好配搭。今次依個鐵板吐司非常好味！佢嘅炒蛋有流心，炒得好滑又有蛋汁流出嚟包上，一齊食好正！煙肉煎得好香，夾住喺有蒜蓉香味嘅包裏邊帶出鹹香味；加埋芝士，仲有沙律醬以及茄醬，令口感同味道都更豐富。另外，由於白色紙盒包裝設計幾好，加上吐司外面仲加多一層紙包住，令到吐司keep住乾身香脆。☀️意大利芝士飯波波外面香脆，裏面煙銀。芝士味道香濃，加埋少少長集成的確好味。店舖裏面仲有其他特色嘅食品，如果下次再嚟我地會想試吓水果花花三文治，都好似好吸引😊

之前去韓國旅行就食過唔少呢一種盒裝吐司，終於而家都可以喺香港食到啦，而且喺葵廣，好方便！叫咗個漢堡扒流心芝蛋吐司，呢度好貼心，餐牌都會寫明晒有啲咩材料係入邊！呢份入邊有豬柳蛋漢堡、蛋、椰菜絲、芝士、碎茄醬。佢個炒蛋做得好滑！麵包皮有用牛油煎過，所以食落好香口，而且係好鬆軟嘅。另外要咗份香蒜焗大啡菇蒜蓉吐司，蒜味好突出，啱晒重口味嘅朋友，而且啡菇好多汁！呢度仲有其他小食㗎，佢啲小食嘅名都幾有趣，就叫做一個三角關係，入邊呢就其實係墨魚餅嚟嘅。炸得好香脆，入邊嘅墨魚好足料。而且呢度嘅價錢亦都好相宜，又夠飽肚又抵食。呢度係落單即整，所以大家可能要等多一陣！但都係值得的。

葵廣出名多嘢食，今次特登黎試呢間韓式吐司，有8個款揀，仲有小食同埋水果花花三文治😍😍我今次就揀左香草扒啡菇芝蛋配香蒜吐司$48-食落去個包甜甜地加埋芝士同大啡菇仲帶少少沙律醬，好夾好好食👏🏻👏🏻而大啡菇既味道好出，佢將一個大啡菇切開咗三份就容易啲咬，感覺仲好多，好好食呀下次決定會試埋其他😆食完個吐司食呢個就好似食緊甜品咁🤣🤣一件小蛋糕咁🤣🤣金秸向日葵$28-個金秸好甜👏🏻👏🏻個包都係甜甜地，反而cream唔會太甜，中和番都夾既，奇異果比較酸，但太多食到最後係食唔落啲cream 😆值得一試既，唔差😆

新開葵廣韓式鐵板吐司店，而家葵廣真係咩地方既野食都有得食呀！✨牛油果炸雞胸芝士吐司（$45）食得出係生命面包，面包沾上牛油胡椒粒烘至微脆金黃，雞胸新鮮炸起，炒蛋勁大塊，配上牛油果中和左dd油膩感，十分豐富。可惜牛油果得幾塊，如果多啲就好了😢不過整個吐司都係煎同油炸為主，食食下會覺好滯，弱弱地建議加啲蔬菜（好似生菜絲）食落會舒服啲。🤭如果等陣仲要去其他地方掃街，會Suggest大定Share黎食(;

葵芳3樓Top世界好多好嘢食，呢排人流多返，好熱鬧吖🔥呢間店喺轉角位，店嘅顏色好靚一睇就認到！店外面都有張細枱可以放低個吐司嚟個快食😆🍄香蒜焗大啡菇配蒜蓉吐司 $48🥪吐司採用牛油味較濃嘅厚方包，食落鬆化軟熟，查上蒜茸醬嘅吐司，唔會太蒜之餘有蒜香味，仲要夾住芝士、大啡菇、蛋同沙律菜，蛋好Full沙律菜夠爽口，食完好滿足😌當喺Lunch都得！🍮一口班戟x5 $16班戟仔細細粒，真喺一口Size，撒上糖霜，有淡淡甜味😝

