串串貢串燒專門店 (已搬遷) 新店位置

三周年過後一瞬間又去到三十七月天，不得不老生常談說時光飛逝﹗簡簡單單慶祝一o下，在香港區活動，食家提議到年幾無去既.....串串貢，地點在天后的清風街。小店一間，室內座位只有十來個，露天位要坐後巷，九點來到等左十分鐘左右老闆就為我地安排好座位了﹗呢間野都食o左好幾年了，記得每年年三十行完花市都會走來飲下酒整番兩串，不過今年我地行沙田花市所以無去到﹗無來一年，睇睇餐牌食物款式多左好幾種喎﹗梗係咩都叫o下啦﹗啤酒至平，$13有三罐，用碗飲夠豪氣﹗碰個碗，慶祝三十七月天，Yeah﹗每個月天也值得紀念呢﹗先來冷盤，桂花蜜糖溫室蕃茄﹗蕃茄好鮮甜，配上帶有陣陣桂花同埋柚子香既醬汁，酸酸甜甜的很醒神﹗值得推介的開胃菜﹗青瓜沙律，是我同食家都很愛的餐前小食﹗青瓜雪得夠凍，無醃過只食客叫時淋上醬汁﹗青瓜爽脆，醬汁是麻醬，很簡單的配搭卻得出清新的妙用，我地決定自己去citysuper睇下有冇呢隻醬賣，如有就自家製番0的來做小吃﹗燒尖椒，刺激之選，唔食得辣就唔好試了﹗接著三隻都係我最喜愛的串燒﹗芝士豆卜，這兒的出品超好食﹗燒得夠乾身，外層卜卜脆的，入面釀入左芝士，燒辣辣食芝士流出來那外脆內軟口感真的不得了，

第二次來香港啦。上一次都是靠同事推薦吃的地方，快走的時候才知道有Openrice.Com 這種好東西。因為工作的關係，住在天后。中午就打定主意要吃Yakitori （上一次有吃Yakitoritei), 然後鎖定了目標。可惜這家店晚上才開。逛到了滿晚就充滿了期待跑去。客滿，沒關係我外賣反正住走路一分鐘的距離 - 外賣又有9折！服務態度很好，而然本人看一家餐廳絕大部分是看食物好不好吃。。。點了：照燒雞肉串 x2日本免治雞肉 x2鹽燒雞軟骨串 x2照燒豬頸肉串 x1醉西冷牛串 x1 (8分熟)薄燒牛舌串 x1鹽燒X魚 x1合計140塊。 已Yakitori來說很不錯的價格啦。可是。。。 （汗）雞肉串實在是差強人意啊。。。 不嫩，肉味道不足。。。可以說在我吃過至少10-20家Yakitori店中。。。 最讓人失望的。雞肉串又剛好是我的Yakitori最愛。。。可能因此負面影響了整個報告。好啦，牛舌不錯。 鹽燒X魚也是我自己的錯。 我以為我叫了鰻魚。。。 實在是不知道為什麼這麼多好的口評可是我就覺得遠遠的比不上普通水平。廢話夠多了。 明天又有更多機會吃三餐。

住係呢區~ 成日貪佢開得夜~可以同朋友係樓下食個少少野傾下計~仲有露天位~同平啤酒飲~個蠔又幾好味bor~ 好多cheese 同好多汁~黑糖燒菠蘿 -個菠蘿本身都幾鮮甜~ 燒得都夠火喉雞中翼 - 唔知點解食完個口好麻~好似太多調味料~醉西冷牛 - d 牛係幾淋~但係d酒味幾濃下~ 我估唔係個個人口味都接受到~黑芝麻醬烏冬- D烏冬麻麻地.. 唔彈牙..黑芝麻醬搞到好膩..唔中2總括d串燒都算唔錯~ 平平地gei串燒~ 唔好要求太多~reasonable price~

