中心點

營業中

休息中

我反而覺得最好唔係點心，係個湯👍🏻😆蝦餃皮有點硬，但鳳爪同蘿蔔絲酥都好好食，熱辣辣，不過我最想食，係佢既越南餐廳個酸菜魚湯米線，可唔可以係中心點賣？因為我真係覺得好好食。

Meet point 07:00-16:30,17:30-22:00黑金鴛鴦蝦餃王🦐 $34蝦夠鮮味，亦爽口彈牙蝦餃片厚度適中，略嫌小韌推薦度: 😋😋😋.5 (5個😋為滿分)翡翠鮮蝦腸粉 $29蝦夠鮮味，亦爽口彈牙腸粉皮有點厚和糊口推薦度: 😋😋 (5個😋為滿分)蘿蔔千絲酥 $24酥皮不香脆，很淋，食落成口油。蘿蔔絲偏甜和黏推薦度: 0😰 (5個😋為滿分)醬皇鳳凰爪 $26醬汁好鹹，好重味精鳳爪5淋推薦度: 0😰 (5個😋為滿分)珍菌濃湯鮮竹卷 $20食材不新鮮，沒有鮮味。菇有草青味，豬肉有臭豬味。推薦度: 0😰 (5個😋為滿分)📍中心點 (慈雲山)慈雲山毓華街23號慈雲山中心2樓208-210號舖

7月，慈雲山中心變成了疫區，無港人不識。時間來到九月，難得的4個人坐堂食晚餐揀左來試試《中心點》，主打一盅兩件，個茶就變得重要喇。 裝修都精緻，始終開張未夠一年。因加上膠塊，枱面變得很窄，最大問題係個金色茶壺，係傳熱超快的物質，被燙到了，各位一定要小心。然而個侍應話：全線分店都係用依款茶壺。推介幾款飯及小食：鮮鮑魚蟲草走地雞籠仔蒸飯 （$58）用料的份量很足，味道不錯。黑金流沙包（$28） ：一定要趁熱食，唔係包身會變硬變乾。不推介紅米脆皮鮮蝦腸粉 （$39）無咩特別，個腸粉皮好硬。脆皮蘿蔔糕（$19）唔鐘意個醬汁，同木魚唔係咁夾。個花旗參湯（$39）好苦， 唔係甘甜係苦。4個人平均每人100元，我覺得都可以一試。

同屋企人食中式嘢，就嚟試下呢間中心點。我哋去到嘅時候唔多人，唔使等位。啲點心幾有新意，不過主要係煎炸嘅為主。 款式唔多，份量唔算大。 張枱已經細，佢地仲用啲咁大嘅碟裝某啲點心會好迫，同埋拎得唔係好方便。

創意點心！呢間野係慈雲山中心新開，街坊話味道都唔錯，一於趁呢排咁得閒過黎試下！我地下午茶時段黎，一入去就有位，唔太肚餓，叫左四樣野。首先出場既係南瓜桃膠西米露，外表一百分，用一個勁得意既盅裝住，令人食指大動。味道是不錯的，但稍嫌凍左少少，同預期中既熱辣辣出哂煙有D出入。然後係黑金流沙包，一定一定要趁熱食！凍左既話個蛋黃就唔識流心！聞落好香，食落去有好沙既感覺。珍菌濃湯鮮竹卷好入味，旁邊仲有好多菇，好清淡，好健康，中和左流沙包既膩。 最後一樣係京川滑餃子，初頭以為醬汁另上，所以唔怕辣，最多唔點醬，點知原來係撈埋一齊，所以食唔到辣既人要小心了。餃子皮薄餡靚，都幾好味。兩個人食左百幾蚊，都算抵，呢到既菜式都幾有創意，幾欣賞。

