中央飯店

營業中

休息中

<59 年歷史既中央飯店>👍🏻呢間喺 ssp舊區大埔道既中央飯店 問 staff原來足足有58 年半歷史 對上一次黎食已經係8, 9 年前 酒樓真係好舊式 直頭聞到有隻舊茶樓嗰 d味 (有番甘上下年紀既人會明😂但唔係臭 放心) 食店早什有點心小菜 夜晚就中菜 雖然冇寫明 但應該係廣東菜同客家菜 食物質素其實未到超好 但都算中上 但有幾樣食物推介 唔收開酒費已加分👍🏻 記得打去 bk位時問佢有乜野食要預訂👍🏻🍴冬瓜盅😍 預訂大大個冬瓜盅 材料豐富 冬瓜肉夠軟棉棉 有彈牙蝦肉 火腿乾 🐖魷魚 最正係有 d雞腎 夠哂彈牙 所有材料撈埋落湯度味道好清甜又帶 d肉同蝦味🦐正 最啱夏天飲 夠哂清熱👍🏻🍴蜜棧合桃黑椒牛仔粒 90 蚊🐂香脆既合桃 芹菜 芝麻 紅椒調味 佢題黑椒味偏少 反而香甜既蜜棧味偏多 🍯牛柳粒都夠鑊氣 係上面 d汁淋左落去睇落偏濕 都幾入味 口感軟硬適中 👍🏻🍴八寶鴨🦆預訂190 蚊傳統上海名菜 用鴨釀左火腿肉 筍 冬菇 豬肉 蝦仁 蓮子 糯米 等材料 用鴨包住材燉 煮成 我估應該係用類似燘既方式 鴨肉皮夠嫩滑 吸哂材料香味 加埋茨汁好香濃 食落首先係鴨肉皮

茶樓嘅點心車真係愈來愈少見細個飲茶都會見到一架又一架點心車推過然後想食咩點心都要趁早攞，同人鬥快！嚟呢間嘅都係老一輩嘅街坊，嚟「飲啖茶、食個包」睇埋報紙就一日小點、中點、大點、特點嘅價錢介乎15至24元但我呢次食唔到三寶大包，已經賣晒淨食食到少少點心豉汁蒸排骨、四寶滑雞札、時菜鯪魚球etc成大鍋粥捧出來都好少見吓

好恐佈，大大隻米奇響燈槽跑黎跑去，會去食環投訴最慘係食到尾先見到，之前食左d懷舊菜就算再好味都係假，想嘔。食左梅菜扣肉，炸大腸等，都唔知有無加料。懷舊不等如殘舊，去唔去自己決定。好日都唔打comment, 打開先知200字先可以評分，咁我形容下食物雖然已經一d都唔重要。梅菜扣肉: 層次分明，肥而不膩，撈飯必然之選炸大腸: 鬆脆可口，係我食過嘅大腸數一數二咁高水準荔芋鴨: 香脆美味，鴨肉同芋蓉是一絕配如果唔係有米奇做伴碟，都係一次體驗舊式餐廳的難忘經歷

東江鹽焗雞蒸到過曬火，好似煲完湯咁，仲有雪藏味，仲話係招牌菜。蒜蓉白菜仔全碟老菜，魚香茄子煲啲汁多過餸。 未用過嘅碗筷重油淋淋，好多都仲黐住啲食物殘渣。賣得貴又唔好食，應該任何一間茶餐廳或食店都好食過佢， 離曬譜。

星期日-家庭日梗係約埋親朋戚友出來去茶樓飲茶，食返一盎兩件先！一班人坐住大圓枱，有講有笑，特別窩心！來到呢間具有傳統中國特色格調的酒樓，充滿人情味！假日特別多人，要早少少來搵位啦。飯店仲有點心車推出來，一有新鮮熱辣辣的食物煮好，茶客就會即刻拎埋點心卡出來排隊拎返幾碟先！行得慢的你就要等下輪啦！入面有幾款茶樓點心出面其他酒樓已經搵唔到了，價錢抵又夠大份，真係吃到好飽！是日菜單📝📌 蟹籽蒸燒賣📌 魚肚燒賣📌 炸香芋酥📌 鳳爪排骨飯📌 焗酥皮叉燒餐包📌 西米焗布甸 🌟📌 香煎鯪魚餅茗茶HK$7/位（是日結賬： HK$188)特別推介：西米焗布甸❗️- 內有少量蓮蓉，夠甜又特別，出面好少會搵到來吃！😋 一定要試下！

