中華滙館 (已結業)

中菜一直係我至愛。星期日十一點起身要出中環 當然食個brunch 先，但今次同老媽子當然係去中餐館。朋友一直話中華匯館好高質，今日終於可以一試。果然冇失望！一坐低，已經覺得啲餐具好精緻，好靚。我地叫左個拼盤有涼伴海蔘，麻辣味同海蔘出奇地配合，十分美味！另外仲有凍鮑魚，雖然係凍，但一啲雪味都冇，仲好有鮮味添！拼盤最後一樣就係中華匯館嘅招牌菜-鹿兒島茶美豚叉燒係用左黑毛豬架！完全冇諗過叉燒可以燒得咁林，同時亦保持了肉汁，一試難忘！包類我地就叫左叉燒焗餐包，松露鮮菌冬菇包，同小籠包。叉燒餐包看似平平無奇，但熱辣辣嘅餐包，除左平十分鬆軟外，味道甜咸適中，很好食！松露包都很好食，松露味濃郁！小籠包，當然唔洗講啦 - 皮薄餡靚又多汁！炸類點心方面，就有薑葱牛肉角同香草鵝肝脆雲吞。兩樣都炸得好香口，一啲都唔油膩！最後就有牛肉蒸腸粉同沙嗲牛肉炒腸粉。兩款腸粉都很滑，後者更加係創意之作！冇諗過沙嗲牛肉可以配腸粉，原來非常惹味！叫左唔少餸 真係食到好飽！但每樣都好好味，冇失望啊！一定會再嚟！

朋友剛從加拿大會來，一直都想試試有質素的中華料理，在朋友的推薦便選擇了中華會館頭盤先來一碟鹿兒島茶美豚叉燒，叉燒厚度適中，肥肉與瘦肉連環相叩，比例恰到好處，入口感覺鮮嫩細腻，略帶微溫，义燒瞬間溶化，滿口肉汁更是齒頰留香，是滙館必然首選。接著是一碟清新可喜的炒桂花翅，一絲絲的金華火腿鋪在魚翅及蛋𢇁上親切的服務員講解是須要把火腿、魚翅、蛋絲撈在一起，便可把金華火腿的鹹香帶出整碟菜的鮮味，入口後真覺如似，如在過年時亦有撈起的意頭。脆皮雞不愧是滙館的招牌菜式，本人是少吃雞皮，不過看到那薄簿的雞皮晶瑩剔透，亦忍不住連雞肉咬了一口，那外脆內軟的口感，使我不得不每件雞肉都帶皮全吃。醬燒素茄子甜甜酸酸的，其中更帶有少許辣味，令味雷為之一振。最後是一碟欖菜肉碎炒飯，其中欖菜和粟米在炒飯中做成黑黃的對比顏色，令賣相更加吸引，入口後，欖菜的味道帶出了整碟飯的香味，真是神來之筆，如果不是上等的欖菜是不能達到此效果。值得一提的是開胃小菜，帶著蒜香和陳醋香味的白本耳，非常可口。甜品是芝麻卷，炭灰色的一小卷看似毫不起眼，入口後那濃濃的芝麻味令我真想再來一碟。

常聞說中環有間┌中華滙館┐，是中環人宴客的好地方，一直都想去尋芳探究，適逢今次有朋友由外國回來，HOMESICK 想吃中菜，就帶佢來┌中華滙館┐，可一次過吃到中華各地的佳餚。店內裝修骨子雅致，環境優雅。糖醋白木耳, 酥炸魷魚鬚一般見到的是黑木耳，白木耳我真是第一次吃到，朋友在外地更加聽也未聽過，當然有被驚豔到。小小的酸小小的甜作為開胃菜是最好不過的選擇。白木耳此黑木耳更柔軟，亦更薄，如果黑木耳是男生，白木耳一定會是女生。第一道菜是酥脆魷魚鬚，不用點任何醤油也十分更味，我更欣賞它外脆而鬆軟，不會有厚重的口感。最驚喜是魷魚的肉也是新鮮的，所以整體十分香口。騰椒豬手喜歡四州菜的朋友是必定要點的，豬手是被切成薄薄一片片的，吃起來非常方便，格外乾淨俐落。朋友最喜歡就是它的胡椒子口味，完全把豬手的肉香味提昇。豬手是冷盤，保存了豬皮上厚厚的膠原蛋白，正。香檳石榴稞(蟹肉)名字是浪漫的香檳，可能是因為香檳色吧，其實是新鮮的蟹肉 stuffing, 我特意拍了蟹肉的真身，看到嗎，雖然一籠只有一隻，不過吃下去是啖啖肉，也算是一啖一享受。黑魚子鮑魚芋盒常說不是大隻便有鮑魚味，這隻鮑魚仔就正是這樣。很有鮑魚肉

