串燒咖啡 (已結業)

放假無無聊聊最like就係約朋友去左cafe high tea傾下計消磨時間，今次揀左旺角串燒咖啡樓上cafe，呢到環境都ok，簡簡單單既裝修佈置，比到人舒服舒適既感覺，座位好舒服，食物方面亦都唔錯，選擇都唔少，味道都幾好！order了小食拼盤，雞翼甜甜地食落好開胃，煎得又岩岩好唔會過燶，煎到金黃色賣相好靚仔！ 呢到選用我最愛粗薯條，真係岩晒口味，外層炸得金黃香脆，裡面淋淋地點埋茄汁一齊食，真係最佳配搭！ 麥樂雞，同平時食到某某快餐店個d都差唔多，都唔錯夠晒熱辣辣就覺得好味！ 伴碟仲有蔬菜沙律撈埋芝麻醬一齊食，減少炸物既油膩感，唔錯！飲品選了而家周圍都好興飲既水果鮮檸紅茶，酸酸甜甜充滿各種水果香味，又有茶味都唔錯！

放工同朋友行旺角,諗住搵間cafe坐得耐傾下偈,上openrice見到呢間串燒咖啡都多好評,就順住地圖方向進發.地點有少少難搵,好彩朋友去過附近,幾經辛苦終於坐左入cafe.樓上鋪,有粉麵,串燒,小食,特色嘢飲為主.Menu中嘢飲嘅頁數都有幾頁,多樣選擇.我地一行工人主要點串燒,燒菠蘿($13一份),菠蘿都幾厚肉,一份四粒,甜度夠,不過燒太耐有少少變乾,水份唔多.燒帶子($38蚊兩粒):帶子如相所示真的媲美菠蘿粒,非常厚肉,完全無雪藏味,喜歡食帶子的不能錯過.燒茄子($32一條),茄子都幾大條,燒得夠熟可以輕易皮肉分離,調味岩好,加埋蒜泥去燒,好香.燒墨丸($13蚊3粒):粒粒都成個乒乓球咁大,而且幾彈牙,抵食.燒金菇肥牛($25一串):一串有2件,肥牛唔會太韌之餘金菇都熟透,仲好入味,不錯.食串燒飲咖啡,呢種體現都幾新鮮

Manager今日放假，難得早放工,黎旺角行下，順便食晚飯。入口好難搵，行左2個圈終於見到，若非有呢d好評，真係唔會黎到。挪威煙三文魚沙律: 幾fresh綜合鮮雜果茶: 味道不過不失蒜蓉金菇：香，但份量略嫌較少燒菠蘿：有汁唔乾燒雞翼：加辣好味好多燒芝士丸：芝士燒熔左好味，再加辣粉good焗菠菜雞皇意粉: 綠色既雞好怪，但味道又夾喎Ps 店內有board game,但拎左2副出黎，都係無說明書和唔齊既⋯⋯

話說友人上openrice 搵下有咩re-u/gathering好地方, 方便大家既旺角緊係首選, 咁就中左伏揀左呢間cafe...講個環境先 (因為都係最嚴重既問題): 拿, 首先揀得旺角樓上cafe都唔打算要咩浪漫夜景 咩靚靚裝修, 但起碼要乾乾淨淨, 坐得舒服 慢慢吹水。但呢間環境陰陰沉沉唔再講, 一入去已經發現好細間, 有4張台, 但台同台之間只容許一人經過既空間, 亦都因為咁, 所以半開放式既廚房將成間小店充分地灌滿油煙, 個鼻啊喉嚨啊即刻好唔舒服。 咁大家覺得好評咁多, 應該唔會流既, 可能野食好好呢, 而且又book左台, 唔好意思 就咁走左去..食物:    menu唔算豐富, 但應該有既cafe食物都有,  我地一行 6人太肚餓所以基本上叫左好多意粉啊, 焗飯啊, 薯條 燒雞翼呢D最正路既野, 但係意粉 焗飯 既汁都太'傑', 意粉更因為落左芝士粉變得好乾, 痴埋一大舊分唔到... 比較好既係燒物, 雞翼啊 雞胗啊 茄子啊味道都尚可, 雖然全部都用緊同一款蒜蓉醬..