星期六, 約同事去懷舊茶樓飲茶, li間喺深水埗嘅茶樓位於一幢住宅大廈嘅入口, 有點心車周圍行, 入到去好似返返80年代咁, 點心大件夾抵食. 我地食左蝦餃, 燒賣, 牛肉球, 鳳爪, 牛肉腸, 排骨, 糯米雞, 雞扎..... >銀芽肉絲炒麵麵炒得夠乾身, 肉絲切得勁大條, 韭菜同芽菜食落好嫩, 最緊要係大大碟足料.>三寶大包飲咁多次茶都未見過咁大個包, 個size仲大過一個點心蒸籠, 唔會出現喺點心車要同伙記落單, 包入面勁多餡, 主要係雞肉斬件, 所以食起上黎係有骨的, 因為搣開share(都唔expect人一啖咬落去吧😅), 所以明顯見到要lur骨架！而包身蒸得非常鬆軟呢.

朋友說要來這裡食晚飯一行四人先點鹽焗雞 帶子豆苗 琵琶豆腐雞尚可 肉也幾滑嫩 不過不夠香 沾醬食也不出味帶子煮太久 豆苗油油的 豆腐也普通後加一個霸王大蝦 🍤完全不知道跟奶油黃金大蝦分別是甚麼 都是有咸蛋炸蝦等了半小時也不深究到底是否上錯菜 雖然我已問上菜那位小姐 是否霸王蝦外炸不夠脆 仍然要拆殻 蝦子算可以 彈牙大隻但7、8隻蝦要$130埋單$5764碗白米飯不會再來了可能其他菜更好食廁所沒水沖 細到入唔到 又不衛生全場只等一人會下單

訂左位同早到不用等，叫左梅菜元蹄味道可以但肉就一般只係夠份量丶xo醬炒花枝丶鹽焗雞冇以前甘好食，咕嚕肉配菜同菠蘿好食過肉，涼瓜牛肉正丶炸大腸可以但有小小豬味，炒荳苗嫩＆飯大大碗好抵食埋單一千一百幾八人食好抵

以前細個既時候，記得食過太子一間好出名又正宗的鹽焗雞，而家果個位置已經變左一幢新大廈既美容院，面目全非了😰😰😰😰😨😨😨😨😨😨😨😨😨😨😨😨😨😨突然好回味想食，就唸起大埔道位置有一間叫中央飯店，係有呢個鹽焗🐔食，因為之前有朋友帶過我去呢度食飯，呢度D餸菜都好多款式同幾好味，而且仲好大碟，D伙記好多都係上左年紀同係有人情味個D人，果時就係呢度食過鹽焗🐔，味道好似以前太子果間整出黎既味道，所以就一路記住。不過呢度坐位既環境就舊式D😊😉😉😉😉😉今日突然心血來潮想食，就專登走去買左反屋企食，仲有佢呢度個沙畺粉同自制既豆板醬，係吳同出面既味道，而且仲整得好好食，而家呢D甘正宗既鹽焗🐔，太子結業之後就係呢間最好食，其他地方既鹽焗🐔係做吳到呢D甘正宗既味道👍👍所以我想食鹽焗雞既時候就會專誠黎呢度買😂😂

㯫聞已經有65年歷史，裝潢有點陳舊，菜式懷舊，冬瓜盅，足料，清燉湯清甜可口，冇味精，連盡了兩大碗。八寶鴨，名不虛傳，鴨肉香滑，醸在鴨肚內的糯米很柔軟可口。菜膽雞，必食，鷄皮滑溜，沒有脂肪，肉幼滑，很快KO了，要encore !!菜單全部大件夾抵食，值得推薦！

老店+老同學+生日+大食會 愉快價錢公道大碟低食 冇雜費有加一 唔收信用咭 記得帶現金店面懷舊 有蚊螆 冷氣唔凍有啲熱啤酒有平有貴$16~$28 罐裝汽水$8如果有埋樽裝可樂 就更好更懷舊生魚片連湯~ $100 有2款 1.生魚骨湯靚 奶白色 配滑滑豆腐 白菜仔2. 生魚片滑 仲有大量菜心底 食得夠清琵琶炸豆腐 $60 x2 好味添食豆腐滑 香 1口1啖 菜底香滑酥炸大腸 $70 x2夠淋夠脆冇怪味梅菜扣肉 $65 份量一般 梅菜香冇沙梅菜元蹄 $75大堆頭 元蹄入口即化好味嘅 仲有咕嚕肉$60虾醬通菜鮮尤$65草菇扒芥菜 $55 芥菜夠淋又爽口北菇鴨掌 $60 蠔汁掌淋 乾燒伊麵 $60 x2 伊麵香 色淡 比較淡口楊州炒飯 $55 中虾义燒足 飯唔硬酥炸虾丸 $120 x2$240 24粒 細細粒1元咁大 唔彈牙 唔爽加咗馬蹄 & xx 味雜冇虾味霸王雞半只 $160 最後都冇上菜 漏單再叫…… 見過隔離枱食過 碟雞上枱唔同樣 份量細咗 冇頭冇尾 雞肉嚡 仲有雪味壽包~ 要預訂 12大個 $150 我哋有14人 仲送多2個 多謝晒

