中意仿

營業中

休息中

🌷今天去完新界大埔區活動，累到想早點回家，晚餐選了蘇豪東吃飯，雖然住在附近，我們只是偶爾會光顧。我們沿海行了一趟，沒有合適餐廳，再轉入花園另一邊的餐廳，發現有一間名叫《中意仿》，6時多已有食客進餐，在門外睇到菜牌是中式食店，二人套餐內容都算豐富，決定探探店！🌷餐廳沒有特色豪華裝修，做附近住客生意，服務員與幫顧食客頗熟落。我們選了二人餐，有湯有飯有三個小菜，還有甜品。食物陸續上枱，每款食物均有水準，不太咸，價錢合理，不錯喔！每日燉湯🌟🌟🌟🌟湯清料多，感覺沒有味精豆豉炒油麥菜🌟🌟🌟🌟充滿豆豉香，份量足夠黑椒蜜汁牛仔骨🌟🌟🌟🌟牛仔骨肉淋，惹味回鍋肉🌟🌟🌟配料豐富，惹味，惟是豬腩肉較肥甜品🌟🌟🌟🌟賣相精美，不甜個人評分味道🌟🌟🌟🌟服務🌟🌟🌟🌟（服務員很有禮，帶點風趣，令人感覺舒服）環境🌟🌟🌟衛生🌟🌟抵食🌟🌟🌟🌟回頭率🌟🌟🌟🌟

窩蛋牛肉飯推薦‼️響蘇豪東既小店位置都幾隱蔽下 附近有幾間食肆但呢間既午市套餐幾抵又好味試左佢既窩蛋牛肉飯套餐🐄🍳牛肉醃得好滑 再配以流心半熟蛋伴飯😋真係好好味 而且套餐仲有老火無味精例湯仲要每次既湯款 非常有誠意👍🏻👍🏻👍🏻前菜係節瓜粉絲 清清地做前菜都好岩🤩飯後仲有中西式甜品揀 🤩🤩重點係中式甜品有三款 /西式甜品都有廿幾款任揀! 而店內位置唔算好多人流都較多 建議book定位先去🙌🏻店員亦好有禮貌同helpful

同事介紹的，大家齊相約去食lunch 落地玻璃，光缐充足，望出去是綠油油的花園，感覺舒服，座位濶落...午餐，包括中式例湯- 茶樹菇雞肉瘦肉湯，味道清清淡淡，不咸，沒有肥油飄浮在湯面，感覺無落味精，可以再添加...👍👍梅菜蒸肉餠，梅菜已經泡過，所以，鹽分不會過高，而肉餅覺得是手琢，啖啖有鮮肉香，真材實料，好送飯...蕃茄炆牛尾，沒有期待，但出乎意料之外的好味道 - 牛尾炆得夠冧，入味，蕃茄香甜，最細緻係牛尾切得很細塊，容易入口😍奉送甜品係另一驚喜，很多款式，有選擇困難呀...西瓜cream cake 有創意，味道一流 - 香、甜、滑黑珍珠奶茶布甸，又係精彩之作，布甸結實，奶茶味濃郁，正👍👍高水準的午餐，三人共$240，抵食又好味！

呢間小店位於鯉景灣內的一個單邊街角，窗外環境盎然，放在收銀處旁邊一盤色彩繽紛的甜品併盤已經非常吸睛。午市有十多款套餐可選擇，每款$98跟餐另加$14。我點左白汁白菌草菇洋葱焗牛脷，唔會太漏，牛脷雖然切得太碎但煮得好冧同入味，個粉葛赤小豆湯亦好足料。最正係飯後有十幾款甜品任君選擇，和菓子同腐竹福果糖水都好滑漏。值得一讚係老闆夫婦同伙記仔服務態度認真，在疫情中為人添上正能量💪🏻

We came for lunch recently and the boss asked us to sit down and take our time, no hurry etcWe each ordered a set lunch with a chinese soup made with melon, Chinese meat patty and vermicelli noodles, and a Chinese green veggie. Fresh veggies and the soup was easy to drink and tasty.For mains we ordered a steamed egg custard and a beef brisket. Tasty though the beef dish was less home style than the rest of the meal.We were then offered a choice of dessert. They had a hot soup dessert called “SK2

睇名以為食fusion菜，原來食中菜。午市有set叫，主要係家常菜，包老火湯、主菜、時菜一小碟，飯及甜品，價錢$8x 到$9x ，另加一。今日老火湯係粉葛湯，下火正。主菜要番茄牛肉炒蛋同紅燒肋排，味道剛好。另叫了燒雞翼，很香同有蜜糖味。甜品有好多款揀，今日要花生糊花生湯圓，不是開粉同唔太甜👍🏻。服務很好。

