串串貢串燒專門店 (已搬遷) 新店位置

已經幫襯左3次!必叫- 燒午餐肉,芥末豬頸肉,燒魷魚串,脆肉瓜,黑白芝麻醬烏冬另外燒雞翼,芝士豆卜,燒雞串就一般!整體都算OK呀,會再幫襯...

上個星期我地2小口子諗住食串燒, 於是就試下呢間. 係天后mtr左行2-3個街口就好. 唔算好難搵. 去到清風街就見到 =) 我地點左1)薄燒牛舌串 味道不錯，但有d韌2)免治雞肉串麻麻啦，好一般3)黑白芝麻醬烏冬唔錯丫，有d似食冷麵咁，d芝麻都幾香4)鹽燒雞軟骨脆卜卜得黎有咬口5)照燒北海道帆立貝串燒得岩岩好，都幾乾身，唔會好腥6)芝士豆腐卜串雖然係招牌菜，但係質素唔係好平均，有d好多芝士有d無.7)燒尤魚串燒得太過火，食到有d苦味值得1睇係無咩野飲揀, 得涼茶同埋汽水. 如果唔order野飲就唔會另外有茶水俾你。而且樓面太細，坐得唔係好舒服，而且menu除左烏冬就無咩其他飽肚d既野食。但係如果黎宵夜應該係唔錯，晚飯就唔係太合適 =)

話說工友會周年飯居，首選地點一定是會吃得開心的地方，所以揀左呢度天后的串串貢，記得上次來食得過癮，所以決定再來﹗已是入夜喇﹗成夜晚十點先來到，咁岩有路邊位﹗正﹗二話不說坐低即時點左......冰凍清酒，配搭燒物一流﹗燒大蔥，夠哂臭口亦惹味﹗外面焦焦的好香﹗芝士豆卜，呢度既名菜，一咬入口芝士0係中間流出來，濃郁夠脆口﹗呢隻叫"麻麻地雞翼"，麻辣醬料，請到明麻而不辣，入口好有胡椒香，食得過癮﹔墨丸外脆內軟，夠哂彈牙工友點左條魚叫做鯖魚，我都有試少少﹗唔太腥0的肉亦都實得黎幾滑溜，我都接受到即係好味啦﹗日式焗小露荀，用錫紙包住再加入麵屎湯來焗，好夠味，下次可以自己試下呢個有湯既焗野方法添﹗魷魚無得走我最愛﹗燒得外面脆脆的，好有嚼勁﹗雞翼尖0的調味十分好，成隻都係七味粉﹗又脆又辣﹗呢個又係呢度名菜，就係花鵰牛串，未入口已經聞到酒香同埋玫瑰味，六成熟好腍好多汁，一流﹗芥辣豬頸肉個汁幾得意，好小可串燒會食到芥辣汁﹔尖椒仲有籽0係入面，食完辣到要叫啤酒飲﹗工友平時無得食的燒羊件，外面的是薄荷汁，件羊就肥左少少不過見佢兩件都食得哂一定係好味之選﹗全部野都好好味﹗想彈都彈唔到﹗飽飽好滿足﹗老闆又走出來同

地盤今年年三十有得早收工比我地呢班老野返家食團年飯﹗真係算係有良心﹗食完去左維園迫，當然又係咩都買唔到得個迫字啦﹗之後去宵夜﹗比我同工友見到一間串燒小店叫做\"串串貢\"一來到咩都唔食住，叫左個熱清酒先﹗太冷了，要學政府忠告市民用飲酒來暖身﹗燒西冷五成熟，火候控制得很好，外熟內暖仲係紅色生的﹗肉汁勁多好軟身食落好淋無渣一流呀﹗$18蚊吧﹗芥辣豬頸肉，肉香四溢，配上微辣的芥醬個肥膩汁香很突出﹗好食﹗唔得喇，我都係要叫三罐BEER送下野食﹗用碗飲架呢度，好親切呢﹗魷魚鬚雞軟骨走唔甩啦﹗佐酒不可不吃，兩者都燒得岩岩好乾身﹗最愛臭口野的我大蔥不可少，好味道﹗呢道點題作品，燒芝士豆卜，入口香脆，入面注滿芝士味道濃烈﹗幾得意的呢﹗咖哩雞串，雞好滑皮已起﹗咖哩甜甜的﹗又係品題之作，好似叫花鵰酒香牛柳串，未食一嗅超香酒味，入口少少酒辛，幾特別呢﹗真係未食過﹗食左成十幾串，一人都係一百蚊左右﹗仲送左張COUPON比我等我下次來送四串串燒添﹗很特別的宵夜呢﹗很特別的新年開始，寄望新既一年每天同工友0係地盤都可開心快樂﹗