今日好想食點心，知道慈雲山中心新開左間飲茶的鋪（中心點），所以去了試吓，見門口多人，攞飛等位等了十五分鐘左右，要搭枱，坐位排到密密麻麻，環境比較擠迫及嘈吵。點了木魚脆皮蘿蔔糕，黑金鴛鴦蝦餃皇，蜜汁叉燒腸粉，家鄉釀虎皮椒及豉汁蒸大鱔籠仔蒸飯。木魚脆皮蘿蔔糕$19⭐️⭐️⭐️⭐️ 炸得好鬆脆，有啲日式風格，仲有千島醬，幾得意，美味。黑金鴛鴦蝦餃皇$34⭐️⭐️⭐️⭐️賣相好好，蝦鮮味，爽口，美味蜜汁叉燒腸粉$24⭐️⭐️⭐️正常味道家鄉釀虎皮椒$22⭐️⭐️⭐️正常味道豉汁蒸大鱔籠仔蒸飯$58 ⭐️⭐️⭐️有荷葉味，味道可以，呢度既蒸飯可能好受歡迎，所以等了20分鐘。可以再試，味道好及價錢一般，如果在慈雲山想食點心都係一個好選擇。回味指數⭐️⭐️⭐️

食物處理不當... 生豬肉在灌湯餃，生肉仍然是粉紅色的... 可看圖... 家人不知道吃了... 希望不會食物中毒...... 店員一句不好意思都沒有，也沒有向廚房反映... 只說跟你取消.......

今日約埋仔女去慈雲山商場，中心點食午餐，呢間鋪開左大約一個月，今次第一次黎食，見倒門口已經塞滿人攞飛等位，等左差唔多45分鐘有位，入邊其實坐位好迫夾，枱迫枱，我地被安排坐左一張4人枱，點知食物都未到，侍應就安排一個阿伯搭枱，其實餐廳食物都係一般茶樓野，冇嘜特別，不過如果可以搭枱，我個人就唔多鍾意，所以應該唔會再幫襯。

去慈雲山探阿妹，順便同佢地去飲早茶，今次去左新開張一個月左右嘅中心點叉燒飽 - 熱辣辣，皮好鬆軟，餡料唔算多，勝在够熱，叉燒醬汁幾好味，唔會太咸蟹子燒賣 - 大大粒，都幾有鮮肉味鮮蝦腸粉 - 皮都幾薄，但有d粘口，不過蝦就大大隻珍菌濃湯鮮竹卷 同 山竹牛肉都冇嘜特別，整體黎講，食物質素一般

好耐冇行過慈雲山中心 有咗好大嘅改變 路經中心點見門口放置嘅餐牌照片好靚 點心嘅賣相都好好睇 就決定揾日要去試一下呢間點心專門店裝橫都叫幾有特色 我二人行在平日星期一早上11點半左右到達 剛剛新開張 等位嘅入都特別的多 前面還要等7張枱要等候 但花了30分鐘的時間就可以入座 唯一欠缺嘅係需要搭枱，環境比較擠逼同吵雜但見到點心紙 發覺有好款都好吸引但因為只有两人 未能試盡想食的點心第一必食嘅蘿蔔糕🤤點心拎出嚟都係熱辣辣的 同普通茶樓食開嘅蘿蔔糕唔同 外面有層脆卜卜嘅薄皮 加上木魚 估唔到3樣嘢夾埋一齊係咁好食真心有驚喜！ 第二推薦係牛油果蝦春卷又係熱辣辣又炸到卜卜脆嘅脆皮 內餡很多 平時食開嘅蝦春卷加上少許嘅牛油果 味道一流第3係鴛鴦蝦餃 4粒裝 一上枱就被佢嘅賣相吸引咗 雖然皮有D厚 但蝦內餡絕對唔少藥膳雞腳更係令我驚喜 因為一上枱就好香！藥膳湯味好濃好好味 雖然鳳爪唔係太肥美 但湯底真係十分出眾！發財好市粥 分量夠多 帶有淡淡嘅蠔豉味紅米脆皮鮮蝦腸 稍微失望嘅係 內層皮唔夠脆最後因為太飽冇機會試甜品 然而甜品類有很多十分吸引 所以有機會一定要再嚟試總括然而 呢間點心店回頭牽很高