先吃華姐塞滿大比的咸胃~小比留力後戰天后的掃街小吃~~走到這熟悉的店前~~沒有吃過卻憶起人氣不錯~~在黑板雜誌剪報間流連了好一會~~很想吃那個燒奶皇包仔~~~可惜已經不再供應~~店員走出來努力地替我找個位~小比也只想試一試~就婉拒了其好意~~選了小比無理由不叫的黑糖菠蘿還有love love cheesy的芝士豆卜在門前等了十數分鐘~可見店內的情況非常繁忙~接過2串小吃後轉身就拿出來吃了~haha~要最短時間之內吃到最原汁原味沒有回潮的成品~~先吃多汁的菠蘿~小比最愛是黑糖~身邊的朋友都知~~嚐過無數黑糖製品~~這個的黑糖味與菠蘿味各自為政之外也不見得用了多少黑糖~~微弱的甜澀味不足以映襯出菠蘿的鮮甜~~~菠蘿本身也算新鮮~可惜燒得不夠~甜度不夠concentrated也帶點溫吞~AG的燒菠蘿勝過幾班~ $13~不值也芝士燒豆卜單是想像已覺吸引~~成品也如是~~反過來的外層燒得微焦香脆~外脆內軟與溶化了的芝士非常匹配~~這個會再吃~~~~但在店子吃當然也不值~~~所以以後每次bbq~小比都會自製此味與朋友們分享~~~~打從以前在對面吃laksa時已經留意此店~~也終於叫做吃過了~

星期5晚~ 行開銅鑼灣~因為實在太多人~所以同男朋友行左去天后~今晚預備食串燒~~~去到既時候已經9點半﹐不過都仲需要等位~等左20分鐘到喇~~~坐左系後行~~不過地方好乾淨~~~好好~~兩個人﹐叫左﹕醉西冷牛串(要左3成)﹕因為可以選擇﹐叫左3成﹐一上台﹐已經好有酒香﹐熱辣辣﹐好淋﹐也很juicy~加埋少少蜜糖~好好食~~~~鹽燒雞軟骨 ﹕其實呢樣野﹐本身都唔可以點令到入面有味﹐所以燒完之後上面灑了少少鹽﹐都幾好味~~~燒脆鱔﹕熱騰騰上台~ 個皮真係好脆好脆~~肉身都好厚肉~~唔會燒到乾曾曾~~推薦~~~燒魷魚鬚﹕呢個比較一般~燒得比較乾左少少~~意大利香草羊鞍(要5成)﹕個香草sauce同個羊好夾~燒得剛剛好~好淋~肉汁豐富~~雞腎﹕呢個也比較一般~~~個7味粉味道配搭都唔錯~少少辣﹐刺激下味蕾~~芥辣豬頸肉﹕個汁好香﹐芥醬中和番燒完既肥膩汁~~好好味~~雞皮﹕燒雞皮可以看出呢間串燒店的水準~~ 試過之後﹐呢間都算中上~~皮燒到好脆好脆﹐D油份已經系燒既時候逼晒出黎~~~唯一少少失誤就係吉既時候個摺痕多左少少﹐令到中間既位燒唔到。但總括黎講﹐係算唔錯有少少失望既係﹐黑白芝麻醬烏冬已

同朋友係天后漫無目的咁搵食,見到間叫串串貢的店子, 商量一陣就決定幫趁, 我地叫左桂花蜜糖番茄、羊架、生蠔、燒腎、蝴蝶蚌、脆脆雞皮、黑糖菠蘿串、燒年糕, 仲有好幾款, 再加三罐啤酒, 第一個送上來係桂花蜜糖番茄, 番茄加上蜜糖桂花, 酸酸甜甜, 作為前菜, 十分開胃醒神, 同朋友都好滿意, 心想冇入錯黎, 誰不知跟住上來各式肉串, 樣樣都乾爭爭, 號稱脆脆雞皮的雞皮,一啲雞皮油香都冇, 乾到似柴皮, 生蠔暧笠笠, 一啲都唔熱, 食食下都怕會肚痛, 蟹蓋係交返來的貨色, 係咁意烘烘佢就拎出來俾人食, 燒年糕又係一啲都唔熱, 硬掘掘咁, 講真真係樣樣都唔滿意, 埋單兩個人食左二百八十幾, 仲要只係得半飽, 呢間店應該都唔會有下次了, 出到門口至醒起, 近天后地鐡站有間好似士多的燒烤小店, 上次係華姐清湯腩食唔飽時誤打誤撞去食過, 記得味道不錯, 決定同朋友行去再去食過!!