四個朋友久別聚會，一人提議到這店來。朋友點菜，菜名忘記了，不過味道如何就仍然記得。牛舌：肉質柔軟味道好炸軟殼蟹：不油膩味道也不錯響螺燉湯：清甜，若湯味更濃一點就更好。炆牛尾：牛尾炆得很軟但沒什麼牛肉的味道炆雞：雞肉質感一般味道也一般薑汁炒芥蘭：大推，芥蘭炒得爽脆味道好。蝦：味道很好肉質爽口薑蔥豆腐廣島蠔煲：份量十足味道好紅豆薏米粥：不想吃飯的可以來一碗腐竹糖水：腐竹全煲爛了，綿滑不太甜。紫薯碟：不太甜又香味十足店子環境不錯，坐得舒服。店員的服務也好，比如見我們帶的袋子多，立即搬來椅子讓我們放東西，又如我們說覺得熱，立即搬來兩把風扇，之後見朋友穿上外套，又上前問要不要關掉風扇，服務細心，可以回頭之選。

鯉景灣的餐廳給人的印象是休閒和恬靜的，這間中菜已經是屹立了超過十年，記得最初試的時候是被它的甜品吸引，二十多款甜點樣本放在一個餐盤上，侍應會遞過給你去選擇。今天來的是午餐時段，價錢比我想像中貴了少許，大概需要$100一位，兩個人每人叫一個小菜，然後會有例湯，時菜，白飯和甜品，再加豆漿。最重要的當然是食物質素，炆牛腩做得不錯,牛腩頗腍，支竹亦做得好入味。另外一個主菜鄒家華。有豆卜，茄子和排骨，非常喜歡茄子，首先切的大小剛剛好。而且做的質地而不會過稔，是帶有少少咬口。排骨方面就比較像是一個有骨的腩仔，都做得不錯。最有驚喜的還是甜品,今次選了芝麻糕，上台的時間熱烘烘而且還有着流心效果。雖然沒有問店家是否交貨來還是自己親自做的,但是這個芝麻榚的水準是十分之高。

餐廳有貴有平，去既客人亦唔同，客人群要求也不同有人要大件抵食，唔駛服務、唔駛環境氣氛；有人要食靚野；有人要SERVICE；供與求，各取所需但個人認為呢間高不成、低也不及講食物算係咁，無乜味精，口味屬淡，味道一般，無乜賣相可言，食物上枱算「温」 (不涼但不太熱，但碟頭SIZE一般，合女仔，所以食完都未係叫做「凍」絶不大件抵食、唔係靚野，唯一可以勉強係叫「健康」講價錢係呢區算係「平民」掛，加門面，算係咁，百幾蚊位，(但男成年人應該要叫多D先夠飽)講服務垃圾個人認為服務質素哀過深水埗茶記，成個HARD SELL咩D菜重要係如果有小朋友，真係唔去去，一D 都唔小童友善，有三件事發生左：1) 係佢地擺位時，我個女係枱面玩緊，佢放緊我個女對面個位，我剛到SETTLE DOWN中，突然跌左隻杯落地，我真心以為係我個女推到張餐影響到佢  (補充：小朋友係坐住無大叫大動作) ，十分SORRY，同個服務員勁SAY SORRY，佢無反應但面黑，同時我話我知女，叫佢唔好再貼枱面DD野，我個女眼紅晒，但話「唔係呀~~~」 <<--- 當刻我覺得唔好意思, 阿女咁講我仲有D嬲個女點知佢地執完野開,

住左係附近咁耐，今次係第一次試呢間餐廳。佢中式西式既菜都有，選擇都幾多。而且佢可以自備酒水，唔需要比開瓶費。首先，我同朋友叫左兩個小食。牛脷燒得好咸香，點少少芥末可以中和一下冇咁膩。避風塘風味炒軟殻蟹，好惹味，會令人食唔停口。之後點左氣酒煮青口，好大碟有好多隻，味道清清地唔會掩蓋左青口既味。呢個風沙午餐肉雞翼好邪惡。避風塘風味，好惹味。午餐肉同雞翼煎得好乾身，一啲都唔油。之後仲叫左甜品六式，不過唔記得影相。侍應會攞一盤甜品sample過黎，好生動咁逐一介紹，有十幾款，然後我地就揀。下次會再黎，因為仲有好多菜式想試。想試下蠔煲、豆腐炆銀鱈魚、燉湯⋯⋯