同屋企人聚餐，一家大細最啱就係食中菜啦，上網搵咗好耐，終於搵到呢一間有好多名人都介紹嘅中菜廳，就即刻打咗去book位！呢個位於中環嘅中菜廳地理位置有少少偏，可能會有啲難搵，但係真係值得大家一試！我哋一入到去發覺有好多外國人都喺度試呢間有名嘅中菜，我哋要左幾個餸，包括日本鹿兒島直送黑毛豬叉燒、椒鹽九肚魚、同埋八寶鴨等等！個叉燒真係又淋又多汁，一咬入去就好juicy!同平時喺餐廳食嗰啲好唔同！椒鹽九肚魚亦都揸得十分之鬆脆做到外脆內院嘅感覺，鬆脆嘅外皮之下魚肉仲好嫩滑！有少少可惜嘅係八寶鴨個味道太淡，有啲唔係好啱我哋嘅口味！

今日同屋企人去左中華匯館食飯 佢嗰度啲裝修好有中國風 而且服務員都好細心 會不斷同我哋斟水同介紹菜式 佢嘅前菜係涼拌白木耳 我好欣賞佢個白木耳 因為用醋浸過 所以味道好清新 用嚟做前菜係一流 跟住我哋叫咗個糖心蛋同鮑魚 糖心蛋好甜 上面有好多魚籽醬點綴 食落去入口即溶 鮑魚就好鮮 完全冇腥味跟住我哋叫左玻璃蝦球 蝦好彈牙 好新鮮 點埋蠔油嘅話可以帶出蝦嘅鮮味然後我哋叫咗傳統八寶鴨 入邊有薏米蓮子 紅棗蛋黃 等等八種食材 服務員好細心咁幫我哋將隻鴨 分做四等份 然後幫我哋返埋頭同翼 食落去佢個鴨完全冇油 而且唔膩 加埋佢個醬汁食 有少少似包粽入面嘅餡料 所以食一份就已經好飽因為怕八寶鴨好膩 所以我哋叫咗壺普洱茶 飲落去有少少苦澀味 但係好順口同好滑口 喺食八寶鴨嘅期間 完全可以解膩 而且職員亦會不斷幫我哋斟茶 服務態度好好然後 我哋叫咗油雞縱菌炒法邊豆 呢個係我最欣賞嘅菜 因為佢啲法邊豆食落去好爽甜 再加埋雞油縱菌少少辣辣地 啱曬啲唔係好食肉既朋友仔不得不介紹佢嘅中式甜品 我哋叫咗芝麻卷同杏仁酥 佢呢度嘅甜品全部都係有師傅人手製 睇得出佢啲甜品好畀心機整 我最欣賞嘅係佢嘅芝麻卷 聞落去有

