串串貢 (已結業)

串串貢係天后清風街，想食宵夜係一個幾好既選擇，食物種類相當多，有豬牛雞串、燒海鮮、烏冬、沙律等等，價格唔算貴，燒既時間掌握得幾好，再搭配自家特調醬汁，更加好味－－－－－－1. 桂花蜜糖鮮番茄蕃茄好甜，聞落有淡淡桂花香，幾開胃解膩2. 鹽燒多春魚燒得唔錯，皮同肉冇散開哂，調味不錯唔會過咸👍🏻3.燒麵包麵包擦上牛油去燒，再係面層曬上白砂糖，非常香脆可口，送酒一流🤤4. 燒棉花糖呢個甜品都幾特別🤣用餅乾夾住燒好既棉花糖，口感軟棉棉，食既時候仲有少少拉絲😋

多月沒有拜訪，抱着一個很期待的心情，可惜今天到訪卻令人大感失望，服務員態度差沒有禮貌只顧打機不願招待食客，跟從前的作風不一。食物一般，沒有新意没有什麼驚，總括而言，勝價比奇低，失望而回。

You would expect from the name of the restaurant, Kushiyaki serves all things skewered as well as other barbecued dishes and small appetizers. Everything here is purdy cheap and tasty.When beautiful pieces of meats/veggie being kissed by flames, 😋 read on! Chicken Skin♥️ (HK$23 for 2)Eating it is all about enjoying the crunchy texture. it is extremely easy to eat, and within seconds you will be left with an empty skewer!Salted chicken soft bone (HK$23 for 2)Having the perfect balance between its

係呢一帶收工已夜深，又唔想搭車周圍搵野食，發現呢度有間野深夜都開～仲開到１/2點黑暗中唯一一點光，都唯有排隊啦～😹😹好在排一陣隊好快有位Menu就係一張紙俾你填數量，款式都算多★青檸梳打 $20先上咗杯野飲先，個人認為呢杯野飲比較搵笨，得2粒仔青檸同冰，再俾罐梳打你溝，篤到爛都飲唔出咩味，得堆氣★★爽脆溫室青瓜沙律 $23清清爽爽咁，醬汁唔多口感相對清淡★★★★意大利香草羊鞍(2件) $65羊值得一讚，唔會太過熟，juicy得嚟又冇騷味★★★韭菜苗 $25水份比較多，雖然唔乾但反而冇燒過嘅感覺燒耐d會好較好★★★原隻茄子配櫻花蝦 $35呢個茄子配櫻花蝦賣相幾得意我地以為見到隻企鵝不過食落太多蒜蓉，鋪得太滿，茄子反而薄薄地冇乜肉，令到個茄子味完全被蒜蓉掩蓋過★★★原條牛油粟米(蜜糖) $25粟米燒得唔錯，一d都唔乾身好甜其餘嘅唔講太多，中規中矩咁啦～★★★★鹽燒雞軟骨串 $23★★★蒜香雞中翼串 $24★★★麻麻地雞中翼串(麻而不辣) $24★★★★金菇肥牛卷串 $28★★★脆肉瓜串(2串) $15串串貢整體評分★★★地理環境★★★普通小店，有d逼環境都乾淨整齊服務★★★★店員們都幾友善

兩個人叫到一台都係食物，人均消費每人$350，一人一飲品，唔算貴，未試過食串燒食到咁飽。食物質素其實可以的，只不過上菜太快，令到食物好快凍，繼而變硬，此乃敗筆！反而出面的串燒店大多會留意住上菜速度，那麼我可以慢慢食，感受到食串燒的樂趣。食物方面，牛舌芯，雞皮和豬頸肉是不錯的，只係當豬頸肉凍左，就變得好難咬，油甘魚鮫都係一樣變得死死實實。不過蔬菜類就燒得幾唔錯，只係雞肶菇因為凍左變得苦澀，總結上菜太快真係敗筆！