今天一家三口到港島遊車河, 之後到天后揾嘢食. 由於時間尚早, 本打算吃點小食. 見到此小店, 正合心意, J 最愛吃串燒. 小店環境有點迫, 但當串燒一到, 我們只顧吃了! 雞軟骨香口; 羊扒夠多肉汁; 燒鱔剛剛好, 有點脆口, 不太乾; J 最愛吃牛, 那串酒燒牛肉, 吃到他沒說過一句話. 那碗凍青瓜也很好吃, 中和了串燒的膩. 最後, 我最欣賞那黑糖菠蘿, 又脆又甜又香..........正!

日本串燒很好吃，不過動輒幾百蚊/位，仲要食唔飽，有點奢侈。約朋友去吃串燒，大家都不想消費太高，對方提議去天后的串串貢。也好，反正只聽過其大名，未有機會一嚐，就過來了。朋友想喝點清酒，就陪他吧。酒精濃度不高的，不醇香，喝起來淡淡的，並不過癮。然而，幾十蚊的出品，那可要求太多。先點一些青瓜沙律和蓄茄，以便中和串燒的熱氣和味道。青瓜切粒，沒有手拍過，質感爽口，加上少許的麻醬汁，幾清新；桂花蜜糖鮮蕃茄，砌得幾靚，蕃茄鮮甜多汁，蜜糖香甜，還有桂花清香，幾適合在串燒店吃到。幾串串燒，分別有芝士豆卜、大蔥、青紅椒和脆脆雞皮。首次吃芝士豆卜，偏韌，芝士味亦不算香濃，未有驚喜；大蔥雖然香口，可是硬而不爽脆，好彩只是叫了一串；青紅椒倏得爽口，連辣椒籽，頗刺激的；還有雞皮，燒得又細又乾，味道淡口。再來就是燒醉牛肉串，頗大的一串，卻沒太感覺到酒香，肉質雖然嫩，可惜欠缺牛肉味，只屬一般；串燒雞肉亦然，嫩滑，但沒有濃郁鮮雞味；燒鱔，大大塊啖啖肉，沒有骨，本應幾適合我，只是皮太韌，扣了一些分數。串燒未算太出色，羊鞍反而有驚喜，下足了香草，肉質柔軟亦不失咬口，肉味濃郁，又香口，最為欣賞。之後有鹽燒秋刀魚，又是幾大條。

呢晚咁啱有時間可以去試下，雖然己經接近9點半，但係依然要等位 (可能因為佢得大約12個位0既關係啦)。故名思義，呢間餐廳係食串燒0既，記得好似係冇飯叫，加上己經有D肚餓，一於試下個比較飽肚0既冷烏冬配芝麻汁。即使個烏冬冇乜咬感，但係佢配埋呢個汁呢個配搭真係好好，可以一試。首先黎左串燒豉油皇魷魚鬚+芝士腸同東洋骨附腸。之前有人話魷魚鬚好食，佢確實係唔錯，不過如果佢大條D 0既話個咬感應該會更加好，但係以味道黎講就真係唔錯0既，值得一試。我個人認為芝士腸就只屬一般，唔係話唔好食，不過可以唔駛喺呢度食都得。但係一定要試下呢個東洋骨付腸，非常入味又有少少辣，算係幾好入口。第2輪係有唔少人都推薦0既醉西冷牛串，雖然冇問服務員，但係佢落0既酒應該係清酒，算係一個幾新鮮0既味道。呢個牛串仲可以揀幾成熟，我揀左7成，不過黎0既時候好似有DD 過熟，生少少應該會好食D，下次即管試下5成熟。之後就係冬菇+鮑魚茹，本人並唔係特別要食串燒茹，覺得呢個亦都係一般，不過鮑魚茹亦都可以一試，因為佢落個汁真係幾開胃。第4輪係肥蠔同埋個蝴蝶蚌，雖然話係肥蠔但係又唔係真係話好肥，不過個人覺得佢只係一般新鮮。但係一定要試0

