中華滙館 (已結業)

中菜館裝潢簡約別緻，具時尚感，亦不失華麗餐廳主打粵菜，選料矜貴，配搭創新午市時段提供各式點心，賣相精緻，如黑魚子鮑魚芋盒、松露鮮菌冬菇包今日過左食午餐 味道真係好出色 即刻介紹!前菜係酥炸鮑魚 鮮味既鮑魚 用慢煮方法浸煮,上菜前再炸香 外層脆口,咬開鮑魚肉鮮甜彈牙西班牙豚肉叉燒 選用最靚既西班牙豚肉位 厚切上碟烤得微焦 每一件都相同厚度 淡淡既本地蜜糖自然甜香 肉質鬆化軟淋 可稱為香港5大叉燒皇加蔬菜汁做成既粉紅色餃子皮包住鮮蝦肉 餃皮有淡淡蔬菜香氣口感煙韌 蝦肉爽口又甜鮑魚一口酥 上面放了魚子底層係芋盒 彈牙鮮味配以脆酥芋蓉,口感豐富味道獨特好滋味最後係芝麻卷甜品 濃香既黑芝麻香氣 入口煙韌有彈性~平均消費$400中華滙館 中環士丹利街13號地舖

昨午到訪，訂了1:45，早了15分鐘到，也立即安排座位。進入用餐間，環境舒適，播放懷舊歌曲與室內陳設也配合。先點選數款點心，侍應提㸃，部分是一籠3件，有些是4件，而我是2⃣️人入座，可把㸃心根據人數上，這是否貼心服務，因人而異啦！黑魚子鮑魚芋盒，每件計，鮑魚算淋，有咬口小籠包，皮簿，算是城中最薄的一間，平時頂部的摺疊口太厚，都是咬出放碟邊的，但這間是可以一起品嘗的。值得一讚！惜中間食材，肉偏瘦，嚡口，如➕少少肥肉，應更好。蘋果义燒酥，皮酥鬆化，甜度適中黑松露雜菌包，欠松露味，有少少驚喜是，煮法用生煎包，底部有少少脆口，可接受。主食是鮑魚鴛鴦米泡飯，湯底用南瓜海鮮湯，不過不失。午膳已提供75折優惠。期間發生小插曲，樓面與廚房發生問題，嘈交聲傳到用餐間，一定影響食客對食府的觀感。

見到很多好評的這間餐廳，慕名嚟幫襯，上網即訂到檯，還以為咁好彩？點知，一入去坐低即覺室內環境悶熱，附近冷氣壞咗，比坐大排檔更熱，食物尚可，但價錢則不菲，一邊食一邊標汗，問取一杯冰過嚟都冇，叫侍應請她的經理過嚟反映一下，又久久唔見人，咁唯有草草埋單走人，走嘅時候見個經理在門口竟然係度玩手機，問佢知唔知我哋等緊佢，他竟望都唔望我哋，追問佢他才不屑地回答話要忙完手頭上工作再過嚟，陳經理：莫非你唔志在我哋呢啲過門嘅生客？

慕名而去中華滙館，去到坐低叫嘢食，開始發覺間餐廳唔夠冷氣，越食越熱，叫侍應開大啲個冷氣，原來在我哋身邊其中1架冷氣壞咗，其他已經開到16度，跟住最開頭我同侍應講想要杯冰，跟住侍應同我講唔好意思如果要冰係需要錢嘅，咁我就同佢講你叫經理過嚟我同佢講，佢真係幫手去叫經理，但係等咗10分鐘都未見人，我忍唔住出去直接搵佢，我見佢喺度撳電話，跟住我問佢你知唔知我就投訴喺度等緊你，佢同我講佢做緊嘢做完嘢就會過嚟我張枱。在我立場如果佢講緊電話客人訂枱，無辦法，但係如果係撳電話的話，係唔係應該顧及在場客人嘅投訴為先。佢嘅態度從來都冇覺得佢有問題，跟住我同佢講完個投訴之後，佢只係問我需唔需要比兩杯冰水我，我同佢講現在唔需要啦因為我已經埋單走啦。在臨走出門口，我同佢講我從未試過去一間高級餐廳，有咁劣質嘅服務，當我同佢講嘅時候佢都唔望住我，完全冇禮貌，目中無人，跟住佢嘅解釋係因為佢又做緊嘢喎，可能呢位陳經理只係招呼熟客，我哋啲散客就唔需要招呼，我奉勸這間高級餐廳嘅老闆，如果想生意好唔該換左呢個陳經理，除非佢係股東，如果佢真係股東都叫佢唔好出鋪面啦，完全係趕客，順帶一提佢而家做緊七五折，有咩用，唔使錢都唔會再嚟