中央飯店 路經見倒開番 即試……好奇裝修後嘅靚樣…… 點知原來冇變桃花依舊 人面依舊 哈哈連枱布都係以前嗰啲… 乾淨就得啦冷氣夠凍 玻璃碗碟很乾淨服務員大部份長者 制服白恤衫黑西褲好有禮貌 感覺係真心嗰種想食懷舊菜 呢度唔會失望 份量足飲早茶 6am~1:30 大點$18中點16小點14下午茶 1:30~3pm 大中小點 平1元茶芥6元 加一服務費 午市優惠飯 $36起懷舊推車仔賣點心 熱辣辣 夠吸引 見倒靚至攞 唔覺唔覺攞多咗……老派廚師夠功夫 食倒懷舊好味道煎炸嘢 小點 任揀3件 阿姐都酄迎咸水角軟糯 肉料唔多炸云吞脆口虾肉爽 但冇甜酸醬虾餃 ~ 1口1隻 有筍虾肉 懷舊做法不過其中1件 有條細雞骨 優惠飯~時菜什會飯 $36送 老火靚湯 ~ 合掌瓜有幾嚿 湯甜好味道料足 有細虾 尤魚 豬肚 粉腸 豬潤 义燒 瘦肉片粉腸豬肚都預早處理過 夠淋冇腥飯軟硬適中 食飽冇頂胃呢度鹽焗雞出名好食 下次食想食冬瓜盅 但要預早1日定

前陣子想同屋企人一齊穿梭時光, 尋回兒時美味嘅食物同地方！！终於係深水埗揾到中央飯店！！一入到去真係好有懷舊味道！！連吊燈都係用緊舊式款式！！坐係飯店當中, 彷如時光倒流一般！！好！！叫D十枱有八枱都叫嘅懷舊菜式先！！先上冬瓜盅, 堆滿食材, 很豐富, 有淡淡嘅冬瓜香味！！跟住餸菜陸續上枱: 霸王鷄又厚又滑, 食完一件又一件！！菠蘿咕嚕肉炸得很脆口, 味道剛好！！芥蘭炒牛肉幾有驚喜, 炒得好好食, 牛肉上碟仲好嫰滑！！茄汁煎大蝦同白花釀豆腐都ok啦！！大良炒鮮奶似普通炒蛋白, 有D失望！！南乳齋煲食剩最多, 味道不夠, 粉絲過腍！！勝在碟碟大大碟, 多幾個人食都夠食！！温馨提示: 依家飯店装修中, 未知幾時先再營業！！

😀 聽說深水埗的中央飯店，突然“內部裝修，暫停營業”！真是有點不太習慣……當初因為朋友的介紹，有天的早上便慕名而來。此店雖然裝修陳舊，但是算乾淨企理！第一次來，開壺普洱茶後，先點一份皮蛋瘦肉粥 + 叉燒腸，足料夠大碗！山竹牛肉則夠肉味兼“大粒”！第二次去，有幸試過佢地的三寶大包，1碟1個！食完飽到幾乎“行唔郁”！第三次終於等到佢果個鎮店之寶 - 焗西米布甸。果然名不虛傳！加入白蓮蓉後，的確爽滑香甜！馬拉糕又係玩1籠1大個，都幾鬆軟好食！好野……本人衷心希望，中央飯店能夠早日重開吧！就算到時須要加(少少)價，亦都感覺值得的……👍👍👍！

上星期去食懷舊感十足的茶樓茶樓自己搵位，有啊姐推車仔叫點心，好有返細個同屋企人飲茶嘅感覺！一坐低，就有好多點心姐姐過嚟問食唔食呢樣呢樣，好多時抵擋唔住都會叫咗好多嘢食，不過真係好有以前飲茶嘅感覺，都係開心嘅！嚟點心時太肚餓，食咗一半先影相點心大部分都唔錯，係炸嘢稍為凍咗啲，粥好錦又足料，我哋都叫咗兩碗！食點心之餘仲叫咗招牌嘅鹹雞！好多雞啊，8個人一人分一舊都仲有淨食到一半先聽到職員話做埋今日就開始裝修，但裝修幾耐幾時開返就唔知啦！唔知裝修完仲有冇咁懷舊feel!