串串貢 (已結業)

串串貢係我由讀大學時代已經開始幫襯嘅食店！咁多年嚟每次去親我都會好開心，每次都留有好美嘅回憶俾我今晚我同好姐妹想啤啤佢，順便傾下密偈，就嚟返呢間店食串燒送啤酒呢間分店我係第一次嚟，但感覺仍然唔錯！小店經營仍然好有心機，食物準備得唔馬夫，價錢仍然維持大眾化，食物質素保持舊舖水準，基本上樣樣食物都好好味！個魚鮫好滑保留到肉汁，燒粟米好甜，燒生蠔好新鮮，燒牛舌爽口牛肉味濃郁，我必食嘅燒菠蘿好甜好多汁！一路寫我一路覺得好肚餓，好想約朋友下星期再去食啊