日期：2007年12月18日人物：阿M＆徐太尋晚約左徐太食飯，佢提意黎哩間小店度食，ｄ價錢加埋食完既質數，好唔對比，無果種好香既感覺，店鋪只可以坐十二個人，但係就好多人出出入入，意思係一批食客走左，另一批又黎，好奇！ｄ野唔係唔好食，不過就好普通囉！１．鹽燒雞軟骨串$18：好一般．２．薑蔥豬頸肉串$13：肥到死．３．原支香茅穿大虎蝦$38：燒得過火喉，晒野．４．照燒北海道帆立貝串$28：OKEY LA!５．墨魚串$13：好味道．６．意式豬豬魚餅串$13：食唔出係咩味，失敗．７．雞軟骨餃子$18：燶晒，不過都算唔錯架喇！８．黑白芝麻醬凍烏冬$15：好似食冷麵咁，有創意啊！我地無叫到飲品，實在無咩好揀，只有啤酒，汽水，中國涼茶，真係怪，應該俾杯綠茶客人飲．原本諗住係七仔買野飲，之後我地走去明記食甜品解渴．我番到屋企，即刻飲左兩大杯水哩．．．

2007年10月25日，串串貢。上一次吃串串貢之前送的了一張優惠券差不多到期了，和另一半一起去把它用掉：雞軟骨（2串，免費）：和雞腎一樣，來的時候有一陣腥味，但吃的時候還好。雞腎（2串，免費）：除了聞起來有點腥，最差是很鹹。芝士豆蔔：因為上次最好吃是這個，所以再試一次。但當然沒有了驚喜。鴨胸車厘茄串：是今天覺得最好的一個。車厘茄清甜，鴨嫩不腥，配起來清新。香蔥豬頸肉：賣相與照片有距離，味道還可以。燒尤魚串：一般。燒翡翠貝（3只），最貴，38元一客。很麻麻，少少韌，有D甜甜地薑汁味，怪怪地。

晚上第一餐，吃串燒。心中已預計好份量，所以點了鹽燒雞軟骨、麻麻地雞中翼、雞腎、芥辣豬頸肉、牛舌串和黑白芝麻醬烏冬。黑白芝麻醬烏冬︰本來就很愛吃芝麻，所以這個配搭既新鮮又對口味。麻麻地雞中翼︰真的不辣，也不太麻。鹽燒雞軟骨︰很好，而且脆卜卜的有嚼勁。芥辣豬頸肉︰不太討好，芥辣是熱狗醬的那一種，不太喜歡。豬頸肉有點像豬肉。牛舌串︰也很讚，不韌很好吃。雞腎︰不是想像中一片片，而是一粒粒的，燒得過乾，很難從簽中取出。不過味道尚可。店子很小，只有數張桌子，很容易就坐滿了。坐得有點擠，不過都不太介意，而且不收加一，也蠻不錯的。

2007年9月26日，串串貢。平價串燒:凍桂花蜜糖番茄：幾好，夠凍，一般番茄，桂花蜜糖少一點點甜更好。香脆芝士豆蔔串：無諗過呢個係好食，幾特別。茄子串：有兩串，唔鍾意太多鰹魚碎醉西冷牛串，一般啦，牛不韌。咖喱雞肉串：無乜特別。麻麻地雞中翼串：sell麻而不辣，有少少麻，合格。芥辣豬頸肉串：好厚，麻麻。薄燒牛舌串：牛舌唔夠腍。薄荷羊鞍：幾腍，無乜羊味。燒日本肥蠔：本來是兩隻的，來了三隻，因為超細，唔好食。黃金蟹蓋串：好少蟹味，唔使期望。香口餐肉丁串：外層乾乾地，（少少脆），勉勉強強啦。龍眼水：幾好，哂咁熱氣。食滿200元送回串下次食，不太苛求，都叫抵食啦。

食友難得歸港處理私務，既是酒友，也是Ma Luck Lunch的創會成員，當然要找一晚出來把酒言歡。吃串燒，也都入型入格，就叫店方在店外開張長檯給我們，天氣雖涼，但人情熱暖，加上美酒，也是一樂。大家坐低，立即將武器解下，排在檯上，計有專兄的燒酌、T兄的白酒、我的疏球泡盛，加上友人的甜白及清酒，一字排開，未飲已一定知道~~不醉無歸。先開白，也要叫點東西來吃，這裡是「剔紙仔」，隨手點來一堆：吃串燒，燒雞皮永遠惹人憧憬，但這裡的燒得又細串又乾，真是出盡力才吃到附在木簽上的乾乾雞皮，味道淡淡的還帶苦，相當不濟，再看餐牌，起了脆脆雞皮之名，原來如此；雞軟骨也是串燒界的「萬人迷」，當然也要叫幾串來吃先。這裡的，口感爽脆又帶點肥肉，但味道是十分的淡，是忘了灑鹽嗎？後來的兩串，也是如斯淡味，專兄笑言，是高血壓者吃的雞軟骨；雞翼有麻味及蒜香，前者果然是幾麻，但也是味道欠奉，可幸雞翼本身得天獨厚，沒什味道都不會十分難吃，至於蒜香，也是淡淡的；吃了淡淡的幾串，還好之後便漸入佳境。西冷牛18蚊一串，本不寄厚望。要了5成熟，果然是燒得差不多5成，肉質幾軟，還有蜜糖及香草的味道。一串三件，平平地都吃得過；羊鞍賣3

