串得喜 (已結業)

旺角中心呢度多左好多好多小食店，但一樓呢度之前行過覺得唔吸引。今次認真睇原來有串燒食，由於香港真係專食串燒既小食店唔多，所以就決定一試！由於有買三送一關係所以就叫左4樣野，燒羊架，燒司華力腸，燒多春魚同燒秋葵😳😁❤️燒羊架 $18肉質唔會好難咬，油脂唔多唔少岩岩好，肉身唔厚係薄既羊架黎。調味幾香唔會死咸，可惜騷味唔夠😂燒多春魚 $12有3條，好抵食，男朋友十分滿意。🙈燒司華力腸 $18介開左位置燒得脆邊，勁正😍😍醬汁係沙嗲醬，香得黎仲有d花生粒，滿分！燒秋葵 送的有3條，又係抵食之選。太難咬開了，但都有鼻涕既，表現還好。😂

早早得知旺中最近有大改革，進駐了不小食店。小食店在1樓及2樓。最後我選了位於1樓的串得喜。小店店面有不小串燒相片，賣相吸引。最後我被一碗極尚吞拿魚腩飯吸引等了10分鐘一碗賣相很好的飯就出現了。叫價$78有5塊大1塊細。魚生夠凍，魚肉油脂分布平均，口感細緻。魚油豐富，是美味的大拖羅。魚生飯微暖，飯面有紫菜碎。壽司薑，紫蘇葉及非廉價開水的wasabi.魚生豉油不是死咸，帶有一點點甜。以一碗飯便能感受到小店的誠意。下次會再試其他小吃

自從日本玩咗轉，就對啲茶漬飯念念不忘。哩間嘅茶漬飯雖然唔係主打，但真係好Ok。「三文魚茶漬飯」仲要係用烤飯糰，齋哩份心意都贏啦～正價賣都只係$18蚊。可以叫幾串炸物搭配茶漬飯食，沒咁油膩又好味～宜家仲有個「串揚優惠」$28蚊三樣小食（部分另加。）「龍蝦尾」個型幾靚，龍蝦肉又真係比一般蝦肉彈牙啲，有隻青色既海鮮汁我幾中意。「冬菇」非常juice!Ps: Staff 好好人～👍🏻👍🏻👍🏻**不過要企住食～，為咗食又有咩所謂呢～**

旺中近期開左好多食店，個個都好有特色幾乎唔重疊，今次我就去左試串燒，全因新張期內$28 3串！呢度有好多串燒選擇，有海鮮、肉、蔬菜，仲有其他非串燒小食。煩惱過後我選擇了流心蛋 安格斯牛柳 同埋紫蘇雞腿肉，落order後店員會立刻製作，所以大家需要耐心等候，counter位置有幾款醬汁，上面列名邊款串燒配邊款食物最好～圖片上流心蛋係一開二，不過實際佢會成粒上，原來都幾大粒，而且顏色上黎睇就知道炸粉有分別，原來佢係跟足大阪串炸製法，果然入口之後炸粉都有個特別嘅味道，有少少甜。而且唔算油膩～流心蛋唔係一下就流晒出來，啱啱好，我自己就超鍾意呢個口感同味道啦～至於安格斯牛柳就比想像中細，咬開炸粉內部見到牛粒，雖然份量唔算大，但咬落去真係會爆Ｄ肉汁出來，唔錯唔錯～我最覺得有驚喜嘅反而係紫蘇雞腿肉，本來無期待，諗住搵個大件少少嘅串燒食抵Ｄ，點知加埋紫蘇葉之後佢反而幫手索咁Ｄ油份，我仲試下加燒汁同青瓜汁。老實講跟佢推介選用醬汁真係無錯，不過大家有機會真係試下呢個青瓜汁，感覺好特別，哈哈