係銅鑼灣食咗pancake 未食Dinner朋友搵到天后有呢間店 所有去試下😻👍🏻選擇很多的串燒店(不過對我來說有點遠🥴)🥰個人推介：雞皮 鯖魚 菠蘿牛肉 雞肉 鴨舌 豬頸肉👍🏻 茄子🍆朋友大愛深圳羊肉 雞翼 一般般(個人認為)

串串貢係我由讀大學時代已經開始幫襯嘅食店！咁多年嚟每次去親我都會好開心，每次都留有好美嘅回憶俾我今晚我同好姐妹想啤啤佢，順便傾下密偈，就嚟返呢間店食串燒送啤酒呢間分店我係第一次嚟，但感覺仍然唔錯！小店經營仍然好有心機，食物準備得唔馬夫，價錢仍然維持大眾化，食物質素保持舊舖水準，基本上樣樣食物都好好味！個魚鮫好滑保留到肉汁，燒粟米好甜，燒生蠔好新鮮，燒牛舌爽口牛肉味濃郁，我必食嘅燒菠蘿好甜好多汁！一路寫我一路覺得好肚餓，好想約朋友下星期再去食啊

天后有兩間串串頁，家在附近所以不時幫襯，不過我兩口子都較鍾意清風間那間分店，環境較闊落同乾淨，而且食物水準較能保持到。雖然串燒普遍唔飽肚，會不知不覺間叫多左，每次要點埋蒜蓉飽同鳥冬先飽肚，差不多超過$200一位，不過師傅控制火喉保持到水準，幾乎未失望過，所以都覺得物有所值。太太最愛芝士豆卜，而個人推廌羊扒同雞翼，軟熟多汁夠香口，尤其雞翼，三種味道 (椒鹽、蒜香、麻香)每次都叫齊，外皮香脆肉質嫩滑，雞翼控必試。要彈係安格斯牛肉串，四十幾蚊一串但份量較少，目前剛做緊promo賣$78，cp值只算剛好，改回正價便不推介了。

串串貢其實係串夠味既姊妹店，但係環境坐得舒服啲! 最大嘅優點就係 大件夾抵食👍👍 同埋佢真係燒得好好食㗎同埋價錢喺天后大坑呢一區叫"好抵"!!燒白鱔係必點 50蚊一串，價錢中規中矩但係已經平過好多日本居酒屋，同埋真心真係肥美大件，肉質彈牙!😍😍😍羊架係鐵膽, 因為真係叫做抵, 閒閒地平時一份兩件都要百幾蚊，呢度100蚊都唔使，但今日就煮得稍為熟咗少少，同埋呢度係冇芥辣或者薄荷醬提供🤔🤔金菇牛肉捲係我嘅至愛，因為我係"金菇控", 呢度啲金菇超級爽口照燒原條粟米係成餐飯唯一嘅蔬菜🤣🤣平價抵食"食肉獸"之選: 照燒雞肉串: 無與倫比的滑黑椒台灣腸: 廿蚊有五條 😍😍😍蜜糖大大粒墨魚丸: 牛丸彈牙啲厚燒牛舌: 成吋厚㗎!!正!!☺☺☺必食海鮮之選:真心推介三文魚頭🐟🐟係抵食過油甘魚魚鮫嘅! 首先價錢抵啲之外，啲肉質都滑啲! 三文魚面豬登真係大大嚿,好滑滑㗎照燒原隻墨魚筒都係我至愛嘅鐵腳，但因為今日我胃痛所以先冇嗌🤣🤣🤣照燒帆立貝嘅size今次細左少少澱粉控之選:唔怕熱氣嘅話可以嗌燒飯團, 啲飯焦脆卜卜好正!想良心好過啲嘅, 感覺瘦啲嘅，強力推介熱烏冬一碗!!豉油湯好好好好飲, 烏冬都好彈牙🍲🍲

