串燒食堂

營業中

休息中

串燒食堂📍北角 North Point.厚切牛舌芯非常爽口彈牙 好想encore🤩可惜牛肋肉肉質頗靭 好多根位😔一口牛超讚 入口即溶 食幾粒有少少膩😍燒白鱔質素好高 一咬即爆汁 唔會燒到乾身😛羊肉串亦不得不讚 大約有6-7粒 非常juicy👍🏻另外多春魚外皮燒得十分脆 有驚喜🥰.厚切牛舌芯 $36汁燒牛肋肉串 $38熊本雪花一口牛 $38爽脆雞軟骨串 $12味椒鹽雞腎串 $15鹽燒白鱔 $48孜然羊肉串 $30日本迷你甜蕃薯 $16川式香燒原條大茄子 $44鹽燒多春魚(4條) $33燒雞泡魚乾 $46日式冷綠茶蕎麥麵 $48日式冷稻庭烏冬 $48

在北角住咗咁耐，附近的食店都食到七七八八，但今晚唔想阿媽辛苦又煮的時候，就行出去又再四圍找嘢食，行下行下就見到呢間串燒食堂，因為平日好少行呢邊，印以從來無注意過佢！以前想食串燒就要落天后、西環，難得北角有就立馬要試一試！坦白那句，價錢唔算係平，但叫來的食物無論賣相還是咪就都是意料之外，當中前菜叫了蟹籽沙律，和平常食的有少少分別，但呢個更出色，有村會要叫！鵝肝燒到剛剛好，而睡咬落好有鵝油，牛和羊架都好係出色，燒到剛剛好！只是當日未能提供酒，有些可惜！

今天好想食日本嘢，係呢度搵搵搵⋯⋯搵咗呢間串燒！其實一向我都鐘意食串燒，加上呢間仲有幾款麵，飯揀，因女友成日好怕淨係食串燒會唔夠飽😝 再加上，全部都係好評！連ok評都無👍🏼 六點幾到咗，好彩唔洗等位😁 坐下✔️✔️✔️⋯⋯揀咗十樣串燒⋯⋯睇到已經好想食😁 店舖唔算大，但都坐得舒服，又乾淨，唔錯😊👍🏼今次我寫得比較懶⋯⋯叫咗啲咩，請睇相😅大部份都幾滿意，未去到勁好味，但好味嘅😋😋 唯一係個羊，無咗羊嘅羶味就唔係幾得，所以下次應該唔會叫😝 但本人覺得金菇牛肉卷同鵝肝多士都好正！ 雖然未係好香味嘅鵝肝，但整得好適中，連塊多士嘅脆度恰到好處😋😋👍🏼 食完啲串燒，都未係好夠，加多一個韓式泡菜牛肉片辣芝士麵，賣相唔錯，食落就ok啦，唔係好辣，亦無芝士味，但料好足兼幾好味😋

本來想食和富的泰國餐廳點知行左成條街都找不到上openrice 先知倒閉了 😢之後行過串燒食堂 聞到好香所以膽粗粗入去嘗鮮一入去都見到 滿坐的 只剩一張2人桌同留位的所以直接坐了2人桌 見只有一個侍應跑來跑去 非常忙之後點了好幾樣食物 上菜速度都好快芥末青瓜（ 冷盤）可以見到d 芥末將多到瀉出嚟然後有一啲木魚碎係面我直接放進口中 芥末味直衝上腦超級濃 我眼水都標出嚟我同朋友都好surprise 點解甘濃之後我們要包剪揼 食咗佢 太刺激了燒白菜仔燒到表面微微焦 加少少豉油 顯得非常鮮甜燒菠蘿有少少焦糖在表面都算多汁 炒雜菜燒烤本身比較多肉 所以為咗平衡 健康d 都叫咗一碟菜 火候啱啱好 有少少雜菇我覺得非常抵食 之後叫了兩碗白飯串燒 加 雜菜 配飯食非常飽肚玉子燒～ 燒杏鮑菇～ 牛肉金菇捲玉子燒非常鮮甜 香脆杏鮑菇多汁牛肉金菇卷 香甜多汁 豚肉 蕃茄卷外皮豚肉非常香脆 番茄多汁香甜烤香腸送飯一流: 燒豆卜這個最出乎意料 非常香脆就像吃薯片一樣非常推介o炸雞軟骨分量多 送酒一流: 燒香蔥雞肉大蔥非常香甜 雞肉嫩滑:燒蘑菇 都算多汁 配飯 正總括來說 食物出色 價錢合理 非常推介埋單三百蚊左