去旺角超多選擇，發現一間樓上”燒咖啡Café”，真係好特別，燒咖啡，以為睇錯字是一間樓上CAFÉ，很有趣，有一些很遊戲給客人玩樂，CAFÉ不只吃西式，都有很多選擇，名副其實有”燒”嘅食品.好特別有好多串燒，可揀，蒜蓉金菇，好惹美，燒魚，燒得夠，有些微濃濃地，正，但又不過火，裡面仍保存肉汁，不會乾爭爭燒牛仔骨，味道不錯，不過稍為薄同細..因為係牛仔骨，如果多塊感覺良好少少小食拼盤，有麥樂雞，味道好好，好味，外皮好脆，不會林林的，薯條都炸得香脆，雞翼一般味道都不錯，因其他兩樣都好好美味，綜合鮮雜果茶，清涼清新，真係好似去左BBQ咁，不過係室內，仲要係間Café，一班人來不錯，店主又提供了一些遊戲，可一邊玩哈哈如果唔傾計，一個旺角好地方

今日同同事去左公司附近商業中心bbq cafe到食lunch，環境舒適，食物質素唔錯，價錢都合理，所以間中都會黎食下，可以慢慢食一邊傾下閑計，食物款式又多！叫左班尼卡邦尼意粉，賣相已經覺得好靚好吸引，意粉上鋪上煮得靚靚半生熟既流心蛋，撈埋一齊食意粉口感更加滑漏，配上好足夠既卡邦尼醬汁，濃濃既芝士香味，加埋配料好多既煙肉同野菌，食落好juicy好夠味，份量都算多夠晒我地兩個食！小食拼盤，熱辣辣既薯條同麥樂雞都炸得好金黃香脆，薯條食落脆卜卜，麥樂雞好夠熱，配埋茄汁一齊食仲好味，雞翼煎得好靚仔，處理得好好完全冇雪藏味，鹹鹹地幾好味，伴碟仲有d沙律菜，乾淨新鮮撈埋沙律醬一齊食，健康又好味！

朋友生日所以我同朋友去食，中午時段其實無咩人，好似我地包起左個場咁。野飲野食都正正常常。我想比個驚喜朋友，職員幫我熄燈點蠟燭等我可以唱生日歌 比個驚喜朋友，是個窩心cafe

有朋友生日，上OpenRice 睇呢間都士士正正咁就book呢間。一打電話黎d態度已經麻麻...上到黎冇咩招呼可言😓間cafe得2個男人...經常係廚房..想叫人落單都幾難😑咁就走到個廚房出面叫佢地..個男人竟然拍我手臂內側..借問聲..乜可以咁掂個客嫁咩？仲要係呢d位☹️膊頭都話可接受...講下野食..叫左d串燒...佢地落好多沙嗲醬落好鹹又多油😓之後意粉呀飯呀個d就都可接受曾過今次體驗真係黎一次就夠😑

這家cafe位處的大廈,,大廈入口很隱蔽入口在一條冷巷內第一次來的話,,不易找到入口呢！與友人一行4人前來光顧點了小食拼盤,,三文魚沙律冷麵,,南瓜芝士海鮮焗意粉&一些串燒既然cafe名叫bbqcafe,,當然要試試串燒啊！我點了朱古力曲奇奶昔來喝小食拼盤,,包括雞翼,,炸雞塊及薯條由於cafe採用開放式廚房,,所以當他們炸食物時滿室充滿著油煙味！不過即點即炸的食物,,當然香口！炸雞塊及薯條都炸得金黃香脆,,薯條是粗身的,,帶點薯仔味！三文魚沙律冷麵,,麵質軟硬度適中醬汁微酸,,挺開胃有兩片煙三文魚,,每人都分到一點來吃南瓜芝士海鮮焗意粉,,加上了麵包粒,,脆脆的增添咬口醬汁的味道濃,,而且充滿芝士味海鮮份量不多,,最吸睛是很厚大的唯一一隻青口吃到最後有點膩串燒,,點了韮菜,,原條茄子,,雞軟骨,,豬頸肉,,金菇肥牛等串燒肉類所用的醬汁都ok,,夠入味只是茄子所用的孜然粉多了點,,味道略鹹朱古力曲奇奶昔,,面層都是cream朱古力味不會太甜,,味道調得剛好！整體食物味道不錯最大缺點就是油煙味另外就是串燒的價格略高其他食物的價格跟一般cafe差不多

今日同朋友去食串燒咖啡，入到cafe見到地方都好骨致，地方少少但足夠比一班朋友一齊黎聚會，會係一個好既選擇。第一樣試既係芝士薯條，份量很大份，足夠三至四個朋友一齊分享一齊食。但不要睇少小食，呢一份薯條係十分飽，加埋芝士係面，如果想傾計既，會係最好既選擇。之後仲叫左一客雞翼，入味得黎仲要係即叫即製作，所以入汁，雞翼亦唔會好乾，都係傾計小食佳品，但唯一美中不足既就係有少少咸，但仍然可以接受。之後我同幾個朋友都一齊叫左一個南瓜海鮮焗飯，真係幾個女仔食都食唔哂，可能係因為有叫埋薯條同雞翼，所以已經好飽。焗飯南瓜蓉口感重但都易入口，配埋海鮮其實配搭都好好，兩個人分都夠飽。最後仲叫左個沙津，三個女人分都太過多野食，下次可以留意下，但因為串燒太熱氣我地都無叫，但可以既都希望下次再去試！