弟弟剛開展新工作, 這晚去吃飯, 當然要乘機敲詐他一餐啦。所以我在對面餃子園一直忍忍忍, 就是為了要過來吃串燒喇。這裡晚上 6 時才開門, 平時都是日間經過所以還未有機會來吃, 今次倒是機不可失啊。在那邊吃完, 就即刻拉了弟弟和老爸過來了。雖然那時 8 點也未到, 小小只有十來個位的店已經滿座了。可能是這個緣故, 所以外賣自取有 9 折優惠。反正我們家就在不遠處, 就外賣啦。串燒製作需時, 約 15 分鐘, 在附近行了一會就有得拿了。雖然之前已吃到大半飽, 總算吃到幾樣招牌菜:桂花蜜糖鮮蕃茄($13) - 砌得好靚, 中間的是糖漬桂花, 底下還有蜜糖。撈勻之後, 酸酸甜甜, 很清爽, 中和一下熱氣就很不錯。只可惜蕃茄不夠凍。意大利香草羊鞍($39/兩件) - 可選生熟度, 要了 7 成熟。羊鞍在外賣盒內是用錫紙阻隔開的, 那便不會有倒汗水了。拿到回來該有 7.5 成熟了, 外面有點燶, 不過裡面卻不韌, 得到弟弟大讚, 不過我就覺得羊味重一點就更好。 新疆式雞肉串 ($13) - 落單紙上沒有另外指明數量的, 原來只有一串, 我以為新疆式燒法會有點孜然粉的味道, 不知是因為它跟水份充足

經過一日辛勞，胃口不是太好，晚餐想吃點小食便算，這次便來到北角吃串燒，店名亦夠特別，名「串串貢」。這間小店確很小，鋪面勉強放下四桌子，客滿亦不過為十二人。串串貢主打串燒，大致以日本爐端燒為藍本，加入港式元素以迎合港人口味。由於即叫即燒，等候時間難免較長，我們唯有邊吃邊點，試試不同款式燒物。巨型扇貝：扇貝夠大夠鮮味，襯以淡淡蒜蓉味，不錯，如果可以稍為乾身少許便完美。 醉西冷牛肉：切成粒狀來燒，酒味濃郁，肉又夠嫩滑，很好。 香草羊架：羊肉夠嫩，但略嫌不夠羊味。朋友怕羶，故讚不絕口哩！ 「麻麻地」雞翼：即麻辣的麻，雞翼弄得麻而不辣，皮脆肉香，很特別。 燒魷魚鬚：一個字－「好」！ 燒牛舌：火候剛剛好，不太乾，味道亦不錯。 露筍煙肉卷：露筍清嫩，以重味的煙肉包著燒，一流配搭。 烤雞泡魚乾：夠乾身，配以沙律醬，佐酒極品，不過份量卻偏少。 燒鰻魚：份量十足，肉質較鬆散，勉強合格啦。 鹽燒雞腎：太乾了。 燒脆肉瓜：吃了一檯肉，來個蔬菜更覺異常清新。 燒鯖魚：推介之作，皮香肉滑卻不腥，質素拍得上高檔爐端燒店！ 燒饅頭：燒得外面夠乾身夠脆，味道中上，不怕無飯到肚了。 其他如墨魚丸、牛丸、獅子狗卷（小竹輪）