計劃星期日行山後找個舒適啲地方午飯，由接待開始已經强差人意，另外菜譜內沒有供應的款式不作標誌，令客人感覺想吃咩冇咩很失望，最後柯打咗二點心，三餸菜，衹有其中的醉鴿係可以，最後埋單也是三摧四請沒有順完成……期望改變。(有時輕鬆訂到位，未必係好事)

I like coming here for the sea cucumber and desserts.Sea cucumber with the crispy skin is done exactly the same as Howard’s Gourmet, and my friend said the chef used to work there. It was piping hot, soaking in chicken broth. This time the skin was a bit burnt, but still yummy.Another must-try dish was the話梅豬手: sweet and sour balance was just perfect. Everybody loved the spicy and sour soup with noodles. Since I don’t take spicy, I can’t say how good it is.For carbs, I ordered some mushroom buns

因為媽咪話想去坐中環摩天輪嚟咗依間餐廳食。叫咗個母親節餐廢事諗。黑魚子流心蛋。蛋有種好rich嘅感覺。流心嘅。魚子好似無乜味。花雕乳鴿。花雕味啱啱好。唔會聞有味食落無味。又唔會好重酒味。乳鴿肉嫩。就算胸肉都好滑。吸晒啲花雕蟹肉燕窩羮。都足料。味道濃但又唔會好咸。不錯。喜知次。聽聞係日本貴魚。完全無腥味。皮都煎封到香脆。不過個魚湯略咸。蘿蔔好重胡椒味。好焾。鵝掌花膠扒。花膠一切就開。焾到頂點。完全唔腥。鵝掌都勁焾。好入味松露脆皮雞。松露勁重手。味勁香。仲有啲牛油味。好夾。肉滑皮好脆。雞胸都唔鞋呀。又唔會覺得好咸。杞子菜苗。菜咁。荷葉鮑魚飯。飯一粒粒好乾身。有7/8隻小鮑鮑。淡淡荷葉味。不錯不錯。蛋白杏仁茶。有杏仁味。食落又唔會好濃。麻麻哋杏仁都啱食。唔甜。另外散叫咗椒鹽豆腐。腐竹卷。豆腐皮香脆。豆腐滑。味道啱啱好。唔會好咸。腐竹少少靭。餡係菇。不錯。粉絲蝦窩。蝦爽口。似新鮮。粉絲比較油可能驚痴底。香口嘅。仲有粉絲焦。可以。總結係服務很好。分兩枱。四人餐都幫我哋分一半上。環境都不錯。因為坐最入。食物質素都不錯。食材都中上。不過價錢就究極貴。慶祝節日食吓就ok

5月1日放假，阿爸一早就講定去飲茶。朝早起身，search下有咩好地方去。唔想去咁多人嘅地方，最後揀咗中華匯館試吓。早幾年已經聽過，响陸羽對面，門面唔多起眼。book咗位，入到去就即刻安排坐位。差不多一點，眼見我哋係第三枱。不過散坐地方唔大，約只有10張枱。侍應服務好好，好快招呼我哋，好細心，主動攞咗個cushion比爸爸挨住坐，又不停幫我哋斟茶。食物方面，點心選擇少，我哋叫了大路嘅蝦餃、燒賣和叉燒包。點心可以跟人數調節，好！不過點心略為細粒，一啖食晒🤣 黑魚子鮑魚芋盒，叫每人1件試吓！細細件，芋蓉香，不過試過就算，下次留番Quota 食其他🤣除咗點心，叫咗兩個小菜試吓。菠蘿咕嚕肉唔錯，而炸子雞就非常好味！食完成餐都好滿意！當然，食物好、環境好和服務好，價錢就自然會貴！🤣間中一次開心吓無妨！不過，原來5月逢星期六做緊優惠，有75折！咁就更加開心！😄

食物, 擺設, 招呼, 衛生, 各方面都好過對面間羽毛多多聲。叉燒肥肉較小但非常香口，有密汁味。九肚魚唔會炸得太油，松茸湯係咁多酒樓來講數一數二咁有鮮味,味度直逼魚翅。重有八寶鴨係好食到唔識點描述, 用佢啲汁餸飯亦都一流。甜品那個南瓜榚清香不油膩兼有淡淡椰香，質地軟硬適中。而且佢地啲茶餘有特色，上面寫字唔驚搞錯。勤換碟加水不在下話，招呼又唔失禮，而價錢係平過對面， 咁有乜理田要去間又唔起眼招呼異常差劣的羽毛？