星期日行葵廣係一件艱巨又快活嘅事情，人好多，不過美食都多，令你甘心喺人海中暢泳，遊吓遊吓就竄咗去3樓好入嘅位置捐窿捐罅搵好西喇呢間個名改得咁抵死，真係好想知有幾不toast不快於是乎大胃就嗌咗個toast餐，食返個痛快先。呢個toast都幾厚吓，麵包有烘底，金黃嘅表皮好吸睛先啦咬開啲餡搶住爆出嚟咁，估唔到一份toast咁有內涵呢份小食個名又好盞鬼，其實佢係墨魚餅佢嘅質感同一般墨魚餅好有分別，漿啲滑啲檔仔隔離有張檯仔，等你食得冇咁捩棄

星期日下午百無聊賴，相約姊妹出街逛逛，但又不想去那些MK、CWB等老地方，突然想起以往我們學生時代常去的葵涌廣場不知現在變成怎樣？於是和她決定走一趟過去看看。葵涌廣場勝在交通方便，港鐵直達，基本上這個廣場跟以往一樣熱鬧，很多小吃店，正當我倆逛得有點餓的時候，突然被一個招牌吸引，招牌寫着"不toast不快，像極了愛情"我倆對愛情充滿憧憬的美少女，當然想知是甚麼像極了愛情，啊……原來是一家吐司店，反正我倆都有點餓，就試試看如何"像極了愛情"，看過餐牌後，其實也不是全吃吐司的，也有一點其他小食我叫了一份香草扒啡菇芝蛋吐司，而朋友則叫了一份西班牙黑牛吐司另外也叫了兩客小食，一份炸三角墨魚餅，另一份是炸雞胸柳先講兩份吐司份量都極大，我那份香草扒啡菇芝蛋吐司，菇味濃郁，芝蛋鮮滑，而朋友亦極讚賞她那份西班牙黑牛吐司，坊間少有，兩份小食都鬆脆可口，可咀嚼到滿滿的墨魚粒和雞胸柳，這店最大優點是各樣食品都新鮮滾熱辣，當然，她的工場就在店後面嘛！

今日刻意由港島坐地鐵到葵涌廣場搵食，為什麼會走到這裏？因為十多年前曾經在呢區返工，轉眼間已經好耐冇去過呢邊行下食下，於是乎今日心血來潮黎到此地。就係這樣相約友人一同前往，由葵芳地鐵站出口，沿著天橋一直行，進入新都會廣場再行前就是葵涌廣場。這裏簡直是美食天堂，由過百間小店形成，差不多你想食乜嘢就一定有得俾你食。由於不是太肚餓，行下行下揀選左呢間專門食toast既小店。此小店名為不toast不快，好特別既店名以賣鐡板吐司，三文治為主，還提供多款輕鬆小食，鎮店推介為原隻軟殼蟹牛油果芝蛋吐司，可惜今天去到已售完最後order左香蒜焗大啡茹配蒜蓉吐司，西班牙黑牛配香草碎茄醬吐司，三角關係（三角墨魚餅）及脆炸雞胸柳，一罐菠蘿汁，每份吐司都非常足料，材料新鮮Juice, 配上芝蛋口感一流下次決定要再去試吓佢地既三文治先得

