串燒咖啡 (已結業)

坐下又一日 輕鬆又自在同女朋友行街行到攰攰地，想去食tea就去左朋友成日提嘅串燒cafe都試下，氣氛都唔錯，岩晒情侶或者三五知己黎呀！我地order了小食拼盤，簡簡單單嘅雞翼味道甜甜地唔錯，薯條同麥樂雞熱辣辣炸得好香好脆，最鍾意就係佢呢度嘅沙律，食完炸野食返d清新沙律，即時減少油膩感，蔬菜嘅新鮮爽甜配埋芝麻醬一齊食好好味！另外再叫左香蕉朱古力鬆餅配朱古力雪糕，朱古力配朱古力雪糕再加朱古力醬雖然睇落有點漏，但食落非常滋味好味，鬆餅好鬆脆又夠熱，外脆內軟口感好正，撈埋少少雪糕一齊食都唔錯，但個人like雪糕分開食，鬆餅配香蕉一齊好食d！呢度價錢一d都唔貴，又可以慢慢坐慢慢食先令我覺得最舒服最自在！

時間過得好快 轉眼2017年已經過左1/4而我同小胖男友仍然係keep住密密搵(地方)...密密食有日我地就去左登打士街一座有好多cafe既大廈內覓食 憑直覺我地揀左一間叫串燒咖啡既cafe可能時間尚早既關係 cafe唔係有好多人 裝修簡單 較清靜雖然地方唔係好大 但餐牌非常精美 亦有好多類型既食物選擇小妹認為Cafe 最 最 最重要既一定係杯飲品我地點左水果茶同朱古力曲奇咖啡兩杯都好有質素不但甜度適中 朱古力同咖啡味又夠濃 最難得係夠晒凍 (平日好多時飲凍朱古力都會出現個底係熱既情況 )另外 除左cafe基本既小食拼盤同意粉外, 仲有大量款式既串燒當日我地就主攻串燒.....以為cafe既串燒會好敷衍?! 唔係喎 又係有驚喜 不但價錢唔貴 仲燒得夠香夠脆 串燒上既沙茶醬味道亦好配合食飽串燒 意猶未盡 已經有飽意既我地忍唔住誘惑再叫左個好靚既草莓香草鬆餅鬆餅口感的確好鬆軟 配上新鮮既士多啤梨同雪糕 好幸福雖然環境未算好靚 但性價比高 推介大家一試呢間小店

收工同好姊妹相約去旺角行街買野，再去埋油麻地買生果，之後就食埋個晚飯先走，朋友介紹左去一間樓上CAFÉ食野，果然推介得唔錯，又真係幾好味喎，都有Ｄ驚喜，位於旺角登打士街36號恆威商業中心7樓，地點都易搵架！青檸梳打，味道調得岩岩好，飲完好清新丫！朋友叫左杯水蜜桃梳打，我都飲左啖，又真係幾好飲ｗｏｒ，唔會太ｓｗｅｅｔ，剛剛好！點左個三文魚沙律，好fresh，三文魚都好新鮮，正！我地最愛就係食炸薯條，最好就係吹水食物之一，一邊食一邊吹下水，不知幾咁滿足，哩個薯條加埋芝士醬簡直絕配，又唔會太過流，真係好惹味丫！菠菜汁忌廉煙三文魚意粉哩個意粉整得好出色，個cream汁整得好好味，好香濃，我最愛哩個意粉，真係自己點整都整唔到咁好食!話明串燒咖啡緊係有串燒啦，叫左個燒韮菜，佢個調味同醬汁整得好好味，好爽口韮菜，必點！燒茄子，勁大條丫真係，原條開邊，我都係第一次食咁大條，又係勁惹味，佢地既汁加調味粉都整得好出色！燒牛仔骨，份量都大塊，牛肉仲好嫩，肉汁正！花枝丸＋雞肉串燒，花枝丸夠大粒，雞肉醃製得好入味，又唔會有味精，可點黎試試～最近點少得食埋個甜品丫，幾個女仔緊係要點啦，士多啤梨窩夫，都大份丫，真係