星期五，天色轉晴，但空氣重甸甸的，令人感到呼吸有點困難。於九龍區開完商務會議之後，便到炮台山一帶修剪頭髮，接著與太座到天后附近解決晚餐。已留意此小店好一段日子了，每次路經，內裡均人頭湧湧。畢竟此小店極其量只可容納不超過十個人。天氣涼爽時還可以在舖外擺枱，遇著天氣悶熱，也只好退守冷氣舖內。以串燒為主題嘅食肆迎年越來越盛行，一來唔需要特別烹調技巧，二來廚房唔需要咁大，可以騰出更多地方做樓面。呢度嘅串燒選擇也算多樣化，而且部份係自家創作，配搭都幾新鮮。太座是日沒有什麼胃口，所以只叫了十來款串燒及食品。桂花蜜糖鮮蕃茄($13) – 筆者對蕃茄唔係咁好，不過加了蜜糖之後，令完本酸酸甜甜嘅蕃茄變得香甜，加上桂花嘅清香氣色，係夏日消暑良品；日本免治雞肉($20兩串) – 對免治食品一向有偏見，覺得係因為肉質較次而成嘅產物。所以，可堪一提的沒有什麼；雞肶菇($12兩串) – 醃料出手很輕，猶幸本身菇味搭夠，入口爽脆，是不俗嘅食物；薄燒牛舌($16) – 燒嘅火喉掌握得唔好，食來乾爭爭，又老又韌。燒薄切牛舌，出手一定要快，如果唔係好容易老；意大利香草羊鞍($39兩件) – 是此店嘅貴價物，不過質素就認真

年三十晚，在家吃完團年飯就去左IFC睇馬利與我，之後諗住去行維園不過見十二點幾仲人多，所以決定先吃宵夜再算﹗尤記得去年的年三十，都係來呢度食宵夜，心血來潮重溫舊情懷，就來呢度排隊喇﹗年三十當然街上人頭湧湧，排左十五分鐘先有位，咁岩又係坐街邊，對上一次來吃都係坐呢個位的﹗點了麻麻地雞翼、金菇卷仲有七味雞翼尖，三樣食物味道依然出色。雞翼皮脆肉香，帶點麻辣的辛灼感覺﹔金菇肉卷肉汁鮮美，金菇夠嫩一咬即斷，清新加上肉汁是絕配﹔七味雞翼尖是在炭爐的時候灑上大量七味粉，惹味﹗今次試左樣新野係燒年糕，日本年糕暖洋洋的煙韌充滿嚼勁，配上鬆脆的紫菜增加口感味道，層次更上一樓，好食﹗魷魚翼是每次必吃的食物，份量夠多又彈牙﹗送下啤酒一樂也﹗最後意猶未盡再食埋花鵰西冷牛肉粒，西冷牛粒超厚切，先用花鵰酒醃好再燒，未食一上枱已香氣四溢，咬落充滿酒香烤香，內裡卻有半熟的嫩滑，好正啊﹗燒尖椒入面仲有籽，辣到爆呀﹗要推介係呢次試左既龍眼水，幾蚊一支味道甜甜地真材實料，清清熱氣好幫手﹗

Last night went to this place for the first time with my hubby at around 10PM.經過好多次都想食, last night 有機會 lu!!我地兩個食左:-青瓜沙侓: 好新鮮, 青瓜好脆汁燒帶子: 好味黑椒牛柳: 好好好好味燒魷魚鬢: 好好食羊胺: 一般, 太肥雞腎: okChicken Wings: 好食不過唔夠熱Overall food is good. 可能天氣 too cold, food went cold very quickly.

又貴又唔好食食串燒好難食得飽每兩個人食左260蚊對於大食既朋友一定唔抵隔離位兩個大男人食左4百幾蚊又唔算好好食,咁既裝修地段收呢個價錢no good