26-4-2006 2000一條友放工後無無聊聊，又想平價食串燒，諗起呢度剛剛開業冇耐，就黎試試。這裡位於清風街天橋近維園，亦即是天后喇沙新店對面，我就叫了4款小食。黑白芝麻醬冷麵：黑芝麻醬淋上冷麵，再灑上白芝麻，香味稍為差了少少，入口味道也算是不錯了；醉西冷牛肉：西冷牛肉切成大粒，燒完後再淋上有甜味的酒，食落去幾香，我要求5成熟，但稍為過火，功力還未到家；燒鱔邊邊濃左，但我就喜歡這種風格，燒得也不錯；最後一款係麻麻地雞中翼，標榜麻而不辣，佢亦做到，燒也燒得好香。埋單66蚊，極之抵，亦不要同日式或高檔串燒店比較，定位始終唔同，價錢更加唔駛講。

It's definitely more fun to have fusion skewers rather than traditional japanese ones as it's way more exotic. Instead of a standardized salty chargrill taste, you're open up to a whole new world of herbs and flavors. The 'drunker' rib eye's very unique and turn out to be a huge amazement. Its alcohol taste's pleasantly blended with some sweetnessThe other nice fusion pick will be sake big clam. It resembles the usual French white wine butter clam but it's only better and funkier.The mint lamb c

平日開到凌晨2點，岩哂食宵夜既朋友。串燒選擇都幾多，價錢不算很平。鹽燒雞軟骨2串($18)﹑蒜香雞中翼2隻($13)﹑醉西冷牛1串($18)﹑原支香茅穿大虎蝦1隻($38)﹑燒扇貝1隻($15)﹑豉油湯烏東($15)﹑可樂($8)。最差是扇貝，好細隻又唔太新鮮，而醉西冷牛串幾特別，表面淋了酒既。

因朋友介紹, 我昨晚去試食。如果大家係食開日式串燒, 大家可能對佢失望！但如用價錢及用料來衡量,不失為一間不錯的串燒店！1. 桂花蜜糖番茄好食, 好香桂花味, 一個驚喜2. 脆肉瓜好食, 超爽同甜3. 黑椒西冷牛肉同鷄腎唔得, 肉好"鞋", 由其是鷄腎勁乾4.荷蘭豆一般5.日式帶子其實新鮮,但D SAUCE 唔得, 好甜6. 三文魚頭唔掂, 好難食, D肉"梅"7.牛舌OK既, 都有牛肉味,但太薄片, 有少少"UN"8.羊鞍又係一個驚喜, 肉好鬆, 夠咪9. 蜜糖菠蘿有D失望, 菠蘿用糖水浸過, 太甜啦埋單230計埋兩壺燒酒(30蚊壺), 其實真係好抵, 可以當作小食店

店舖小小, 但食物非常有特色, 好好味呀!!!! 我試了她的麻麻地雞中翼, 麻得很過癮, 但唔辣ka. 還有芝士豆卜, 外脆但內裏有香軟的芝士. 直得說的還有蝴蝶蚌, 本來想叫清酒燒蜆的, 但賣清了, 她們叫我試蝴蝶蚌, 我都未聽過什麼叫蝴蝶蚌,有些猶疑的, 但店員說用紫薑汁做, 出面應該試唔到, 即管試下啦, 個汁酸酸甜甜, 蝴蝶蚌好爽口, 真沒有介紹錯. 很特別. 下次會約多d人試, 可以試多幾款..^^

和朋友在星期日下午光顧，沒有其他客人，落單後要等足20分鐘先有得食，以為是即叫即燒，但上枱的串燒只是微熱，似是煮熟的，完全沒有燒烤的味道。醉西冷- 不知道牛肉醃了多少天，肉質被醃到毫無肉味，只有淡淡的苦味，像在吃被梳打粉拿到爛的肉！難以想像是西冷牛肉。蟹蓋- 幾特別，但蟹蓋內的材料淋patpat 的，唔明白何謂之燒烤？麻辣雞中翼- 不麻不辣，雪藏雞翼味重。好失望，天后地鐵站口的串燒檔燒得更惹味！行過少少, 去大坑蓮花宮的龍鳳串燒更好！