今日突然想食小食, 所以一放飯就自己一個去左葵涌廣場覓食, 去左三樓行左個圈, 見到依間專門食吐司既店舖, 見到店外貼左每款吐司既相片超吸引, 所以最後決定揀左依間做我今日午餐鐵板吐司有成八款選擇, 心大心細後揀左漢堡扒流心芝蛋吐司, 另外加左個小食三角關係, 即係三角墨魚餅, 等左五分鐘左右就拎得啦買完拎左外賣返公司食, 店員包得好好, 用張牛油紙再蓋住頂層用貼紙貼好再放入袋, 以防弄糟同變形吐司餡料有豬柳漢堡扒、芝士、蛋、椰菜絲同碎茄醬, 外層多士金黃色得黎帶少少燶邊估唔到拎到返公司再咬一啖, 個多士依然仲係酥脆可口, 餡料同醬汁配得好夾, 每一啖都係滿足, 唔會覺得有膩既感覺, 不得不讚個碎茄醬, 酸度啱啱好, 好食過平時其他店買到只會加普通茄汁, 食完個吐司, 我已經九成飽了最後食埋個墨魚餅, 淨睇個樣已經覺得炸得好脆, 一咬卡一聲外層炸粉唔會太厚身, 我本身以為個墨魚餡係墨魚滑既質感, 估唔到佢用左墨魚條肉, 仲要都幾足料, 再點醬食真係好正!整體而言, 份量都同價錢成正比, 當想食吐司個時黎食真係最好不過, 感覺到小店有心機去做每樣食物

韓國好Hit既鐵板吐司進駐葵涌廣場，我完為左🥪原隻軟殼蟹配牛油果黃金吐司而黎，所以都幾期待。小店大搞Gimmick「不Toast不快，像極了愛情」好鬼馬，見到要即刻點餐先🙋🏻‍♀️由於即叫即製等左十分中左右。吐司塗上自家製鹹蛋黃牛油用鐵板煎香，夾住原隻軟殼蟹🦀、牛油果🥑、芝士🧀、蛋🍳、椰菜絲。口感豐富足料，啖啖肉，滿足。吐司份量一個女仔食剛剛好。如果係素食主義者可以試下大啡菇吐司都好吸引❤

呢間系朋友期待想去嘅餐店之一，軟殼蟹作signature吐司實在太吸引，近排都開唔少以軟殼蟹為signature啲吐司店，不過搜到附近呢間新店，決定一於去試下Ps: 附近類近有新都會、葵涌廣場有唔少消閒活動，實在非常值得襯假日一去行下街掃貨、掃下嘢食🥳👉🏻軟殼蟹配牛油果芝蛋吐司🍞 $58吐司有罕焗過特別脆口，眼見外皮都有烤至金黃色🤭而軟殼蟹系完隻咁包落個包中間，因為啲芝士溶得太勁同軟殼蟹溶位一體咁夾咗系包中間，牛油果夾咗系包裡則，夠軟夠清香貌相上，做唔到軟殼蟹露出嚟打卡效果，扣些少外觀分，實際上味道嚟講軟殼蟹、牛油果、芝士、蛋嘅味系非常之融洽好味😋😅👉🏻+$16 脆卜卜細薯條個細薯條，除咗茄汁外有加上蜜糖芥茉醬，系偏幼身薯條嚟，味道唔錯，不過$16換取嘅份量嚟講唔太抵食🤦🏻‍♀️💦😛整體嚟講，最出色系佢哋signature嘅toast，而toast先系佢哋招牌產品，相對嚟講做得比較唔錯，等候製作時間平均需要十分鐘左右，即叫即整，價錢的話屬中上價位，有待改善質量、份量同賣價相配度始終啱啱新店開將，明白需要時間調節，期待將來嘅進步

🍞🥑原隻軟殻蟹牛油果黃金吐司$58🥑🍞首先感謝店主滿足我哋一半有沙律菜一半走菜嘅麻煩要求🙏🏻🤣所以呢一份嘅賣相不能作準🙈Anyway 但都覺得份量太少🤭同埋啲配料全部都好正常有片好細嘅芝士 牛油果少許 煎薄蛋軟殻蟹更為少肉🤐咁細嘅包都會有空位🥺醬料亦普通Erm 實在唔值呢個價 店主要再加油🤧希望只係新開先會咁啦😭

今次係為左個軟殼蟹黃金toast而慕名而來🤣的確係成隻蟹夾係toast入邊 基本上都啖啖肉！而塊包亦無hea整 搽晒牛油烘起 好味👍🏻不過想減肥既朋友見到佢就應該要驚驚地🙈