中國廚房/台灣牛肉麵

營業中

休息中

以前台灣牛肉麵還在地舖的時候我們只知除了牛肉麵還有乳鴿和小菜，近來才發現原來搬了位置之後還有火鍋套餐。由於小菜給我們印象不錯，今次聚會就選了試試這裡的火鍋。火鍋套餐價位不算便宜 （四人餐$1,680)，但用料真正高質。花膠大大件而且分量不少，滾起後仍然保留膠質和口感，入口黏潤，軟嫩富膠質雞件肉質嫩滑，啖啖肉鮑魚肥美鮮味吃到這裡已經很滿足，還有主角牛肉要出場！平常火鍋點好一點的牛也要$200-$300一碟而且只有薄薄一層。這𥚃的牛高質感覺入口即溶而且不吝嗇，估計五人也夠吃。忘了問這是甚麼魚，侍應先給我們看確保生猛。魚肉鮮味嫩無腥味，魚骨也沒浪費，炸魚骨爽脆惹味，也沒有過硬套餐之外我們另加兩隻乳鴿 （$33x2）這餐平均每人$500左右，比放題貴一點，但偶然吃些優質火鍋也不錯😋

母親節前席，同咗幾位母親食飯，我哋叫咗個$1680嘅餐，因太多食物，詳情可看餐牌。一坐低，見到有條斑和鮑魚有個袋封住放咗喺枱上面，原來所有海鮮都經一個app鮮直送落單同送嚟的。講下重點食物。花膠4舊大大舊花膠，煮到林晒食，好正，不過花膠味唔凸出。鬍鬚雞走地雞，145日就會劏，有雞味，雞肉結實，但唔會硬，雞皮無乜脂肪，呢個雞好好食👍南非鮑魚鮑魚新鮮大隻，口感軟彈，有鮑魚味👍老虎斑片魚肉明顯新鮮，但肉有點散，要扣啲分肥牛應是美國牛，肉質鮮嫩，但牛味欠奉。另叫咗個聖子和桶蠔聖子好新鮮和大隻👍，桶蠔我無食，俾唔到意見。總結：這個套餐不論食物質素和份量性價比都算高，不過加咗聖子和桶蠔價錢就唔平。Hopsi性價比指數：78/100

作為一個廣東人，飲茶就好似天生咁，放假總是想起飲啖茶食件點心。今日黎到尖沙咀，諗住呢區嘅點心都一定會好貴，估唔到都會有又睇得，又食得，又慳得到嘅地方😍😍帶住呀女，一大一細，叫左幾款點心啱啱好。首席我覺得佢地嘅服務好好，環境也不會太嘈，多了個空間同呀女傾下計。食物方面我好中意個鮑魚燒賣，鮑魚仲大粒過粒燒賣，一啖放晒入口，極之過隱。腐皮卷都是我至愛之一。皮煎得好脆好香口，入面食材有口感，不會太喊，沾少許醋就非常有古早味。另外，菜餃也是大熱之選，菜保持鮮甜，皮薄，包得好好，面頭仲有個自家XO醬，惹味非常

又到周末，又到試新野時間。今次新餐廳地點係尖沙咀廣東道既中國廚房/台灣牛肉麵。個名好特別，又中國廚房又台灣牛肉麵。呢度似乎主打台灣牛肉麵，不過今日我地係為點心而來。點心選擇都唔少，同普通酒樓唔同，冇分大中小點，價錢唔同時段都一樣。我地揀左六款點心分享。筍尖蝦餃皇 $46筍尖蝦餃皇一籠四件，皮薄餡靚，啖啖爽脆新鮮蝦肉，真係好好味。黑椒金錢肚 $46黑椒金錢肚有六件。質感幾好，少少煙煙韌韌咁。而黑椒味唔會過火。黑椒牛仔骨 $46大大細細牛仔骨一共有六七件，份量算多。牛仔骨d肉好稔喎，好易咬。黑椒汁味道又係啱啱好，唔過火。呢個價錢抵食喎。花膠鮮竹卷 $46花膠鮮竹卷一籠三件。鮮竹卷上面堅有花膠仔，算係咁啦。鮮竹卷食得出入面有幾層薄薄卷皮，仲有少少質感，絕對唔會一pat野。鮮竹卷入面食到有豬肉餡同爽脆菜粒。食完唔覺太油膩。魚翅灌湯餃 $46魚翅灌湯餃好大隻，難得皮都做得好薄，饀料有好多蟹柳粒，豬肉，雞肉同蝦粒。個湯鹹香十足，好似魚翅嘅金華火腿高湯。鮑魚燒賣 鮑魚燒賣 一籠兩件。真係大大隻乾鮑喺面，有嚼勁而味道幾好。下底嘅燒賣大大粒啖啖肉，食得出有冬菇，蝦肉，豬肉同雞肉，黃皮都整得薄身。試左六款

