串燒食堂

營業中

休息中

今日工作緣故來到北角，同事好想食串燒飲啤酒。見附近係有間新開，入去試下先。我地叫左鹽燒雞中翼，同雞腎。雞翼普通，雞腎幾好食，爽脆又唔燒到好dry。仲有同豚肉車里茄，呢個我最愛。薄薄肉片包住番茄仔，係口中醬爆，酸酸地同特別肉夾。另外有燒廣島蠔，幾肥下，都好鮮甜，不過我以為係帶殼燒呢~再來個芥末雞骨腸，呢個好正啊，好似脆皮芝士腸但係個餡係好濃肉香，唔鹹。好味道~食完肉了，食返多D纖維先，有我最愛燒菠蘿，同韭菜。另外還有燒豆腐，外脆內滑。同事好喜歡秋葵，我就好怕個滑潺潺既口感，但係試食左一個，燒既秋葵又幾好食哦，咬落去好爽脆，唔會好多潺。有小驚喜呢！最後有牛油玉米，呢個好普通，無特別。反而個香燒大茄子幾好，有孜然粉五香粉，少少辣多多蒜，勁惹味。不過，好可惜呢度無酒飲，我地叫杯柚子蜜share~同事好想飲酒....哈哈哈。呢度老闆話可以外帶酒精飲品哦~又幾體貼既。

今日同屋企人嚟咗呢間串燒食堂，香港島唔算話好多串燒店，同屋企人食比較傾向揀一啲比較平民嘅餐廳，人均消費越低就越好啦！所以呢日嚟咗北角和富道食串燒，裝修同埋環境嚟講冇乜特別，只係感覺好闊落，唔覺得特別似日本嘅居酒屋，整體都係行平民路線，都係因為咁，每一樣串燒嘅價錢都唔貴，叫得多都唔會肉痛，嘿嘿! 首先我哋嗌咗蟹仔蟹柳沙律＄42，青瓜絲嘅口感非常爽口，配上美味嘅沙律醬非常之好食。之後就嗌咗蒜蓉燒生蠔＄40值得一提嘅係呢度每一日都會有Ｄ優惠串燒寫喺小黑板上，佢哋比起正價平幾蚊，咁抵一定要叫。最令我驚訝嘅係生蠔燒過後仍然係咁大隻飽滿，呢一點比起其他串燒店都做得好，超多水份，正呀！！然後點了紐西蘭羊架＄48 羊架上好像灑了一些孜然粉，味道非常可口，而羊架本身多汁鮮嫩，出面燒得微乾。金菇肥牛卷＄26 個人認為肥牛味道不錯，但是口感乾分了一點點吧。燒羊皮串$38，聽老闆講呢度一星期只係得十串左右，所以只會寫在小黑板上不會寫在主菜單上，吃到與否就看你的運氣啦。感覺係超好食，有啲似。。。羊肉版嘅五花腩，一定要試。之後仲嗌咗泰式冬陰功蝦丸、燒菠蘿和豚肉荔枝卷。佢哋嘅味道都唔錯，平平哋又一串，豚肉荔枝卷意想

有💟的串燒店🍡食物質數佳，樣樣都好好味😋老闆態度親切，服務一流👍價錢合理，物有所值，吃得十分滿意😄其中必食推介有：。燒羊皮串~超正！但要預訂，在其他串燒店不易找到。有不同層次的口感集於一串，一定要試！。厚切牛舌芯~我的至愛，爽而多汁，超好吃。汁燒雞肝~外脆內creamy, 味道一流。豚肉荔枝卷 ~兩種味道超夾，很特別。爽脆雞軟骨串~爽夾脆，正。燒魚乾，黃花魚一夜干~咸鮮味正，送酒一流。鹽燒白鱔~火喉剛剛好，肉嫩多汁。燒羊架~厚切，肉嫩多汁，加上香草味，超正。豬骨湯烏冬~彈牙，豬骨味濃。。。還有很多😋

-行開北角見到有間串燒店就決定入黎試下店內各式各樣既串燒都有厚燒牛舌芯燒到好淋香科帶到牛味出黎十分推介芝士年糕好正 燒到微微焦係流心芝士必食車打芝士翠肉瓜本身以為會好乾身點知個翠肉瓜十分juicy再配上我最愛既芝士推介白蘑菇賣相好得意係3種唔同大細既蘑菇蘑菇都係十分juicy會爆汁 要小心鯖魚都幾大條最怕會有惺味但係呢隻無日式冷稻庭烏冬本身以為係配普通冷麵汁但點知仲有配上生蛋 蔥 蒜 wasabi好得意食落有另一種風味汁燒牛肋條呢個完全唔韌燒得好淋而且牛肉味好出推介蒜蓉生蠔好香既蒜蓉味即使燒左都好juicy老闆服務態度好好店內唔油煙價錢合理性比價高值得支持既小店

早幾日 ，和家人，共七人，去試這間剛開張嘅串燒店。我地7點到，可能又是平日，所以未有仼何客人。店員提議點‘每天特價優惠’，因為低食，甘我地當然唔放過這個優惠啦。店員見我地有老，有嫩，因燒串燒需時，驚佢地肚餓，特別幫我地加烏冬，soba, 細心，值得一贊豚肉荔枝卷，好特別，味道好夾。燒鷄肝就一啲都唔乾，最憎燒到嚡拾拾，呢度就冇呢個問題，燒得啱啱好。燒鷄皮，脆卜卜，超正，我個女食唔停口。珍寶蝦，蠔，新鮮！最特別係燒黃花魚干，送酒一流 整體服務好，環境乾淨，食物水準不錯，價格合理，值得一試