中環茶記 (已結業)

霓虹燈招牌和追龍尋鳳的裝飾，十分吸睛。地方寬敞，空間感十足，坐得舒適。裝潢以懷舊主題來設計，採用六、七十年代港式茶餐廳風格，充滿香港特色。西多士和紅豆冰絕對是港式茶餐廳的名物，來到茶記當然要品嘗一下。懷舊紅豆冰 ($28)紅豆大粒起沙，軟腍有口感，紅豆冰入口香甜又富奶香。法蘭西多士 ($24)西多士色澤金黃，賣相誘人。香脆的外層富蛋香，中間夾有花生醬餡，炸得乾身不滲油，沒有油膩感，再加上糖漿，邪惡又美味！

已經有幾個月沒回舊屋打掃，趁今日得閒，返去執拾一下，順便到「中環茶記」吃頓下午茶。餐廳座落於威靈頓街，樓高 4 層，佔地數千呎，每層均以懷舊主題來設計，配上門口以霓虹燈製成的招牌，設計極具特色。至於店內裝潢亦落足心機 ，到處都可以看到不同懷舊風格的佈置 ，如天花吊扇、墨綠色地磚等，盡顯老香港情懷。睇咗餐牌，原來假期無下午茶餐供應，我哋揀咗乾炒牛河、法蘭西多士、瑞士雞中翼、油多同飲品。乾炒牛河 ($55)：牛河鑊氣十足，上檯時仍熱騰騰。牛肉夠曬厚身，大片完整，賣相焦香誘人，食落有牛味。河粉透薄分明，乾身煙韌，入口腍滑有米香，吃罷碟子上沒有半點油。法蘭西多士 ($24)：件西多送上來時還是脹卜卜，外層炸至金黃香脆，切開裡面軟綿綿，再加上牛油和糖漿，香口而不太甜，簡單又美味。瑞士雞中翼 ($24)：雞翼一客有 3  隻，外形屬中等，唔算特大，不過就浸得非常入味，入口皮香肉嫩，香甜惹味，無與倫比。牛油多士 ($15)：多士烘得未算很香脆，幸好麵包頗厚身，而且牛油塗得夠多也算均勻，味道亦不俗。牛河配有咖啡或奶茶，如果轉凍飲就要加 $3。我哋點咗凍奶茶 (+$3)，另外加咗杯紅豆冰 ($28)，奶

之前係網上見到中環茶記嘅宣傳, 就一直好想去朝聖今日趁住weekend放假同朋友仔過去食個lunch<雞扒歐陸全日早餐>朋友仔係嗰啲一覺瞓到晏晝嘅人, 所以揀咗份雞扒歐陸全日早餐作為佢今日嘅第一餐全日早餐相當豐盛, 有雞扒、雞蛋、 煙肉、腸仔、薯餅、多士同茄汁豆朋友仔盛讚佢個雞扒, 煎到雞皮脆卜卜, 好正<熱咖啡>熱咖啡就普普通通, 比較standard<皇牌焗豬扒飯>大食妹就嗌咗個經典嘅番茄焗豬扒飯佢嘅醬汁係偏酸嘅鮮茄醬, 係大食妹鍾意嘅味道上高灑上芝士同迷迭香, 賣相唔錯豬扒啖啖肉, 仲有牽絲芝士炒飯底好乾爽, 唔油膩之餘, 米飯又粒粒分明餐廳裝修係行復古風, 坐位舒服之餘又別具特色最重要嘅係佢雖然位於中環, 但價錢相當親民