第1次幫襯，已經好鍾意呢間餐廳，原因有三個。第一：落單有得選擇麵嘅軟硬程度同要唔要配料。因為通常第一次去咩餐廳都好，都唔知道佢啲配料有咩，有時如果問多句啲侍應又唔耐煩。所以我覺得呢一間可以好清楚表達我想要嘅嘢。第二：佢好似間中式餐館，有茶水，雖然計茶位$12 ，但係佢嘅茶都好好飲，我飲咗超多，樓面服務超好，主動幫我哋加水，大大嘅讚！第三：環境坐得好舒服，地方大，類似沙發嘅櫈，食完都唔想離開，繼續慢慢嘆茶，一個lunch，與同事坐左差唔多兩個鐘。因為大家都唔想離開，哈哈。仲有，佢有甜品送，每人一碗紅豆沙，正！（唔記得影相）加一服務費後再8折，每人85蚊！

夜媽媽開OT，麻煩同事話想食點心，都唔知邊度搵比佢食。好彩上openrice搵到呢間叫做中國廚房嘅，晚市都有點心食。呢度個裝修好有中國味道，似係招呼外國遊客咁樣，不過疫情關係無晒外國人，反而多左好多香港人黎。點心十分有水準，大大份，尤其個糯米雞，出面一般酒樓只會整到細細份，然後蒸籠上，呢度係另外碟上嘅，大大份，夠晒兩個人食！另外我見好多檯都有打邊爐，但menu又唔覺有，唔知點解⋯⋯埋單都係100蚊位，算係晚餐平價之選。

行至尖沙咀中港中心呢度有間「中國廚房」裝潢漂亮舒適，揀臨窗位置，餐廳唔止有台灣菜、中式小炒，仲有點心，我啲揀食點心飲茶。鮑魚燒賣：新鮮熱辣辣鮑魚雖細粒，但咬下去彈牙鮮甜，燒賣都係好大驚喜，鮮蝦燒賣鮮嫩多汁。黑金流沙包：高顏質，內餡爆漿，蛋香四溢，名副其實啲金色流沙。筍尖蝦餃皇：皮薄晶瑩剔透，爽滑彈牙。魚翅灌湯餃：一盅擺一粒大餃，帶著整齊細緻人手褶紋啲黃色餃皮內鼓脹隆起，一咬下去，裏面餡汁十足，甜美啲湯與口感豐富啲料一起入口。黑椒金錢肚：金錢肚彈牙，黑椒味濃惹味少辣。醬皇蒸鳳爪：鳳爪滑嫩加埋醬皇帶些微辣。兩人食得好滿足！

Yumcha @中國廚房/台灣牛肉麵話說想飲茶🍵好耐，係尖沙咀行完街🛍🦸🏼‍♀️搵到間有得飲夜茶既餐廳。餐廳空間感夠大，坐得舒服。除左飲茶亦有牛肉麵、中菜等，幾多元化。🐮古法陳皮牛肉球💰💲33牛肉球口感紮實、細嫩彈牙，食落陣陣陳皮香味，回甘餘味長。花膠鮮竹卷💰💲46腐皮入口香軟順滑，餡料除左有豬肉、竹筍等蔬菜仲有花膠，口感豐富，滋潤飬顏。筍尖蝦餃王💰💲46蝦餃皮薄如雪，晶瑩剔透，粉嫩既蝦仁若隱若現，爽滑彈牙，鮮滑美味。🧄🦐蒜蓉蝦春卷💰💲45春卷炸到金黃色，脆卜卜，新鮮蝦仁混入香口蒜蓉，食到停唔到口。🌒黑金流沙包💰💲42麵包皮以竹炭粉製成，黝黑配金既外型非常吸睛。包皮鬆軟有彈性，熱辣辣一咬滿滿既流沙澎湃湧出黎，奶黃味濃郁。鮑魚燒賣（餐廳送）原隻鮑魚有嚼頭，肉厚但唔韌，彈牙鮮味。燒賣係豬肉餡，肉嫰爽口，口感豐富。🐔經典糯米雞💰💲46一拆開隻糯米雞，荷葉清香扑鼻，香味四溢。以雞肉、豬肉、冬菇為餡，餡料完全滲透入糯米之中，清香回味，口感軟糯。眼闊肚闊，同👭🏼朋友都食得超飽。埋單仲有8折，好抵食。