我覺得呢間餐廳都幾特別，有西式食物之餘仲有串燒食，啱晒我呢啲有少少選擇困難嘅人可以兩樣試哂。班尼蛋卡邦尼意粉好好味，意粉煮到軟硬適中，醬汁方面唔會太杰或太稀，啱啱好掛住D意粉好好味（必試）串燒方面；我哋點咗燒韭菜、燒帶子、燒魷魚鬚、雞肉串、秋刀魚、原條蒜蓉燒茄子，除咗串燒牛肉燒得乾咗啲有啲似食緊牛肉乾咁，同埋串燒菠蘿好似冇乜燒過咁唔甜帶酸，我哋最後先食當飯後果，幫助消化。整體嚟講嘢食係超好味，係同朋友食飯傾計好地方。超抵食喺openrice 見到佢哋有個優惠六點後惠顧全單有八折，兩個人折咗都係＄300，優惠至31/3，唯一要改善就係通風系統，因為食完成身油煙味

其實而家都仲有好多樓上咖啡室，每一間都總有擁護者，自問個人都光顧過唔少同類型咖啡室，但令我會再光臨就只此一家~串燒咖啡！這里除了有得食串燒外，甜品飲品選擇都好，味道亦好好飲。呢個綜合鮮雜果茶HKD40大大杯且份量及水果都十足味道夠濃郁但又唔會好甜好酸，味道適中又有粒粒鮮雜果，口感十足賣相又突出因為下午茶關係，所以吃得不多點了個蒜蓉牛油青口HKD28/3隻，燒吊筒仔HKD18/串及燒帶子HKD38/2大粒款款好味又抵食蒜蓉牛油青口好香濃牛油及蒜香，而且新鮮吊筒仔燒得恰當，而且又唔韌，口感適中帶子新鮮又大粒，鮮甜又彈牙除了其他燒物類，生果都有得燒見幾得意，揀左個燒香蕉HKD8/條面層淋上朱古力醬，香舊被燒過，因此有一陣燒過的香氣，但香蕉仍保持口感適中唔會過腍，而且香甜見其甜品夠吸引，因此亦點了個抹茶OREO鬆餅HKD58超好食，賣相已經不錯，如果雲呢拿雪糕口味可以有其他口味選擇則更好，抹茶OREO鬆餅帶微微抹茶味及清香，而且鬆餅鬆脆適中，口感好好，又唔會好甜，十分好吃。會再來的！

上網見到有間Cafe ,唔止食西餐，仲有得食串燒，聽落幾吸引，就即刻book枱去食。由於朋友識去，所以都好快去到，life一出就係，一層得一間舖。一入到去就聞到油煙味，cafe細細地，有幾張枱，要食就預先book定枱，因為見到後來冇book嘅人都入唔到。入面有唔少Card game ,可以同朋友一齊玩。辣腸意粉呢碟意粉材料比較少，得辣腸同意粉。腸有少少辣，意粉軟而"潔"身，味道係好濃既千島醬，感覺上有啲"樓"。鮮奶油野菌煙三文魚 $68呢碟意粉比起辣腸意粉，比較清新。三文魚整成玫瑰樣睇落幾吸引，打開係一大塊，如果同朋友share就要自己切啦。但係三文魚切得薄同睇落不太新鮮。飲品唔記得叫咩名，飲品有切細咗嘅水果，水果唔係甜，飲品味道一般。串燒 串燒比起西餐味道優勝很多，燒茄子，$38 茄子軟身容易不，冇燒窿到，仲有孜然粉好入味。連蕃茄$8 都有得燒，一串四粒，細細粒，配上孜然粉，味道不錯。燒菠蘿$13，四舊菠蘿大大嚿。呢度既staff好有禮貌👍🏼但係環境有油煙味，食完全身都係燒烤味。

串燒好食，醬料均匀，甜品即製好味地點雖然比較偏僻，環境氣氛不錯，是個約會聊天的好地方，飲品甜度適中，價錢方面每項計算，😊倆人用了$381只收現金，🤗如果可以用信用卡付款會更好😎😎

今日出左旺角驗眼，行左陣街，夜晚就約左兩個姐妹去食飯，一早就bk左間樓上cafe，朋友bk既，話之前佢同男朋友上去食過d野唔錯，就諗住同我地去食！我地約埋6點由旺角行去油麻地，其實好近，佢係個巷仔入面上樓就係！我地上到去坐低就點野食！唔知係咪樓上cafe既關係，價錢都比較親民！我地三個女仔，叫左個意粉啦，沙律，薯條！仲叫左幾串串燒（呢間野cafe但有串燒食架）呢到雖然細細地，但會好似返左你屋企咁因為有好多牌呀，棋呀提供比你玩，不過我地無玩我地掛住傾計吹水就夠哂，呢到有樣野好，唔會催你走，又唔會話限你食個半鐘呀果d野，可以比慢慢食慢慢傾！係知已聚腳既地方！