知道中心開左新鋪頭 就同家人一同去試食 我地貪心啲 嗌左好多樣鋪頭新開無耐 客似雲來 都多人排隊等食 環境有點迫 不過很熱鬧子薑鮮蝦腐皮卷：好脆口，子薑令成碟點心無咁膩，係新奇配搭蘿蔔糕：好鬆脆，佢加左啲日式風格，仲有千島醬汁，味道好似食緊章魚小丸子咁，不過佢係蘿蔔饀，健康啲，幾得意雪山叉燒包：我最鍾意呢個，佢夠新鮮熱辣，表層啲雪加埋蜜汁叉燒饀，好夾好好味！推介一定要點呢樣！藥膳浸雞腳：同平時酒樓食既差不多，普通黑金流沙包：黑色加金色，好靚，第一次食賣相咁得意既流沙包，流沙饀都好食，夠新鮮紅米脆皮鮮蝦腸：第二鍾意食呢款！佢外軟內脆，第一次食紅米整既腸粉皮，脆脆既內層好似油條咁鱔蒸荷葉飯：幾香荷葉味，呢度既蒸飯好受歡迎，抵食夾大件，岩哂一家人黎share食燕窩燉椰皇：嗌左個甜品試，好食！啲椰子肉都食埋，仲有養顏燕窩，唔會太甜，味道剛好總括黎講，啲野係好食既，希望佢啲野食可以保持新鮮！

近日慈雲山中心新裝修，有不同大大小小的店舖開張，原因這間中式點心餐廳有很多人在門口排隊，所以決定今天要試一試。茗茶收費$6/一位，但免收加一，現在新開張優惠星期一至五早上還有88折，所以價錢尚算親密。我們兩個人一共叫咗4款食物，先講豉汁蒸大鱔籠仔蒸飯（$58），原本想叫龍蝦蒸發，不過原來11點之後先供應所以就唯有留待下一次試食，按餐廳碗仔計算，一籠飯大概都有兩碗，鱔塊好新鮮。之後就到點心，分別叫咗黑金鴛鴦蝦餃（$34）、花膠海皇灌湯餃($36)、蘿蔔千絲酥（$24）蝦餃顏值已經夠吸引，仲要皮薄餡靚，蝦隻彈牙絶對喺新鮮，值得推介花膠海皇灌湯餃夠晒足料，重點係一般大型連鎖酒家的灌湯餃湯底有時會有好重味精，但呢間餐廳相反湯底清甜，另外灌湯餃外皮唔會浸到爛晒。蘿蔔千絲酥，有時在其他酒樓的酥炸點心，可能因為效率關係，所以一早準備好，令點心溫度保持不到，但這碟蘿蔔千絲酥上枱時仲喺熱辣辣，外皮香酥，裡面白蘿蔔餡都好香甜身為慈雲山居民眼見中心重新裝修，有大大小小的親民餐廳結業，又眼見新餐廳進駐，價錢越嚟越貴，選擇越來越少，所以比較中心內中式酒樓，以第一次印象來計，呢餐廳真心唔錯，希望食物嘅質素可以繼續

話說第一次來這舖頭是下午茶時段，所以不用等位，而今次第二次來到這舖頭，因為太多人所以去到門口要取輪候飛，等了大約20分鐘後，見有2個人不懂用按輪候飛的機，不小心按了9個人，攞住張飛向一位姓曾戴眼鏡的女員工話不小心按錯，之後那位女員工完全無睇門口有好多人等緊位就立即帶那兩位客人入座，搞到我要再等多十幾分鐘才可入座，坐低後再發現原來那位姓曾的女員工不是負責門口的帶位工作，亂到七彩，若果講一聲按錯飛就不用排隊那安置一部輪候機器於門口有何用？！之後跟那位姓曾的女員工講那2位客人剛剛到是否按錯飛就不用排隊，之後她還用十分惡劣態度話因為那2位客人說按錯飛等了很久，跟本她完全無睇過那兩位的輪候飛就帶他們入座，這裡的員工無清晰知道自己負責的崗位，做事十分魯莽，搞到亂七八糟！