鮑魚燒賣不知是誰想出來的小奢華點心，應該如何進食？看似強行加上的鮑魚，應該是跟燒賣分開吃吧😆黑金流沙包一撕開便是澎湃流心奶皇餡，而且甜度適中，有淡淡蛋黃香。古法陳皮牛肉球有微微陳皮香氣，熟得剛好的牛肉軟嫩多汁吃點心怎少得了蝦餃？筍尖蝦餃皇的晶瑩外皮包裹著大大粒蝦肉，筍絲豐富了口感。魚肚滑雞扎挺足料，魚肚充滿湯汁，芋頭略嫌乾身了一點千島醬脆炸蘿蔔糕，賣相很日式，熱辣辣的蘿蔔糕吃起上來外皮脆卜卜，內裏軟綿綿，加上千島醬和木魚碎令人想起章魚燒呢😍經典糯米雞 原來很大件，吃起來荷葉味頗重，挺有風味的糯米雞👌

中港兩地已封關一年半，非常想念遠在中山居住的外婆，通關無期，只能趁下班後到中港城緬懷一下坐船回鄉的情景，一解鄉愁。❣️離去時，被叫賣聲吸引，原來是對面馬路的『中國廚房』全單8 折，餐廳有晚市火鍋，小菜， 燒味，炒麵飯外，更全日有點心供應，估唔到夜晚都可以「飲茶」。❣️🎯鮑魚燒賣 $46精緻的鮑魚燒賣， 面層真的放有一隻小鮑魚，燒賣內的豬肉半肥半瘦， 肉質柔潤，入口甘香，配上可愛小鮑魚，好滋味。❣️🎯千島醬脆炸蘿蔔糕 $46這款脆炸蘿蔔糕的外皮，真的非常之脆， 面層帶有薄薄的炸漿，千島醬和柴魚片，一口咬下，蘿蔔糕香甜又非常鬆軟，很有口感，柴魚片有畫龍點睛之效。❣️🎯經典糯米雞 $46很久沒食過如此大隻的糯米雞了， 揭開荷葉的外皮， 香煙陣陣， 甜糯米包著豬肉碎，蝦米和冬菇，飽肚之選。❣️🎯筍尖蝦餃皇 $46一籠有4隻蝦餃， 皮薄餡靚， 每隻入面都有一粒爽口彈牙的大蝦仁， 喜歡濃味的朋友 ，可以蘸點紅醋/辣椒醬同食，味道更佳。❣️🎯黑椒金錢肚 $46不知何時開始，我竟愛上了食牛內臟， 這款黑椒金錢肚非常厚身， 入口香軟嫩滑，久煮下，金錢肚吸滿黑椒醬汁的味道，在幾款點心中坐亞望冠。❣️🎯黑金流沙包 $42

趁而家無曬d遊客，同媽咪去左尖沙咀果邊飲夜🫖食點心🥟係網上見到中港中心呢邊多左間新食肆，見到d點心好似都幾唔錯，過黎試下🤣入到去，餐廳既佈局好似高級中餐廳咁。睇menu，見佢又有點心、又有燒味、又有台灣麵，仲有火鍋😂有時如果同長輩夾唔到食咩好，可以考慮黎呢到各食各既😂因為真係好耐無飲🫖，今晚主要都係叫左點心食。XO醬菜苗🥟：用左蝦餃皮，好煙韌，滿滿既XO醬令到成件事好惹味，而有豆苗感覺健康d🤣鮑魚燒賣：隻鮑魚都有成3cm直徑🤤加埋鮑汁，無得輸！燒賣都幾有咬口！同埋呢到既點心佢全部都熱辣辣出爐，feel到係新鮮即製👍黑松露山珍腐皮卷：松露味好出，腐皮好脆身👍都有成6件😍千島醬脆炸蘿蔔糕：佢既整法感覺有少少似章魚燒，加左千島醬，外面幾脆身，入面蘿蔔糕鬆軟，唔會覺得好多粉養顏千層糕：熱辣辣出爐，好軟身，食落好煙韌，薑汁味都幾出，唔會太甜🌸唯獨出菜需要，要等一等☘️見到都幾多人打邊爐，下次想試試

鮑魚燒賣：有飽魚仔係燒賣上面燒賣當然係新鮮豬肉做啦⋯⋯👍🏻👍🏻👍🏻黑松露鮮蝦餃：蝦餃皮加左黑松露咬落去已經好重黑松露味仲有大大隻蝦👍🏻👍🏻👍🏻經典糯米雞：好懷舊feel用料十足👍🏻👍🏻👍🏻千島醬脆皮蘿蔔糕：真係炸到脆卜卜好重蘿蔔味，第一次咁樣食好好味😋魚翅灌湯餃：大大隻真材實料好有童年回憶👍🏻👍🏻👍🏻黑金流沙包：咬完一啖奶黃真係流晒出黎好好味㗎呢......