隱世既小小cafe，入口位於裕華國貨店隔離條小巷，估唔到都可以有高水準之作！除左有意粉、焗飯、串燒、甜品...仲有board game玩，有得食又有得玩，正呀！😝🍝班尼蛋卡邦尼亞意粉（$78）忌廉汁非常濃郁香creamy！主角班尼蛋外熟內生，一啖咬落去，黃澄澄既蛋汁流哂出黎，滿足感100分！我最愛既🌹玫瑰花朱古力咖啡唔太甜，我至like👍🏻拉花很美，再加上紅紅既玫瑰花瓣美呆了！波蘿椰子冰就味道清新，好有夏日feel!白汁芝士海鮮焗飯非常香，每匙飯都有芝士拉絲，芝味濃郁！最欣賞既係海鮮材料都有水準，青口成隻匙羹咁大，焗飯焗完之後又唔會乾，白汁好creamy!除左西餐菜式好食，串燒都好正，唔會燒到好燶同好乾！我同朋友都好驚訝！推介串燒帶子同帆立貝，價錢唔貴，又好味！帶子口感煙靭，加上串燒汁同辣粉好惹味！最後仲點左朱古力香蕉鬆餅一齊share！鬆餅即叫即整，熱辣辣好香軟，再加上凍冰冰既朱古力雪糕，冷熱交替，味覺同感覺大滿足呀！而且份量真係好夠，四個人食都夠呀！

一向cafe都係俾人坐得舒舒服服，有啲card game 俾人玩，而呢一間都唔例外。一去到就叫左野食先，之後就拎左啲card game去玩，可以一路玩，一路等食物！首先黎到嘅係三文魚波菜意粉，呢一碟意粉煮得好好食。。原因係意粉唔軟又唔硬，加上有幾塊大大片嘅三文魚，不過份量唔算太多，但味道唔錯。跟住再黎嘅係oreo沙冰，一開始飲落唔太濃味，不過等佢溶左陣嘅時候，味道就愈黎愈濃，而且都算係大杯，仲有舊oreo餅係上面，好搞笑！之後就係一推嘅串燒，好重孜然粉嘅味道，啱哂我呢啲鐘意食呢種味道嘅人。仲有嘅就係pizza，pizza係酥皮黎，超級脆！不過舖頭嘅燈唔算太光，有啲暗，但整體黎講係非常唔錯！

話就話Happy Firday , 而事實上一樣係要返工. ( Um……) 所以都唔想去咁遠食, 就近近地出左油麻地嘅Café 本來有啲想去愛麗絲架 , 因為真係好靚 , 但又唔想同人逼 (女人真係好麻煩….) 咁就去左隔離恒威繼續覓食. 如果上左去串燒咖啡 顧名思義 串燒 同 咖啡 又點可以少 ? 不過依道都好多元化 , 唔食串燒都可以食 All Day Breakfst / 意粉 等等. 綜合水果茶 $40 ♥♥♥♥♥ 賣相都唔錯 ♥ 甜甜地 + 茶香 + 水果天然的微酸 特別開胃 ! 仲要有埋新鮮生果 , 飲完皮膚都靚啲 朱古力曲奇咖啡.$36 ♥♥♥ 反而我覺得水果茶比較出色 , 依道的咖啡奶香味比較重 , 相對我覺得佢係似Latte. 不過塊Oreo 好好味 (錯重點….Haha…) 至於串燒方面, 我地兩個女仔都點左唔少 ! ( 當然食得晒 ) 全部都好好味 ♥♥♥♥♥ 一律無伏 ! 但有幾樣要特別特別推介 ! 燒生果系列 ! 菠蘿 $13/份 有燒菠蘿點的話我係一定唔會放過 ! 燒完的菠蘿特別香甜架 ♥ 香蕉 $8/條 依個好得意 , 我都係第一次食! 唔好睇佢成

