丹麥餅店 (已結業)

今早行過鐵行里，見到有間新店裝修得幾靚，原來係《丹麥餅店》，以前經常幫襯銅鑼灣《丹麥餅店》嘅熱狗同炸雞髀。點內裝修簡潔，牆身貼滿背景為銅鑼灣《丹麥餅店》嘅黑白照片。我點咗份早餐～單腸熱狗併火腿通配凍檸茶，熱狗嘅奶油醬好惹味，腸夠熱而且不太咸，可惜包身無烘，比較腍；火腿通粉選用嘅係有坑紋嗰種通粉，比較有口感 ，可惜湯底偏淡;凍檸茶好甜。服務好殷勤，值得一讚。

「丹麥餅店」位於中環街市附近的小横街，由恒生總行過去都係三分鐘左右，唔算十分難搵。同銅鑼灣舖頭一樣主打丹麥熱狗，唔知係咪因為咁所以午餐選擇唔多，主打都係$40既套餐，一個自選飽再加煙肉蛋湯通/意同野飲，喺租金貴到乜咁既中環都叫尚算合理。食店地方唔算大，大約有二十幾個座位左右。位與位之間距離同一般茶餐廳差唔多，都係迫迫地不過都勉強夠位快快趣食完走人。Anyway，煎肉蛋意算整得唔錯，煙肉取材絕對唔係D下價貨，用油既份量亦都適中，煎既火路亦都唔會太猛過燶，香香口口咁口感唔錯。煎蛋方面亦都唔錯，煮法有D似飛機餐成日食到果種，係一大塊一齊煎然後再切開上碟，不過都叫做OK啦！至於湯意就好一般，冇乜野值得一提。奶茶方面就真係麻麻。可能因為茶膽茶葉不足或者煲茶既時間唔夠，所以茶既茶味唔夠，有少少水水地既感覺，呢度要扣小小分。等了又等，主角「雙腸熱狗」終於上場。由於個飽係新鮮即叫即整既關係，一咬落去鬆脆既感覺真好正！雖然D腸都係D普通茶餐廳貨式，但係當溶溶地既芝士撈埋飽裏面既煉奶mix and match出黎既口感真係好正，甜甜地之餘又有少少芝士既香味，喺飽面一啖咬落去既時候個感覺超正！Overall

既然我早前幫襯過中環鐵行里的 <丹麥餅店>，嚐過芝味無窮丹麥熱狗後，也要嚐一嚐沒有芝士的港式熱狗！ 港式熱狗（單腸）$29熱狗用上新鮮麵飽烘過底部及開邊的部分，入口鬆軟！富香氣！ 而港式熱狗沒有芝士，包裡主要以奶油來提味；包身塗上牛油，加一條熱辣辣煎過的香腸，簡單的港式美味！卻丹麥熱狗滋味！熱好立克入口濃郁的好立克味！順喉香滑！況且不用加糖已足夠甜度！茶餐廳的水準！

今日路過中環,知道丹麥最近於中環新開店,於是去試吓去到新鋪位置,位處一個後巷,入去坐低叫個下午茶,有芝士漢堡,一碗火腿旦意,一杯凍奶茶個火腿旦意好差,d意好硬,d旦過熟個芝士漢堡就出乎意料好,漢堡熱,有肉汁,即時想要多個,奶茶好淡茶味,可能因為茶膽唔夠濃總括37蚊(凍飲加3蚊)於中環有個茶餐,份量又夠,都算可以

得知丹麥餅店在中環鐵行里開業，興奮的和同事中午去買外賣。見餐牌有四款午餐，問店員那款好吃，她笑著說，全都好吃。好，我喜歡對自己店有信心的店員，於是四款全點了。跟著又見餐牌有炸洋蔥圈、雞翼和香蕉，於是本著新店什麼都試一點，又每様一份。孖腸芝士包的包比安樂園的包要大一倍，醬汁亦類似，但再加了芝士，好味。豬扒和魚柳都是即炸，包亦鬆軟，熱呼呼的。漢堡肉質ok,但加了洋蔥粒，頓時變得更香和多了層次。包當然不能跟洋食店比，但港式風味店來説，用心製作，誠意有嘉。煙肉是即煎的，炒蛋亦份量十足，可惜意粉和通粉都很粉，吸了湯更是糊糊的，要大大改善。炸物全都是即炸的，雞翼很脆，但肉身很乾，而且很細隻。炸洋蔥圈很大，最大的有直徑兩吋半。炸香蕉驟看以為是炸𧐢，因粉漿太厚。似乎意粉和炸粉漿都要改善！此店是全女班，整間店平實、整齊，分工合作，速度也快。會再來買早餐和炸雞脾！

早已是銅鑼灣老店的熱狗粉絲，是從那些年開始的，只是當有關它們將因整棟大廈被收購而將在不遠的日子光榮結業的消息傳出後，每次經過那裡，雖然很想回味一番，但都被店門前的長長人龍嚇住了，心裡只盼望餅店可以繼續經營，我能有機會再次品嚐我愛的孖腸芝士熱狗....怎知道有天午飯時間到這條小巷買飯盒，看到以前是回收店的位置變成一間新的食店，招牌寫著"丹麥餅店"，心裡猜想是否跟銅鑼灣的店是同一家，走到店的門口看看，貼著一張小通告，及一張食物餐單，證實是銅鑼灣丹麥餅店的新分店，將於5月26日正式開始試業。今天剛好外出工作，中午只吃過沙律的我，肚子發出抗議的訊息，就想到吃個簡單下午茶才回公司，馬上想起丹麥，5時多到達，發現它們的大閘已經半下，走進店裡問問是否還可以點食物，熱情的店員說"ok"，當下點了個孖腸芝士熱狗($29)及凍檸檬茶($18)。這個時間有機會看看店內的裝修，可能是為了紀念老店的多年經營風光，他們把老店的黑白相片放大後做成牆紙，讓客人品嚐食物的同時，可以看相片懷緬一番，很有意義呢!!新店仍以售賣熱狗及豬扒包、雞比雞亦等小吃為主，並增加了早餐、午餐及下午茶等的選擇。當芝士遇上熱熱的孖腸，即時溶

喜歡遊勻港九新界的靚女食友告訴我，位於中環中心 The Center 的一條小後巷裡，發現一間招牌貼上紅色紙的新店 ！於是，我放工後專程走到中環中心，找一找隱身於鐵行里的新店！由於，當時已經下午 6:00！店子已收舖！我卻見到店名為 <丹麥餅店>！改天星期六下午再來，可是試業關係，貨源不足！ 只好找天來幫襯！5月26日(星期一)  才正式開業！丹麥餅店這個店名對我來說較為陌生，因為，我從未幫襯過！查看 Openrice 的餐廳資料，原來分別銅鑼灣嘉路連山道及尖沙咀厚福街也有分店！ 早前，屹立銅鑼灣嘉路連山道逾 40 多年的老舖，亦以七千多萬易手！相信是新業主加租迫遷的原故吧！而茶餐廳格局的中環新店，為了緬懷銅鑼灣嘉路連山道老舖昔日40 多年的光景，牆身以放大版黑白照影低當時結業前後的情景！ 業主加租令老舖結業這事實，難免令人感到悕憈！店內不論老闆娘抑或店員上上下下，也是全女班！ 估計負責廚房部的女店員們是舊舖過來，可保留港式原有風味！<丹麥餅店> 供應：早餐、午餐及下午茶，港式熱狗、丹麥熱狗、豬扒包、通粉、意粉、小食、飲品...等，應有盡有！ 其招牌貨非