就嚟到父親節啦 所以就決定早啲去book間好啲嘅餐廳，同爸爸去食餐好嘅，費事正日嘅時候，又多人逼又貴啦。見到中環有呢一間高級中菜，啱晒一家大細食，就黎試下。首先要讚下佢呢度啲茶。茶葉十分之高質，我哋嗌左一壺普洱，茶夠香，入口唔會苦澀，個茶壺仲好靚好有特色😍😍食主菜之前梗係要食下啲小食開下胃先啦。我哋叫咗一個涼拌白木耳，酸酸地，食落口又煙又韌，夠晒開胃呀，個個都爭住食。🥰覺得唔夠，本來想叫多啲嘅，不過都係覺得留肚食正餐好啲💩我哋仲叫咗其他前菜，包括冰鎮鮑魚同埋玻璃蝦球。我哋仲叫咗潮式湯煮東星斑，啲魚肉好幼嫩，又夠晒滑，加上條魚浸左係啲湯度，條魚好入味啊。個湯有好香嘅胡椒味，夠晒味道！終於到個重頭戲，懷舊八寶鴨。所謂嘅八寶鴨其實係先將隻鴨燒左，留番啲肉同埋層皮，將入邊啲骨全部起哂，放入八種唔同嘅材料，就好似食糭咁，好特別啊！☺️材料都好多樣化，包括有薏米，蓮子，栗子，而且啲材料同埋啲鴨肉嘅味夠晒夾㗎😋當然唔少得要食下蔬菜啦。呢一個油雞縱法邊豆夠晒爽口，食落去感覺就好似蘆筍咁，有驚喜😀特別要講下佢呢度嘅甜品有好傳統嘅芝麻卷。其實我都未食過，但係聽爸爸媽媽講，係舊式嘅小食，我哋就可以趁呢個機會食

A party of 4 having Happy Friday dinner there, it ended up ‘very surprise’ re: the 4 dishes we ordered with leftover.1. BBQ pork: the only dish was above average. Tender, juicy and stay warm BBQ pork - one of the signature dishes.2. Abalone and chicken ‘stone’ port: the ingredients are not fresh. Abalone is fishy. Chicken is not rough and chewy. The picture is our leftover. The worst abalone I’d by far.3. Standard size roasted goose: again, to our surprise, salty and not appealing. No one i

哥哥的一句承諾「有機會就帶你食好野」, 昨午致電給我晚上帶我去食好野, 於是放工就去了中環一轉, 望著招牌寫住《中華滙館》, 對著哥哥說一句「真是這裡」！先來第一樣頭盤燕窩釀鴿腿將貴價的燕窩釀落這麼小的鴿腿上, 真是手工菜, 表面紅燒鴿腿的脆皮, 脆而不覺乾, 內裡肉質細嫩且有啖啖燕窩襯托, 將一款平平無奇的頭盤已有這麼特色, 期待之後的菜式再來第二個頭盤椒鹽田雞腿表面炸粉炸得非常非常之咁鬆化, 田雞腿肉質彈牙嫩滑, 沒有一點油膩感覺, 建議小朋友可試這個, 香口得來唔太熱氣金湯小米北海道遼參口感軟滑, 味道清香, 配搭簡單且健康的小米清湯, 將其營養價值提升不少‧主菜是我喜歡的麻辣水煮星斑球配多種香料香味, 濃厚香醇的湯汁完全融合在結實細膩滑嫩的魚肉中, 食到一啖又一啖的麻辣味, 越食越好味, 芽菜在魚肉底, 完全吸收哂香醇的湯汁, 簡直是完美配搭宮廷貴妃雞鮮嫩的雞肉, 皮薄脂肪極少, 口感特別好‧鹹酸菜和牛湯米粉一陣陣胡椒味湯底十分濃郁, 每一口米粉都充滿胡椒味, 非常可口最後甜品芝麻卷和蛋散 芝麻卷由薄薄的內皮捲成菲林筒形狀, 入口彈牙煙韌, 懷舊感覺工夫多, 已沒有這麼多餐廳可

高級中菜館，如果唔係掹老闆車邊都唔洗旨意食到，富豪飯堂就仲未去到住，但呢間中菜館都唔遜色，有幸食到真係要多謝老闆嘅厚愛雖然頭兩款菜可以叫左前菜，但一d都唔普通，燕窩釀鴿腿，小小嘅鴿腿釀滿燕窩再炸，外皮夠脆，啖啖燕窩肉夠晒矜貴。椒鹽田雞腿以為係普通菜式，點知非也，田雞腿炸得好鬆化香口，再加埋炸蒜好惹味，而田雞肉質炸過後保持鮮嫩，火候恰到好處，一d都唔老呢個金湯小米北海道遼參好正，金湯意思係南瓜湯，香濃嘅南瓜湯配有小米同薏米係裡面，非常可口，遼參用多叉切開，食落好爽之餘又滲滿高湯味，我非常喜愛水煮星班球，睇落好似好辣，實質只帶麻辣香味，並無好似川菜咁辣到無晒味覺，少少辣刺激味蕾，而星班球肉質好滑，已起骨，啖啖肉，仲有芽菜，萵筍，上海粉絲做配料，食到個個都停唔到口貴妃雞咪睇佢咁普通，皮同肉都有濃濃高湯味，而且皮滑肉嫩，一d都唔鞋，略嫌某d部位雞毛比較多，我驚驚🙈湯面我地二揀一，我就揀左鹹酸菜和牛湯米粉，和牛就固然好食，最欣賞係鹹酸菜做湯底煮嘅米粉好好味，每一啖都好開胃唔油膩。另外一款係肉絲酸辣粉，咪以為普通野，d肉絲係廚師自家制，用豬肉打成肉餅再切絲，係功夫之作，我試左少少，質感有d似札肉，