自從疫症發生後 都未去過港島區行下 今日終於去下中環行下街 行下街打算搵一間咖啡店休息chill下 但被一間冰室門店外表吸引住😍 於是就入去試下上網得知中環茶記既奶茶原來是大埔街市好出名文興茶水檔😍 好多人都話要專誠入去大埔飲 而且經常排隊 結果試過後奶茶真係好香滑同濃郁奶茶☕奶茶一啲都唔甜 過黎中環一定要試下🥰西多士 $24西多士炸得好香脆 而且一啲都唔油膩👍🏻 加上牛油和糖漿實在是無敵 不過預左食西多士一定係肥 如果多士中間加花生醬 口感會更好蕃茄芝士焗豬扒飯 $55賣相好靚😍 而且飯粒粒分明 豬扒又夠林 讚👍🏻叉燒滑蛋飯 $50友人話滑蛋好滑 好好味 叉燒不過不失 一般般係中環地區有間咁好水準而價錢一啲都唔貴既冰室 分分鐘仲比平時市區既茶餐廳價錢仲要平 下次過黎中環一定再幫襯🤗

今日嚟到呢間中環茶記見到個門面裝修幾特別，所以就諗住入去食個下午茶，入面裝修充滿香港味道，但原來星期日係冇下午茶，但其他食物嘅價錢都相當平民，喺中環區來講真係一啲都唔貴，一個正價餐都係大概50 左右，仲要包嘢飲因為今日未食嘢所以好肚餓，叫咗個滑蛋叉燒飯，另外再叫多個西多士西多士一上枱熱辣辣，炸到金黃色，即刻聞到嗰種麵包嘅香味，用叉掂下個麵包皮都發現佢脆卜卜，但係中間冇花生醬要扣少少分，雖然好似健康啲，但係食得西多士就唔怕肥啦滑蛋叉燒飯個滑蛋煮得啱啱好，半生熟有啲蛋漿，叉燒一般但係個豉油汁非常唔錯杯奶茶真係要讚下，奶滑茶香，甜到啱啱好，一定要試吓

小編有個朋友成日同我講，話中環有間茶記又好食又親民。今日小編一於黎到呢間中環茶記食個tea，睇下佢有幾正。。西多士外表金黃色，見到就已經好吸引。揸埋牛油同淋上蜜糖，又邪惡又好食。。炸雞中翼拼薯條雞翼幾入味，而且炸得好酥脆，肉汁飽滿，外脆內軟。薯條就正常，不過不失。。特色豬扒包豬扒好嫩好Juicy，炸得岩岩好，完全冇overcook，配上菜同蕃茄仲有沙律醬，成個感覺好fresh。。沙嗲牛肉包沙嗲味重，牛肉都好嫩。同豬扒包比各有特色，味道比較濃。

📍 中環茶記對茶記一向情有獨鐘，喜歡走入中西區尋找港式懷舊風味。今日黎到威靈頓街呢間重新開張既中環茶記歎返杯絲襪奶茶先。-常餐B叫左個常餐B，沙嗲牛肉公仔麵，仲可以免費轉成通粉添。沙嗲味濃郁惹味。全自家調製，牛肉嫩滑好入味。沙嗲緊係要撈通粉先好食！-常餐D五香肉丁公仔麵，配埋火腿炒蛋同多士。火腿煎到金香，炒蛋好嫩滑，好香奶味，食唔停口，五香肉丁麵辣辣地，好惹味。-凍奶茶有大埔街市文興奶茶師傅坐鎮，唔試下點得呢！奶茶好順滑，茶味好濃郁，唔會好澀，啱曬leighleigh呢個唔吃得苦嘅人飲-郊野油茶 $28叫左通菜同腐乳醬，諗住健康啲。通菜好新鮮，撈埋腐乳醬好好味-好抵食，性價比好高。值得再去！-地址： 