咖啡配串燒，係一個新穎嘅概念，我唔飲咖啡，就用朱古力配串燒吧。今日外勤工作，又攰又肚餓，就上黎呢度抖下同食野，唔知點解要用窗簾遮晒窗，如果有自然光入黎感覺會舒服啲，而且用嘅窗簾都唔靚。榛子朱古力$32: 隱若見到心心泡沫，朱古力味道幾濃，幾甜，榛子香味特別。燒蒜蓉金菇$15: 大推！蒜蓉味好香，牛油唔會過多，但好夠味，金菇淋滑又爽！燒菠蘿$13: 燒到表面有啲乾，唔算超甜品種，但甜度可接受，當生果食幾健康。燒七吋海蝦$18: 夠大隻，唔痴殻，食得出味道新鮮。燒車厘茄$8: 好淋好多汁又幾甜。燒啡吊筒仔$18: 質感有點靭，未有我想像的軟熟。燒青瓜$8: 大大件，爽口又多汁，好香青瓜味，抵食！燒帶子$38: 兩件都好夠份量，無雪味，唔會燒到過火，啱啱好，有淡淡鮮味。燒韮菜$13: 韮菜比較索汁，所以頗濃味，韮菜爽嫩無渣。燒原隻茄子$32: 因為燒茄子需較長時間，要多啲心機，價錢都比較貴，呢度燒到幾好，可以食到底都熟，唔浪費，用左蒜泥唔係蒜蓉，特別滋味。總括，呢度串燒調味幾好，唔會太咸，有少少沙爹醬咁嘅味，同少少孜然粉，我本人好驚勁孜然粉既串燒，好在呢度唔係，估唔到一間cafe店有咁好食既

今日同朋友吹水聚會，食左好多串燒。上到呢間樓上cafe酒比佢豪華既裝飾震驚，感覺好舒服。原來串燒咖啡除左串燒，都有意粉食。叫左個benedict卡邦尼意粉。七十幾蚊，都算合理。等左十分鐘，意粉終於上菜。Egg benedict整得好靚。切開個蛋，撈允個意粉，好想卡邦尼同煙肉味，正呀！只能說卡邦尼汁整得完美，令意粉食落好香滑，但唔會好濟，食到好開胃。雞蛋同卡邦尼汁溝埋既香味真係無敵。未食串燒已經被個西式野surprise左，正！食到一半串燒終於黎啦，叫左個整隻燒韓式干魷魚，有個醬汁可以點，原來燒魷魚點芥辣都幾好味，味道獨特，慢慢咬，香味慢慢出黎。最正都係呢個燒安格斯牛肉，串燒好多汁，而且食得出少少既沙爹醬味，好惹味。燒雞腎彈牙，爽口，味道葉得足料。叫左豬肉串，雞肉串，豬頸肉。豬頸肉水份夠，總之串燒燒得好味，食得超滿足。叫左個榛子朱古力。大大個忌廉係上邊，一飲榛子味濃郁咁出曬黎，正既。舖頭冇限時食幾耐，慢慢同朋友吹水食串燒，人生享受。

樓上CAFÉ通常都只有西餐，今次呢間就有新意，提供串燒我就好成功咁比佢吸引左過黎小食拼盤：雞翼燒得好香口外層雖然唔算好脆，但入裡雞肉嫩，有肉汁薯條無炸到過火，較粗有口感，仲有薯味添黎串燒咖啡CAFÉ，又點可以唔叫返幾串串燒呢燒雞脾菇，大大舊又厚，無燒到太乾，但菇本身無咩味，幫佢調調味就更好燒雞肉、豬肉串，呢兩樣都唔差肉質結實，亦都入味，香口香蕉朱古力窩夫份量好大，足夠3-4人分享窩夫偏軟，朱古力味足夠，適合熱愛朱古力人士我就食左兩大塊

經過旺角突然好想食串燒 即刻搵附近邊到有食串燒既地方店鋪比較隱蔽 好難先搵到個入口串燒咖啡同普通cafe差不多 都會有意粉 小食拼盤呢d選擇但我今次黎係為左食串燒 將想食既野係張紙到畫畫畫交比店員 就會即刻幫你燒等既時間唔算好耐 好快就上齊哂每串串燒都好多汁 唔會燒到燶或者乾哂個人比較鐘意豬頸肉不過呢到油煙有點兒大 食到我眼淚係甘標 因為油煙太攻眼 一路食一路不斷眨眼同埋呢到只收現金 有時現金唔夠又要走番出旺角/ 油麻地撳錢