今晚去北角和富道搵野食，行來行去，入咗串燒食堂，店舖細細間，坐位唔多。🥢鹽燒雞翼，燒得香口，咸度適中，而且唔會燒到肉質乾唒。👍🥢椒鹽雞翼，椒鹽辣辣哋，夠惹味。👍🥢燒廣島蠔，我無食，友人至愛。蠔都幾大隻，燒得幾靚。🥢燒雞皮，邪惡😈食物，燒得好香好脆。🥢燒雞軟骨，無咩特別，口感唔錯。🥢燒荔枝豚肉，我的至愛，荔枝清甜，豚肉夠香，包住燒一流，又夠肉汁，好味👍🥢金菇🍄豬肉卷，味道不錯，夠香。👌🏻🥢燒芝士翠玉瓜，翠玉瓜不是我杯茶，友人order.🥢燒羊肉，肉質0k，孜然粉夠香夠辣，惹味十足。👍🥢燒大蔥，友人order.🥢鰻魚飯🍱，鰻魚唔似薄身個d平價貨，幾肥美，抵食。👍🥢麻醬冷烏冬🍜，稍為覚得麻醬多咗少少，鳥冬份量十足，麵身夠滑又煙韌，好like👍🥢酥炸魷魚🦑鬚，尼個就覺得麻麻地，炸得過火，炸醬太多，帶唔出魷魚🦑鬚的口感😔藉得推介的平價串燒小店，店員服務有禮👍

香港地勝在平貴都有好嘢食 ，北角更有不少臥虎藏龍的用心小店 。招呼也用心。食材靚，燒得剛好，不會過乾，外脆而内裏仍然有汁。 全部串燒都好食最愛雞腎4.5／5雞軟骨4.5/5 乾脆及非常香口韭菜 4/5 孜然味重及多汁番薯3.5/5多春魚4/5雞翼3/5安格斯雪花一口牛 3.5/5 軟滑及重牛味，但有少少筋冬菇2.5/5 可能是個人口味，不喜歡太多汁喜歡燒再乾身啲鰻魚飯也好味 3.5/5 起碼有誠意過板長價錢更是哈哈哈， 兩位$300

肥髀閉關溫習後想食日本菜，所以帶佢去呢間未試過嘅，事前打電話去訂位，準時去到，店家真係留咗位，店內幾細，窄長地方略迫，桌椅都係沙灘🏖️上見嘅摺枱椅！枱面加塊透明膠保護！食物款式幾多，剔好格仔紙交單後，食物好快到！鹹檸啤🍺（$36）第一次飲，以為係鹹檸味帶啲啲啤酒味，點知係普通啤酒帶啲鹹味！一般燒菠蘿🍍（$16）兩片連皮菠蘿，燒得香甜多汁，燒過之後無生菠蘿喇脷嘅物質！剩下甜味！好味日本迷你甜蕃薯🍠（$16）肥髀最愛，蕃薯香甜好味蟹籽蟹柳沙律🥗（$42）大大碗好多蟹柳絲，蟹籽卜卜脆，不過墊底嘅係生菜絲不是青瓜，無咗青瓜嘅多汁同爽脆！一般安格斯雪花一口牛🐮（$38）肉粒嫩，牛味重，一啲都唔韌，肥美好味！蒜茸燒蠔🐚（$24）太多蒜茸，我𢳂走啲蒜茸先見到蠔肉，蠔肉嫩滑，幾新鮮，好味日式冷稻庭烏冬🍜（$42）木盤盛戴，烏冬扁身，嫩滑煙韌，沾汁有薑茸、蔥粒、鵪鶉蛋、芥辣，清爽好味清酒煮蜆🍶（$55）已經比埋空碗裝殻，蜆肉嫩滑，不過當中兩隻有沙，清酒味幾濃，所以清酒汁有點苦！鹽燒雞中翼🐔（$20/2隻）雞翼開邊，皮燒到卜卜脆，雞肉嫩滑，落咗少許鹽，味道鹹香芥末雞骨腸🌭（$15）腸燒到出晒油，外面微焦，腸

平時好少去北角, 早幾日有工事要去個邊就約埋放假既男朋友去個頭搵好野食啦我地都係串燒控，行行下見到呢間串燒店好似唔錯WOR!!時間尚早見到無咩人，又幾闊落，就一於入去試下 我地叫左雞泡魚乾香而不硬，咬落去口感極好雖然配埋個醬，但我都係鍾意就咁食多D之後叫左汁燒牛柳原來上面係燒烤醬，牛柳好LUM，咬落唔UN，又唔太咸牛精男朋友話呢個最好味之後有芝心丸同脆皮腸我以為好似自己BBQ 咁燒既，原來佢既芝心丸係燒到成粒金黃色咬落都有拉絲啊呀,唔錯脆皮腸就好似平時食個D咁之後仲有蒜蓉焗生蠔好多蒜好香啊~生蠔唔腥幾新鮮，大小適中食咁多熱氣野仲叫左加多寶降下火TIM