平日下午茶時間，限聚令下只可招呼一半客人，餐廳好守規矩，封咗一半枱，一丶二樓已坐滿客，我哋被安排到三樓，連條樓梯都好有懷舊feel，沿邊鋪咗紙皮石。經過2樓，怖滿可口可樂嘅裝飾；呢2部dumb waiter真經典，用嚟運送食物，提高送餐效率，已經好少會見到估唔到身在中環，價錢算親民，下午茶餐只係$32-38，幾抵食！廚師推介系列，蟹籽海皇燴炒飯 $60 蝦粒丶仿蟹柳粒丶蟹籽炒飯加芡汁，口感似福建炒飯，夠哂飽肚下午茶餐系列，瑞士汁乾炒牛河 $38牛肉丶蔥丶牙菜丶河粉炒成，再加上蛋絲及芝麻，味均勻，夠鑊氣，炒得夠乾身，唔會食到成咀油法蘭西多士 $32飯後食返件甜嘢，先算完美，所以叫多份西多，炸到金黃香脆，加上牛油及糖漿，食咗先講！凍檸賓，有成半個檸檬，出面好少有，好正！特別要試返杯由大埔文興茶水檔梁師傅炮製傳統嘅港式奶茶，真係好滑，茶味夠，要趁熱飲～ Cheers

 週末瞓到自然醒，食下茶記，簡簡單單又一天。餐廳係中環地段嚟講，非常優惠，而且樓高三層，座位極多。我哋就坐喺三樓嘅梳化卡位，非常舒適。🍚鹹蛋肉片飯$50餐廳每天一款蒸飯，此為週六的選擇。囡囡鍾意食鹹蛋，所以是她自己選擇。🍚滑蛋叉燒飯$50成座山咁大碟，金黃色滑嫩嘅炒蛋好吸引，叉燒嘅份量都唔少，最鍾意香蔥增添香味。加咗個腐乳通菜，營養更加均衡。另外女女點咗凍朱古力，我就點咗檸檬菜蜜，夠曬滋潤。店員招呼都幾有禮，可以再來。

中環茶記中環嘅茶餐廳好多，小編其實好鍾意食茶記，以前成日都會去中上環搵好食老字號既茶記，今日為大家介紹既係一間新派嘅茶記。。Menu入邊選擇眾多，由於我哋係下午茶時間，我哋叫咗西多士，炸到金黃香脆，熱辣辣上枱，再配上邪惡嘅牛油同埋蜜糖😍，到底係邊個發明啲咁好食嘅嘢食㗎😋。然後我哋叫咗餐廳招牌嘅蔥花滑蛋叉燒飯😋，叉燒肥瘦適中，啲蛋炒得好滑，加上蔥花好香口呀。瑞士汁雞翼，鹹甜適中，好入味啊。太耐冇食差啲遺忘左係咩味😍另外炸雞翼亦都炸得好香脆，好好食好想encore🤨。我哋仲叫咗個豬扒包，入面分別有菜蕃茄沙律醬同埋豬扒，為豬扒好Juicy，口感好彈牙，非常之好食😋嘢飲方面，我哋叫咗杯龍鳳檸樂，好好飲啊，入面有檸檬陪鹹柑桔🥰

今日同朋友黎左中環茶記食午餐.位於蘭桂芳附近.有3層.好有香港特色.而且價錢不算好貴.無論係外國人,中國人,本地香港人都會好鍾意黎.環境闊大舒服超型仔接待連樓梯都好有特色,7~80年代feel我地食左兩個餐常餐~沙嗲牛肉公仔麵配火腿炒蛋多士(45),加左個龍鳳檸七(另加8蚊).爽呀全日餐有煙肉,茄汁豆,炒蛋,多士,雞扒,薯餅(55蚊),再加杯凍檸七(另加6蚊).好飽好抵食PS:唔好以為係中環就一定貴,其實都唔算離地...加上咁有特色,真係好值得黎