老老豆豆，野食真心唔差，但一入去就聞到好大陣油煙味，仲隨住人叫餐不斷上升。同朋友食完兩個鐘，成身都係油煙味。雖然如此，都可以講講食物。特別推薦士多啤梨星冰樂同南瓜雞皇飯，前者足料又夠滑，後者夠味得黎帶甜好好食。串燒可以食菠蘿，一串有四舊。另外，當住老闆面讚好佢FB同分享就有8折，係抵嘅，五個人食到撐先550蚊。值得一提嘅係老闆好cool，語氣有d差。我建議佢改名做冷漠咖啡同唔賣串燒，咁就又貼題同無油煙味。

係旺角等睇戲前有少少時間，女友話不如去食d野喎。見呢間cafe咁得意有串燒食，於是上去試下。店內環境好舒服，光線微暗，好寧靜既感覺。可惜店員話今日串燒暫停供應，無緣試呢~於是我地點左個芝士炸薯條同埋香蕉朱古力班戟。芝士炸薯條，估唔到芝士味咁香咁濃，厚厚既芝士包住每一條薯條，味道同口感都一流！仲要熱辣辣新鮮炸起，真係超正👍🏻呢個朱古力味既班戟係幾好食，唔會太甜；美中不足係唔夠鬆脆，偏軟。但總括味道都係唔錯的。真係有驚喜既咖啡店👍🏻下次到定要黎試埋佢d串燒！！

今日同朋友講起以前成日去café玩hea時間既日子，於是我地係旺角行完街就係就近搵左呢間串燒咖啡，一上到去見到個牌寫住”特別能吃苦”再見到下面個句，笑左出黎。呢度裝修比較暗，地方唔大，幾適合倩侶同小圈子飯聚既地方，但係我地今次就一大班人去就顯得特別嘈，哈哈。因為我對串燒無咩興趣，所以我自己就叫左個意粉食住先，睇到個餐牌好多唔同既意粉，最後叫左個意式辣肉腸意粉，見佢紅紅地色應該幾開胃，仲左杯OREO曲奇沙冰。意式辣肉腸意粉，單睇賣相以一間串燒為主既CAFÉ黎講，係幾有心機，意粉煮得岩岩好唔淋唔硬，食落去有咸咸地，連埋D辣肉腸咸咸辣辣咁，值得叫人再黎多次。再講下個OREO曲奇沙冰，一般以出飲品店既沙冰黎通常到手個陣D冰已經融得七七八八，但係呢杯無，而且佢既OREO味好濃，D沙冰好棉，飲到好滿足，襯返塊OREO，好貼題。食到差唔多緊係到食甜品既時候啦，我揀個朱古力遊艇，見佢話店長推介係要等15分鐘，呢個甜品以朱古力為主，個底係一塊餅，上面就就加左好多朱古力既野，有OREO、朱古力醬、石板街雪糕、朱古力脆脆，岩哂鐘意食甜野既我，餅加朱古力成件事好邪惡。

千奇唔好黎呢間食野!!我同我朋友以前就曾經黎過一次呢間野度食野既, 果陣時因為佢間野無乜人, 貪佢夠靜, 所以先去幫襯, 之前服務態度已經係不冷不熱咁, 不過算啦, 我地都無乜所謂。但係唔知係唔係依家越黎越多人信左OPENRICE上面D打手話呢度既野食好好食, 所以多人黎左呢間野!呢度D野食根本唔好食!!而且佢地服務態度超級差!!!! 我地BOOK左下午4點-7點既時段, 果兩個男既服務員係5點幾果陣就不斷用言語暗示我地佢地7點鐘有BOOKING, 我地不斷同佢講OK, 佢都唔放過我地, 全程黑面, 係隔離虎視眈眈, 慌死人地會賴死唔走咁。其實我真係好後悔揀左呢間甘既野, 我地果日係為左慶祝朋友生日所以先搵呢間CAFE, 貪佢夠靜, 可以等我地成班人好好慶祝, 結果我地個服務員就咁將個蛋糕(連盒)DUMP係我地張檯上面, 叫我地自己搞!!FINE, 自己搞都唔係一個問題, 佢仲要話：「你地７點就要走」！！果陣六點15分ONLY！！！其實你地可唔可以尊重下我地？！我地都有俾錢食野架？？！如果你真係覺得７點個ＢＯＯＫＩＮＧ甘重要，甘我打電話黎ＢＯＯＫ既時候你就應該拒絕我地，叫我地唔好黎！唔

食物質素超有驚喜叫左焗南瓜雞皇飯，本身一入到黎舖頭對呢度冇期望，點知一食就不得了！焗飯甜甜地，啲飯又唔會濕，乾身得黎就黎脆脆，但精粹真係面頭既汁！只可以話呢個飯其貌不揚，很是驚喜！