今日同朋友去開北角，兩個人唔知食咩好，見到有間串串貢就去左試，唔試由至可，一試就連唔鐘意燒烤既男朋友都讚不絕口 而最有特色就係牛舌同冷麵，首先冷麵唔同一般就噤加冷麵汁，而係會配有隻小小既鶉春蛋，食落口感滑溜溜。而牛舌其實就係店主推薦食既，食落落好有咬口又香口，仲唔會好有蘇味，加埋dd 黑椒同鹽吊味。最後一個要試既就係燒茄子，茄子夠大條，最值得一讚既就係有勁多既蒜泥蓉，啖啖都有蒜蓉，不過想食既朋友就要預返少少時間。

「天色已漸沉，落日如暮燈，深深深。」深宵時分相約親朋好友共聚，分享酒與肉，可以消減寂寞的情懷。這次小弟弟約了女朋友來我家裡與貓貓嬉戲，排解悶愁。不知不覺已到深夜，於是一行三人前往北角的串燒食堂享受宵夜。串燒食堂，取名源自日本流行的「深宵食堂」，供深宵寂寞人用餐與散心。舖面不算大，但串燒款式非常齊全。老闆也是Arsenal球迷，當談起死敵時，同仇敵慨；當談起Wenger時，搖首歎息。食堂的牆上貼滿了串燒的相片，客人可以參照相片點菜。以日式燒物的價錢而言，算是親民。既然老闆高度推介，一行三人盡情點菜，不飽無歸。首先介紹是的幾道招牌菜式。燒雞泡魚乾非常香口，配上微辣的沙律醬，的確是佐酒的好菜式。燒菠蘿有一股焦香，稍稍乾身，但入口有蜜糖的甜味。蒜蓉燒生蠔的香氣從遠處傳來，連蠔殼也燒得微焦，配上香蒜辣椒蔥粒，鮮中帶香辣，忍不住獨佔了兩隻。香燒明太子雞翼花了老闆不少心思，將明太子釀進雞翼裡面，在炙燒一段時間後，明太子與雞翼溶為一體，香氣四溢，口感亦有層次。車打芝士翠肉瓜將車打芝士稍稍溶卻後蓋於翠肉瓜面，既有翠肉瓜的清香，亦有芝士的油膩。辣虎皮尖椒入口辛香，椒籽刺激著味蕾，比起平時的尖椒更顯辛辣。濃

好耐無食串燒，經過又心思思想試下意想不到...有腸仔幾有bbq感覺, 食feel唔係食味道韮菜夠嫩, 係衰在好快灘凍啫牛舌, 是日最精彩爽口, 夠厚身, 食完再叫多串, 強烈推介蠔肉厚多汁, 不過蒜蓉唔係新鮮, 唔夠香, 有啲失色牛肉份量夠大, 肉汁多, 油脂亦多, 相當香口性價比相當高,雞皮唔太突出, 支竹簽非常熟口面, 唔知係支簽有牌子, 定係啲雞皮有牌子鵪鶉蛋燒得外皮煙韌, 配燒汁味道突出, 都係必試推介整體串燒表現幾好, 尤其牛舌同牛肉係物超所值其他唔計現成來貨, 都算幾好味

係北角放工，然後搵飯食行行下就見到呢間串燒店，見好似幾多選擇咁，就試下先蟹子蟹柳沙律份量十足，係略嫌沙律醬不夠多！燒雞泡魚乾保持到濕潤唔太乾，份量都唔少~燒秋葵，我最愛！加埋木魚碎同燒汁，食唔停口哦！燒雞翼，先將雞翼剪開再燒，外皮香脆，肉質仲仲保持juicy~ 豚肉車厘茄串，呢個好味，車厘茄好甜，值得推介！紐西蘭羊架，肉質軟熟，外圍有少少燶，好味道！燒韮菜，略嫌調味不夠，整體ok椒鹽雞軟骨，呢個正！夠香脆又夠味，熱辣辣，食完一粒又一粒！其實仲有好多嘢想試，下次約埋一班朋友齊齊去食先