個friend係中環返工佢話間唔中都會下午茶時間 出嚟蛇吓充吓電。 今日出去中環終於見識到這座樓高三層嘅茶餐廳～ 裝修很有懷舊香港feel ， 地磚, 牆壁， 卡位仲可以望街景！ 真正有view 有feel茶記。五香肉丁午餐肉炒飯套餐$38 本想吃瑞士汁牛肉炒河，但是日河粉沽清。炒飯好乾身，唔油膩， 有微微五香肉丁罐頭嗰種辣不過唔鹹， 切粒午餐肉也煎過， 材料豐富， 整體美味！《雜果賓治》跟餐加$8好傳統嘅茶餐廳飲品，好多雜果， 顏色又好靚～😋👍《椰汁紅豆冰》$28反而椰汁比例唔多， 紅豆蓉也偏少。《 瑞士雞中翼》瑞士汁香濃惹味又唔會過甜， 雞中翼唔會煮得過腍👍😋《香煎豬扒公仔麵》豬扒和麵係分開上， 麵嘅湯唔會沾滿油，仲有椰菜，紅蘿蔔，西蘭花，睇落幾健康！👍豬扒醃得好入味， 肉質唔似有梳打粉醃過，香煎過更惹味。

以前的來佬餐館關門大吉 取而代之的係樓高三層的懷舊茶記——中環茶記餐廳內裝潢精緻有格調 好有五六十年代的感覺二樓牆身仲擺滿我最中意的可口可樂！Menu選擇真係好多 可謂花多眼亂黎到食lunch 叫左好耐無食的葱花滑蛋叉燒飯配秘制醬油簡直無得頂 由於太肚餓的緣故 KO左個飯之後再叫多個招牌瑞士汁雞翼一客三隻 濃郁帶甜的瑞士汁就係童年的味道另外跟餐的檸檬柚子蜜好潤喉暖胃 好足料 唔會好似有啲餐廳咁淡而無味整體來講裝修有feel 地方大夠闊落 服務態度十分好 會再訪

星期日嘅下晝去到呢間中環嘅茶記佢真係叫中環茶記😂😂知道佢重新開業就就決定帶屋企人嚟試下屋企人叫咗瑞士汁乾炒牛河同傳統嘅乾炒牛河有啲唔同雖然表面睇落一樣但食落就甜甜地好有特色炒牛河嘅牛肉好淋而且好入味不得不讚我就叫左豬扒炒公仔麵豬扒份量多超級厚又夠曬大件好有口感啱曬我呢個食肉獸公仔麵都住得啱啱好唔會太淋同太硬驚喜嘅係香煎雞扒個皮勁脆雞扒大嚿多肉汁完全唔會有雪味強烈推薦整體而言呢間價錢親民中環嚟講算好抵食服務態度好

去到中環見到翠華餐廳結業，個心都有啲唔係太開心，行吓行吓原來呢度都有唔少嘅餐廳，不過由於對茶記情有獨鍾，所以決定去中環茶記食下。啱啱正好係下午茶時間，就入去試吓佢個茶餐，以中環來講呢個價格真係非常便宜，$30都唔使就有西多士跟嘢飲或者佢呢度嘅特色豬扒包，經過嘅店員都同我哋講今日嘅豬扒包好得，所以我決定叫一份黎試。不過係食豬扒包之前，好想醫飽個肚！見到原來佢哋嘅蔥花叉燒炒蛋飯都係值得推介，所以又嗌左一份。冇幾耐個飯就送到，叉燒做得非常好，食完有銷魂嘅感覺。滑蛋亦都好滑嫩，煮得好有技巧，但係美中不足嘅係碗裏面嘅飯好像冇經過特別嘅處理，熱度爭咁少少，損失左一啲啲分數。另外廈門炒米粉好足料，裏面有叉燒絲、火腿絲同炒蛋，仲有番茄酸酸地嘅味道，師傅話係即叫即炒，所以都好熱辣辣夠新鮮。跟餐餸杯嘢飲，點紅豆冰屬於特飲，就要另外加$8，我覺得加$8好抵啊，因為呢度嘅紅豆冰真係有好多紅豆，冰只係佔一個杯少少空間。西多士又係大大件，加埋獨立包裝嘅牛油同埋糖漿，特別邪惡，令人垂涎欲滴！另外的豬扒包好大份，包硬身少少，豬扒煎得幾靚仔，裏面仲夾雜生菜同埋蕃茄，是下午茶必選推介。