原本想喺附近食拉麵，點知太多人，搵吓搵吓就搵到呢度。等位等左大概10分鐘到，入到去嘢食都好快到估唔到依一間小店，啲串燒全部都好好味！ 佢啲串燒牛肉仲有得揀成數咖~特別推介燒麵包，一咬落去啲牛油味s咇晒出嚟！！！勁好味！！！仲有燒年糕，非常煙韌，有咬口兩個人平均百零蚊，絕對抵食

好耐無俾過咁高分其實單講食物質素，9分都平均可以reach到但夜晚人一多，食物水準稍下降同上菜有漏單之嫌，就略扣0.5分星期一6點半入座對於想放縱食燒烤既人應該無敵。包場，廚師又剩係為你燒，透過落地玻璃望住人來人往既街景，同朋友摸住酒杯底，帶點微醺地咀嚼和牛，真係一絶所以，唔想同人逼既朋友不妨早d到，會有驚喜左：免治雞肉串，唔係普通既麥樂雞係雞肉中加左雞軟骨，又夾雜未成溶既雞肉，口感十足中：薄燒牛舌，牛舌係靚既，但薄燒相對失色，無左牛吿肥美既口感，下次都係要叫厚燒先得右：燒牛粒，牛有幾隻味，黑椒最為出色，一咬落去，d肉汁簡直好似搶閘泌出黎一樣上面：燒茄子，雞脾菇。不過不失，但點都要食點蔬菜燒鱔條，魚肉肥鮮，但表面有d太焦，略影響口感，而且骨有點略多。成班朋友一邊食一邊傾計，差d誤呑魚骨蒜蓉牛油燒珍寶帶子，比起其他食物，因為帶子本身味較淡，食得出鮮，但就少左燒烤該有既焦香心目中既必食頭三甲，驚艷非常生蠔生鮮唔再講，連埋海水一齊燒，加d煙肉碎都搶唔到生蠔既味道，表皮熟咬落有破皮感覺，點知咬到落去仲係生既，係個股熟悉既生蠔味，配合得天衣無縫可惜後尾人多再叫既蠔就相對差，如果呢隻係9分，咁個隻

天后特別多串燒店，我並不常食串燒，但偶然也會有"恨"食的時候，很自然就會走來天后。大約兩個禮拜前吧，曾與朋友在某星期五晚來這裡 walk-in，但當時店內已坐滿又訂晒位，只得敗走；不過在這個星期三晚上，基本上天后都頗淡靜，行入邊間餐廳都輕易搵到食，串串貢也不例外。其實食串燒，我只講求(1)不要過分調味及(2)不要燒得太燶，這兩點這裡也OK合格！至少落鹽不重手，又不會將食物燒到黑蚊蚊，加上價錢實惠，所以在天后食串燒，多數也來這裡。今晚的蟶子都幾大隻，賣$68兩隻，用洋蔥而非豆豉調味，食落清淡一點，不錯~

好多有特色嘅串燒，可以叫師傅介紹。所有野都燒得岩岩好，唔會乾！！！！！！！調味又岩我口味。有水準！！！！！！ 原個西瓜汁同荔枝水都好好飲！！！！！！！！！！！！！

一開始係見個名得意就行入去食，老闆好好人，介紹左幾樣野俾我地食，跟住我見隔離台好多張都有叫燒飯團，又跟住叫，老闆介紹既好食，最鍾意食羊架同牛粒，然後個飯團一D都冇令人失望!!有飯焦係外面，入面既飯又唔會林，粒粒分明，軟硬適中，個味道又好食!!之後試過天后其他間既飯團，都係佢最好食，值得一試!!

掛住食 唔記得逐樣野影 襯熱食 最好味 我黎左黎間野好多次 無論一大班朋友 或者同男朋友去 都開心呀 鐘意熱鬧ge你黎試下啦 上串燒速度快 價錢合理 係天后區算係咁 時間又就到自己 夜少少都有得食野 因為港島都好早閂店 總之快點去試試