一月生日嘅朋友特別多，所以通常會聚埋一同慶祝，不過今次有個朋友就去左去行，所以等佢回來先同佢補祝，但得兩個人食乜好，佢提意去食串燒，佢生日就由他決定吧！ 食串燒的地方唔係道道有，而且大部份係日本店先食到，今次呢個北角店以港式串燒為主。燒韭菜- 係大陸時食過今次見到更係要Order啦！ 唔知點解佢地諗到燒韭菜，不過真係幾惹味喎。高纖維健康滲出韭菜獨有香味！汁燒雞肝-曾經係日式串燒店食過令我改觀，今次又叫左食，質素都好好，燒得焦香潤澤，食落起綿綿口感！甘香！香燒明太子雞亦- 雞亦內藏著好多明太子好鮮味，配合啖啖雞肉。超惹味！ 燒生蠔 - 鮮甜但嫌蒜蓉過多蓋過蠔半身。之後再order同佢地講左少蒜蓉，就正好多了！燒雞亦- 燒得皮脆肉暖不過唔夠鹹，可以自己係枱面加調味。燒原隻魷魚筒 - 出奇地魷魚身軟一d都唔韌，有點咬口個汁甜醬油！而鬚就韌少少！滋味紐西蘭羊架- 燒得剛熟帶點羊騷味但可以接受，原全無騷又唔似食羊。肉質鬆軟，好味京蔥雞脾肉串 - 雞脾肉燒完還好滑加上濃味京蔥一 絕！

男朋友放工接我話book 左北角和富附近食串燒，他話做野經過呢間串燒店好幾次，好吸引想試好耐。再加上平時我都成日話想燒野食，所以佢見到串燒店就想帶埋我去食！其實食串燒兩個人每樣一兩串唔夠再叫可以多食到多d 款式，有唔使自己燒，即叫即燒店內唔算大但都坐得選舒服，牆上好多食物照片供參考！ 厚切牛舌心 $36好惹味爽口有嚼頭，用上黑椒調味！用上舌心就係最嫩部位！ 豚肉荔枝卷 $24用上豚肉包住多汁荔枝肉，外燒得豚肉微焦當咬落去時荔枝汁爆出！自然荔枝的果香同豚肉估不到佢地竟然咁夾。 川式香燒原條大茄子 $40準備上枱經過時也傳來陣陣孜然味香，原條大茄子上佈滿晒香蒜蔥粒，超級惹味！ 脆炸軟殼蟹salad $55炸得金黃香脆嘅軟殼蟹還冒著煙，熱辣辣再配埋新鮮沙律菜，兩者好能平衡菜減低炸野的熱氣。紐西灣羊架 $48肉質鬆軟簡單調味已出食羊本身嘅原味！ 正喎 香燒明太子雞亦 $20雞亦釀滿明太子在內，咬落明太子的鹹香粒粒口感同雞肉嘅滑都match到 ! 幾好味蜜糖墨魚丸 $17墨魚丸雖然係普通食物，但燒完後用蜜糖塗上燒後再塗多一層，簡單得黎已經好好味！

同老公兩個人去北角和富中心附近嘆串燒，講開之前表妺食過間串燒她極度推介，所以老公就話過去試囉，架車拍店門口睇住，因為四圍都無停車場，標位更加唔使諗！講翻先鋪頭唔算大但都坐得幾舒服！ 店內已經年青人傾計食串燒，滿牆壁都貼滿食物照片，好吸引呀！兩個坐低後就睇食物紙揀食物啦！ 即叫即燒，熱辣辣好正！ 唔使街邊企住食又嘆到串燒原來無加一收費架 老公推介如燒韭菜，韭菜本身屬濃味再加上孜然粉超惹味！ 好香$16一梳 燒雞中亦 用左日式鹽燒外皮脆仆仆又鹹香！ 一點都唔乾，每串 $20 都接受到！燒原隻魷魚筒 $78燒得剛熟唔靭兼易咬，size亦唔細，味道調得唔錯可能個燒汁帶點甜甜地！ 汁燒雞肝串 $32 串繼上次媽媽介紹我食後有點愛上，今次呢間還燒得更香口，食落甘香帶點粉粉地質感！ 老公都覺得幾野味 ! 鹽燒白鱔 $48 串我個人推介，先講白鱔由劏到處理完成非常需時，如果唔新鮮還會有泥味，送上枱時見到好肥美又乾身驚喜之作，味道鮮皮香脆肉軟滑無腥味，正呀汁燒牛肋條 $38串燒得係我心水嘅少許焦但有深啡食，一睇色澤就知醃得夠晒味，一食真係好入味但質地較需牙力，越嚼越出味接受到的 ! 最後叫多碗日本