媽媽生日食好d，見呢間都幾多人讚喎，就同媽媽去試下先。門口有d 隱蔽，差d 行過左。不過有d 似會所形式，感覺grand 左😂（門有d 重，拉唔郁🙊）初感地方唔算太大，得10張檯左右，但其實裡面有一邊係間左房。總體環境都幾舒服。先黎一個白木耳小食，很特別，味道都唔錯。再黎一個椒鹽田雞腿，炸漿岩岩好，以為唔太熱，咬第一口先知裡面係燙口架，而且仲好juice 😋😋。再配一個香芋鳳尾蝦，兩款炸物都沒有太膩既感覺。炒龍蝦球🦞，很清爽。豆酥鱈魚，上面係炸蒜蓉。好惹味😋，外脆內軟，咬落仲好juice.主菜仲有懷舊八寶鴨🦆，唔係度度有得食架。裡面超足料，d 肉好林好香。另外仲有話梅豬手。甜品有馬拉糕同芝麻卷，嘩😍😍，係菲林呀！好香濃既芝麻味呀！好想食多客呀。😋😋傳統加少少新野，好有新鮮感。而且餐廳既材料同服務都非常好。

朋友帶我黎呢間餐廳食下啲貴價中菜。一入到門口總係覺得係邊套電影見過，但又忘記左係邊套。真心鐘意呢種裝修風格，藍藍白白既色combine好好睇。餐具都好好睇。職員服務到位，經常換碟添茶。涼拌海蜇頭健康既海蜇頭，麻油味增添香味。滷水鵝掌鵝掌相當入味，滷水味相當濃郁。黃金脆鮮菌其實係咸蛋黃同菌類炒埋一齊。咸蛋黃味好重，以為會好heavy，但係又同口感清淡既菌類好夾，菌類既清淡完全中和番咸蛋黃既重口味。係最最最好食既一味菜。香草鵝肝脆雲吞一拎出黎剛剛炸好，熱辣辣。香檳石榴粿我朋友食左呢個，佢話入面香香又多汁，係第三好食既菜式。松露鮮菌香菇包望落好特別咁，好似個冬菇咁，入面松露味相當重。黑魚子鮑魚芋盒芋頭入面有啲好香既菇類，令原本好單調既芋頭增色不少。叉燒焗餐包西施牛尾係第二好食既菜色。牛尾濃郁之餘，又煮得好軟冧，係相像之上既好食。雞粥雞粥相當鮮甜，雞件也好滑好好味。

呢一間餐廳係喺中環嘅高級粵菜餐廳，聽聞有好多名人都去試，所以我都想試吓感受一下呢個氣氛！我哋一入到去，就發覺有好多外國人都喺度試呢一間中菜！我哋叫咗好多唔同嘅菜式，包括有梅子南瓜，估唔到梅子同南瓜係好夾嘅佢用咗一個冰鎮嘅技巧啲南瓜排到好似一道花咁樣，仲要好好味，酸酸地好開胃呀！我哋又要左一個黑松露野菌炒班球，估唔到可以用黑松露同埋魚作一個配搭都唔錯！跟住仲要做一個傳統嘅中菜八寶鴨，呢度感覺上嘅味精比較少所以口味都比較清淡，所以就食得出食材嘅原先味道，清清地，特別啱老人家食！值得一提嘅係呢度服務態度非常之好，會有人一直幫你換茶！雖然個價錢就偏貴，但係個人認為都好值得一試，除咗家人聚餐之外，同朋友傾生意都可以喺度一直嘆住茶一邊傾生意！