疫情開始好轉 ，咁就行下TST，咁就同朋友一齊搵嘢食，想搵下啲嘢點心食，咁就見到有呢一間中國廚房， 咁平時喺街都好少食點心，咁我哋就揀咗呢間，入到去其實內裏寬敞，衛生都幾好，因為其實格與枱之間都隔得幾開下同幾多消毒用品，可以保障返大家嘅健康。咁我叫左以下:鮑魚燒賣: 係即叫即蒸、熱度十足，啲蝦非常新鮮，同埋都幾大粒。 而且粒鮑魚都幾大粒幾彈牙。黑松露鮮蝦餃 : 呢個蝦餃我覺得細細粒， 可以一嚿擺落個口度食， 但係佢個蝦就幾新鮮同爽口的。蝦餃皮唔算太厚， 就係因為佢個皮薄所以都幾易穿，但係黑松露D味都幾出。 但係佢個蝦餃就比較乾身少少，而我就比較鍾意食濕潤少少。魚翅灌湯餃: 哩嗰灌湯餃我覺得唔錯，因為入面都幾多料呀，同埋食到有魚翅，當然啦 我就唔知啲翅真定假， 但係個味道都唔錯，而且個湯都幾清，加埋醋嚟食其實整體嚟講都唔差。黑松露山珍腐皮卷: 呢一個腐皮卷，我就最鍾意因為裏面嘅腐皮有鮮竹味， 最令我驚喜就係佢呢個腐皮唔算厚，而且皮薄薄地 仲有就係佢唔係炸到都幾脆卜卜， 再加上又有我最鍾意食嘅黑松露味，所以我比較鍾意呢一間酒樓嘅腐皮卷。經典糯米雞： 呢個糯米雞最大特色就係都幾大舊，所以如果

近排疫情緩和，多咗朋友約出去飲茶短聚，今日又有朋友約咗去尖沙咀中國廚房飲茶，朋友話之前嚟過食台灣牛肉麵，知道有廣東點心食，專程同我過嚟試吓！餐廳裝修得好有中國feel,座位舒適！鮑魚燒賣：燒賣點心加上一隻鮑魚，感受到有名貴嘅感覺，鮑魚鮮甜彈牙，做燒賣嘅蝦亦有鮮味！經典糯米雞：一打開隻糯米雞，立即香溢撲鼻，以荷葉包著糯米，中央放鹹蛋黃、雞肉、火腿、冬菇等餡料。十分足料。糯米軟硬適中，荷葉的清香，醬汁的濃味令人食不停口！筍尖蝦餃皇：晶瑩剔透的蝦餃皮厚薄適中，蝦肉餡料好爽口。黑松露鮮蝦餃：香味濃郁嘅黑松露配上鮮蝦，又是另一番風味，新派fusion蝦餃！花膠鮮竹卷：花膠滑溜，其他餡料都爽口，腐皮吸收到醬汁又滑又好味。黑金流沙包：這個.包非常吸睛，黝黑的包皮刷上食用金粉，立即矜貴起來。黑色撞金色賣相不錯，包皮鬆軟有彈性，趁熱咬下，滿滿的流沙澎湃湧出，驚喜與滿足！最後還有紅豆沙奉送！

呢到連個廁所都設計得好好非常衛生乾淨🥰🥰🥰之後就大開食界點左五樣點心！最愛既牛仔骨，味道濃郁入味牛柏葉夠爽灌湯包超大粒餡料超足連湯水都清埋🤣🤣仲有黑糖糕好彩夠精緻三個人可以叫兩籠～估唔到呢到有一直想食返既［蛋散］配埋蜜糖加鬆化口感😍😍愛了絕對唔係出面個重硬到咬石頭咁呢個我都外賣左幾碟返屋企同屋企人食價錢相當抵😚😚蛋散係出面好少酒樓有而且環境空間好大架，絕對坐得舒適鐘意食點心既你點可能未黎過架😱😱