以經光顧了這家餐廳不下數十次，價格不算便宜，然而還是繼續光顧，他們的確是提共了一些獨特價值才會有一幫常客。食物以粵菜為主，也有意法菜色。一般家常小菜都有，也有一些他們的特色招排菜。當晚和太太點了2人餐，有燉湯，生炒骨，魚子醬金菇蒸水蛋，椒絲腐乳通菜，甜品選了紅棗盧薈燉雪梨。食物一向保持水準，口味適中不會重口或太淡，感覺上是沒有放味精的。初時兩三次光顧都覺得味道上算不過不失，而價格偏貴。後來慢慢覺得其他中餐廳和酒樓其實做不來這種恰到好處的家常口味，這亦是餐廳獨特吸引之處。其他推介菜色有豉汁涼瓜或豆腐炆銀雪魚，海鹽雞，法國牛柳，紅燒肋排，白醋凍魚等等，都做得很不錯。餐廳氣紛及服務整體給人親切舒服的感覺，桌子距離不會太濟，樓底高，老板和員工都當客人是朋友一樣款代。可能我算是街方常客，所以每次去就像去回家吃飯一樣。直得一提是這裡是免開瓶費的，經常有僱客都帶備餐酒來享用。餐廳也有賣餐酒，價格不貴，而選酒是有用心的。老板是紅酒愛好者，有時後客人會有機會品常到一些較罕有的好酒。

昨晚一行4人到這間餐館用膳。一望餐牌，感到驚訝。$94一個剰餸，係普通茶餐廳$50有交易。心諗可能好好食呢，食完就覺得原全中伏。叫左4個餸，一個菜，加埋每人一飯、一湯，最後埋單$700。酒樓收費，茶餐廳質素。份量少，味道一般。紅燒豆腐，黎到係室溫狀態。$98，4隻鼓油皇海蝦，用既蝦係一般手指咁大既蝦。一碗飯既份量係一個正常女士都未必夠，男士要應該要兩個。每碗白飯$15，未加一。唯一可取係服務質素好，員工多對答，如果你係食服務質素，呢間啱你。無下次，情願去附近太X燒味。

朋友推介這間對於我們來講系山長水遠過來食晚餐，不熟路系要時間搵路，好驚訝系整條街都好多餐廳和酒吧，我們選這間餐廳系主要無味精的餸菜先來兩款湯，菜乾湯和田螺豬肉湯小食雞翼，好香口半隻雞先啦，肉質鮮美好吃😋咕嚕肉好大块，酸甜味適中魚块好嫩口好大隻蝦，蝦頭好多肉好香豬軟骨，咬碎軟骨，整块可以食晒沙拉豬扒⋯⋯好香豉油皇炒麵竟然咁好食，好香香芝麻甜品都是這間餐廳的主打，好多選擇食個晚餐都有選擇恐懼症狀，實在太多選擇

同另一半講咗好耐想試呢間小店，皆因被佢喺OpenRice 啲甜品相吸引，終於上星期六有機會試試。位於鯉景灣嘅食肆，食碗牛肉麵都70蚊，呢間中意仿午餐90蚊有飯有湯有餸有甜品仲有好好嘅service喎，相對嚟講抵好多呢。嗰日入到去一坐低，侍應即刻問使唔使叫杯熱豆漿暖下呀，唔要都唔緊要，即刻上兩碗熱辣辣雪耳木瓜湯飲咗先點菜。我哋叫咗肉餅同麻辣肉碎茄子。雖然話麻辣，但唔麻唔辣，不過煮得惹味，送飯指數高肉餅厚，肉質肥瘦適中，肉餅剁得彈牙。兩味小菜都唔係淡味嘅，調味剛剛好，食完唔口渴，可以食得出冇落味精👍🏻👍🏻👍🏻仲有碟粉絲冬瓜係跟餐，清清地，冬瓜吸咗啲汁唔會好淡。三樣餸份量啱啱好，唔會太多又夠飽。食到差不多侍應就拎左一盤甜品俾我哋揀，好特別喎！食中菜有西式甜品，而且係一次過捧出嚟俾你睇過個sample再揀。另一半說如果知唔係熟客還會逐款介紹，仲要每款都介紹得好生動有趣。我就揀左涼粉配果汁爆珠，啲爆珠唔會太甜，另一半揀左烏龍茶凍，上面伯爵茶啫喱，好清新又唔膩。由於午市選擇唔夠晚市多，下次我會試下晚市叫多啲餸先

因為住附近既關係，選擇唔多，諗唔到食乜，所以通常求其就食呢間，因為份量岩岩好，一定唔會過飽，但唔會好滿足，食量大既人應該唔夠飽。普通兩餸住家菜連湯連炒時菜連白飯連迷你份量甜品$278, 款式普通過普通，味道一律偏咸，特別丁丁既餸每款另加$14, 例湯同茶記d湯無分別，轉其他湯（如響螺湯）就另加$38, 最特別係收茶錢每位$11, 唔好以為比茶錢就有茶揀，佢係只可揀茶同水，呢$11真係比得唔順氣。堆單三百幾，我寧願認認真真去酒樓。