好耐冇同屋企人出街食飯啦，因為我爸爸淨係鍾意食中菜所以想OpenRice搵左好耐終於搵到呢一間係中環嘅比較高質嘅中菜！佢嘅位置比較隱蔽少少我哋都搵咗一陣先可以做到！一去到毛面已經見到佢好靚，入面嘅氣氛亦都十分之好！一入到去發覺有好多外國人喺度試緊呢間中菜，所以喺中環區佢都算幾出名㗎 ！佢嘅價錢就偏貴嘅，見佢嘅叉燒好靚我哋就忍唔住要左一個你試吓，佢嘅黑豚肉叉燒好林好juicy!即使佢價錢偏貴但係都好值得試！跟住要做一個椒鹽九肚魚，揸得非常之鬆脆九肚魚每條細細條完全食唔到有骨，完全可以做到外脆內軟嘅感覺！仲有個脆皮炸子雞，炸子雞味道好好，啲皮炸到卜卜脆，正呀！值得一提嘅係呢度啲茶都好好飲，好香茶味！

約了久未見面朋友聚舊，大家都想找一間可以慢慢坐傾計餐廳，朋友推介這間位於中環的"中華匯館" 飲個靚茶，一於試試！ 中華匯館設計闊落，每張台之間都有充足空間，十分適合朋友相聚 ~~騰椒豬手 ($180)豬手好爽口，食完先會感覺到果陣小辣味，又幾惹味薑蔥牛肉角 ($36)香脆既外皮浸過高湯之後得返個邊係脆脆地，但都好香! 入面係牛肉球既味道，好食!「松露鮮菌冬茹包」，這個包有好多特式點心店也有，不過這𥚃出品確實驚喜，雖然是蒸包但有微脆口感，一咬便知道是蒸後再加封煎過，麵包軟熟，內餡很香松露味！金貝雞米炒粉絲 $180雖然這是看似簡單的一道菜，但平日在街上吃到的炒粉絲，要不油膩膩，要不就黏成一團的，幸好今次這碟算是高水準。一上台時剛剛炒好熱辣辣，相當有鑊氣，配料雖然不多，但粉絲炒得樸實入味，乾身不膩口。總結: 材料非常十分新鮮, 性價比好高~ 一分錢一分貨~ 值得推介

👆🏻餐廳門面，發覺呢條街嘅餐廳即使係營業中都好，大多都閂埋門。相信一黎對自己好有信心，二黎想提升食客私隱度，呢點我好欣賞鐵觀音用左靚靚銅色水壺涼拌白木耳黑木耳食得多，白木耳就罕見啲，以陳醋涼拌，酸酸甜甜。記得食前撈勻先，底有好多醋蔥油涼拌花甲 $120有咩幸福得過剝埋殼俾你啖啖肉，落左好多蔥，所以口感好爽蜂巢鳳尾蝦 $80呢個係我至愛！！炸得好香脆，一啲都唔油。入面除左有蝦之外，仲有芋泥，令我諗起食齋嘅炸芋頭魚😂 點埋酸辣醬，好味沙嗲蝦粉絲煲 $320唔好俾佢停，繼續都係蝦！我同朋友都好驚訝，呢度嘅蝦真係好彈牙應該唔只係佢新鮮，我地估佢煮嘅時候都落左啲功夫，真係值得一試👍🏻 沙嗲汁索哂粉絲度，辣辣地燒鵝 $280呢個要左例牌，估唔到例牌份量都唔細，燒到個皮好脆，鵝脾肉係最滑嘅記得以前細個，老豆總係讓埋隻鵝脾俾我食 和牛稻庭烏冬 $120個牛煮得好林，一咬就咬得開。烏冬煙煙韌韌蟹肉生麵 $180一個麵兩種效果，因為冇蟹肉喺面嗰邊就脆卜卜，有嗰邊就浸林左，當普通麵食，食蟹肉時加少少醋吊味陳皮紅豆沙 $48杏汁燉蛋白 $48陳皮味好出眾，唔係起沙嗰種，而係一粒粒紅豆杏汁燉蛋白係我至愛蛋白份量