咁啱經過中環呢一間中菜館，就入去試吓佢啲點心。點知一入門口已經好大陣煙味。枱與枱之間嘅距離都好窄，唔符合政府規定嘅1.5米。嗌左幾個點心，全部都勁細份。最誇張係個蘋果叉燒酥，個碟本身都唔大㗎喇，嗰三粒蘋果叉燒酥細得可憐，仲短過我隻食指。分量咁少梗係唔夠飽啦，所以嗌咗個咕嚕肉。個咕嚕肉簡直係世界級，好耐冇喺香港食過咁冇水準嘅咕嚕肉。炸粉勁厚，肉質太硬，啲汁太黏，黐度成排牙都係。另一個重點係貴，兩個人食，都成六百幾。唔會再食。

叉燒真係好好食, 比起坊間黯然銷魂等等好得多，當然價錢反映一切；羊肚菌腐皮卷就很普通，同樣價錢寧願食兩隻凍鮑魚；炸雞就唔得，咸到不得了；白肺湯就中規中矩啦；水煮星斑球味道都唔錯；炸田雞腿冇乜鮮味；上湯豆苗還可以；蛋白杏仁茶有當年桃花源七八成！

咁辛苦四人一枱食午餐，滿懷希望去試下。但有啲失望。有好食嘅菜式，但枱幾密，樓底低有啲嘈，上菜超慢，令我食唔到甜品。可能因為我哋無食午市行政套餐。服務好，但我覺得唔值咁嘅價。唔會再去 😅

位於中環既中華匯館，出名係名人飯堂！今日終於有機會試一試💕 .📌脆炸九肚魚 $90用高温熱油快速將魚肉炸熟，炸粉好薄，仲落左大量炸蒜同炸辣椒粒，食落先係酥香，之後就食到魚肉嫩滑到好似豆腐咁，食起上嚟唔油膩👍🏾.📌羊腩煲 $580最近天氣涼了🌬甘多，當然要食枝竹羊腩煲暖一暖胃。羊腩煲湯汁濃郁，濃稠度適中！羊肉🐐份量多，羶味唔重，羊肉吸收左湯底既精華，非常入味👍🏾 雖然肉質唔算好軟腍，但肥瘦分明！配料有吸湯既炸支竹、清熱既馬蹄、冬菇、冬筍、蔥段、薑片同生菜🥬，所有配料都煮到好入味，配埋個腐乳醬🤤😍👍🏾 整體嚟講偏濃味！唯一缺點係無個爐滾住，會食食下唔太夠熱！.📌上湯豆胚 $2xx #Yob長知識系列: 豆胚姐係豌豆種出嚟既嫩芽，豌豆生長後會先變成豆胚，唔摘就繼續長成豆苗，到最後仲會種出荷蘭豆。而豆胚係最幼嫩既胚芽部分，所以當然物以罕為貴啦。.今日我地叫左個上湯豆胚，菜葉輕軟，咀嚼時一啲菜渣都無，仲配上金華火腿絲🤤 貴係真係貴得有道理！個人覺得上湯豆胚比羊腩煲仲更加出色👍🏾.📌雪山棗薑茶湯丸 $48薑湯同湯丸真係Perfect Match，薑味夠辣勁濃，湯丸夠圓夠大粒，軟滑煙韌，湯丸皮厚度恰

家母生日，一家人去中環享受高級中菜午餐小食：每檯都有的雲耳，平日飲茶我對放檯的小食不會有興趣，但這雲耳小食好好味，爽甜酸混合的味道，好特別！燒賣：看似平凡，但新鮮材料已是平凡中的不平凡。鮑魚湯飯：超級美味，面頭有脆脆米，大大隻鮑魚，湯飯入味，湯底亦一流，全部清到落碗底海鮮脆卷:新鮮，脆，好味石榴餃:真名靚好多，粉紅色番石榴汁製的皮，又香又甜，內裡有蝦肉蟹肉，鮮味出哂嚟半隻松露脆皮雞:松露香到不得了，皮脆肉滑，大快朵頤牛肉腸粉:滑，美味。總結：環境雅緻，食物一流。既可打卡又可享受美食

第一次寫食評決定獻比中華匯館尋晚食爸爸媽媽既60大壽晚餐，一世人得一次，因為限聚唔可以多幾圍，就一家4人食餐好就算，最終決定去試我期待已久既中華匯館，果然冇揀錯首先招待好好，整晚好殷勤亦好招呼周到醉乳鴿龍蝦燴牛尾凍鮑魚杏汁豬肺湯蟲草豬展湯黑松露脆皮雞濃湯腐竹娃娃菜柚皮花膠扒中華匯飯芝麻卷蛋白杏仁茶其實每個菜式都真係幾好食，特別係醉乳鴿同凍鮑魚一家人食到好飽值得一提係小食炸腰果，非常好食最後餐廳好有心，驚喜送上壽包而且仲送左兩款中式甜點比我地帶走好感謝尋晚餐廳噤好既服務以後一定會再去